سېتىف جوبىس (Steve Jobs) ئالەمدىن ئۆتتى
ئامېرىكا ئالما شىركىتى : ئالما شىركىتىنىڭ قۇرغۇچىسىنىڭ بىرى ، ئالما شىركىتىنىڭ سابىق باش ئىجرائىيە ئەمەلدارى سېتىف جوبىسنىڭ ئالەمدىن ئۆتكەنلىكىنى جاكارلىدى .
جوبىسنىڭ يېقىنقى كۈنلەردىن بۇيانقى سالامەتلىك ئەھۋالى ناچارلاشقان بولۇپ ، ئاشقازان ئاستى بىزى راكىغا گىرىپتار بولغان ھەمدە جىگەر ئۇلاش ئوپراتسىسى قىلدۇرغانلىقتىن بەدەن ئېغىرلىقى تەدبىرىجى تۆۋەنلىگەن . ئامېرىكا ۋاقتى چارشەنبە كۈنى 56 يېشىدا ئالەمدىن ئۆتكەن .
ئامېرىكا ئالما شىركىتىنىڭ مۇسىبەت خەۋىرىدە تۆۋەندىكىدەك مەزمۇنلار يېزىلغانىدى :
ئالما شىركىتى يېراقنى كۆرەر ۋە يېڭىلىق يارتىشقا باي تالانت ئىگىسىدىن ئايرىلدى . ئىنسانلار چۈشىنىپ بولالمايدىغان بىر كىشىدىن ئايرىلدى . جوبىس بىلەن بىللە خىزمەت قىلغانلار يېقىن دوستى ۋە ئۇستازىدىن ئايرىلدى . سېتىف جوبىس پەقەت ئۇ ئۆزىلا قۇرۇپ چىقالايدىغان شىركەتنى قالدۇرۇپ كەتتى ، ئۇنىڭ روھىي مەڭگۈ ئالما شىركىتىنىڭ روھى بولۇپ قالغۇسى !
سېتىف جوبىس 1955 - يىلى 2 - ئاينىڭ 24 - كۈنى ئامېرىكىنىڭ سان - فرانسىسكو شەھرىدە دۇنياغا كەلگەن . ئۇ ئەمدىلا تۇغۇلغاندا سان - فرانسىسكودا تاماقخانىدا ئىشلەيدىغان ئاتىسى بىلەن قاۋاقخانا باشقۇرىدىغان ئانىسى ئۇنى تاشلاپ كىتىپ قالغان . بەختكە يارىشا ئۇنى بىر جۈپ ئەر - خوتۇن بىقىۋالغان .
1976 - يىلى جوبىس ، ۋوز ، لوڭ ۋىينالار كىيىنكىلەرگە تەسىر كۆرسىتىدىغان بىر ئىشنى قىلدى ، يەنى ئۇلار بىر توختامغا ئىمزا قويۇپ ، بىر كومپىيۇتىر شىركىتى قۇرۇشنى قارار قىلدى . شىركەتنىڭ نامى جوبىسنىڭ تەشەببۇسى بىلەن ئالما بولۇپ بىكىتىلدى . كىيىنچە بۇ شىركەتنىڭ تاۋار ماركىسى «چىشلەپ قويۇلغان ئالما» بولۇپ قالدى .
http://news.ifeng.com/world/detail_2011_10/06/9657677_0.shtml
http://news.ifeng.com/world/detail_2011_10/06/9657874_0.shtml
http://news.ifeng.com/world/detail_2011_10/06/9657944_0.shtm