دوستۇم ھىس قىلغان مۇھەببەت！

runiyam

	يېڭىلا ئەزا بولۇپ نۇرغۇنلىغان ئەسەرلەرنى ئوقۇپ جەمىئيەتنى تېخىمۇ كەڭ دائىردە چۈشنۈپ يېتىۋاتىمەن . ‹مۇھەببەت› دېگەن بۇ سۆز ماڭا ئىنتايىن ناتونۇش ،تېخى مۇھەببەت قايناملىردا كۈيۈپ باقمىغان مەسۈم بىر قىزمەن . ئەمما تۇرمۇش ھەر تەرەپتىن تەربىيلىمەكتە . تۇرمۇشمىزدا ۋىسالغا يەتكەن ئاشىق- مەشۇقلار يوق ئەمەس ،شۇ مۇھەببەتنى خار قىلۋاتقانلارمۇ ئاز ئەمەس . يېقىندا ئازدۇر -كۆپتۇر ئىشلار بېشمدىن ئۆتكەچكىمۇ قىزلىرىمىزغا ھاياجان ئىچىدە شۇنى دېگۈم كېلۋاتىدۇ. __ گۈزەللەرنىڭ گۈزىلى بولغان ئەي ئۇيغۇر قىزلىرىمىز مۇھەببەتنى قۇبۇل قىلغان ئىكەنمىز مۇھەببەتكە سادىق بولۇپ بەختىمىزنى بىللە يارىتايلى  ...! __ ‹ ئاخىرقى پۇشايمان ئۆزىمىزگە دۈشمەن › __ ئاخىردا قەلەم تەۋرىتشىمگە سەۋەپچى بولۇپ قالغان بۇ ھېكايەمنىڭ قىزلىرىمىزغا ‹ئەينەك › بولۇپ قېلشىنى ئۈمۈت قىلىمەن. تۇيۇقسىز كەلگەن تېلفۇندىن چۆچۈپ ئۇيغۇنۇپ كەتتىم،بۇ دەل دوستۇم نادىرە ئىدى . ئۇيقۇچىلىقتا تېلفۇننى قانداق تۇتىۋالغانلىقىمنىمۇ بىلمەيتتىم. تېلفوننى ئېلشىم بىلەن ئاۋازىنى ئاڭلىغىنىم ئەكبەر بولدى،( يەنى دوستۇمنىڭ ئۈچ يىللىق مۇھەببىتى ،دېمسىمۇ ئۇلار بالدۇر ئارلىشىپ قالغانىدى) __ ماھىرە  ما ؟ __ ھ___ە . __ يېقىندا دوستىڭىز بىلەن كۆرشۈپ تۇرۋاتامسىز ؟ __ ياق . دېمسىمۇ يېقىندىن بېرى بەكلا ئالدىراش بولۇپ كېتىپ باراتتىم . __ نادىرەگە دەپ قويسىڭىز تېلفۇن كارتامنى گۈلنۇر (نادىرەنىڭ نەۋرە سىڭلىسى) دىن ئېلىپ بەرگەن بولسا ... __ ........ تېلفۇن ئۈزۈلگەنىدى... بۇ كەچتە ھەم بۇنداق تەلەپپۇزلاردىن ئىككىسىنىڭ ئازارلىشىپ قالغانلىقىنى ھېس قىلدىم . ئەجىبا ئۇلار يىل ئاخىرىدا بولدىغان توينى بىكار قىلغانمىدۇ ؟ كاللامنى چىگىش خىياللار ئەسىر قىلۋالغانىدى. بۇ بۇرۇنقى ئەكبەر ئەمەس يات بىر ئادەمدەك ... ئىچىم تىتىلدىماقتا ...... بىر ھازا جىم ئولتۇرغاندىن كېيىن نېمىلا بولمىسۇن ئۇنىڭ بىلەن ئۆزۈم سۆزلىشىپ باقاي دېگەننى ئويلىدۇم،ئىشىكنى ئېچىشىم بىلەن ئاپامنڭ ، __ قىزىم نەگە بارىسەن ؟ - دېگەن ئاۋازىنى ئاڭلاپ ئاغزىم گەپكە كەلمەي قالدى . چۈنكى ئاپامنىڭ خاتا چۈشنۈپ قېلشىدىن ئەنسىرەيتتىم. __ نادىرە تېلفۇن قىپتىكەن كۆڭلى يېرىم ئوخشايدۇ چىقىپ كىرەي... ئاپام بەك كەچ قالماسلىقىمنى ئېيتىپ كىرىپ كەتتى . ئوچۇق دەرۋازىنى كۆرۈپ ،ئاستا ئۇ ياتىدىغان ئۆيگە كىردىم .ئۇمۇ ئۇخلىمىغان ئىكەن ،چىرايىدىن  ئىلگىرىكى شوخلۇقتىن ئەسەر قالمىغان دوستۇم مېنى كۆرۈپ ھەيران قالدى . __ ۋاي...ئاداش ! كېلە ... سېنىمۇ كۆرگىلى بولدىكەن ھە ؟   .....   قىسقىغىنا سالاملاشتۇق . __  بۇ كېچىدە كىرىپ قاپسەن ئەكبەر تېلفۇن قىلمىغاندۇ؟   ئۇنىڭ بۇ گېپىدىن ناھايتتى ئوڭايسىزلاندىم. خۇددى ئەكبەر تېلفۇن قىلمىغان بولسا كىرمەيتتىڭ ھە ؟ دېگەندەكلا .... __ شۇنداق .    گەپلەر تېشىلدى .ئۇنىڭغا ھەممە ئەھۋالنى ئېيتتىم ،ئۇ  بىر پەس جىمىپ قالدى ، __ توۋا !... ئەكبەرگە نېمە بولدىكىنە ؟... بۇرۇن ئەھۋال سوراپ ھالى قالمايدىغان بۈگۈن....تېلفۇن قويۋېتىشلىرىچۇ تېخى .... __ ئادەم ئۆزگىرەي دېسە شۇ ئىكەن ئاداش ،   قان- قان يىغلاۋاتاتتى .... بۇ ھالىنى كۆرۈپ يۈرىكۈم لەشتەك ئېزىلدى ،ئۇنىڭغا نۇرغۇن تەسسەللىي بەرگەن بولساممۇ توختايدىغاندەك ئەمەس ئامالسىز سۈكۈتتە تۇردۇم . كەچ بولۇپ كېتۋاتقانلىقىنى .ئويلىغان بولسا كېرەك ،يېغىدىن توختاپ سۆزىنى باشلىدى ... __ تۈنۈگۈن يەنە ئۇنىڭ بىلەن ئازارلىشىپ قالدۇق .ئىككى كۈن ئىلگىرى ئاپىسى مېنى ئىزدەپ كەپتىكەن ،ئاپىسىىغا ، ئۇنىڭ بۇ مىجەزىدىن ئۆي تۇتۇپ كېتشىمگە ئىشەنچىم يوق ،مەيلى ئەمما توي قىلىپ باقىمەن ،ياخشى ئۆتەلمىسەك ئاجىرشىپ كېتمەن دېگەنىدىم. ئېغىز ئىتتىكلىك قىلىپ قاپتىمەن ئەسلى ئۇنداق دېمەسلىكىم كېرەكتى ، ئاپىسى ئۇنىڭغا دېگەن بولسا كېرەك تۈنۈگۈن شۇڭا مېنى ئىزدەپ كەپتۇ. __ ئۇنىڭ نىمە دېگەنلىكىنى بىلەمسەن ؟ __ ياق . __ ئايرىلىپ كېتەيلى .-دېدى . — ھ_____ە ... مېڭەمدىن تۈتۈتۈن چىكەتتى ،قۇلاقلىرىمغا ئىشەنمەي قالدىم . __ ئۇنى بۇنداق دە دەپ ئويلاپمۇ باقماپتىكەنمەن ،  نادىرە بۈگۈن مۇرادىڭغا يەتكۈزمەكچىمەن ،ئەمدى سېنى ئاۋارىمۇ قىلمايمەن ،دائىم بەخىت تىلە دەيتتڭغۇ ؟ ئاشۇ تەنھا دوستلۇرۇڭغا ھەسەت قىلاتتڭغۇ؟ مەن بىر ئوغۇل بالا ،ئاپامغا ئۇنداق دېمەسلىكىڭ كېرەك ئىدى ،ساڭا بەخىت تىلەيمەن ! يىغلاپ يالۋۇرۇشلىرىمغا پىسەنىت قىلماي كەتتى ...كەتتى ....بىلەمسەن ؟ يىغلاپ قالسام يۆلەپ تۇرغۇزۇپ ئۆيۈمگە ئەكلىپ قويدىغان ئەكبەر قېنى ؟ گەرچە ماڭا قىيمىسىمۇ يىگىتلىك غۇرۇرى ئۈستۈن كەلدى . توغرا ، بۇرۇن مەن دائىم ئۇنڭدىن قۇتلۇشنى ئويلايتتىم ئەمما ئېغىزدا دېگنىم بىلەن بۇنىڭ بىر ئەملىيەت بولۇپ قېلشىنى ئويلىماپتىكەنمەن ،ئەنە شۇ ئايرىلىش دەقىقىلىرىدە ئۇنى ھەقىقىي ياخشى كۆردىغانلىقىمنى ،مۇھەببەتنىڭ ھۆرمەتلەپ ئۆز-ئارا يول قۇيۇپ ئۆتكەندىلا بىر باشقا ئېلىپ چىققىلى بولدىغانلىقىنى ھېس قىلىپ ۋىجدان ئازابىدا ئاچچىق تولغاندىم ......... ئۇ  يېغىدىن توختىدى . __ بولدى ئاداش يىغلاشنى يىغلاپ بولدۇم ،مەن مۇشۇ كۈننى كۈتكەنغۇ ؟ ئۇنىڭ بۇ قاراملىقىدىن ،ئۇنىڭدىن قۇتۇلدۇرغايسەن دەپ ئاللادىن تىلگەنىدىمغۇ؟ شۇنداق بىر كۈنلەر كېلىپ ،نادىرە ... ساڭا بەخىت تىلەيمەن دىيشىنى كۈتكەنغۇ؟ راست ئۇ ئاخىرى مۇرادىمغا يەتكۈزدى،مەنمۇ مۇرادىمغا يەتتىم،ئەمدى يىغلاشنىڭ ئورنى قالدىمۇ ؟ تېخىمۇ ھەيران قېلىۋاتاتتىم ... تېلفۇنۇم سايرىدى ... دائىملا غېمىمنى يەيدىغان ئاپام ئىدى . دوستۇم چاندۇرماي يېشىنى سۈرتۈپ تۇرۇپ بولدى ئاداش سەنمۇ چارچىدىڭ چىقىپ ئارام ئالغىن ، جەمىلەم ھەدەم ئەنسىرەپ قالمىسۇن ،مەن ھازىر ناھايتتى ياخشى ،پەقەت ۋاقىت كېرەك ۋاقىت ھەممىنى ئۇنتۇلدۇرىدۇ ...-دېدى مېنى خاتىرجەملەندۈرۈش ئۈچۈن.... نېمە دېيىش كېرەكلىكىنى بىلمەيتتىم ... __ بوپتۇ ئاداش كۆڭلىڭنى بۇزما ،ئۆزۈڭنىمۇ ئايىغىن ھەممە ئىشلار ئۆز يولىدا ھەل بوپ كېتەر ....   بېشىنى يېنىك لىڭشىتتى ..  خوشلاشتۇق . ئۇ كەينىمدىن ئاللىقانداق خىياللار بىلەن ئۇزاققىچە قاراپ تۇردى .... ئۇنىڭ بۇ قىسمەتلىردىن قاتتىق قايغۇرغان بولساممۇ بۇ ئەركە شوخ دوستۇمدىن سۆيۈندۈم ،ئۇ مەندەك بىر دوستېغا مۇھەببەتنىڭ نېمىلىكىنى ھېس قىلدۇرغانىدى ،قىسقىسى ئۆزىمۇ مۇھەببەتنى چۇشەنگەنىدى. لېكىن تولىمۇ تولىمۇ كېچىكىپ     مەنبە:  قەلىمىم .

tumaris0995

	تۇنجى قېتىملىق يازمىڭىزمۇ بۇ؟ داۋاملىق تىرىشىڭ...

بېھزات

	نادانلىق ۋە دۆتلۈك ئۆزىنىڭ بەختىگە توغان ساپتۇ...تىخى تويمۇ قىلمىغان بىر قىز يىگىتنىڭ ئانىسىغا ئۇنداق گەپنى قىلغان بولسا ئەكبەرنى ۋىجدانسىز ، ۋاپاسىز دىيىشكە ھەرگىزمۇ شەرتى توشمىغۇدەك... مۇھەببەت قەدىرلىگەنلەرگە خۇشاللىق ئىلىپ كىلىدۇ ،قەدىرلىمگەنلەرگە ئازاپ...

mosajan0997

	راسىت دەيسىز...مەنمۇ شۇنداق ئويلىغان... لىكىن پۇشايمان قىپتۇ،ئەمما بىردەمچىلىكلا.... ئىشلار ئۆز جايىغا چۈشۈپتۇ مانا ...ھىچ ئىش بولمىغاندەكلا.........

نۇربىيە

	مۇھەببەت بەزىدە شۇنداق رەھىمىسىز ............

xahlaay

	ھەي مۇھەببەت زادى كىملەرنى يىغلىتىپ ، كىملەرنى زار-زار قاخشىتىپ يۈرىسەنغۇ

aniya

	رېئال تۇرمۇشىىمىزدا بۇنداق ئشلار كۆپقۇ؟  لېكىن دوستىڭىزنىڭ  تېخىمۇ غەيرەت بىلەن ياشىشىغا تىلەكداشمەن،

musilina

	ئەكبەرنىڭ ئۇ دوستىڭزدىن ئايرىلپ كەتكىنى توغرا بوپتۇ، ئۇ قىز ئەمدى ئەقلىنى تېىپىپ يىگىتلەرنى ۋە ئۇلارنىڭ ئاتا -ئانىلىرىنى ھۆرمەتلەيدىغان،ئاغزى ئىتتىكلىق قىلمايدىغان بولا....

kapTalis

	ئەجىبا سىز راسلا مۇھەببەت قايناملىردا كۈيۈپ باقمىغان مەسۈم قىزما ؟

tabassom

	مەن راستنى دسەم مۇھەببەتنى چۇشەنمەيمەن .قانداق بۇلدىغاندۇ دەپ قىزىقپ ئۇقۇپ باققاندىم