بۈگۈن ئەدىب ئابدۇرېھىم ئۆتكۈر ۋاپاتىنىڭ 16

dosyar.

	جۇڭگو ئۇيغۇرچە رادىيو تورى تەھرىر ئىلاۋىسى: 2011-يىلى 5-ئۆكتەبىر — 20-ئەسىر ئۇيغۇر ئەدەبىياتىدا مۇھىم ئورۇن تۇتىدىغان داڭلىق ئەدىب، شۇنداقلا، ئۆزىنىڭ ئېسىل پەزىلىتى، مول بىلىمى، قىممەتلىك ئەدەبىي مىراسلىرى بىلەن خەلقىمىزنىڭ قەلب تۆرىدىن چوڭقۇر ئورۇن ئالغان ھۆرمەت ساھىبى ئابدۇرېھىم ئۆتكۈر (1995.10.5-1923) ۋاپاتىنىڭ 16 يىللىقى. بىز مەركىزىي خەلق رادىيو ئىستانسىسى ۋە جۇڭگو ئۇيغۇرچە رادىيو تورىدىكى بارلىق خادىملار ئەدىب ۋاپاتىنىڭ 16 يىللىقىنى چوڭقۇر سېغىنىش ئىچىدە خاتىرىلىمەكتىمىز. ئۇيغۇرچە ئاڭلىتىشىمىزنىڭ «رادىيو ژۇرنىلى» پىروگراممىسى ئەدىبنى خاتىرىلەپ، مەخسۇس پىروگرامما ئىشلىدى. پىروگراممىنىڭ تۇنجى ئاڭلىتىلىش ۋاقتى: 11:30 (ئۈرۈمچى ۋاقتى)، تەكرار ئاڭلىتىلىش ۋاقتى: 19:30 (ئۈرۈمچى ۋاقتى). ئابدۇرېھىم ئۆتكۈر (1923-1995.10.5) 20-ئەسىر ئۇيغۇر ئەدەبىياتىدا مۇھىم ئورۇن تۇتىدىغان داڭلىق ئەدىب، شۇنداقلا، ئۆزىنىڭ ئېسىل پەزىلىتى، مول بىلىمى، قىممەتلىك ئەدەبىي مىراسلىرى بىلەن خەلقىمىزنىڭ قەلب تۆرىدىن چوڭقۇر ئورۇن ئالغان ھۆرمەت ساھىبى ئابدۇرېھىم ئۆتكۈر ئۆزىنىڭ كۆپ قىرلىق ئىجادىيىتى بىلەن ئۇيغۇر ھازىرقى زامان ئەدەبىياتىنىڭ تەرەققىياتى ئۈچۈن گەۋدىلىك تۆھپىلەرنى قوشقان. «ئۇلۇغ ئانا ھەققىدە چۆچەك»، «قەشقەر قىزى»، «ياخشى»، «مەن ئاق بايراق ئەمەس» قاتارلىق شېئىرلارنى يېزىپ، ئۆزىنىڭ شېئىرىي تالانتىنى نامايەن قىلغان بولسا، «ئىز»، «ئويغانغان زېمىن» دىن ئىبارەت تارىخ تېمىسىدىكى رومانلىرى ئارقىلىق تارىخىي رومانچىلىقنىڭ يۇقىرى سەۋىيەسىنى ياراتقان. كۆپلىگەن ئىلمىي ئەمگەكلىرى ئارقىلىق ئۇيغۇر ئەدەبىياتى ۋە مەدەنىيىتى تەتقىقاتىنى يېڭى بىر پەللىگە كۆتۈرگەن. ئۇ يېرىم ئەسىردىن ئارتۇقراق داۋاملاشقان ئەدەبىي ئىجادىيەت ھاياتىدا ئەدەبىياتنىڭ ھەممە ژانىرلىرىدا دېگۈدەك قەلەم تەۋرىتىپ، بىر مۇنچە مۇنەۋۋەر ئەدەبىي ئەسەرلەرنى يېزىپ، ئىجادىيىتىدە ناھايىتى زور مۇۋەپپىقىيەتلەرگە ئېرىشىپ، خەلقىمىزگە ئاز بولمىغان قىممەتلىك ئەدەبىي مىراسلارنى قالدۇرۇپ كەتتى. ئۇنىڭ ئۇيغۇر ئەدەبىياتىنىڭ تەرەققىياتىغا، گۈللىنىشىگە قوشقان تۆھپىسى ئاز ئەمەس. ئۇنىڭ زاماندىشى، مەرھۇم ھاجى ئىمىن تۇرسۇن ئابدۇرېھىم ئۆتكۈرگە باھا بېرىپ: «كىشى مەڭگۈ ياشىيالمايدۇ. بەزىلەر جىسمانىي جەھەتتە ئۆلۈش بىلەنلا بۇ دۇنيادىن نامىمۇ ئۆچىدۇ، لېكىن بەزىلەر ھاياتىدا ئەزگۈ ئىشلارنى قىلغانلىقى ئۈچۈن، نام-ئاتىقى مەڭگۈ ئۆلمەيدۇ. بەزىلەر ‹نامىمنى چىقىرىمەن› دەپ ھەر قىسما ئىشلارنى قىلىپ باقىدۇ. ھەتتا ۋەتەننىڭ، جۈملىدىن مىللەتنىڭ جانىجان مەنپەئەتلىرىنى شەخسىي ھالاۋىتى ئۈچۈن پايمال قىلىۋېتىدۇ. بەزىلەر باشقىلارنىڭ كۆمىچىنى كۈلدە قالدۇرۇپ، ئۆز كۆمىچىگە چوغ تارتىدۇ. ئابدۇرېھىم ئۆتكۈر بولسا، ئەزگۈ ئىشلىرى بىلەن ئەزگۈ نامىنى قالدۇرغان ئەزىز زات!» دېگەنىدى مەنبە: جۇڭگو ئۇيغۇرچە رادىيو تورى

帅哥王子

	مەزكۇرنىڭ ئۆلۈمى ئۇيغۇر ئەدىبىيات -سەنئەت ئىلشلىرىدىكى زور يوقىتىش،،،

yamgur521

	مەزكۇر ئەمەس مەرھۇم.

مارشال

	ئەلۋىدا،ئۇنىڭ ئەسەرلىرى ئۇيغۇر ئەدەبىياتى بىلەن مەڭگۈ ياشايدۇ،خەلق قەلبىدە مەڭگۈ ياشنايدۇ. ئۆتكۈر دەيدۇ تاغلار باش ئېگىپ، ئۆتكۈر دەيدۇ دەريا چايقىلىپ. ئۆتكۈر دەيدۇ ئويغانغان زېمىن، جۇدالىقتىن قاتتىق سىلكىنىپ. ئالىقانلاردا ئۇچلانغان تاۋۇت، كۆكتە لەرزان ئۈزىدۇ مەغرۇر. مۇسىبەتتىن ئېغىر كېلىدۇ، ئالىمىدىن ئايرىلغان ئۇيغۇر. بۇغدا چېگىپ بېشىغا لېچەك، ئوغلى ئۈچۈن تۇتۇپتۇ ماتەم. مۇسىبەتكە پاتقان كوچىلار، دەريا كەبى ئاقىدۇ ئادەم. سوزۇلسىمۇ ئۇزاققا دوقال، قىشنىڭ كەينى ھامان ياز ئىدى. تۇيۇقسىزلا كەتتىڭغۇ ئەجەپ، بىزدە سەندەك ئالىم ئاز ئىدى. -تۇلۇقسىزدىكى كونا ئەدەبىيات دەرسلىكى، مۇشۇنچىلىك يادقا ئۇقىدىكەنمەن.

nazigul8

	مەرھۇم ئابدۇرېھىم ئۆتكۈر روبائىلىرى   ئۆمۈر مەنزىلى ئاق قەغەزگە ئوخشار،   ھەر باسقان قەدەمدە بىر ئىزىڭ قالار.   گاھ ماختان ، گاھ ئۆكۈن، ئۆزۈڭنىڭ ئىشى،   ئەڭ ئادىل ھۆكۈمنى ئەل ئاڭا يازار.   ئەل ئۈچۈن يۈگۈرتسەڭ قەغەزدە قەلەم،   تاغلارنىڭ بېشىغا تىكەرسەن ئەلەم.   ۋە لېكىن، سۇ قوشۇپ قويساڭ سىياغا،   ئىزلىرىڭ تېز ئۆچۈپ چېكەرسەن ئەلەم.   ماڭلايدىن ئاقمىسا تارام -تارام تەر،   كۆكەرمەس ھىچقاچان باھاردىمۇ يەر.   بىلىم مەنزىلىمۇ تاشلىق، داۋانلىق،   نىچۈك ئالغاي مېدال، جەڭدىن قاچار ئەر.   ئالدىڭدا يېقىغلىق شام چىراققا باق،   كېچىنى قىلىدۇ كۈندۈزدەك ئاپئاق.   تەپەككۇر كۆزىدە ئۇنى بىر كۈزەت،   ئۆزىچۈن يانامدۇ ئۇشبۇ شام-چىراق.

مارشال

	بۇ شېئىرنى كۆرۈپ بېقىڭلار: https://uyghur-archive.com/misranim/viewthread.php?tid=52240

sumaya0999

	نام - ئاتىقى مەڭگۈ ئەستىن چىقمايدىغان ئىسىل يازغۇچىمىز بىزدىن ۋاقىتسىز ئايرىلغان بۇلسىمۇ   ئۇنىڭ بىزگە مىراس قالدۇرغان قىممەتلىك ئەدىبىي مىراسلىرى ھەرگىز ئۇنتۇلمايدۇ。。。

perfume

	ئاپتور جاۋابىنى بويلاپ 1قەۋەت  帅哥王子 كە 2011-10-05 04:44 PMئەۋەتىلدى  : مەزكۇرنىڭ ئۆلۈمى ئۇيغۇر ئەدىبىيات -سەنئەت ئىلشلىرىدىكى زور يوقىتىش،،،    بۇ ئىپادىلىشىڭىز تازا توغرا بولمىدىمۇ قانداق؟؟ھەممە ئاەم ئۆلىدۇ ،باشقا ئكلۈم كەلگەندە ئەلەكمۇلىللا دىمەكتىن باشقا ئامال يوق،ئاپتۇر بىزگە قىممەتلىك ئەسەرلىرىنى قالدۇرۇپ كەتتىغۇ؟؟؟!!!

osmanjan37

	ئالىمىز گەرچە بىزدىن ۋاقىتسىز كەتكەن بولسىمۇ،  بىزگە ئۆلمەس ئەسەرلەرنى قالدۇرۇپ كەتتى ، ئۆچمەس ئىزلارنى قالدۇرۇپ كەتتى...... بىز ئەۋلادلار    ئۇلارنىڭ ئىزىدا مېڭىش بىلەن پەخىرلىكمىز!