شېئىرلار(ئامانگۈل تۇنىياز)

ERCHIN

	شېئىرلار                 ئامانگۈل تۇنىياز               دوستۇمغا ياش تۆكمە ئەي دوستۇم ،ئىرادىلىك بول، ياخشىلار قەلبىنى قىلغىن سەن قوبۇل. يورۇتسۇن يولۇڭنى قەلبىڭدىكى نۇر، سۇنمىسۇن ئىرادەڭ ماڭغىن سەن ئۇدۇل. ياشاشتا سىناق كۆپ،ياخشىلارغا يول، يامانلار قەلبىنى قىلمىغىن قوبۇل. گۈللەرنىڭ ئىشقىدا سايرا،بۇلبۇل بول، ئاچىدۇ باغرىنى ساڭا داغدام يول. تىرىشقىن،تىرماشقىن ئۆز غايەڭ ئۈچۈن، ياخشى بىر ئانا بول،سەبىيلەر ئۈچۈن. باش ئەگمە ۋاپاسىز، نادان يار ئۈچۈن، رەقىپكە قىلىچ بول، پاك غورۇر ئۈچۈن. ياشىماي بولمايدۇ گۈزەل دۇنيادا، چېكىنمە سەن زىنھار دوقال يوللاردا. ياشايمىز كېلەچەك ئۈچۈن دۇنيادا، باش ئەگمەي سەپەر قىپ مۈشكىلاتلارغا. ئۇچرىشار سەن ماڭغان ئاشۇ يوللاردا، چىن  ئەركەك،ئوت يۈرەك دىل بىرەر ساڭا. سەپەرگە كارۋان بول شۇ ئۇزاق يولغا. يېتىسەن ئاقىبەت  گۈزەل ئىقبالغا،          سەنمۇ ئانا بولسەن ئېسىڭدە  ساقلىغىن ئەي ناتىۋان قىز، سىناقلار بەك كۆپتۇر ماڭغان يوللاردا. ھاقارەت كەلتۈرمە قىز-ئاياللارغا، بىر كۈنى سەنمۇ ھەم ئانا بولىسەن. كۆز قىسىپ يۈرمىگىن نىكاھلىقلارغا، ياخشى بىر ئانا بول سەبى بالىلارغا. ئانىلىق شەرەپلىك قىز-ئاياللارغا، بىر كۈنى سەنمۇ ھەم ئانا بولىسەن. كۆز قىسىپ يۈرسەڭ سەن ۋاپاسىزلارغا، نىكاھمۇ سوۋويدۇ خوتۇن-قىزلارغا. قەھرىڭدىن تىغ سالما مىسكىن دىللارغا، بىر كۈنى سەنمۇ ھەم ئانا بولىسەن. ئۆزەڭنى تاشلاپ شۇ ۋىژدانسىزلارغا، قانداق يۈز كېلسەن مويسىپىتلارغا. مېھرىڭ بەر جاپاكەش شۇ ئاياللارغا، بىر كۈنى سەنمۇ ھەم ئانا بولىسەن. ئادەمدەك ياشىغىن يورۇق دونيادا، غەم-قايغۇ سالمىغىن مىسكىن دىللارغا، شۇندا يۈز كېلسەن سەبى بالىلارغا. بىر كۈنى سەنمۇ ھەم ئانا بولىسەن. ئاياللار ياش تۈكۈپ زار-زار يىغلىسا، ئەرلىرى كوچىدا مەست بوپ يىقىلسا. ئوماقلار«دادا»دەپ زار-زار يىغلىسا، يۈرىكىڭ كۆيمەمدۇ  قىز-ئاياللارغا. قولاق سال ئەي قىزچاق بۇ نىدالارغا، خوپ بولماس ياۋا گۈل بولساڭ ئۇلارغا. پۇل ئۈچۈن چاپمىغىن ئەگرى يوللاردا، ئادەملىك ۋىجداندا ياشا دۇنيادا. سەن كەتتىڭ سەن كەتتىڭ، مەن قالدىم تورغان يېرىمدە، خوش! دېگەن ئاۋازىڭ قولاق تۈۋىمدە. ئاھ! دېدىم، يىقىلدىم، تورالمىدىم دەس، نە قىلدىڭ،ئويلىغىن ئادەم ئەمەس نەس! ئادەمدەك ياشىساڭ بولمامدۇ ئەي نەس، يىگىتتەك ياشىماي بولما زىدىپەس. يىغلىتىپ قىزلارنى بۇنچە خار قىلىپ، سەن يەنە قىزلارغا قىلىسەن ھەۋەس. ئادەمدەك ياشىغىن، يىگىت بولماق تەس، ئاناڭمۇ قاقشايدۇ، بولدى قىلغىن، بەس! سەنمۇ شۇ قىزلارنىڭ پۇشتىدىن بولغان، يىغلاتما قىزلارنى بولدى قىلغىن بەس. ياخشى بىر ئادەم بول، سەندە بار ھەۋەس، شۇم نىيەت گۈلزارنى چەيلەيدۇ پەۋەس. ئاياللار دۇنيانىڭ ئانىسى بىلسەڭ، بېشىڭغا ئېپ كۆتۈر، قىلما زىنھار قەست. (2011-يىل،سېنتەبىر. باي ناھىيەسى)

赛米江

	ئىملاغا دىققەت قىلىڭ

natik

	سەنمۇ ئانا بۇلسەن دىگەن شېئر بەك ياخشى  چىقىپتۇ

turkinaz0992

	ئاپتورى ئادىل تۇنىيازنىڭ سىڭلىسىمۇ يا ؟ تېمىغا مۇناسىۋەتسىزلا سۆزلىگىنىمدىن خىجىلمەن ...

باياۋان

	بىر-بىرىدىن نادىر شېئىرلار ئىكەن،زوق ئالدۇق . مۇمكىن بولسا ئەرچىن ئاكىمىزنىڭمۇ شېئىرلىرىدىن بەھىر ئالساق دېگەن ئۈمىدتىمەن .

azapdegze

	ياخشى يىزىپسىز

2256

	مەن بىلدىم قىزلانى ئالدىماسلىقنى، ۋەيەنە ئۇلارنى خارلىماسلىقنى. كەلگۈسى مىللەتنىڭ ئانىسى بولغاچقا، تىلەيمەن قىزلارغا ھەرۋاخ ئامانلىقنى. رەھمەت...ھەقىقەتەن....ياخشى...يېزىپسىز...ۋە...جەمىيىتىمىزدىكى.....بەزى....يامان..نىيەتلەردە...بولىۋاتقان....ئوغۇللارنىڭ....ئىپەدىسىنى....تۇلۇق...ئىپادىلەپسىز......!

ERCHIN

	ئاپتور جاۋابىنى بويلاپ 1قەۋەت  赛米江 كە 2011-09-29 02:14 PMئەۋەتىلدى  : ئىملاغا دىققەت قىلىڭ   ئېنىقراق كۆرسىتىپ بەرسىڭىز!

Jim

	ئاپتور جاۋابىنى بويلاپ 3قەۋەت  turkinaz0992 كە 2011-09-29 02:59 PMئەۋەتىلدى  :      ئاپتورى ئادىل تۇنىيازنىڭ سىڭلىسىمۇ يا ؟ تېمىغا مۇناسىۋەتسىزلا سۆزلىگىنىمدىن خىجىلمەن ... مەنمۇ شۇنداق ئويلىغان

مارشال

	شېئىر ياخشى چىقىپتۇ،سىز قاغىلقتىن بولامسىز؟ئەجەپ ئىسمىڭىز تۇنۇش ئاڭلىنىۋاتىدۇ؟ بارىكاللا،مەزمۇندا گەپ يوق،تەربىۋى ئەھمىيىتى بار شېئىركەن.تېخىمۇ ياخشى ئەسەرلىرىڭىزنى كۆرۈشكە تەشنامەن.

musilina

	بىر -بىرىدىن ئېسىل چىققان شېئىرلار بىلەن يۈز كۆرۈشتۈرگىنىڭىزدىن خۇرسەنمەن....

muslina216

	راس ھەممىمىز ئانا بولىمىز ،ئانا بولۇش نەقەدەر شەرەپلىك ، مۇشكۈل سەپەر ھە ...

sheyx

	、ئىپادە قىلىنغان مەزمۇن ياخشىكەن. بەدىئىيلىكى ئانچە يوقۇرى ئەمەسكەن، تىلىغا يەنە ئازراق ئىشلەش كېرەك!

nigora

	ئىسمىڭىزنى نىمىشقا شەيىخ دەپ قويۋالدىڭىز؟ سىز بۇددا شەيىخلىرىمۇ يا؟

ERCHIN

	بۇ جايدىكى (ئورۇندىكى)ئىنكاسىم ئۆچۈرۈلدى.