5 – نۆۋەتلىك شىنجاڭ چەرچەن قاشتېشى مەدەنىيەت ساياھەت بايرىمىنىڭ سەنئەت كېچىلىكى 10 – ئاينىڭ 3 – كۈنى كەچتەيېڭى سېلىنغان چەرچەن ناھىيىلىك خەلق باغچىسىدا ئۆتكۈزىلىدۇ .
چەرچەن ناھىيىلىك پارتكوم خەلق ھۆكۈمىتى بۇ قېتىملىق كېچىلىككە يۈكسەك ئەھمىيەت بېرىپ شىنجاڭدا ئالاھىدە كۆزگە كۆرۈنگەن ناخشىچىلار ، ئۇسۇل رېژىسسورلىرى شۇنداقلا پىلانلىغۇچى خادىملارنى تەكلىپ قىلدى ، بۇ قېتىمقى كېچىلىك سەنئەت شەكلى بىرلەشتۈرۈلگەن چوڭ تىپتىكى دوكلات ئويۇنى بولۇپ يېقىندا مۇخبىر چەرچەن ناھىيىلىك سەنئەت ئۆمىكىدىن نومۇرلارنىڭ رەپىتىس ئەھۋالى توغرىسىدىكى ئەڭ يېڭى خەۋەرلەرنى ئىگەللىدى .
مۇخبىر چوڭ مەشق زالىغا كىرىشى بىلەنلا توختىماي ياڭراۋاتقان مۇزىكا ساداسىنى ئاڭلىدى ، مەشق زالىدا ئارتىسلار تەرگە چۆمۈلگەن ھالدا نومۇرلارنى رەپىتىس قىلماقتا ئىدى ، گەرچە ئۇلار مەشق كىيىملىرىنى كىيىپ سەنئەت نومۇرلىرىنى رەپىتىس قىلىۋاتقان بولسىمۇ لېكىن مۇخبىر بۇ يەردىكى ياڭراق ناخشا ساداسى جۇشقۇن ئۇسۇلدىن بايراملىق كەيپىياتنى ھېس قىلدى .
چەرچەن ناھىيىلىك سەنئەت ئۆمىكىنىڭ باشلىقى غالىپ راخماننىڭ تونۇشتۇرىشىچە بۇ قېتىمقى نومۇرلاردا يەرلىك ئۆرپ ئادەت ئالاھىدە گەۋدىلەندۈرۈلگەن بولۇپ كېچىلىك مەزمونى ئايرىم – ئايرىم ھالدا « شاتلىققا تولغان چەرچەن » ، « رەڭدار چەرچەن »، « يۈكسىلىۋاتقان چەرچەن » دىن ئىبارەت ئۈچ نۇقتىدا ئىپادىلىنىپ چەرچەن ناھىيىسىنىڭ قويۇق مىللىي ئالاھىدىلىكىگە ئىگە ئەل ئىچى سەنئەت نومۇرلىرى قويۇلىدىكەن . بۇ قېتىمقى كېچىلىكنىڭ ئوڭۇشلۇق ئۆتكۈزۈلۈشى ئۈچۈن خىزمەتچى خادىملار سىمىنا قوشۇپ جاپالىق مەشق قىلىۋاتقىلى 20 كۈندىن ئاشقان .
چەرچەن ناھىيىسىدىكى ھەر ساھە ھەر كەسىپتىكىلەر 5– نۆۋەتلىك شىنجاڭ چەرچەن قاشتېشى مەدەنىيەت ساياھەت بايرىمىنى كۈتۈۋېلىش ئۈچۈن جىددىي تەييارلىق قىلىۋاتقان بولۇپ ، شەھەر مۇھىتىنى گۈزەللەشتۈرۈش ، يېشىللاشتۇرۇش قاتارلىق خىزمەتلەر دەسلەپكى قەدەمدە تاماملىنىپ شەھەر قىياپىتى يېڭىچە بىر تۈسكە كىرگەن . قاشتېشى مەدەنىيەت بايرىمى مەزگىلىدە قاشتېشى بۇيۇملىرى كۆرگەزمىسى ئۆتكۈزۈلۈپ ۋە قاشتېشى مەدەنىيىتى ئىلمىي مۇھاكىمە يىغىنى ئېچىلىپ چەرچەن ناھىيىسى كەڭ تۈردە تەشۋىق قىلىنىدۇ .شۇنىڭ بىلەن بىرگە قاشتېشى قاشتېشى بۇيۇملىرىنى تالاشتۇرۇپ سېتىش ، ئون مىڭ كىشىلىك مەشرەپ ، ئون مىڭ كىشىلىك كاۋاپ يېيىش پائالىيىتى ، شىنجاڭدىكى ئەڭ چوڭ تونۇردا تۆگىنى پۈتۈن كاۋاپ قىلىش قاتارلىق سەرخىل پائالىيەتلەر دۆلەت ئىچى سىرتىدىكى ساياھەتچىلەر ئۈچۈن يەنە بىر يورۇق نۇقتا بولۇپ قالغۇسى.
كەڭ قاشتېشى ھەۋەسكارلىرى ۋە ۋاقتى يار بېرىدىغان قېرىنداشلىرىمىزنىڭ قاتنىشىپ كۆرۈپ بېقىشىنى سورايمەن .
سۈرەت يوللاشنى بىلمىگەچكە يوللىيالمىدىم .ئەپۇ قىلارسىلەر |