مەن دەيمەن...

parakande

	« بالام،باشقىلارغا ۋە باشقىلارنىڭ ئىشىغا ھەۋەسلىنىپ نادامەت ئىلكىدە ھەسرەت چەكمە،كۆكتە ئۇچۋاتقان قۇش سەن ئەمەس ،ئۇ سىنىڭمۇ ئەمەس ،بىلىشىڭ كىرەككى باغلاردىكى رەڭگارەڭ گۈللەر ھەر قاچان جىلۋىدار ،كۆركەم،پۇراقلىق بولسىمۇ ئۇ ھەرگىز دەشىت باياۋان،چۆل جەزىرىدىكى يانتاق ۋە يۇلغۇنلاردەك ياشىيالمايدۇ. ....» خاتىرەمنىڭ باش بىتىگە يىزىلغان بۇ سۆز ئىچ ئىچىمغا سىڭىپ كەتكەن ئۇخشايدۇ...مەن ئويلايمەن ھەممە نەرسە شۇنچىكى تەڭشەلگەن«چۈنكى ھەر زامان تەڭشىگۈچىسى بار»بەزى كىشىلەرگە ھەيرانمەن. قولىدا بارىدا چىڭ تۇتۇپ قەدىرلىمەيدىغان ،ئايرىلغاندا ،مەھرۇم بولغاندىلا قەدرىنى تونۇپ ئاھ ئۇرۇپ ۋايسايدىغان،ئۆز كۈنىگە شۈكرى قىلماي باشقىلار بىلەنلام قالىدىغان، كۈنلىرىنى ئۆز تۇرمۇشىدىن ئاغرىنىپ ،زارلىنىپ،ئۇفسىنىپ،ۋايساش بىلەنلام، باشقىلارغا دەتلەش بىلەنلام ئۈتكۈزىدىغان كىشىلەرنىڭ ھالىغا ۋاي دىگۈم كىلىدۇ. چۈنكى بۇنىڭلىق بىلەنلا ھىچ ئىش ئۆزگۈرۈپ قالمايدۇ. پەقەتلا شۇ مەڭگۈ قايتىلانماس كۈنلىرىڭىزنى قاراڭغۇلاشتۇرىدۇ خالاس .شۇ ۋايساشلار ئورنىدا ئىنتىلىش بولسا ،تىرىشىش، ھەرىكەت،ئىسلاھ بولسىكەن دەيمەن.     كىچىكىمدە دائىم«پويىز زادى قانداقتۇ؟»دەپلام يۈرەتتىم .تاكى ئىككى دوستۇم بىلەن پويىزغا ئولتۇرغانغا  قەدەر ......شۇنچە خۇشال ئىدۇق, قوزغالدى.... يىنىمدىكى دوستۇم«قارا قارا ..»ھاياجانلىق توۋلىدى : -«ئەنە پويىز، پويىز دىگەن شۇنداق بولىدىكەن...»دىرىزە سىرتىدىكى پويىزنى كۆرسىتىپ تۇرۇپ. پويىزنىڭ ئىچىدە تۇرۇپمۇ سىرتتىكى پويىزغا ھەيران قالغان ئەخمەقلەر تازا كۈلۈشكەنىدۇق. بەزىدە بەخت-‹ ئېرىشىش ،ئەمەس ،‹ھىس قىلىش ›مىكىن دەپ ئويلاپ قالىمەن.چۈنكى ككپىنچىمىز كۆپ ھاللاردا بەخىت ئىچىدە تۇرۇپمۇ بەخىتنى ھىس قىپ بولالمايمىز .يەنە باشقىلارغا ئۆز ھالىمىزنى سىلىشتۇرۇپ‹ بەخىتسىز›لىكىمىزدىن زارلىنىمىز.ئاتالمىش<بەخىتلىك>لەرنىڭ بىزگە ھەۋەس بىلەن قاراۋاتقىنىنى ھىس قىلالمايمىز.       « سەن ھاياتقا كۈلۈپ باقساڭ،ھاياتمۇ ساڭا كۈلۈپ باقىدۇ!»ھەممىمىزگە تۇنۇشلۇق ئەمما ئىجراسىز شۇئار! ماڭا نۇرغۇن دوسلىرىم ھەۋەس قىلامىش .بەكمۇ ‹تەلەيلىك،بەخىتلىك ›ئاتىلامىشمەن. تۇرمۇشتىن رازىمەنلىكىم بەخىتلىكلىكىمنى تەن ئالىمەن «ئاللاھ قا شۇكرى»ئەمما مەنمۇ ئۇلارنىڭ ئۆلچىمى بويىچە تورمۇشۇمنى ئۆلچەپ باقسام ،«دەرت»لىرىمنى بىر تۈكۈپ باقسام، ئاھۇ -دەرت -ھەسرەت- نادامەت دەپ كەتسەم ،ئىشىنىمەنكى ھەممىسىنىڭ ئىچى سىرىلغۇدەك يىغلاپ تاشلىغۇدەك دەۋىتەلەيمەن.ئىنىقكى ئولار نەزىرىدى ‹بەخىتسىز›لەر قاتارىدا بولۇپ قالىمەن. نىمە پايدىسى با؟!سىزگىمۇ ماڭىمۇ قىلچە ئەخمىيىتى يوق.سىزنىلا پاراكەندە قىلىپ سالماي  ئۆزۈممۇ تەڭ پاراكەندە بولىمەن خالاس.سەت- چىرايلىق،ئورۇق- سىمىز،ئىگىز-پاكار بوپ قالغانلىقلىرىغىمۇ ئازاپلىنىپ كىتىدىغانلارنىڭ ھالىغا ۋاي دەيمەن،دادامنىڭ قارىشىدا« ئاتا -ئانا بالا- چاقىسى بولسا،ساق -سالامەت ،يىنىدا بولسا، قىلىدىغان ئەھمىيەتلىك ئىششى،قوسىقى تويغىدەك ئېشى بولسا بەخىت دىگەن شۇ» ھەممە ئادەمنىڭ كۆزقاراش،ئىدىيە-پىكىرلىرى ئوخشاش بولمىغاچ «بەخىت›كە بولغان تەبىرىمۇ ئوخشىمايدۇ. مىنىڭ قارىشىمچە: -ئو بىر پۇزۇتسىيە مەسىلىسى يەنى بىر ئۆلچەم مەسىلىسى. بەلكى بەزى كىشىلەر نەزىرىدىكى ‹دەرت›ئۆلچىمى ،مىنىڭ نەزىرىمدە باشقىچە بىر بەختنىڭ ئىپادىلىنىشى بولىشى مۇمكىن. ‹بار بەختنى قەدىرلەشنى بىلمىگەن كىشىدىكى يىڭىچە بەختكە بولغان ئىنتىلىش ئۆز كۈچىنى يۇقاتقان بولىدۇ ›دەپ كىسىپ ئىيتالايمەن. بەخىتنى ھىس قىلالماسلىقنىڭ سەۋەبىنى‹ نەپسىنىڭ بەك يامانلاپ كىتىشى،شۈكرى-قانائەتنىڭ يۇقاپكىتىشى ›دەپ قارايمەن. ئەمەلىيەتتە نۇرغۇن ئىشلارغا ئازاپلىنىشنىڭ ھاجىتى يوق.خۇددى ئىبراھىم ئالپتىكىن «ئاتا-بىر تۈپ سۆيگۈ دەرىخى»دىگەن كىتابىدا ئېيتقىنىدەك: -ئازاب يامان نەرسە ئەمەس،ئۇ بىزنى بويسۇندۇرالمىسىلا. بۇلار مىنىڭ قىسقا ھاياتىمدا ھىس قىلغانلىرىم .مۇشۇ ھەقتە تورداشلار بىلەن پىكىرداش بولۇش مەقسىتىدىمەن. ئاپتورى-پاراكەندە

nadanlik

	«باشقىلارغا ۋە باشقىلارنىڭ ئىشىغا ھەۋەسلىنىپ نادامەت ئىلكىدە ھەسرەت چەكمە،كۆكتە ئۇچۋاتقان قۇش سەن ئەمەس ،ئۇ سىنىڭمۇ ئەمەس ،بىلىشىڭ كىرەككى باغلاردىكى رەڭگارەڭ گۈللەر ھەر قاچان جىلۋىدار ،كۆركەم،پۇراقلىق بولسىمۇ ئۇ ھەرگىز دەشىت باياۋان،چۆل جەزىرىدىكى يانتاق ۋە يۇلغۇنلاردەك ياشىيالمايدۇ»  بۇگەپ ماڭا بەك ياقتى ، زادى بەك ياخشى يېزىپسىز،  تەسەۋۇرغا بەك بايكەنسىز.

chaqmaq137

	ماڭا ئاپام دائىم دەيدىغان «كىشىنىڭ ياخشىسىنى قوغلاشماڭ ،ئۆزىڭىزنىڭ ئەسكىسىدىن قاچماڭ »

Qabiljan

	پويىزدا ئولتۇرۇپ تۇرۇپ ئېرىشكەن ئارزۇنىڭ قەدرىگە يەتمەي سىرتتىكى پويىزغا قاراپ ھەۋەسلەنگەن يەرنى ئوقۇپ ھەم كۈلۈپ كەتتىم.ھەم چوڭقۇر ئويغا چۆكتۈم.بۇ بىر پەلسەپىۋى نەسىر بوپتۇ.باشقىلار كۇندىلىك تۇرمۇشىدا ئاددى چاغلايدىغان،لىكىن يەكۈنلەشكەجۈرئەت قىلالمىغان نۇرغۇن تۇرمۇش ھەقىقەتلىرى بۇ نەسىردە ئۆز ئىپادىسىنى تېپىپتۇ.يوللىغۇچىنىڭ جەمىيەت، تۇرمۇش،بەخت،بەختسىزلىك،دەرت ھەققىدىكى قاراشلىرىدىمۇ ئەندىز ئالغۇدەك ھىكمەتلەر بار ئىكەن.يەنىمۇ تىرىشىڭ.ئۈمىدلىك بىر قەلەمنى كۆرگىنىمدىن خوشالمەن.

Qabiljan

	دەردى يوق دەمسەن مېنى،دەرتنىڭ ھەممىسى مەندە، بەختلىكلەرگە ئاللاھ يار،بەختسىز شەيتانغا دەپسەندە. ئومۇرلۇك دەرت ھىچكىمگە بولىۋەرمەس ھەمىشە  يار. بەخت كەلگەندە ئۇقماسنى،گومۇش دۆت ھەم خۇپسەن دە.

parakande

	ئاپتور جاۋابىنى بويلاپ 3قەۋەت  chaqmaq137 كە 2011-09-17 02:50 PMئەۋەتىلدى  : ماڭا ئاپام دائىم دەيدىغان «كىشىنىڭ ياخشىسىنى قوغلاشماڭ ،ئۆزىڭىزنىڭ ئەسكىسىدىن قاچماڭ » ئاپىڭىزنىڭ ھىكمەتلىك سۆزى«ئۆزۈڭنى بىل،ئۆزگىنى قوي»دىگەنگىمۇ چۈشەمدۇ قانداق.

Qabiljan

	ئۇسسىغاندا سۇ تېپىلسا شۇ مېنىڭ بەختىم دىدىم، ئۇزاق سەپەر ھارغۇزغاندا،ھارۋىنى تەختىم دېدىم. بەتتامكەن دەر ھالۋىنى كۆپ تېتىغان نادان كىشى، ياخشى قەدرىگە ئەسكىدىن قۇتۇلغاندا يەتتىم دىدىم.

parakande

	ھەقىيقەتەنمۇ بۇ ھايات مۇساپىسىدە ئادەم تۈرلۈك تۈمەن سىناقلارغا ئۇچراپ تۇرىدۇ يەنە كۈتۈلمىگەن خۇشاللىقلار ياندىشىپ ،تەڭشىلىپ ماڭىدۇئەلۋەتتە. ئامال بار ئىشلارنى ياخشىسىغا تارتىپ قايغۇنىڭ خۇشاللىقنى يوق قىلۋىتىشىگە ئەمەس خوشاللىقنىڭ قايغۇنى بىسىشىغا ھەرىكەت قىلدۇرساق‹بەخىت›يىقىنلا كەپ قالىدۇ. ئاددى كۆز قاراشلىرىمغا ياخشى باھا بەرگىنىڭىزگە رەخمەت!

musilina

	ئازاب ئىچىدە تۇرۇپ بەختنى ئويلىيالىغانلار ھەقىقىي بەختلىكلەردۇر،كىشىلىك تۇرمۇشقا بولغان ئۈمىدۋارىلقىڭىز،بەخت قارىشىڭىزغا قايىل بولدۇم.... كۆپ ھاللاردا ئادەم نۇرغۇن ئىشلارنى قىلىشنى ئويلايدۇ ،بىراق ئەمىلىيەتتە قىلالمايدۇ، ئازاب تارتقاندا ئۆزىنى خۇشال ھېس قىلالماسلىقمۇ شۇنىڭ ئىچىدە....