ئاتا ئانىلار بىلەن بالىلارنىڭ پەرقى

qiqakkiz

	ئاتا ئانىلار بىلەن بالىلارنىڭ پەرقى ئويلاپ باقساق ، كۆپۈنچە ھاللاردا ئىشىكتىن كىرىپلا قورسىقىم ئاچتى ، تېخىچە تاماق تەييار بولمىدىمۇ ؟ دىگەن سۇئالنى سورايدىغىنى بالىلاركەن . ئىشىكتىن كىرىپلا كىيىملىرىنى ئالماشتۇرۇشقىمۇ ئۈلگۈرمەي ، سىرتتا بىر كۈن  ئائىلە ئۈچۈن تىرىشىپ تىرمىشىپ ئىشلەپ ، يەنە ئۆيگە كىلىپ  ھاردىم تالدىم دىمەي ، ئوخشىتىپ تاماق ئىتەيچۇ ! دەپ ئويلاپ ئاشخانىدا ئالدىراش يۈرۈيدىغىنى يەنىلا ئانىلاركەن . تاماق ئىتىپ ئالدىغا ئەكەلسىڭىز، ھېلى بەك ئىسسىقكەن ، ھېلى بۇ تاماق تېتىمىدى دەپ ، تاماقنى ياراتمايدىغانلار يەنىلا بالىلار . بىر تال گۈرۈچ ، كۆكتاتنىمۇ زايە قىلماي ، ئېغىزغا تېتىغۇدەك تاماق قىلىش ئۈچۈن ئۆزىنى ئۇپۇرتىۋاتقانلار ئانىلار.   تاپشۇرۇق جېقكەن، ئۈگىنىش قىلىپ چارچاپ كەتتىم دەپ قاقشايدىغىنى بالىلار . بىر كۈن ئىشلەپ ، كەچتە يەنە ئۆي ئىشلىرىنى قىلىپ ،ھاردىم دىمەي ، بالىلىرىنىڭ يېنىدا ئولتۇرۇپ دەرىس تەكرار قىلدۇرغىنى يەنىلا  ئاتا ئانىلار .   بىردەم ئۇنى ئالغۇسى كەلگەن ، بىردەم بۇنى ئالغۇسى كەلگەن ، پۇل بەرمىسە ياكى خەجلەپ بەرمىسە ئاچچىقلايدىغىنى بالىلار .تۇرمۇشتا ئاددى ساددا بۇلۇپ ،پۇلنى بۇزۇپ چاچماي تىجەپ خەجلەيدىغان ،بالىلىرىنىڭ ئوقۇشى ئۈچۈن ، ياخشى تەربىيىلىنىشى ئۈچۈن قورقماي پۇل خەجلەيدىغانلار ئاتا ئانىلار .    ئەتتىگىنى ئورنىدىن تۇرالمايدىغان ، ئويغاتسا قاخشايدىغىنى بالىلار . كەچ يېتىپ ، سەھەر تۇرۇپ  تۇرمۇشنىڭ قايناملىرىغا چۆكۈشكە باشلايدىغىنى ئاتا ئانىلار .    كۆڭلى ئازار يەپ ، ئۆيگە كىلىپ ئاتا ئانىسىنىڭ بەزلىشىنى ئۈمىت قىلىدىغىنى بالىلار . سىرتتا كۆڭلى قانچىلىك ئازار يىيىشىدىن قەتئى نەزەر ئۆيگە كەلسە  چاندۇرماسلىققا ، بىلىندۈرمەسلىككە تىرىشىدىغىنى ئاتا ئانىلار .     ئىچى ئازراق ئاچچىق بولسىلا قاخشايدىغان ،بىرەر ئىش كۆڭلىدىكىدەك بولمىسا ۋاقىراپ ، دەردىنى ئۆيىدىكىلەردىن ئالىدىغىنى بالىلار .دەردىنى ئىچىگە يۇتۇپ ، ئۆيدىكىلەرنىڭ كۆڭلىنى ئايادىغىنى ئاتا .انىلار .    ئويۇن تاماششا بىلەن ئالدىراش ، دەم ئېلىش كۈنلىرى ئۆز كۆڭلىنى خوش قىلىشقا ۋاختى بار ، ئاتا ئانىسىنىڭ ئۆيىگە بېرىشقا ۋاقىت چىقىرالمايدىغىنى بالىلار .ئازراق بوش ۋاختى بولسىلا ئائىلىسىدىكىلەر بىلەن بىللە بۇلۇشنى ، باللىرى بىلەن كۆپرەك بىللە بۇلۇپ ، خۇشال خۇرام كۈن كەچۈرۈشنى ئويلايدىغىنى ئاتا ئانىلار .     ئاتا ئانام ماڭا كۈيۈنسە ، ھەممە ئىش كۆڭلۈمدىكىدەك بولسا دەيدىغىنى بالىلار . بالىلار ئۈچۈن ھەرقانداق بەدەل تۆلەشكە رازى بولىدىغان ، بارلىقىنى بالىلارغا ئاتايدىغىنى ئاتا ئانىلار .     ئاتا ئانىلار بىلەن بالىلار ئوتتۇرسىدىكى پەرق مانا مۇشۇنداق مىھرى مۇھەببەتتىمۇ ئىپادىلىنىدۇ .بۇنى بەلكىم باللىرىمىز توي قىلىپ ، ئىللىق ئائىلە قۇرۇپ ،بىزگە ئوخشاش ئاتا ئانا بولغاندىلا ھەقىقىي تۇنۇپ يىتىشى مۇمكىن .                                  مەنبە : ‹ئىلمىي ئەخلاق ›  كىتابىدىن ئېلىندى .

SaN_Siz

	ئويلىنىپ بېقىشقا تىگشىلىك مەسلە،دىمىسىمۇ  ئاتا _ئانىلارنىڭ يۈكى ھەقىقەتەنمۇ ئېغىر . بۇنى بەلكىم بىزمۇ ئاتا_ئانا بولغاندا بىلىشىمىز مۇمكىن ....

armannn

	تۇغارا بىر كۇنلەردە بىزمۇ ئاتا -ئانا بۇلىمىز

subihan

	شۇنىڭ ئۈچۈن ، ئۇ ،  ئاتا - ئانا .  يەنە شۇنىڭ ئۈچۈن ، ئۇ ، بالا ......   مەن كۆيەرمەن بالامغا، بالام كۆيەر بالىسىغا .

gulrayhan

	مەنمۇ بەك پۇشايمان قىلىمەن....ھەي ئىسىت ....توي قىلمىسامچۇ دەپ كېتىمەن......لېكىن شۇ لېكىن......ئاتا ئانىلىرىمزىنىڭ يۈكى نىمىدىگەن ئېغىر ھە!~!~

abdu04

	كىيىن بىزمۇ بالىلىق بولارمىز دىمەي،سىز مۇ ئاتا - ئانىڭىز نىڭ يۈكىنى يەڭگىلىتىشنى ئويلاپ باقمىدىڭىزمۇ؟

yulgunjay

	مەن كويەرمەن  بالامغا . بالام  كويەر  بالېسېغا  .    بېزلەرمو  كويەيلي ئاتا ئانېمېزغا  .  ئاتا رازې ..خۇدا رازي .. بۇلارني  ئۇنتۇپ قالمايلي........................

aslima~@

	شۇنداق ،مۇشۇنداق جاپا- مۇشەققەت يولىدا ئاندىن ،ئاتا-ئانىنىڭ بالىغا ، بالىنىڭ ئاتا-ئانىغا مېھرى يىپى مەھكەم باغلىنىپ ماڭىدۇ  دەپ ئويلايمەن . . . ناھايىتى توغرا ھەم ئىنچىكە ئېلىپ بېرىلغان تەھلىل تېما بوپتۇ  بۇ .  بۇ بىز ئاتا-ئانا بولغۇچىلارنىڭ شۇنداقلا بىزگە ئاتا-ئانا بولغۇچىلارنىڭ باش تارتىپ بولماس بۇرچى سۈپىتىدە داۋاملىشىپ كەلمەكتە. دىمىسىمۇ خىزمەتتىن ھېرىپ -ئېچىپ كەلگەندە ئىشىكتىن كىرىپلا قىلىدىغىنىمز ئالدىراش كىيىم يۆتكەش ، ئاندىن ئاشخانىدا توختىماي يۈگرەپ يۈرۈش..... قانچە چارچىساممۇ ئۆزۈمنى ھارغىن ھېس قىلمايمەن ، جاپا يۈكى ماڭا قانچە ئارتىلسىمۇ ئايال بولغىنىمدىن ، ئانا بولغىنىمدىن ئاغرىنمايمەن ... چۈنكى مەن ئانا!  مەن ئايال !