مۇنبەرداشلار،مۇشائىرەگە مەرھەمەت...

musilina

	ئەسسالامۇ ئەلەيكۇم،مىسرانىم مۇنبىرىدىكى ئەزىز  تورداشلار، ھەممىڭلار سالامەت تۇردۇڭلارمۇ؟  مۇنبەردىشىڭلار مۇسىلىنەدىن  ئېگىلىپ تۇرۇپ ئوتلۇق سالام،ھەممىڭلارنىڭ تېنى سالامەت بولسۇن، ئىشلىرىڭلار ئۇتۇقلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن...!       ئەمدى مەقسەتكە كەلسەك ،ما يېقىننىڭياقى مۇنبەردە بىر قىسىم كۆڭۈل رەنجىشلەر،ئۇقۇشماسلىقلار كېلىپ چىقىپ،بۇ توغرۇلۇق ئابابەكرى مۇختەر ئۆزى بىۋاستە چۈشەنچە بېرىپ،ئەھۋال ئايدىڭىلشىپ كۆڭۈللەر خاتىرجەم بولدى،شۇ مۇناسىۋەت بىلەن بۈگۈن مۇنبەرداشلار ئۆزئارا  شائىرانە ھېسياتلىرىنى ئۇرغۇتۇپ، كۆڭۈل  ئۈنچىلىرىمىزنى چېچىشىپ ، مۇنبەر كەيپىياتىنى تېخىمۇ جانلاندۇرغان ئاساستا مۇشائىرە قىلىشايلى  دېگەن مەقسەتتە تۆۋەندىكى بىرنەچچە كۇبلىت  شېئىر ئارقىلىق  بۇ مۇشائىرە سورۇنىنى ھازىرلىدىم،قېنى ،بېشىمىزنى ئىچىمىزگە تىقىۋالماي مەرھەمەت قىلايلى.... دوستلۇق،دىيانەت  توغرىسىدا: دوستلۇق گۈللىرى ئېچىلدى پورەكلەپ،، كۈلدى مانا قېرىنداش،دوست –يارانلار. مۇنبەرداشلار جۆر بولايلى شادلىققا، مۇشائىرەدە قىزىپ كەتسۇن شوخ پاراڭلار. ۋاپا بىلەن يۇغۇرۇلسۇن چىن دوستلۇق، يۈرەكتە دوستلۇققا بولمىسۇن خىيانەت. ياشايلى ئېتىقاد،ۋىجدانىمىز بىلەن، سۇسلاپ قالمىسۇن ئىنساپ –دىيانەت. سۆيگۈ –مۇھاببەت توغرىسىدا: كۈندۈزى خىيالىمنى ئوۋلايدۇ سېھرىڭ، كېچىسى چۈشۈمنى قىلىسەن قامال. ۋىسال مېنىڭدىن بولسىمۇ يىراق، يۈرىكىم ئۆزۈمنى ئالدايدۇ تىنماي. مەڭزىمنى سۆيۈپ ئۆتىدۇ كۆز ياش، قەلبىمنى ئۆرتەيدۇ پىغانلىق ھېسلار. مۇڭلۇق ھوجرامدا ئولتۇرىمەن تەنھا، يۈرەكنى چىرمايدۇ ئېزگۈ خىياللار.    مۇشائىرە قائىدىسى: كۇبلىتلارنىڭ ئاخىرقى مىسراسى باش مىسرا قىلىنىپ باشلىنىدۇ،ئەگەر باشقا شەكىل،باشقا مەزمۇندىكى شېئىرلارنى يېزىپ بېقىشنى خالايدىغانلار بولسا ئۇنىڭغىمۇ مەرھەمەت،چۈنكى  مۇنبەر ھەركىم ئۆزىنىڭ كۆڭۈل  ئۈنچىلىرىنى چاچىدىغان سورۇن..... قېنى ئەمسە ، مەرھەمەت...مېنى نائۈمىتتە قويمىغايسىلەر..... مەنبە : كۆڭۈل ئۈنچىلىرىم

KURAX.JAN

	سۇسلاپ قالمىسۇن ئىنساپ-دىيانەت ، دوسلارغا  ھەرگىز  قىلما  ئاھانەت . بىلسەڭ مېھىر -مۇھەببەت دىگەن ، ئىنسانغا  مەڭڭۇلۇك  ئامانەت  .

mihir

	يۈرەكنى چىرمايدۇ ئىزگۈ خىياللار ، ۋەسۋەسە ئىچىدە ئۆتكەندەك دائىم . تۇرمۇش قايناملىرى بولسىمۇ مۈشكۈل ، ھەرگىزمۇ دات ئەمەس ، يىمەيمەن ۋاھىم .

musilina

	ئىنسانغا مەڭگۈلۈك ئامانەت، ۋاپا،ئەقىدە، ۋىجدان ۋە غۇرۇر. غۇرۇرۇڭ بىلەن ياشىساڭ ئەگەر، ئەل قەلبىدىن ئالىسەن ئورۇن.

musilina

	ھەرگىزمۇ دات ئەمەس،يىمەيمەن ۋايىم، كەلسىمۇ بېشىمغا تاغدەك دەرت -ئەلەم. مۈشكۈلات،جاپالار قالار ئارقامدا، ئىشەنچ بىلەن باسسام ھەر قەدەم،

nazli819

	ھەرگىز دات دىمىگىن،يىمە ھەم ۋايىم، يوللىرىڭ ئىگىز-پەس،دۈچ كەلسەڭ داۋان. تۈزلەرمەن يولۇڭنى،پەس قىپ ئىگىزنى، جان دوستۇم سەن ئۈچۈن پىدادۇر بۇ جان.

kugul

	ئورۇن ئىلىپ قۇياي، ئىشلەۋاتقانتىم سەل تۇرۇپ يازىمەن.

nalam

	ۋاپا بىلەن يۇغۇرۇلسۇن چىن دوستلۇق،    يۈرەكتە دوستلۇققا بولمىسۇن خىيانەت. ياشايلى ئېتىقاد،ۋىجدانىمىز بىلەن، سۇسلاپ قالمىسۇن ئىنساپ –دىيانەت.       سۇسلاپ قالمىسۇن ئىنساپ -دىيانەت، ئىناقلىق ئۇرىغى چىچىلسۇن ھەر يان، قولنى- قولغا تۇتۇشۇپ ئىتپاقلىشىساقلا. گۇللەنمەسمۇ بۇ ئۇيغۇرمۇنبەر ھەرزامان. يىڭى ئەزا بولسىاممۇ ئەگىشىپ قويدۇم

mihir

	ئىشەنچ بىلەن باسسام ھەر قەدەم ، توسىۋالدى ئالدىمنى ھەدەم . قانداق قىلاي، ئەمدى نە چارە ، يۈرۈگۈمنى قىلمىغىن پارە .

qqnurzat

	مەنزە مۇشۇ مۇشائىرە دىگەننى پەقەتلا قاملاشتۇرالمايمە . قىنى ئىنكاس كۆرەي .