كارخانىچى بىلەن تىجارەتچىنىڭ پەرقى

Qapaqhenim

	كارخانىچى بىلەن تىجارەتچىنىڭ پەرقى كارخانىچى بىلەن تىجارەتچىنىڭ پەرقى ناھايىتى كۆپ مەن بۇ يەردە پەقەت ئاساسلىق ئۈچ خىل پەرقىنىلا سۆزلەپ ئۆتەي: 1. تىجارەتچى پۇل تېپىش ئۈچۈنلا ھەركەت قىلىدۇ، كارخانىچى مەلۇم بىر سېستىمىنى نورمال ئايلاندۇرۇش ئۈچۈن ھەركەت قىلىدۇ. 2. تىجارەتچىدە تەرەققىيات ئېڭى بولمايدۇ، پەقەت كۆپ پۇل تېپىش ئېڭىلا بولىدۇ. كارخانىچىدا بولسا ئۈزلۈكسىز تەرەققى قىلىش ئېڭى بولىدۇ، پۇل پەقەت تەرەققىياتنىڭ ماددى ئاساسى دەپ قارايدۇ. 3. تىجارەتچى پەقەت ئۆزىگىلا پايدا يەتكۈزىدۇ، مەيلى قانچىلىك كۆپ پۇل تاپسۇن باشقىلارغا ھىچقانداق ئەھمىيىتى بولمايدۇ. كارخانىچىنىڭ ئىجدىمائىي رولى بەك چوڭ بولىدۇ، قانچە كۆپ پۇل تاپسا جەمىيەتكە قوشىدىغان تۆھپىسى شۇنچە كۆپ بۇلىدۇ. يۇقۇردىكى پەرىقتىن بىز مۇنداق بىر يەكۈنگە كېلىمىز: پۇل تاپقان كىشىلەرنىڭ كۆپ بۇلىشى بەك ياخشى ئىش بولىشى ناتايىن، لىكىن كارخانىچىلارنىڭ كۆپ بۇلىشى بۇ بىر ياخشى ئىش! كارخانىچىلار قانچە كۆپ بولسا پۇلنىڭ جەمىيەت تەرەققىياتىغا قوشىدىغان تۆھپىسىمۇ شۇنچە كۆپ بولىدۇ، پۇقرالار ئالىدىغان نەپمۇ شۇنچە كۆپ بولىدۇ. ھازىر شىركەت قۇرىۋاتقانلارنىڭ ئىچىدە ھەقىقى كارخانىچىلار ناھايىتى ئاز سالماقنى ئىگەللەيدۇ، شۇڭا بۇنداق شىركەتلەرنىڭ كۆپلەپ قۇرىلىشىمۇ ياخشى ئىش بولىشى ناتايىن.( بۇ يەردە يەنە بىر نەرسىنى دىگۈم كېلىۋاتىدۇ، دەسلەپتە ھەممە ئىشنى قىلماق ناھايىتى تەس، شۇڭا بۇنداق شىركەت خوجايىنلىرىغا دەسلىپىدىلا سەن چوقۇم ياخشى بىر كارخانىچى بولىسەن دەپ شەرت قويغىلى بولمايدۇ، ئەممە بەزى چوڭ شىركەت خوجايىنلىرى شىركەت چوڭايغاندىن كېيىنمۇ يەنىلا شۇ تىجارەتچى پېتىدا مېڭىۋېرىدۇ. بەزى خېلە چوڭ شىركەت خوجايىنلىرىنىڭ بولمىغۇر ئىشلىرى ئادەمنىڭ كۈلكىسىنى قىستايدۇ. ) مۇنداق بىر مىسال كۆرسىتەي، ھازىر جەمىيىتىمىزدە ئوقۇش پۈتتۈرۈپ ئىش تاپالمايۋاتقان ئالي مەكتەپ ئوقۇغۇچىلىرى ناھايىتى كۆپ، قىزىق يېرى بۇ ئوقۇغۇچىلار ئۇيغۇر شىركەتلىرىدە ئىشلەشنى خالىمايدۇ. شۇڭا نۇرغۇن چوڭ – كىچىك ئۇيغۇر شىركەتلىرى ئىشلەيدىغان ئادەم تاپالمايۋاتىدۇ. بۇ بىر قىزىق مەسىلە، خىزمەت تاپالمايۋاتقان ئادەم ساماندەك كۆپ، خىزمەتچى تاپالمايۋاتقان شىركەتمۇ ساماندەك كۆپ. بۇ پۈتۈن مەملىكەت خارەكتىرلىك ئىجدىمائىي مەسىلە، لىكىن بىزنىڭ ئۇيغۇرلار ئىچىدە ئىنتايىن ئېغىر بولغان ئىجدىمائىي مەسىلە. دىمەك پۇل تاپقانلارنىڭ ياكى شىركەت ئاچقانلارنىڭ كۆپ بۇلىشى تامامەن ياخشى ئىش بولىشى ناتايىن. ئويلاپ باقساق ئاشۇ يېڭى ئۇقۇش پۈتتۈرگەن ئوقۇغۇچىلارنىڭ ئۇيغۇر شىركەتلىرىنى ياراتماي بىكار يۈرۈشكە رازى بولىشى ئۇيغۇر كارخانىلىرىغا نىسبەتەن بىر ھاقارەت! ئەمەليەتتە ھەممە ئۇيغۇر كارخانىلىرى ئۇنداق يېڭى ئوقۇش پۈتتۈرگەنلەر ئىشلەشنى خالىمايدىغان دەرىجىدە ناچار ئەمەس. بۇ يەردىكى مەسىلە ئاشۇ بىرقىسىم شىركەت بولۇشقا شەرتى توشمايدىغان، پۇلنىڭ ئۈستىگىلا قۇرۇلغان ناچار سۈپەتلىك شىركەتلەر پۈتۈن جەمىيەتكە ئاشۇنداق ناچار تەسىرنى سىڭدۈرۋەتكەن. بۇلارنى يىغىپ كەلسەك گەپ يانىلا شىركەت خوجايىنىغا تاقىشىدۇ. خوجايىننىڭ بىلىم سەۋىيىسى ۋە باشقۇرۇش تالانتى شۇ شىركەتنىڭ ياخشى يامان بولىشى بىلەن ئوڭ تاناسىپ. تىجارەتچى قۇرغان شىركەت ئۇ خۇددى مىلىچماللار دۇكىنىغا ئوخشايدۇ، پۇل كىرسە مال ساتسىلا بولىدۇ. كارخانىچى قۇرغان شىركەت ئۇ بىر مۇكەممەل سېستىما، ئۆزلىكىدىن ئايلىنىدۇ، ئايلانغانسىرى چوڭىيىدۇ. ئاخىردا دىمەكچى بولغىنىم ھەممە ئادەم ئۆزىنىڭ جېنىغا چۈشلۈك ئىش قىلغىنى ياخشى. پۇلۇم جىق دەپلا شىركەت قۇرغان بىلەن قورساقتا شۇ شىركەتنى ئايلاندۇرالايدىغان بىلىم بولمىسا يەنە بولمايدۇ. قۇچقاچ بولسىمۇ قاسساپ سويسۇن ، شىركەتنى ئاز تولا بىلىم سەۋىيىسى، باشقۇرۇش تالانتى بار ئادەم قۇرغىنى ياكى باشقۇرغىنى ياخشى. ئەگەر زادى مەن ئۆزەم باشقۇرىمەن دىسىڭىز بىلىم سەۋىيىڭىزنى ئاشۇرۇڭ، باشقۇرۇشنى ئۆگۈنۈڭ، ئامال بار كارخانىچى بولۇشقا تىرىشىڭ. ئون قارا قوساق تىجارەتچىدىن بىر ھەقىقى كارخانىچىنىڭ جەمىيەتكە كەلتۈرۈدىغان پايدىسى كۆپ بولىدۇ ! مەنبە : سودىگەر تورى

1670154432

	سەللە يوغان ئىمان يوق ،سۇپۇر يوغان بىر نان يوق دىگەن شۇدە.ئەڭ ياخشىسى ئالتۇننى زەرگەر سۇقسۇن. بەك ئەھمىيەتلىك تېمھ يوللھپسڭز بۇنىڭ پايدىلىنىش قىمىتى يۇقىرى ،ئويلىنىشقا تىگىشلىك مەسلە.

kahrizat

	گازىر ، لەڭپۇڭ ، ساتقانمۇ تىجارەتچى لېكىن ئۇلار ھەرگىزمۇ كارخىنىچى ئەمەس

mihir

	ئادەم بىلەن ئادەمنىڭ پەرقى بار ،ماتادىن ماتانىڭ نەرخى بار دىگەنگە ئوخشاش ھەر قانداق ئىشنىڭ پەرقى بولىدۇ .

sahar01

	بەك مۇتلەقلەشتۈرىۋېتىپسىز،تىجارەت ئاتالغۇسى كارخانىچى ئاتالغۇسى ئالدىدا كىچىك نام بولسىمۇ ،شۇ كىچىك تىجارەت ئارقىلىق ئەلگە نەپ يەتكۈزۈپ ،چىقىش يولى تاپالمىغان،قىيىنچىلىق تارتىۋاتقانلارغا ياردەم قىلىۋاتقانلار جىق.كارخانا-شىركەت قۇرۇپ ھىچكىمگە نەپ يوقلارمۇ جىق،تىجارەتنىڭ چوڭ-كىچىكى يوق،ياخشى ئىش ،ساخاۋەتنىڭمۇ ھەم.....

tatinqak

	مەن نەچچە كۈننىڭ ئالدىدا مۇشۇ توغىرىسدا بىردوستۇم بىلەن مۇنازىرلىشىپ قالغان ئېدىم ،بىزنىڭ ئويلغىنىمىز بىلەن ئاساسەن ئوخشاش ئىكەن . بىز يەنە مۇنداق بىر پىكىرنى ئويلاشقان ئېدۇق يەنى . كارخانىچىنىڭ كارخانىچى بولۇپ تۇرىشىدا تىجارەتچى ئۇنىڭ ماللىرىنى سېتىپ ، ئىشىنى قىلىپ . كارخانىچىنىڭ تىجارىتىنى ئىلگۈرى سۈرىدۇ دەپ .

kapTalis

	ئاپتور جاۋابىنى بويلاپ 3قەۋەت  mihir كە 2011-09-11 06:00 PMئەۋەتىلدى  : ئادەم بىلەن ئادەمنىڭ پەرقى بار ،ماتادىن ماتانىڭ نەرخى بار دىگەنگە ئوخشاش ھەر قانداق ئىشنىڭ پەرقى بولىدۇ . ماتا دېگەن قانداق ئاتالغۇ ئەمدى.

Qapaqhenim

	بۇ ماقالىنى مەن يازمىدىم، پەقەت بىلىۋېلىشىمىز ئۈچۈن يوللاپ قويدۇم.

555rikabatqi

	yahxi tema bil ganlar uqun bilmiganlar ga kapildi ganning paydisi yok  mawu temidin bir kisim misallarga erixalaysiz http://www.husnigul.com/news//2011/0911/399.html   !