سىيىت نوچى گاڭگۇڭمۇ، بىز ئەخمەقمۇ؟

تۇران

	سىيىت نوچى گاڭگۇڭمۇ، بىز ئەخمەقمۇ؟           مەن توردا سىيىت نوچى ھەققىدىكى بەس- مۇنازىرىنى كۆرۈپ بىزنىڭ ھە دېگەندە مەسلىنىڭ ماھىيەتلىك تەرىپىدىن ئۆزىمىزنى قاچۇرۇپ، ھادىسىلىك تەرەپكە ئېسىلىۋالىدىغانلىقىمىز، ھەققانىراق بولماي ھىسياتقا بېرىلىدىغانلىقىمىز، كىم نېمە دېسە، شۇياققا دۇمىلايدىغانلىقىمىز، ئۆزىمىزگە خاس بىر مۇستەقىل پىكىر قىلىش ئىقتىدارىمىزنىڭ يوقلىقىدىن ئەپسۇسلاندىم.      سىيىت نوچى، سىيىت گاڭگۇڭغا باھا بېرىشنىڭ يادرولۇق تەرىپى زادى قەيەردە؟ ئۇنىڭ ئۆزىنىڭ ئۆلۈم خېتىنى ئۆزى ئاپارغانلىقى، «مېنى ئاتساڭ ئۇستاڭ ئات، نائۇستاڭ يېقىن كەلمە» دەپ چىرىكلەرنى غال- غال تىترەتكەنلىكى، قارا شەھەر دەرۋازىسىنى پەشۋادا ئاچقانلىقى قاتارلىق تەپسىلاتلارمۇ، ياكى ئۇنىڭ ئۆز دەۋرىدىكى خەلقنىڭ ئەشەددى دۈشمەنلىرى، ئەزگۈچى، ئىكىسپىلاتاتسىيە قىلغۇچى سىنىپنىڭ ۋاكىلى ماندارىن بىلەن ماتىتەيدىن ئىبارەت جاللاتلار بىلەن بولغان مۇئامىلە- مۇناسىۋەتنىڭ خاراكتىرىمۇ؟       توردا سېيىت نوچى داستانى ھەققىدە مۇھاكىمە ئېلىپ بېرىپ، سىيىت نوچىنىڭ «نادانلىق»نى ئاق كۆڭۈللۈك، سەمىمىيلىك، ساددىيلىق باشقىلارغا ئاسانلا ئىشىنىپ كېتىشتەك ئاجىزلىق دەپ قارىغان، كىشىلىك مۇناسىۋەتتىكى ئاقكۆڭۈللۈك، سەمىمىيلىك، ساددىلىق باشقىلارغا ئاسانلا ئىشىنىپ كېتىشنىڭ خاراكتىرى بىلەن، ھۆكۈمران، ئەزگۈچى سىنىپلارنىڭ ھىلە- مىكىرىگە ئالدىنىپ كېتىشنىڭ خاراكتىرىنى پەرقلەندۈرۈش كېرەك، ئالدىنقىسى ئىجابىي مەنىگە ئىگە بولسا، كېيىنكىسى سەلبىي مەنىگە ئىگە بولىدۇ. دۈشمەن بىلەن بولغان مۇئامىلە- مۇناسىۋەتتە ئامانەت ۋە خىيانەت مەسلىلىرىنى ئارلاشتۇرىۋېتىشكە بولمايدۇ. چۈنكى ئىسلام ئەقىدىسىدە قانداق چاغدا يالغان سۆزلەش، قانداق ۋاقىتتا راسىت سۆزلەشنىڭ ناھايىتى ئېنىق پىرىنسىپى بار. دىنىي ئىسلامنىڭ ھېچقانداق يېرىدە زوراۋان كۈچلەرنىڭ ئالدىدا راسىت سۆزلەپ، ئۆزۈڭلارنى ئۆلۈمگە تۇتۇپ بەرساڭلار مىللىي قەھرىمان ھېسابلىنىسىلەر دەيدىغان ئىبارە يوق.       تارىخىمىزدا كىمگە ئىشىنىش، كىمگە ئىشەنمەسلىك مەسلىسىدە توغرا يول تاللىيالماي تىراگىدىيەلىك تەقدىرنىڭ قۇربانى بولغان ۋەقەلەر كۆپ كۆرۈلدى. يېقىنقى زامان تارىخىمىزدا تۆمۈر خەلپە قوزغىلىڭى شەرقىي شىنجاڭنى قاپلاپ ئۆز دەۋرىدىكى جاللات ياڭزېڭشىننى قاتتىق ساراسىمىگە سالدى. ئۇ قاتتىق ۋاستىلارنى ئىشلىتىپ مۇۋەپپىقىيەت قازىنالمىغاندىن كېيىن، سۈلھى ۋاستىنى قوللىنىپ، تۆمۈر خەلپىنىڭ ئەقىدىسىدىن پايدىلىنىپ، ئۇنى يوقۇتۇشنى پىلانلىدى. لىشىفۇ دېگەن تۇڭگاننى تۆمۈر خەلپىنىڭ يېنىغا ئەەۋتىپ، تۆمۈر خەلپىنىڭ ئالدىدا «قۇرئان» تۇتۇپ قەلىپ قىلىپ، ياڭزېڭشىننىڭ يامان نىيتى يوق دەپ تۆمۈر خەلپىنى ئىشەندۈردى. نەتىجىدە تۆمۈر خەلپە خەلىقنىڭ ئەشەددىي دۈشمىنى، بىر جاللاتنىڭ يېنىغا پانا تىلەپ ماڭدى. نەتىجىدە تۆمۈرخەلپە ئۆزىنى قوغداپ قالالمايلا قالماي، ئۆزى بىلەن بىرگە ئېلىپ بارغان 200 ئاتلىق پالگاننىڭ ۋە تۈمەنلىگەن خەلىقنىڭ قان قەرزىگە بوغۇلغان ئىدى. تۆمۈر خەلپە نوچىمۇ؟ تۆمۈر خەلپە نادان خەلپە، ئەخمەق خەلپە، يىراقنى كۆرەلمەيدىغان خەلپە. تۆمۈر خەلپىمۇ سېيىت نوچىدەك ھەققانىيەتنى ياقىلايىتتى، خورلۇققا تەڭسىزلىككە قارشى تۇرىدىغان، ناھەقچىلىقنى كۆرگەندە سۈكۈت قىلىشنى نومۇس دەپ بىلىدىغان ئالاھىدىلىككە ئىگە ئىدى، بىراق نادانلىقى، نەپسانىيەتچىلىكى، تەكەببۇرلىقى قاتارلىق ئاجىزلىقلىرى ئۇنىڭ يۇقارقى ئالاھىدىلىكلىرىدىن غالىپ كەلدى. شۇڭا خەلق ئارىسىدا:      تۆمۈر خەلپە باش بولۇپ،      ئوخشاتمىدى ئىشىنى.      تەكەببۇرلۇق دەستىدىن،      تەڭ كۆرمىدى كىشىنى.     دېگەنگە ئوخشاش قوشاقلار تارقالغان ئىدى. خەلىق ئۇنىڭدىن ياڭزېڭشىننىڭ قېشىغا بارساڭ ئۆلۈم بار دەپ ئەسكەرتىپ تۇرسىمۇ، خەلپىلىكنى پولكوۋنىكلىققا تېگىشتى. بىز بۈگۈنگە كېلىپ «ئەقىدىگە خىيانەت قىلىشنى گۇناھ دەپ بىلگەن، گاڭگۇڭ، مەرت» دەپ ئاقلايمىزمۇ؟ بىزگە ئىشنىڭ جەريانى كېرەكمۇ؟ نەتىجىسىمۇ؟ ئەمەلىيەتتە خەلىق دۈشمەنلىرىنىڭ قولىدىكى قۇرئان قۇرۇق قەغەز پارچىسى خالاس، ئۇلار ئۇنىڭدىن خەلىقنى ئالداش بىخۇد قالدۇرۇش ئۈچۈن پايدىلىنىدۇ. بۇ ھەقىقەتنى تۆمۈر خەلپە بىلمىگەن. شۇڭا شۇنچە زور ئىنقىلاب تىراگىدىيەلىك باستۇرۇلغان.      سىيىت نوچى كىمنىڭ مەيدانىغا ۋەكىللىك قىلىدۇ؟ ئەمەلىيەتتە سىيىت نوچى ئىزىلگۈچى خەلىقنىڭ بىر ئەزاسى ئىدى. ئۇلارنىڭ سۈيىدە ئاقاتتى، ئوتىدا كۆيەتتى، ئۇلار بىلەن ھەمنەپەس تەقدىرداش ئىدى. ماشىياۋۋۇ ، ماتىتەي خەلىقنىڭ دۈشمەنلىرى ئىدى.  خەلىق بىلەن ئەزگۈچى كۈچلەرنىڭ ئوتتۇرىسىدىكى مۇناسىۋەت قانداق مۇناسىۋەت؟ ئەزگۈچى سىنىپلار خەلىقنى ئىزىش، ئەخمەق قىلىش، مەسخىرە قىلىش، ئالداش ۋە ئۇلارنىڭ يىلىكىنى قۇرۇتۇش مۇناسىۋىتى؛ سىيىت نوچى بىلەن ماشىياۋۋۇ، ماتىتەي ئوتتۇرىسىدىكى مۇناسىۋەت ئالدىنىش، ئىشنىپ كېتىش ۋە شۇنىڭ ئۈچۈن مەسخىرە ئوبىيكتى بولۇش، ئاقىۋەتتە ئۇلارنىڭ قولىدا ھالاك بولۇش مۇناسىۋىتىدىن ئىبارەت. بۇ مۇناسىۋەتتە غالىب كىم؟ ماشىياۋۋۇ ۋە ماتىتەي ۋەكىللىك قىلغان ئەزگۈچى سىنىپ. مەغلۇبىيەتچى كىم؟ سىيىت نوچى ۋەكىللىك قىلغان نادان خەلىق ئاممىسى. سىيىت نوچىنىڭ قىممىتى نەدە؟ ئۇنىڭ تارىختا ھۆكۈمران كۈچلەرگە ئىشىنىپ كەتمەسلىك، ئۇلارنىڭ ھىلە مىكرىگە ئالدانماسلىق، دۈشمەن بىلەن ئۆزى ئوتتۇرىسىدىكى چەك چىگرىنى ئېنىق ئايرىش كېرەكلىكىدىن ئىبارەت ئىبرەتنى ساۋاق قالدۇرغانلىقىدا.      بىز شۇنداق بىر ھەقىقەتنى بىلىمىزكى، ئالداشمۇ گۇناھ، ئالدىنىشمۇ ئوخشاشلا گۇناھ. دۈشمەنگە ئالدىنىشنى باتۇرلۇق، گاڭگۇڭلۇق دەپ جار سېلىش ئەخمەقلىق.

arislana

	مەن كۆرىۋاتقان جىق ماتىرىياللاردا ئۇيغۇرلارنىڭ قەدىمدىن ھازىرغىچە بولغان كەمچىلىكىنى،نادانلىق، قىززىق قانلىق، ھەدىدىن زىيادە ئاق كڭۈللبك دەپ قاراپ كەلگەن، لېكىن سىز سىيىت گاڭگۇڭنىڭ ئورنىدا تۇرۇپ ئويلاپ بېقىڭ، تۆمۈر خەلپە ئورنىدا ئويلاپ بېقىڭ، سىيىت گاڭگۇڭ: شۇنچە ئىشلارنى قىلىپ، زۇلۇمغا چىدىمىغان بىر ئەركەك بولۇش سۈپىتى بىلەن ئەل ئارىسىدا تونۇلدى، گاڭگۇڭ دەپ نام ئالدى، ئەڭ ئاخىرىدا، ئۇنىڭ ئۆلۈم خېتى قولىغا تۇتقۇزۇلغاندا، باشقىلارنىڭ رىزقىغا خىيانەت قىلماي دەپ ئۇنى ئامبال قېشىغا ئاپاردى، ئەگەر ئۇ سىيىت گاڭگۇڭنىڭ ئۆلۈم خېتى بولماي، خەلىققە مانچىلىك قوناق تارقىتىلسۇن دىگەن خەۋەر بوپ قالغان بولسىچۇ؟ ئەلۋەتتە، ھازىر بۇنداق دېگىنىمنىڭ ئاساسىي يوق،لېكىن سىيىت نوچى خەت ئۇقمايدۇ، مانا بۇ ئۇنىڭ ئەجەللىق نۇقسانى.ئەركەك باشقىلارغا بەرگەن ۋەدىسىدە تۇرىدۇ دەپ ئاپاردى،خەتنىڭ مەزمۇنىنى بىلگەندىن كېيىن، قاچساڭمۇ بولىدۇ دېسە قاچمىدى، بىر پۈتۈب خەلىق ئەل بىلىدىغان، نامى مەشھۇر نوچى سىيىت گاڭگۇڭ ئۆزىنىڭ ئۆلۈم خېتىنى ئېلىپ كېلىپ، ئۇقماي، ئۆلۈم خېتى ئىكەنلىكىنى بىلگەندىن كېيىن قېچىپ كېتىپتۇ دىگەن بۇ ئىززاغا ئۇ چىدالامدۇ؟توشقاننى قومۇش ئۆلتۈرەر، ئادەمنى نومۇس!! ئۇ ھايات قالغان بولسا ئۇ يەنە ياخشى ئىشلارنى قىلىشى مۇمكىن ئىدى، ئەمما ئۇنى كىم قەسلىدى؟ ئۆزىمۇ؟ ياكى شۇ زەھەرخەندە ھۆكۈمەتمۇ؟   ئېنىقلا ھۆكۈمەت، ئۆزى پەقەت ئىززادىن قوقتى خالاس، ئۆلۈمدىن قورقۇشتىن، ئىززادىن قورقۇش ياخشى دەپ ئويلايمەن، شۇڭا ئۇ باتۇر! تۆمۈر خەلپە- ئۇ ئىنقىلاپ قىلدى، ئۈچ ۋىلايەت ئىنقىلابى، غوجىنىياز ھاجىم ئىنقىلابلىرىنىڭ ئۈلگىسى بولالىدى،تېما يوللۇغىچى ئۇنى ئاخىرىدىكى ئىشلىرىغا قارتا، نادان خەلپە، دۆت خەلپە قاتارىغا چىقىرۋىتىپتۇ ئەمما مېنىڭچە، شۇ دەۋىردىكە ئىكىسپىلاتاسىيەنى ھارغۇچە تارتقان، باج سېلىق ھاشارلار بوينىغا ئوتتا قىزدۇرۇلغان زەنجىردەك ئېسىپ قويۇلغان شۇ ۋاقىتتا، كىممۇ زۇلۇمسىز، ئارام خۇدا ياشاشنى ئويلىمىسۇن؟ تۆمۈر خەلپىمۇ پەقەت ساددىلىقتىن كەتكەن يېرى بار، مېنىڭچە ئۇنىڭ ئويلىغىنى، ھۆكۈمەت بىلەن ياراشساق، بۇلار چۆچىگەن بولسا خەلىققە ئاراملىق بەرسە، خەلىق ئەمىن ياشىسا دىگەننى ئويلىغان بولۇشى مۇمكىن، تامامەن مۇمكىن، قايسى بىر ئەزمەت ئۆز خەلقىنىڭ دەرت ئەلىمى، قايغۇ ھەسىرتى، خۇشاللىقىنى ئويلىماي باتۇر سانالغان دەيسىز؟ مېنىڭچە بۇلارغا باھا بېرىلگەندە ئۇلارنىڭ تۇرۇشلۇق زامان ماكان ئارقا كۆرنىشىگە دىققەت قىلىش كېرەك. ئىشنىڭ ئاقىۋىتىنىلا ئويلىماي، جەريانىنىمۇ ئويلاپ قويۇش مۇھىم دەپ قارايمەن.

kizhumar0998

	تارىخى شەخىسلەرگە باھا بېرىشتە بۇنداق يۈزەكى تەھلىل يۈرگۈزسەك ئاسانلا خاتالىشىپ قالىمىز، مەن تېما ئىگىسى ۋە تورداشلارنى تۆۋەندىكى ئادرىستىكى تېمىنىڭ ئىنكاسلىرىنى باشتىن ئاخىر ئوقۇپ چىقىپ، تارىخى شەخىسلەرگە قانداق باھا بېرىشنى ئۆگۈنۈپ ئاندىن باھا بېرىپ بېقىشىنى تەۋسىيە قىلىمەن: http://www.izdinix.com/ShowPost.aspx?ThreadID=42187

osmanjan37

	ئۇلارنىڭ تارىختا خەلق  ئۈچۈن نۇرغۇن ئىشلارنى قىلغىنى راسىت، لىكىن ئاخىرىدا يەنىلا شۇلارنىڭ ھېلە-مىكىرلىرىدىن قۇتۇلالمىدى. ئۇلار نېمە قىلسا خەلق ئۈچۈن قىلدى، لىكىن ئاخىرىدا ئويلىمىغان نەتىجە چىقتى ، بۇنىڭلىق بىلەن ئۇلارنى ئۇنداق مۇنداق دېيىشىمىز  تازا توغرا ئەمەس ، ھازىرمۇ  نۇرغۇن كىشلەر ئالدىنۋاتىدىغۇ؟  لېكىن ئۇلار خەلىقنىڭ  پىكىرنىمۇ ئويلاشقان بولسا  ئاخىرى مۇنداق ئاخىرلاشماس بولغۇيتى . مەسىلەن: سىيىت نوچى قاچقان بولسا  ، كىيىنكى ھاياتىدا خەلق ئۈچۈن يەنە نۇرغۇن ئىشلارنى قىلالايتى . ئەپسۇس  ئۇ ئۆلۈمىنى تاللىدى......

sahrayi-tarim

	كىشىنى كىشىگە سېلىشتۇرمايمۇ تەھلىل ئېلىپ بارغىلى بولىدۇ.... ھەر كاللىدا ھەر خىيال

Hidayet

	بۇ تېمىغىمۇ ئوت كېتىدىغان بولدى.‹‹ئۆلگەنلەرنىڭ غەيۋىتىنى قىلماڭلار...››دەپ مۇنازىرىنىڭ نورمال رەۋىشتە ئېلىپ بېرىلىشىغا توسقۇنلۇق قىلىدىغان قېرىنداشلىرىمىزغا ئالدىنئالا ۋاكسىنا ئۇرۇپ قوياي.نادانلىق،جاھىللىق،زۇلۇم قاتارلىق ئىشلارغا سەۋەب بولغان شۇنداقلا ئەۋلادلىرىنىڭ ئىسىقبالىغا سەلبىي ئاقىۋەتلەرنى ئېلىپ كەلگەن تارىخىي شەخسلەرنىڭ ئىسمىنى ئاتاپ تۇرۇپ ساۋاق ئالمىساق بىز مەڭگۈ زىيان تارتىۋېرىمىز.ئېشەكمۇ‹‹پۇتى سېپىلىپ كەتكەن تۆشۈككە كەلگەندە ئەگىپ ئۆتۈپ كېتىدۇ››دەيدىغان تەمسىلىمىز بار،ئەجىبا بۇ يەردە ئاتا-بوۋىلار ئېشەكنىڭ غەيۋىتىنى قىپتىمۇ؟گەپ دىگەننى ئويلاپ قىلىلى.ماقۇل!بەزىلىرىمىز دىگەندەك بىز نادان،ئۆز بېشىمچى،ئىتتىك شۈكۈر قىلىدىغان،خەقنىڭ ئالدام خالتىسىغا چۈشېۋېرىدىغان كىشىلەرنى ئەيىپلىمەيلى،ئۇلاردىن ساۋاق ئالمايلى،ئۇلار نىمىلا ئىش قىلسۇن ئۆلۈپ كەتكەن مىللەتدېشىمىز بولغانلىقى ئۈچۈن تەجرىبىلەرنى يەكۈنلىمەيلى...شۇنداق قىلىدىغان بولساق ئاللاھ مىللىتىمىزگە مىڭ قېتىملاپ پۇرسەت بەرگەن تەقدىردىمۇ ئەھۋالىمىز ھازىرقىدەك ھەتتا بۇنىڭدىنمۇ بەتتەر يۈرىۋېرىدۇ.قېرىنداشلار بىز توردا سېيت نوچىىڭ ياكى تۆمۈر خەلپىنىڭ ۋە ياكى باشقا كىشىلىرىمىزنىڭ ئىسمىنى ئاتاپ قەستەن ئۇلارنىڭ ئەيىپىنى ئېچىپ،يامان گېپىنى قىلىپ ياكى شەخسىيىتىگە قارىتا زەھەرخەندىلىك بىلەن سۆزلەپ بىكارچىلىقتىن تاماشا كۆرۈۋاتمايمىز.بەلكى شۇ شەخسلەرنىڭ بارچە ئۇيغۇر مىللىتىگە ئورتاق بولغان كەمچىلىكىنى ئۆتكۈر ئوپىراتسىيە پىچىقىمىز بىلەن كېسىپ(ئەلۋەتتە بۇ ئوپىراتسىيە ئازاپلىق بولسىمۇ)ۋۇجۇدىمىزدىكى جاراھەتتىن تەلتۆكۈس قۇتۇلماقچى بولىۋاتىمىز.بۇ مەۋقەنى توغرا چۈشەنگەيسىزلەر.

gulbar5

	سىيىت نوچى  مەيىلى  گاڭگۇڭ بولسۇن. ياكى  ئەخمەق  بۇلسۇن.  بەرىبىر ئۇ ئوتمۇشكە  يەنى 100يىل بۇرۇنقى تارخىقا  تەۋە.  دىمسمۇ  ئەجداتىلرىمىزنىڭ ئاق  كۇڭۇللكدىن  كەتكۇزۇپ  قويغان  يەرلرى  كۆپ    ھازىرقى مۇھىم  مەسلە.  شانىلق نەتىجە بىلەن كەلگۇسگە  يۇزلنش،

خوراز

	قەيسەر يۇرەك دىگەن شوتلاندىيەنىڭ كىنوسىنى كورگەنمۇ؟ شۇ كىنودىكى باش پېرسۇناژ باشقىلارنىڭ ئالدام خالتىسىغا چۇشۇپ قولغا ئېلىنىدۇ،شۇ پېرسۇناژمۇ ئولۇمدىن قۇتۇلىمەن دىسە قۇتۇلالايتتى لېكىن ئۇمۇ ئولۇمنى تاللىدى . ئاقىۋەت ئۇنىڭ ئولۇمى، ئۇنىڭ روھى نۇرغۇن ۋەتەن سۇيەر قەيسەر ،باتۇر ئەزىمەتلەرنىڭ ئىرادىسى ئىدىيىسىنى تاۋلاپ  قايتىدىن قورال ئېلىپ شوتلاندىيەنىڭ مۇستەقىللىغى ئۇچۇن جەڭگە ئاتلانغۇزدى . ئۇ ئوزى ئۇلۇپ يېڭىلگۇچى بولغاندەك بىلەن بىراق ئۇ شوتلاندىيە خەلقىگە نىسبەتەن مەڭگۇ يەڭگۇچى. قۇربانلىق بېرىشنى نادانلىق دىسەك ياخشى بولماسمىكىن.

altun

	مەن سىيت نوچى ، ياكى تۈمۈر خەلپە توغرىسىدا بولغان پىكىرلەرنى قوللايمەن ، ئىنقىلاب قىلغان ئاشۇ مەرتلەر قەھرىمان بولماي سىياسىيون بولغان بولسا ئۇلار دۇنيانىڭ نەزىردىكى ھەققىي قەھرىمان بۇلۇر ئىدى . بىراق غۇجىنىياز ھاجى توغرىسىدا قىلغان بارلىق گەپلەر ئەھمىيەتسىزدۇر چۈنكى خەۋپسىزلىك كىڭىشىدە شىنجاڭ مەسلىسى شۇ ۋاقىتتا بىتەرەپ قىلىپ بولغان غۇجىنىياز ھاجى پەقەت ئۇلارنىڭ ئىتائىتىدىن چىقسا دەرھال يۇقىتىلىدىغان بىر كىچىككىنە كۈچ خالاس.

.tuz.

	خەلىقنىڭ ئادىل تارازىلىقى شۇ يەردىكى ، ياخشىلارنى گۆرىگىچە يوقلايدۇ ! ئەمما  يامانلارنىڭ تۆرىگە يىقىن يوللىمايدۇ ، ھەر قانچە داۋاڭراڭ سىلىپ چىللىسىمۇ !!! بۇ يەردە سىيىت نوچىنىڭ ئارتۇقچىلىقنى تەھلىل قىلىش ئەقىللىق ئىكەنلىكىمىزنى بىلدۈرسە ، كەمچىللىكىنى تەھلىل قىلىش ھەسەتخورلىقىمىزنى بىلدۈردۇ ! چۈنكى سىيىت نوچى ئۆلۈپ كەتكىنى نۇرغۇن يىللار بولدى . ئۆلگەنلەرگە ياخشىلىق قىلىش دېگەن نېمە ؟ ئۇلارنىڭ ياخشى گىپىنى قىلىشتۇر !! ئەمما بىر قىسىم كىشىلىرمىز سىيىت نوچىنىڭ يامان گىپىنى قىلىپ پىتنا- پاسات تىرۋاتىدۇ ..... شۇنى دەپ قويۇش زۆرۈل بولۋاتۇدۇكى : سىيىت نوچىنىڭ ئەينى زاماندىكى ئارتۇقچۇلۇق يىتەرسىزلىكلىرىنى شۇ  ياشىغان ماكاندىن باشقا ۋاقىتلاردا بولۇپمۇ ھازىرقى ۋاقىتتا ھەقىقىي ھىس قىلىپ يەتمەك تەس !!