AC مىلان 2 : 2 بارسېلونا

mars-adimi

	مىلادىيە 2011-يىلى 9-ئاينىڭ 14-كۈنى شىنجاڭ ۋاقتى سائەت 00:45 دە، 2012\2011-يىللىق ياۋروپا چىمپىيۇنلۇق لوڭقىسىنى تالىشىش مۇسابىقىسىنىڭ H گۇرۇپپىدىكى كۈچلۈك كوماندا ئىسپانىيە بارسېلونا كوماندىسى ئۆز مەيدانىدا شۇ گۇرۇپتىكى يەنە بىر كۈچلۈك كوماندا ئىتالىيە AC مىلان كوماندىسىنى كۈتۈۋالدى. مۇسابىقە باشلىنىپ يېرىم مىنۇتقا يەتمىگەن ۋاقىتتا، يەنى 24 سېكۇنت بولغاندا AC مىلان كوماندىسىدىكى بىرازىلىيىلىك ياش ماھىر پاتو ئوتتۇرا مەيداندىن بۈسۈپ كىرىپ، چىرايلىق بىر توپ ئۇرۇپ ۋاقتىنچە ئۈستۈنلۈكنى ئىگەللىدى. ئارىلىقتا بارسېلونا كوماندىسى كۆپ قېتىم كۈچلۈك ھۇجۇم قىلغان بولسىمۇ، AC مىلاننىڭ قاتتىق مۇداپىئەسى ئاستىدا، نۇمۇر ئالالمىدى. 36 مىنۇت بولغاندا بارسېلونا كوماندىسىدىكى مېسسى سول تەرەپتىن چەكلەنگەن رايۇنغا بۈسۈپ كىرىپ، ۋارتانىڭ ئالدىدىن ئوڭ تەرەپكە پاس بەردى، بۇ توپنى پېدرو تېپىپ كىرگۈزۈپ نەتىجىنى 1:1 قىلىپ تەڭلەشتۈردى. ئالدىنقى يېرىم مەيدان 1:1  نەتىجە بىلەن ئاياقلاشتى. كېيىنكى يېرىم مەيدان باشلىنىپ، 50 مىنۇت بولغاندا، بارسېلونا كوماندىسىدىكى ۋىللا چەكلەنگەن رايۇن سىرتىدىن بىر ئىختىيارى توپنى تېپىپ كىرگۈزۈپ، نەتىجىنى 2:1 ئۆزگەرتتى. كېيىن ھەر ئىككى تەرەپ قاتتىق تىركەشتى. بارسېلونا كوماندىسى پۈتۈن كۈچى بىلەن كۆپ قېتىم ھۇجۇمغا ئۆتتى. AC مىلان كوماندىسى ئاساسى جەھەتتىن مۇداپىئە ھالىتىدە تۇرۇپ، تۇيۇقسىز ھۇجۇمغا ئۆتۈش تاكتىكىسىنى قوللاندى. 90 مىنۇت تۇشۇپ قۇشۇپ بېرىلگەن ئەڭ ئاخىرقى بىر مىنۇتتا، AC مىلان كوماندىسى سول تەرەپتىن بۇلۇڭ توپ تېپىش پۇرسىتىگە ئېرىشتى-دە، بۇ توپنى سىلۋا ئۈسۈپ كىرگۈزۈپ نەتىجىنى 2:2 قىلىپ تەڭلەشتۈرۈۋالدى. تەبرىكلەشكە ئەرزىيىدىغىنى، AC مىلان كوماندىسى ئەڭ دەسلەپكى بىر مىنۇت ۋە ئەڭ ئاخىرقى بىر مىنۇتتا ئىككى توپ كىرگۈزۈپ، بارسېلونادەك خورىكى ئۈسۈپ كېتىۋاتقان كۈچلۈك كوماندىنىمۇ ساراسىمگە سېلىپ قويدى. ئەمدى كېيىنكى قېتىم AC مىلان كوماندىسى ئۆز مەيدانىدا بارسېلونا كوماندىسىنى كۈتۈۋالىدۇ. مۇناسىۋەتلىك رەسىملەر: تۇنجى توپنى كىرگۈزگەن بىرازىلىيىلىك ياش ماھىر - پاتو. پېدرو توپ كىرگۈزدى .

تاڭنۇر

	پاتو ئۆزىنى بىر كۆرسىتىپ قويدى جۇمۇ . پاتونىڭ ئورنىدىن تېز قوزغىلىپ قىسقا ئارلىققا تېز يۈگۈرۈپ بارسالونا ۋارتارىغا مۇسابىقە باشلىنىپ 24 سىكىنوتتا ئۇرغان توپى ھەقىقەتەن چىرايلىق چۈشتى ......... ئالغا مىلان .

laqin

	ئەپسۇس ئالدىنقى يېرىم مەيدان تۈگىمەيلا كېرىسلودا شېرىن ئۇيقىغا غەرىق بولۇپتىمەن ، بۈگۈن ئالدىراش بولۇپ قېلىپ نەتىجىسىنى بىلەمىگەنتىم ، تىما ئىگىسىگە رەھمەت .

kapTalis

	يامان ئەمەس قىززىپ قويدى بۇ مۇسابىقە .

DIL-YIRIM

	ئەپسۇس ئۇرايىماخۇن يارىلىنىپ قىلىپ قاتنىشالمىدى ،،غەيرەت قىل مىلان.

JAWLAN622

	ئاخشام تېلىۋۇزۇرنى ئېچىشىمغىلا بىر توپ كىرىپ كەتتى.  بارسىلونانىڭ ھەيۋىسىنى يەرگە ئۇرۇپتىدە مىلان . پاتو يارايسەن ئۇزغۇنلىقتىكى 5-تىز كىرگەن توپنىڭ تارىخىنى ياراتتى، ئۇنداقتا ئۇزغۇنلىقتىكى 5-تىز كىرگەن توپنى كۇرۇپ باقامدۇق.

oyganhanzmn

dolantograk004

	ياخشى