ئابدۈشۈكۈر مۇھەممەت ئىمىننىڭ ئائىلە ناملى

sebiriye

	ئابدۈشۈكۈر مۇھەممەت ئىمىننىڭ ئائىلە ناملىق كىتابىدىن ئۈزۈندىلەر ئائىلە-قۇرامىغا يەتكەن يىگىت-قىزنىڭ ئۇچۇرما بولغان قۇش باچكىللىرىدەك قانات قېقىپ قونۇشقا تەمشلىدىغان باراقسان بېغى!ئەمما نۇرغۇن قىز-يىگىتلەر،ئەر-ئاياللار،ھەتتا ،بوۋاي-مومايلارمۇ ئائىلە دىگەن نىكاھتىن كېيىن باشلانغان تۇرمۇش دەپلا قارايدۇ.مىللىتىمىزدە سادىر بۇلۇۋاتقان،ئائىلە قۇرغانلاردا سادىر بۇلۇۋاتقان مىللەتنىڭ مەنىۋى ساپاسىغا داغ سېلىۋاتقان بىر قاتار نۇقسانلار،ئىللەتلەر،بەخىتسىزلىكلەرنىڭ بىزنىڭ ئائىلە ۋە كىشىلىك ھەققىدىكى قاراشلىرىمىزنىڭ ئېچىلمىغانلىقى،بۇنىڭ ئىلمىي ئاڭ ۋە رووھىي تەييارلىقسىزلىق بىلەن بىۋاستە مۇناسىۋەتلىك ئىكەنلىكىنى ھىس قىلغانلار زادى قانچىلىك؟! بىزنىڭ قاۋۇل يىگىتلىرىمىز بىلەن نازۇك قىزلىرىمىز بالاغەتكە يەتكەندىن كېيىن مۇھەببەت ۋە ئائىلە ھەۋەسلىرىگە گىرىپتار بولسىمۇ،ئۇلار بۇجەھەتتە ھېچقانداق زۆرۈر تەربىيە كۆرمەيلا نىكاھلىق بولىدۇ،پەرزەنتلىك بولىدۇ.ئۇلار تۇرمۇش سەپىرىدە تېزلا كۈتۈلمىگەن زىدىيەتلەرگە دۇچ كېلىپ،شامالدا دومىلىغان قامغاقتەك تەمتىرەيدۇ،بوھران ۋە پاجىئەلەرگە يولۇقىدۇ،بۇ ئوڭۇشسىزلىقلار ئۇلار ئارقىلىق پەرزەنتلىرىگە ،ئۇلارنىڭ دوستلىرىغا،پۈتۈن جەمىيئەتكە كۈچلۈك مەنىۋى لەززە،ھەتتا روھىي بۇلغىنىش ئېلىپ كېلىدۇ.يىللار،ئەسىرلەر جەريانىدا بۇ ئىللەت ۋە بۇلغىنىشلار مىللەتنىڭ مەنىۋى قىياپىتى،جىسمانىي ساپاسى،مەدەنىيەت ئەنئەنىسى ۋە تۇرمۇش ئادىتىگە ئېغىر ھەتتا ھالاك قىلغۇچى تەسىر كۆرسىتىدۇ.(3-بەت) بىز كۆپ ھاللاردا ئائىلىنڭ ماددىي سەۋەبلەر تۈپەيلىدىن ئەمەس،بەلكى مەنىۋى سەۋەبلەر تۈپەيلىدىن بەخىتسىزلىك بوھرانىغا دۇچ كېلىدىغانلىقنى كۆرىمىز.(5-بەت) ئادەم ئۆز ئائىلىسىدە ئۆز ئائىلىسى ئارقىلىق ئۆز بەختىنى تەشكىللىشى،ئۆز ئوبرازىنى جۇلالاندۇرۇشى،ئۆزىنىڭ ئىنسانلىق قەدىر-قىممىتىنى تېپىشى،ئۆزىنىڭ پەرزەنتلەر ئالدىدىكى،پۈتۈن مىللەت ۋە ئىنسانىيەت ئالدىدىكى ئىنسانىي-ئىجادىي تۆھپىكارلىق مەجبۇريەتلىرىنى بىجا كەلتۈرىشى تامامەن زۆرۈر.(5-بەت) ئائىلىلەرنىڭ ماددىي ۋە مەنىۋى،ئەقلىي ۋەئەخلاقىي شارائىتى ۋە قىياپىتىگە ئېتىبارسىز قاراش جەمىيئەت ۋە مىللەت،ئىنسانىيەتنىڭ رىئال ۋە كەلگۈسىگە ئېتىبارسىز قاراش ھېسابلىنىدۇ.(6-بەت) ئائىلە ئېڭى ئېغىزدىلائەمەس،ئەمەلىي تۇرمۇشتا،بىر بۆلەك ئاپتورلار ئىشكاپىدىلا ئەمەس،پۈتۈن ئائىلىدە،ئائىلە باشلىقلىرى بولغان ئاتا-ئانىلاردىلا ئەمەس،پۈتۈن ئىنسان نەسلىدە ھازىرلىنىشى لازىم بولغان ئاڭدىن ئىبارەت.ئۇنى ھاۋالە قىلغىلى،باشقا كىشى ئۈچۈن ۋاكالەت قىلغىلى بولمايدۇ.(8-بەت) ئائىلىدە تىكلەنگەن ئىزگۈ ئەخلاق-پەزىلەتنى ئىجتىمائىي تۇرمۇش بوران-چاپقۇنلىرى ئاسان نابۇت قىلالمىغاندەك،<ئائىلىدە زاكىسىدىن تەگكەن>قەبىھ ئىللەتنى جەمىيئەتنىڭ تەربىيىسى ۋە قانۇننىڭ جازالىشى بىر يولدا تۈزۈپ كېتەلمەيدۇ.مۇشۇ نۇقتىدىن ئائىلە تۇنجى ئەخلەق ئوچىقى ۋە مەكتىپى.(17-بەت) ئەۋلاد پەيدا قىلىدىغان ئىنى ھالىغا چۈشۈپ قالغان مىللەت نورمال مۇۋازىنەت ۋە ساغلام روھتىن مەھرۇم بولغان مىللەتتۇر.ئۇنىڭ ئەجدادلىرىنىڭ قانداق بەختىيارلىق داستانلىرى ياراتقانلىقىدىن قەتئىنەزەر،ئۇنىڭ ئەۋلادلىرى پاجىئە پىرسۇناژلىرىنىڭ نامزاتلىرىدۇر،خالاس.ئائىلەڭگە باق!ئەتراپىڭدىكى ئائىلىلەرگە قارا!ئۇنىڭدىن ئۆزۈڭنى،مىللىتىڭنى ئىزدە!مانا بۇ ئائىلە مەسىلىسىنىڭ نەقەدەر مۇھىملىقىنى چۈشەندۈرگۈچى ئەينەك.(20-بەت) ئائىلىدىن ئۇلۇغ دانىشمەنلەر،ئىختىراچىلار،قەھرىمانلار ۋە سەنئەت ئەربابلىرى چىقىشى مۈمكىن،ئوخشاشلا ئائىلىدىن قاباھەتلىك گېزەندىلەر،جامائەت جىنايەتكارلىرى،مىللەت ساتقۇنلىرى چىقىشىمۇ مۇمكىن.ئەمما ئەڭ خەتەرلىكى، ئەرزىمىگەن،تەنتەك،ھاماقەت،ھورۇن،لايغەزەل ئەۋلادنىڭ پەيدا بولىشىدۇر.چۈنكى نۇرانە ياكى قاباھەتتىن ئىبارات ئىككى قۇتۇپقا نىسبەتەن بۇنداق ئەرزىمەس ئەۋلاد مىللەت قەدرىنى كۆپرەك يەرگە ئۇرىدۇ.(30-بەت) ئائىلە-مىللەتنىڭ ھۈجەيرىسى،مىللەتنى تەشكىل قىلغان تىلنىڭ بىرىنچى بۇلىقى.ئۇ مىللەتنىڭ پىسخىك مەدەنىيەت-فولكلور مەدەنىيىتىنىڭ بىرىنچى بۆشۈكى.ئۇ مىللەتنىڭ ئىقتىسادىي تۇرمۇش ئورتاقلىقىنىڭ بىرىنچى ھالقىسى.(50-بەت) فارابىنىڭ «پەزىلەتلىك شەھەر ئەھلىنىڭ قاراشلىرى توغرىسىدا»دېگەن كىتابىدا پازىل شەھەر،پازىل جەمىيئەت بەرپا قىلىش ئۈچۈن ئائىلىنڭ پازىل بولۇشى،ئائىلە ئەزالىرىنىڭ ئەقىللىق،بىلىملىك ۋە ئەخلاقلىق بولىشىنى ئالدىنقى شەرت قىلىدۇ.(52-بەت) ئومۇمەن ئائىلىدە ئەر-ئايال مۇناسىۋىتى قىزغىن،راۋان داۋام قىلىۋاتقان ئائىلىلەر ئىناق مۇناسىۋەتتكى ئائىلە دېيىلىدۇ.بۇنداق ئائىلىلەر ئەقىل،بىلىم،ئەخلاق،مۇھەببەت،ساداقەت،قىزغىنلىق،ئائىلە سەنئىتى شىئىرىي تۈس ئالغان بولىدۇ.بۇنداق ئائىلىلەردە ئاساسەن ئائىلىۋى زېرىكەرلىك،سۇسلۇق بولمايدۇ.بۇنداق ئائىلىلەر روھىيەت جەھەتتىن تاشقىرى،ئىقتىسادىي جەھەتتە ئوچۇق-ئاشكارا،پىلانچان،تېجەشلىك بولىدۇ.بالىلار تۇرمۇشىمۇ ئىللىق مۇھىتتا قىزغىن ئۆتىدۇ.(64-بەت) ئەر بىلەن ئايالنىڭ ئۆز قەلبىدە مەنىۋى ھەمكارلىقنىڭ بولماسلىقى،ھەتتا ئۇنىڭ توسقۇنلۇققا ئايلىنىشى ياكى ئەر بىلەن ئايالنىڭ بىرسىدىكى مەنىۋى ھەمكارلىق خاھىشىنى ئىپادىلەپ بىرىشكە مۇمكىنلىك ۋە ئىشەنچنىڭ بولماسلىقى،ئۇنىڭ رەت قىلىنىشىنى ئائىلىدە ساغلام،نورمال مۇناسىۋەت رىشتىنى سۇسلاشتۇرۇشتىكى ئاساسىي سەۋەب دېيىشكە بولىدۇ.بۇ مىڭلىغان-مىليۇنلىغان مىساللار-ھادىسىلەر بىردەك ئىسپاتلىغان ماھىيەتلىك سەۋەبتۇر.(65-بەت) ئىنسان ھاياتقا بىركېلىدۇ.ئۇ ئۆمرىنىڭ ئاخىرىدا ھۇزۇرلانمىغان پەسكەشلىكلىرىدىن ئارمان قىلمايدىغان،بەلكى ئۆتكۈزگەن سەۋەنلىكلىرىدىن پۇشايمان قىلىدىغان بولغىنى تۈزۈك.چۈنكى،روھىيەت مىزان قىلىنغان ئىنساننىڭ ئىش-ھەرىكەت قىممىتى جىسمانىي لەززەت بىلەن ئەمەس،بەلكى مەنىۋى ئىپتىخار بىلەن ئۆلچىنىدۇ.(112-بەت) ھازىرقى زامان رىئال تۇرمۇشىدا ئەنئەنىۋى ئائىلە چۈشەنچىلىرى بىلەن ياۋرۇپا تەسىرىدە پەيدا بولىۋاتقان ئائىلە چۈشەنچىلىرى،ئەنئەنىۋى ئەخلاقىي ئۆلچەملەر بىلەن ياۋرۇپا تەسىرىدە پەيدا بولىۋاتقان ئائىلە ئۆلچەملىرى ئارىسىدا جىددىي سۈركىلىش يۈز بەرمەكتە. ھازىرقى زامان رېئال تۇرمۇشىدا بازار ۋە تاۋار ئىگىلىكى تەسىرى كىشىلەر قەلبىگە ھەتتا پوتىنسىئال ئاڭ،خائىشلىرىغا بۆسۈپ كىرىپ،پايدا-زىيان،كىرىم-چىقىم،پۇل،ھوقۇق،ئىستېمال تەلەپلىرىگە لەرزە پەيدا قىلماقتا.كىشىلەرنىڭ مۇھەببەت،نىكاھ،ئائىلە،بەخت چۈشەنچىلىرىدە ھەرخىل پىكىر-ھىسيات داۋالغۇشلىرى بارغانچە زورايماقتا.(131-بەت) رۇس پىداگوگى سوخوملىنىسكىي:<ئىنسان بېشىدا ئۆلۈم،قېرىلىق ۋە يامان پەرزەنتتىن ئىبارەت ئۈچلا كۈلپەت بولىدۇ.> گوركىي:يامان پەرزەنت ئۈچۈن ئاتا-ئانىنى جازالىماق كېرەك.

xiwas1-

	ئەرزىمىگەن،تەنتەك،ھاماقەت،ھورۇن،لايغەزەل ئەۋلادنىڭ پەيدا بولىشىدۇر.چۈنكى نۇرانە ياكى قاباھەتتىن ئىبارات ئىككى قۇتۇپقا نىسبەتەن بۇنداق ئەرزىمەس ئەۋلاد مىللەت قەدرىنى كۆپرەك يەرگە ئۇرىدۇ بىز ھازىرقى زامان ياشلىرى مۇشۇ بايانلارنى مىنىڭچە مەھكەم ئىسىمىزدە تۇتىشىمىز كىرەككەن !

kahrizat

	ئۇلۇغ ئالىمىمىزنىڭ ھەر بىر سۆزى بىز ئۈچۈن تۈگىمەس بايلىق

مارشال

	رەھمەت قېرىندىشىم!

sumaya0999

	ئەھمىتىتى شۇنداق بار بۇلغان تىمىدىن بىرنى كۆرگىنىمدىن ئىنتايىن خۇشالمەن...

Qapaqhenim

	مىللىتىمىزدە سادىر بۇلۇۋاتقان،ئائىلە قۇرغانلاردا سادىر بۇلۇۋاتقان مىللەتنىڭ مەنىۋى ساپاسىغا داغ سېلىۋاتقان بىر قاتار نۇقسانلار،ئىللەتلەر،بەخىتسىزلىكلەرنىڭ بىزنىڭ ئائىلە ۋە كىشىلىك ھەققىدىكى قاراشلىرىمىزنىڭ ئېچىلمىغانلىقى،بۇنىڭ ئىلمىي ئاڭ ۋە رووھىي تەييارلىقسىزلىق بىلەن بىۋاستە مۇناسىۋەتلىك ئىكەنلىكىنى ھىس قىلغانلار زادى قانچىلىك؟! بىزنىڭ قاۋۇل يىگىتلىرىمىز بىلەن نازۇك قىزلىرىمىز بالاغەتكە يەتكەندىن كېيىن مۇھەببەت ۋە ئائىلە ھەۋەسلىرىگە گىرىپتار بولسىمۇ،ئۇلار بۇجەھەتتە ھېچقانداق زۆرۈر تەربىيە كۆرمەيلا نىكاھلىق بولىدۇ،پەرزەنتلىك بولىدۇ.ئۇلار تۇرمۇش سەپىرىدە تېزلا كۈتۈلمىگەن زىدىيەتلەرگە دۇچ كېلىپ،شامالدا دومىلىغان قامغاقتەك تەمتىرەيدۇ،بوھران ۋە پاجىئەلەرگە يولۇقىدۇ،بۇ ئوڭۇشسىزلىقلار ئۇلار ئارقىلىق پەرزەنتلىرىگە ،ئۇلارنىڭ دوستلىرىغا،پۈتۈن جەمىيئەتكە كۈچلۈك مەنىۋى لەززە،ھەتتا روھىي بۇلغىنىش ئېلىپ كېلىدۇ.يىللار،ئەسىرلەر جەريانىدا بۇ ئىللەت ۋە بۇلغىنىشلار مىللەتنىڭ مەنىۋى قىياپىتى،جىسمانىي ساپاسى،مەدەنىيەت ئەنئەنىسى ۋە تۇرمۇش ئادىتىگە ئېغىر ھەتتا ھالاك قىلغۇچى تەسىر كۆرسىتىدۇ.(3-بەت) بۇ ئالىمىمىز ئاجايىپ توغرا تەھلىل قىپتىكەن ئەينى چاغدىلا.... ھېلىھەممۇ بۇ دۇردانىلەرنى تەپەككۇر قىلىدىغان، ئۆز ئەمەلىيىتىگە تەدبىقلايدىغانلار ئاز بولماقتا. ..

osmanjan37

	نۇرغۇن نەرسىلەرنى يەنىمۇ ئىچكىرلەپ تەھلىل قىلىش كېرەككەن دەپ ئويلاپ قالدىم . ئالىم ھەقىقەتەن ئۆلمەس ئەسەرلەرنى قالدۇرۇپ كەتتى....

kuraxqan

	مەشھۇر كىشلىرىمز قاتارىدىن ئورۇن ئالغان. ئۇلوغ ئالىمىمز ئابدۇشۇكۇر مەھەممەت ئىمن قەلبىمزدە مەڭگو ھايات.