ئۇيغۇر قىزلىرىنىڭ قۇلاق تېشىش ئادىتى

pazilat2004

	ئۇيغۇر قىزلىرىنىڭ قۇلاق تېشىش ئادىتى       مۇتەللىپ ياقۇپ 　　ئۇيغۇرلاردا قىز بالا يەتتە ياشقا كىرگەندە قۇلىقىنى تېشىپ ھالقا سېلىپ قويۇش ئادىتى بار بولۇپ، بۇ ئادەت ناھايىتى ئۇزاق زامانلاردىن بېرى ئىزچىل داۋاملىشىپ كەلمەكتە. گەرچە بۇ ئادەت ئالاھىدە بىر مۇراسىم شەكلىنى ئالمىغان بولسىمۇ، ئاتا-ئانىنىڭ زىممىسىدىكى چوقۇم ئۆتەشكە تېگىشلىك بىر مەسئۇلىيەت، دەپ قارىلىدۇ. بۇ ئادەتكە ئاتىلار ئانچە پەرۋا قىلىپ كەتمىسىمۇ، ئانىلار بىر خىل مەسئۇلىيەت تۇيغۇسى بىلەن قارايدۇ. ئۇيغۇر قىزلىرىنىڭ ئۈچ ياشقا كىرگەندىن باشلاپ قۇلىقى تېشىلىدۇ. ئەنئەنىۋى قۇلاق تېشىش ئۇسۇلى ناھايىتى ئاددىي ھەم بىخەتەر بولۇپ، كىشىلەر قىزلىرىنىڭ قۇلىقىنى تەشتۈرۈشتە بىرەر موماينى تەكلىپ قىلىدۇ. موماي قىزنىڭ قۇلىقىنىڭ يۇمشىقىنى قوناق ياكى چىگىت بىلەن ئۇزاق ئۇۋۇلاپ، قۇلاق يۇمشىقىنىڭ قېنىنى قاچۇرغاندىن كېيىن، ئاندىن يىڭنە بىلەن قۇلاقنى تېشىدۇ-دە، ئىچىگە سۈپۈرگە تېلى ياكى چاي شامىسىنى سانجىپ قويىدۇ. ناۋادا قۇلاقتىكى ئەسلىي تېشىلگەن تۆشۈك پۈتۈپ قالسا، بۇزۇلۇپ كەتسە، ئاندىن 2-قېتىم يەنە تۆشۈك تېشىدۇ. قىز بالىنىڭ قۇلىقىنى تەشكەندە ئۇنىڭ چىدىماي يىغلاپ كەتمەسلىكى ئۈچۈن، ئۇنىڭغا بىر-ئىككى تال تۇخۇم ياكى بىرەر نەرسە يىگۈزۈپ قويىدۇ. قىزلارنىڭ قۇلىقىنى تەشكۈزگەن كۈنى ئانىسى ئۇلارغا چىرايلىق بىر جۈپ ھالغا ياكى بىرەر سوۋغات ئېلىپ بېرىش بىلەن قىزىنىڭ كۆڭلىنى ئالىدۇ ھەمدە بىرەر ئايغىچە ئۇنىڭ قۇلىقىنىڭ ئەتراپىغا يارا-چاقىلارنىڭ چىقىپ قالماسلىقى ئۈچۈن مايلاپ، ھەر خىل مەلھەملەرنى سۈرتۈپ تۇرىدۇ. قۇلاق ئاساسەن ئۆرۈك چېچەكلىگەن پەيتلەردە تېشىلىدۇ. 　　ئۇيغۇر قىزلىرىنىڭ قۇلاق تېشىش ئادىتى شەكىللەنگەندىن كېيىن، شۇنىڭغا مۇناسىپ ھالدا قىز-ئاياللارغا ھەر خىل ھالقا، مۇنچاقلارنى سوۋغا قىلىش ۋە تويلۇق ئۈچۈن قۇلاققا ئاسىدىغان ھەر خىل زىبۇ زىننەت بۇيۇملىرىنى سوۋغا قىلىش ئادىتى شەكىللەندى. 　　شۇنىڭدىن كېيىن مەخسۇس ھالقا ۋە زىبۇ زىننەتنى ياساش بىلەن شۇغۇللىنىدىغان ھۈنەر تۈرى مەيدانغا كەلدى. ئۇيغۇرلار ئۇلارنى ھالقا، سۆكە، مۇنچاق، زىرە، سىرغا قاتارلىق ناملار بىلەن ئاتايدۇ. ئۇلار بۈگۈنكى ئۇيغۇر جەمئىيىتىدە قىزلارنىڭ تويلۇقىنىڭ مۇھىم بىر قىسمى بولۇپ قالدى. ئۆز بەدىنىگە مەلۇم زىننەت بۇيۇملىرىنى تاقاش ۋە ئېسىش بىلەن بەدەن گۈزەللىكىنى ئاشۇرۇش ئىستىكى ئۇيغۇرلاردا ناھايىتى بۇرۇنلا شەكىللەنگەن. 　　قۇلاق تېشىپ ھالقا ئېسىش ئۇيغۇر ئاياللىرىنىڭ ياسىنىش ئادىتى. بۇ ئۇيغۇر زىبۇ-زىننەت مەدەنىيىتىدە مۇھىم ئورۇندا تۇرىدۇ. 　　مەنبە: جۇڭگو ئۇيغۇرچە رادىئو تورى

شەيدا

	ئېسىمدە قېلىشىچە بەش ياش چاغلىرىمدا ئۈرۈك چىچەكلەپ غۇرا چۈشكەن ۋاقتىسى قوشنىمىزنىڭ ئانىسى ،يىپ ئۆتكۈزۈلگەن يىڭنە بىلەن قۇلىقىمنى تىشىپ يىپنى چەكگەندىن كىيىن ،ئۈستىگە خېمىر چاپلاپ قويغان ئىدى.غۇرا يېسە چۆچۈرە قۇلاق بولۇپ قالىدۇ دەپ شۇ يىلى غۇرىمۇ يېمىگەن ئىدىم.بىر تونۇشىمىزنىڭ قىزى توققۇز ئايلىق قىزىنىڭ قۇلىقىنى تىشىپ ئالتۇن ھالقا سېلىپ قويۇپتۇ،قارىسام ھالقىسى بىر مىسقالدىن كەم چىقمايدۇ.بۇنچىلىك كىچىك بالىنىڭ ھالقىنى تارتىپ قۇلىقىنى يارا قىلىۋىتىشتىن ئەنسىرىمەمدىغاندۇ.

hazniqi

	كىچىك ۋاقتىمىزدا جاپا ئىدى ،قۇلاقنى ئۇۋۇلاپ بولغىچە قورقۇنچتا يېرىم جان بولۇپ قالاتتى ئادەم ،ھازىر تاپانچىدىلا تېشىدىغان بوپ كېتىپتۇ ،خەنزۇ قىزلارغۇ ئۈچ-تۆت يەردىن تېشىۋالىدىكەن.....

akax520

	ئۇيغۇر يىگىتلەر ئارىسىدا يوقتۇ ئۇنداق ئىش؟؟؟؟؟؟

ئۆل

	ئاپتور جاۋابىنى بويلاپ 5قەۋەت  gunahmu كە 2011-09-27 08:21 PMئەۋەتىلدى Re:1قەۋەتتىكى(gunahmu) نىڭ يازمىسىغا ئىنكاس قالدۇرۇش : بۇ ئىشتا ھازىر ئۇيغۇر مىنكاۋخەن يىگىتلىرى خەنزۇ يىگىتلىرىدىن ئېشىپ كەتتى. راس راس مەنمۇ كۆرگەن شۇنداق نوچى دەپ يۈردىغان ئۆزى ئۇيغۇر ئەمما سىزنىڭ باش سۈرۈتىڭىزگە ئوخشاش شۇنداق  ئۇيغۇر يىگىتلىرىمىزىنى

kapTalis

	ھازىر بۇ ئەنئەنە قۇلقىنى بىريەردىن تېشىشتىن ھالقىپ ئىككى ئۈچ يەردىن تېشىشكە شۇنىمۇ ئاز كۆرەپ تەشكىدەكلا يەر بولسا تىشىدىغان  بولاپ كەتتى . نەپەس ئالدىغان بۇرنىنى تېشىشقۇ ئادەتتىكى ئىشقا ئايلىنىپ قالدى.

kapTalis

	ئاپتور جاۋابىنى بويلاپ 1قەۋەت  gunahmu كە 2011-09-27 06:55 PMئەۋەتىلدى  :              ھازىر بىر قىسىم ئوغۇللارمۇ قۇلىقىنى تىشىپ ھالقا ئېسۋالىدىغان بولۋالدى.   سىز ئۆزىڭىز تىپىك مىسالى ئىكەنسىزغۇ .

bahirah

	قۇلاقنى ئىككى تەشتۇرسە گۇناھ بولامدۇ؟ مۇشۇ ھەقتە بىلىدىغانلار بارمۇ؟ قۇلاقنى ئىككى يەردىن تەشتۇرۇش شەرىئەتكە مۇخالىپ بولمىسا مەن ئىككى تەشتۇرمەكچىتىم، ئەگەر گۇناھ ئىش بولسا مۇشۇنداق تۇرىۋەرسۇن. بىلىدىغانلار ئىنكاس قالدۇرۇپ قويساڭلار.