پىلتە لەغمەن ئىتىشنى ئۈگىنىڭ ( پىلتە لەغمە

XERHAN

	ئەسسالام تورداشلار  ، بۈگۈن مەن سىلەرگە ئۇيغۇر تائاملىرىدىن پىلتە لەغمەننى قانداق تەييارلاش توغۇرلۇق ماقالە ئېلىپ كەلدىم ، تۆۋەندىكى تەرتىپ بويىچە تەييارلىساڭلار چوقۇم يىيىشلىك ، ئوخشىغان پىلتە لەغمەننى ۋۇجۇدقا چىقىرالايسىلەر ! تەييارلاش ئۇسۇلى :     ئۇن بىر كىلوگرام،سامساق بىر باش،گۆش175گرام،ئاچچىقسۇ مۇۋاپىق،سۇ يېغى140گرام،كاۋاۋىچىن سۈيى ئازراق، كۆك لازا ئىككى شوخ،سۇڭپىياز بىر تال،پەمىدۇر ئىككى تال،،تۇزمۇۋاپىق مىقداردا. [ئېتىش ئۇسۇلى]     1.يۇقۇرىدا ئېيتقىنىمىزدەك،پەسىلگە قاراپ ئۇنغاتۇز ۋە سۇ قۇيۇپ خېمىر يۇغۇرۇپ،پورەك چىققىچە ئىشلەپ،15مىنۇت تىندۇرغاندىن كىيىن35گرام چوڭلۇقتا زوۋۇلا ئۈزۈپ،زوۋۇلنى ياغلاپ تۇرۇپ بىگىز قولدەك توملۇقتا ئۇزۇنچاق پىلتە قىلىمىز.پىلتىلەرنى دەستىلەپ تىزغاندا،ھەر قەۋىتىنىڭ ئۈستىنى ياغلاپ تۇرۇش كېرەك.پىلتىلەرنى تەييار بولغاندا يەنە15-10مىنۇت تىندۇرغان ياخشى.     2.تىنغان پىلتىنى بىر-بىرىدىن ئېلىپ ئاشتاختىدا ئىككى ئالىقان بىلەن دومىلىتىپ تەكشىلىۋىلىپ،ئاندىن ئىككى بىشىدىن تۇتۇپ سوزۇپ ئاشتاختا ئۈستىگە قاتار-قاتارتىزىلىدۇ.     ئاندىن ئىككى ئۇچىدىن تۇتۇپ ئىككى بىلىكىمىزنى كېرىپ ئاستا ۋە دادىللىق بىلەن سوزۇپ،ئوتتۇرىسىنى ئاشتاختىغا بوش-بوش ئۇرۇپ،بىر غۇلاچ بولغاندا قاتلاپ يەنە سوزىلىدۇ. ئىنچىكە سوزۇلغاندا،بىر ئالقىنىمىزغا يىغىلغان پىلتە بېشىنى ئۈزىۋېتىپ،ئىنچىكە سوزۇلغان خېمىرنى قازانغا تاشلاپ بەش مىنۇت قاينىتىلىدۇ.ئاش پىشقاندىن كىيىن سوزۇپ ئېلىپ،سوغوق سۇدا چايقاپ،ئاندىن يا ئىسسىتىپ ياكى شۇ پېتىچە چىنىلەرگە ئېلىپ ئۈستىگە تەييارلانغان سەينى سالساق بولىدۇ. قىزلار ۋە ئاياللار كۆپرەك ئىگەللەڭلار ، ئەرنىڭ ۋە قېيىنئانا ، قېيىنئاچىلارنىڭ ئالدىدا يۈزۈڭلار يورۇق بولىدۇ . باشقا ئوغۇل تورداشلارمۇ ئۈگۈنۈپ قويساڭلار زىينى يوق . ئۆيدە خوتۇن كىشى يوق چاغلاردا ئەس قاتىدۇ . مەنبە : ئاشپەز تورى http://axpaz.cn/bbs/read.php?tid-2282-fpage-6.html

axpaz

	ئۇنداقتا مەن بىرىنچى بۇلۇپ ئېغىز تەگدىم مىسرانىمداشلارغا تەييارلىغان لەڭمەنگە

hokumran

	تاماق يىيىش ھەرگىزمۇ قورساق تويغۇزۇش ئۈچۈن ئەمەس بەلكى ياشاش ئۈچۈن . ئىنسان ياشاشنىلا ئويلايدىكەن چوقۇم تاماق يىيىشى كېرەك. ئۇيغۇر تائاملىرى شۇنداقلا ، باشقا مىللەتلەرنىڭ مىللىتىمىز ئورپ - ئادىتى ، ئېتىقادىغا ماس، ساغلاملىققا پايدىلىق تائاملىرى بىلەن تونۇشۇپ چىقىش ھەممىمىز ئۈچۈن پايدىلىق.       تاماق ئېتىش گەرچە ئاياللارغا خاس ئىش بولسىمۇ بىراق شۇ توغرىدا مەلۇم چۈشەنچىگە ئىگە بولۇش بارلىق ئەركەكلەر ئۈچۈن بىلىشكە تېگىشلىك مۇھىم ئىش . چۈنكى كۈنلەرنىڭ بېرىدە ئانىڭىز ياكى ھەمشىرىڭىز يېنىڭىزدا يوق ئەھۋالدا ، كۈتۈلمىگەن ئىش- ھادىسىلەرگە يولۇقىشىڭىز ، ئالدىڭىزدا تەييار بولغان خۇرۇچلاردىن قانداق پايدىلىنىشنى بىلەلمەي تېڭىرقاپ قېلىشىڭىز مۇمكىن . ئەنە شۇ چاغدا ئۈگەنگەن بىلىمىڭىزنىڭ سىزنى ھاياتلىق يولىغا باشلىشى مۇمكىنلىكىنى ھەرگىزمۇ نەزەردىن ساقىت قىلالمايسىز. سەمىمىي ئەسكەرتىش : ئىنكاس پەقەت تېما ئۈستىدە بولسۇنكى ھەرگىزمۇ تېما يوللىغۇچىغا زەررىچە زەربە ( ھاقارەتلىك ئىنكاس) بولمىسۇن !!!!!  ھاقارەت ياكى تەنە تۈسىنى ئالغان بارلىق ئىنكاسلار بىردەك ئۆچۈرىلىدۇ.

musilina

	مەن لەغمەن ئەتسەم بەزىدە چۆپى ئىنچىكە،يېيىشلىك چىقىدۇ،بەزىدە توم چىقىپ قالىدۇ ياكى ئۈزۈلۈپ كېتىدۇ.... شېرخان تونۇشتۇرغان ئۇسۇل بويىچە ئېتىپ باقاي قېنى ؟ئۇن ،گۆش..دېگەنلەرنى جىڭلاپ يۈرمەي ، كۆز مۆلچەرىمىزدە قىلساقمۇ بولىدىغۇ-ھە ؟

natik

	ئەر خۇتۇن ئىككلىسى خىزمەت قىلدىغانلار ئۈگۈنىۋالسا بولغۇدەك ئايالى ئىشتىن قايتىپ كەلگۈچە لەغمەن دىگەندىن ئوت چىقىرىپ ساقلاپ  تۇرسا ئايالى كىلىپ مۇكاپات بىردۇ .

Qabiljan

	مۇشۇ پىلتە لەغمەن بىلەن خوشۇمنىڭ يوقلقىنى بىر دېمەيسىلەر.ئەڭ پەيزىسى كەسكەن لەغمەن.

Qabiljan

	ھازىر كۆپ ئادەمدە قاندا ماي ماددىسى ئېشىپ كېتىكلىك پىلتە لەغمەن كىسەلنى ئېغىرلاشتۇرۇشقا ھەسسە قوشىدۇ.

I+G=Z

	تولىمۇ  ئېسىل تاماق بۇ ...  مەن تاشكەنتدە تۇرىمەن ... قەينى ئاتام بۇيەردە  مەخسۇس لەغمەن  قىلىدىغان ئاشخانا ئاچقان ،  ئۇزبىكلەر  ماختىشىپ يىيىشىدۇ ... نەق شۇ  پىلتە لەغمەن .  تاشكەنىتدىكى ئالدى  لەغمەنخانە ... ئازاد بېك  دىن  باشلاپ ھەممە ئارتىسلار  بۇيەرگە كېلىپ لەغمەن  يەپ كېتىشىدۇ ...

kahriwa629

	سىزنىڭ دەۋاتقىنىڭىز تېز تاماقخانىلاردىكى）面匠（ئۇستاملارنىڭ لەغمەن ئىشىش ئۇسۇلىكەن. مەنمۇ لەغمەنگە بەك ئامراق .لەغمەن ئىتىشكىمۇ ئۇستا.  لىكىن مەن پىلتىنى ئىككى ئالقىنىمغا ئېلىپ تېز-تېز يۈگۇرتۈپ ئېشىمەن .كونسۇل كوچىسىدىكى لەغمەنخانىلارغا ئوخشاش .تاماقنى كۈڭۈل قۇيۇپ ئەستايىدىل ئەتسە تېخىمۇ يىيىشلىك بۇلىدۇ.ئېسىل تېمىڭىزغا ھەشقاللا!

feroza

	مەن لەغمەن ئىتىشكە كارامەت ئۇستا ، تازا بىر ماختىنىۋالاي،،،،