ئاپتوبۇستىكى قىز

boraoghli

	ئاپتوبۇستىكى قىز تۇرغۇنجان.ئەرشىدىن ئاپتوبۇستىكى كىشىلەرنىڭ غوتۇلداشلىرىدىن ئىچىم پۇشۇشقا باشلىدى ، يا بىرى چىش يېرىپ بېر نېمە دىيەلمىگەن . لېكىن ھەممىسى ئەيىبلەش نەزىرى بىلەن ئۇ قىزغا ھومىيىپ تۇراتتى . قىز بولسا ھېچنېمىنى بىلمىگەندەك ، ئاڭلىمىغاندەك خىيالەن بىر ھالەتتە ئاپتۇبۇس دەرىزىسىگە بېشىنى قويۇپ ئولتۇراتتى . ئالدىدىكى بىكەتتىن چىققان ياشانغان بىر بوۋاي يا دەك ئېگىلگەن قەددىنى پۈكۈپ ئورۇن ئىزدىگەن چاغدا ئالدى تەرەپتىكى ئورۇندۇقلاردا بوش ئورۇن قالمىغان ئىدى ، بوۋاي ئالدىنقى رەتتە ئولتۇرغان بۇ قىزنىڭ يېنىدا ئاپتۇبۇسنىڭ تۆمۈر تۇتقۇچىنى بىردەم تۇتۇپ تۇرۇپ بېقىپ قاملىشالماي قالدى ، قىز يەنە شۇ بىپەرۋالىق بىلەن ئولتۇراتتى ، ئاڭغىچە بىر ئوتتۇرا ياش كىشى ئاپتۇبۇسنىڭ يېنىك چايقىلىشىدا سەل دەلدەڭشىگىنىچە ئۇ بوۋاينى ئۆز ئورىنىغا تەكلىپ قىلغىلى كەلدى، بوۋاي تەكەللۇپ بىلەن ئۇ كىشىنىڭ جايىغا بېرىپ ئارامخۇدا ئولتۇرۇۋالدى . شۇندىلا ئۇ قىزنى ئېنىقراق كۆرۈشكە مۇيەسسەر بولدۇم ، ئاددى كىينگەن ، چىرايلىق ياغلىق ئارتقان بۇ قىز كىشىگە يامان تەسىر بەرمەيتتى . ئۇزۇن قارا قاشلىرى ئاستىدىكى بۇلاقتەك كۆزلىرى ، سۈزۈك مەڭزى ، چىرايلىق بۇرىنى مېنى زوقلاندۇردى . ئىچىمدە ئۇ قىزنى ئەيىبلەش ھېسىياتى بېسىقىپ قالدى . ئۇنىڭ دەرىزە گىرۋىكىدىكى نازۇك بارىماقلىرىغىمۇ دىققەت قىلدىم ، شۇنچە سۈزۈك ۋە جەلىپكار ئىدى . - ھازىر ھەممە ئىش شۇ ياغلىق چىگىدىغانلاردىن چىقىۋاتىدۇ ! - شۇنداق ، شۇنداق ، چوڭلارنى ھۆرمەتلەشتەك ئەقەللىي ساۋاتنىمۇ بىلمىگەن ھالىغا يوغان ياغلىقنى چىگىۋىلىپ نېمە قىلىدۇ ، ئۇنىڭدىن .... ئۇدۇلۇمدىكى ئورۇندۇقتا ئولتۇرغان ئىككى ئايال شۇ گەپلەر بىلەن گۇناھ كۆلچىكىگە سەكىرگىنىنى قىلچىمۇ تۇيمىدى . ئەكىسچە تېخىمۇ يامان گەپلەرنى كۇسۇلداشقىلى تۇردى . كېيىنكى بىكەتتە تېخىمۇ كۆپ كىشىلەرنىڭ چىقىشى بىلەن  بايامقى كەيپىيات ۋە ئەيىبلىك نەزەرلەر ئادەملەر توپىدا قىستىلىپ  يوقاپ كەتكەندەك بولدى . مەن ئاخىرقى بىكەتتە چۈشۈپ قالاتتىم ، يولمۇ خېلى بار ئىدى . ئاللاغا تەسبىھ ئېيتقاچ قەلبىمنى تىنچلاندۇرۇشنى ئويلىدىم ، كۆزۈمنى يۇمۇپ بۇ گۇناھقا تولغان مۇھىتتىن قۇتۇلغۇم كەلدى ، لېكىن قۇلاقنى يۇمغىلى بولمايدىكەن . يەنە گۇناھلىق گەپ سۆزلەرگە شاھىت بولۇپ جايىمدا قاققان قوزۇقتەك تۇرۇدۇم . ئىككى – ئۈچ بىكەتتىن ئۆتكەندىن كېيىن ئاپتوبۇستا ئادەم شالاڭلاشقا باشلىدى . ئورۇندۇقتىنمۇ بىر – ئىككسى بوشىدى ، لېكىن ئاخىرقى بىكەتكە ئازلا قالغاچقا ئەمدى ئولتۇرغاننىڭمۇ ئەھمىيىتى يوق دەپ قاراپ جايىمدا تۇرىۋەردىم . ئىختىيارىسىز ئۇنىڭ ئولتۇغان جايىغا نەزىرىمنى ئاغدۇردۇم ، ئۇ يەنە شۇ پېتى ئولتۇراتتى .گۈللۈك ياغلىقى دەرىزىدىن كىرگەن شامالدا يەڭگىل يەلپۈنەتتى . ئەمدى پىكىرىم سەل قالايمىقانلىشىشقا باشلىدى ،<< نېمىشقا چوڭلارغا ئورۇن بەرمەيدۇ ؟ ئەتىراپىدىكى كىشىلەردىن تەپ تارمامدىغاندۇ ؟ شۇ چىرايلىق كۆزلىرى كۆرمەمدىغاندۇ - يا؟>>  بۇ سوئاللار كاللامدا ئايلىنىشقا باشلىدى ، يەنە خىيال قىلىۋەرسەم چەكتىن ئېشىپ كېتىدىغىنىنى ھېس قىلىپ ئاللاھتىن گۇناھلىرىمغا مەغفىرەت تىلىدىم . ئاپتوبۇس قوپال بىر ئايلىنىپ ئاخىرقى بىكەتكە كىردى ، ئاپتۇبۇستىن ئالدىرماي چۈشتۈم ، غەرەرسىزلا ئاپتوبۇس ئىچىدىكى ئۇ قىزغا قاراپ باقماقچى بولۇپ ، ئاپتۇبۇس ئىچىگە نەزىرىمنى بۇرىدىم ، قىزچاق سەل ئاقسغان ، كۆزىنى بىر نۇقتىغا تىكىپ ، ئېغىزىنى يېرىم ئاچقان ھالەتتە ئارقا ئىشىككە قاراپ ماڭغان ئىدى . شۇندىلا ئۇ قىزنىڭ نېرۋىسىنىڭ ئاجىز ئىكەنلىكىنى بىلدىم . 2011-يىل ، 26-سېنتەبىر كەچ ، تۇرپان توقسۇن مەنبە : ئۆز قەلىمىم ، شەخىسىي بلوگىم

كارۋان

	شۇڭا بىر ئىشقا ئالدىن باھا بەرمەسلىك كىرەك.

جاھىل

	ياخشى ئىشتىن بىرنى يېزىپسىز جۇمۇ.... نۇرغۇن ئادەملەر بىرەر مەسلىگە يولۇققاندا ، سەۋەبىنى سۈرۈشتۈرۈپ ، ئويلۇنۇپ باقمايلا ، ھۆكۈم چىقىرىشقا ئالدىراپ كېتىدۇ.....

ئۆل

	ھەر قانداق ئىشىنىڭ يامان تەرىپىنلا ئويلماسلىق لازىم

ABIDA1028

	بىر قىتىم 308-يول ئاپتۇبۇسىغا چىقىپ،داۋەنگە بارغان ئىدىم،ئاپتۇپۇسقا بىر ياغلىقنى چىڭ چىگىۋالغان ئايال چىقتى،ئورۇن بىرەي دىسەم بەكلا يىراقتا،چاقىرسام يا ئاڭلىمايدۇ،بىرچاغدا ئۆزىچىلا چالۋاقاپ كەتتى،‹ۋاي،ياغلىق چىگىۋالغان ئاۋۇنىڭ يىنىغا ئىمانى بارمىكىن دەپ بارسام ،يا ئۇرۇن بەرمەيدۇ،بىز ياش چىغىمىزدا نۇرغۇن يولنى پىيادە ماڭاتتۇق،بۇ خەق ئورۇن بەرمەيدۇ،مەن ئوغلۇمغا ئۇنداق نەسىھەت قىلىمەن ،›دەپ سۆزلەپلا كەتتى،يىنىدا تۇرغان  تۇڭگان ئايال‹ھەي،بۇلارمۇ چارچايدۇ،ئىشلەيدۇ،ياكى كىسەلچاندۇ›دىسىمۇ،ئۆز مىللىتىنى يات كىشىلەر ئالدىدا پۇققا ئەرزىمەس قىلىۋەتتى، كىيىن بىر ئوغۇل بالا چىدىماي قالدىمۇ قانداق،‹مەن بىرەي دىسەم،ئۇلتۇرمىغان ئىكەنمەن ھەدە،لىكىنزە ئۇلتۇرۇپ قالغان تەقدىردىمۇ،مانداق مىللىتىنى ساتىدىغان سىزگە بەرمەسمەن دەۋەتتى،بايىقى ياغلىق چىگىۋالغان قىزچاقمۇ يوغىناپ قالغان قۇسىقى بىلەن ئۆرە تۇردى،مەنمۇ ئۆرە تۇردۇم .بۇ ئايال ئۇرۇن تاللاپ بولالماي يانىلا كوتۇلداپ يۈرىۋەردى. كىسەل ياشقا باقمايدۇ،ياش تۇرۇپ كىسىەل سەۋەبىدىن تەرىتىنى تۇتالمايدىغانلار يوق ئەمەس، ئاغرىنساق،بەزى مەكتەپ قىزلىرىنىڭ-ئوغۇللىرىنىڭ ئاپتۇبۇستىكى ھاياسىزلىقىنى،شۇنى باشقۇرماي باشقىلارنىڭ باللىرىدىن ئاغرىنىدىغان  ئاتا-ئانىلاردىن ئاغرىنايلى، مەن شۇنىڭغا ھەيران قالدىم،مىنى ئاتا-ئانام‹باشقىلاغا ئورۇن بىرىڭ دەپ گەپ قىلمايتى،مەنمۇ ئۆزەمنى سۇراپ بىرەتتىم،چۈنكى شۇ كۈنمۇ بىر كۈنى مىنىڭ بىشىمغا كىلىدۇ،بۇ ئايالنىڭ يىشىغا قارىسا ،بالىسى مان بىلەن تەڭتۇش دەپ ھىس قىلدىم ،بۇ ھەدىمىز بالىسىغا ھازىرغىچە نەسىھەت قىلىۋىتىپتۇ،

Qapaqhenim

	بىزدە بىر ئىشنىڭ ماھىيىتىگە ئەمەس، شەكلەن كۆرۈنۈشىگە قاراپ باھا بېرىدىغان قىزىققانلىق ھېلىھەم مەۋجۇت.

مەتو

	ئالدىراقسانلىق ئاخىرى ئادەمنىڭ بېشىغا چىقىدۇ....

anihinim

	مەنمۇ دائىم باشقىلارغا ئورنۇمنى بىرىمەن ،لىكىن گاھى چاغلاردائابتۇبۇستا ئادەم كۆپ بوپ قالسا قىستىلىشىپمۇ قالىمىز،شۇنداق چاغلاردا يىنىمدا ئەر كىشىنىڭ بولۇپمۇ ئادەمنى قىستەن قىستايدىغان ئەرلەرنىڭ بولىشىدىن بەك بىزار بولۇپ كىتىمەن . ئەھۋال ئۇنداق بولغاندىكىن يە باشقا بىر نەرسە دىگىلى بولمىغان.ئامال يوق ئۆزۈم باشقا تەرەپكە كىتىمەن.

gulbaxikar

	ئاڭلىشىمچە چەتئەللەردە  ئورۇن بۇشۇتۇپ بېرىشنى ئۆزىگە قىلىنغان ھاقارەت، كارغا كەلمەسكە چىقاردى دەپ ئويلارمىش، بىزنىڭ بۇ يەردىكى بەزى يىرىم ياشانغان، قەلبى ياشانغانلار دەل بۇنىڭ ئەكسىچە ! مەن بىر ماتېريالدىن مۇشۇ گەپنى كۆرگەندىن  كىيىن ئامال بار ئۆز ھاجىتىدىن چىقالمايدىغان كىسەلچان ، مىيىپ ، ھامىلدار، ھەقىقى بۇۋاي مۇمايلار بولسا ئورۇن بۇشۇتۇپ بېرىدىغان ، ئادەتتىكى 40-55 ياشقىچە كۆرۈنگەن ئولتارغىسى كىلىپ تەلمۇرۈپ قاراپ كەتكەنلەرگە پىسەنىت قىلمايدىغان بولدۇم!

I+G=Z

	شۇ ياغلىق چىگىۋالسىلا  ھەممە ئىشنى بىلىدىغان ، بەشتە ياخشى ئادەم بولمايدۇ ، نىمە بولسا شۇ ياغلىق باھانە ... توۋا دىمىسە!!!   بەزى ھاللاردا ئاپتۇبۇستا ئولتۇرغان ، ئورۇن بېرەلمىگەن قىزلارنىمۇ توغرا چۈشىنىش كېرەك .  سەكرەپ - تاقلاپ ، بار ئاۋازى بىلەن گەپلىشىپ ئولتۇرغان  ، بى ھايا ، يالغان كۆرمەس بولىۋالىدىغان  ، قىز - ئوغۇللارمۇ يوق ئەمەس .