كۆپ تېخى

eiptihar

	كۆپ تىخى (ئىپتىخار) ئۆزۈڭچە كىرىلىپ كەتمە،ئالدىڭدا ئىشلار كۆپ تېخى. يولۇڭدا تاغ-داۋانلاردەك مۇشكۈل چىلىشلار كۆپ تىېخى. قانائەتتىن ھەزەر ئەيلە ئالغا قەدەم تاشلا ھامان. ئارزۇيىڭنى نۆلگە تەڭ بەرپات قىلىشلار كۆپ تېخى. ياز كېلىپ،باھار كېلىپ ياستۇقنى قىرلاپ ئۇخلىما، جۇت-زىمىستان،قەھىرتان سەرسانە قىشلار كۆپ تېخى. كەتمە ماختاشلارغا سەن ئېرىپ ئاسانلا ئالدىنىپ، ئالدى ئارقاڭدا داۋام غاجاشقا چىشلار كۆپ تېخى. بۇ ھاياتتا يوللۇرىڭ ئەگىرى-توقاي تۈپ-تۈز ئەمەس، ئاشۇ يولدا بەزىدە قىيداپ مىڭشلار كۆپ تېخى. ھەممە ئىشنى مەيلىڭچە قىلماقنى ئويلايسەن بىراق، باشقىلارنىڭ ئويىنى زورلاپ تېڭىشلار كۆپ تېخى . قىلغان گېپىڭ ئورۇنلۇق ئەلگە ياققان توغۇرلۇق. بويۇن تولغار بەزىلەر شىلتىڭ ئېتىشلار كۆپ تېخى. ئەدەب- ئەخلاق باپىدىن ھالقىپ كەتكەچ تەلۋىلەر، سالام قالار جاۋاپسىز بۇتتەك قېتىشلار كۆپ تېخى. نەسىھىيەتكە كۆنمەيدۇ،دىلدا خىسلەت ئۈنمەيدۇ، چەكچەيكەچكە كۆزىنى تەتۈر بىقىشلار كۆپ تېخى. تېنىپ ئەجداد زاتىدىن دائىم مودا قوغلۇشۇپ، ئاق قارىنى ئارىماي،بىللە ئېقىشلار كۆپ تېخى. ئىپتىخارنىڭ روخسىتىسىز خالىغانچە كۆچۈرۈپ تارقاتماڭ.

Pinhangul

	ياخشى چىقىپتۇ،ئېلھاملىرىڭىز ئۈزۈلۈپ قالمىغاي...

nigora

	ئۆلۈپلا كەتمىسەك كۆرگىنىمىزدىن كۆرمىگىنىمىز كۆپ تېخى!

1670154432

	راست دەيسىز ،ھاياتلا بۇلىدىكەنمىز نى-نى ئىشلارنى كۇرىدىغان ئوخشايمىز ،ھېلىمۇ كورمىگىنىمىز ئاز قالدى بولمىسا.

hiyaldikikaptar

	شىئېرلىرىڭىز بەك  مەزمۇنلۇق  چىقىپتۇ  يەنىمۇ  تىرىشىڭ

qiqakkiz

	ئىجادىيىتىڭىزگە كۆز تەگمىسۇن . بۇ دۇنيادا بىلگىنىمىزدىن بىلمىگىنىمىز كۆپ تېخى .

tagnur

	ھايات يولى ئەگرىدۇر ، گاھى ماتەم ، گاھى نۇر ، باشنى ئىگىپ دۈشمەنگە ، ۋىجدان سېتىشلار كۆپ تېخى ، مەنپەئەت چىقماي قالسا گەر ، قېرىنداشتىن تۇققاندىن ئۆز نەسلىنى ئەسكى دەپ ، چالما ئېتىشلار كۆپ تېخى ، تىنىپ ياشاپ ئۇيغۇردىن ، تۇخۇم تىلەپ قۇرغۇيدىن ، ئۆزگە ئەلنىڭ قوينىدا ، ئېغناپ يېتىشلار كۆپ تېخى . مەنسەپ ئۈچۈن، تاج ئۈچۈن ، قىلچە ئەجىر قىلماستىن ، ئۆز دوستىنى ، خەلىقنى ، ئالداپ چېقىشلار كۆپ تېخى . تاڭنۇردىن

apchil

	ساقلىۋالاي دىسەم مىسرانىمدىكى ئەسەرنى كۆچۈرسە بىرمۇنچە  ئەخلەت- چاۋار بىرگە كۆچۈرۈلىدىكەن.ئىنكاس ئارقىلق ساقلاي

zapar

	كۆرگىنىڭدۇر كۆپتۇر كۆرمىگىنىڭ، كۆرمىگەننى كۆرىسەن ئۆلمىگىنىڭ.

yusayyina

	بۇ غەزەلنى كۆردىغان ئوقۇرمەنلەر كۆپ تېخى، مىسرانىمدا شىئېرىيەت ئوغرىللىرى يوق تېخى.

alrzibag

	ياخشى يېزىپسىز .. يەنى ئەمەليەتنى راستىلا ئوچۇق ئاشكارلاپ بىرىپسىز ...    شۇنداق ئىنسان تۇغۇلۇپ تاكى ئۆلۈپ كەتكىچە كۆردىغان كۈنلىرى ھەقىقەتەن كۆپ  .      قەلەم تۇلپارىڭىز تېخىمۇ چاپقاي .....

abdullakarakax

	ئەسسالامۇ ئەلەيكۇم ئىپتىخار شىئرىڭىز بەك ياخشى چىقىپتۇ  .

@teniq@

	بىرى بارۇ، بىرى يوق تەڭشەلمىگەن ئالەم بۇ ، كۆنىكىشنى ئۆگەنگىن، كۆردىغىنمىز كۆپ تېخى.

eiptihar

	ھەممىڭلارنىڭ ياقتۇرۇپ كورگىنىڭلاردىن مەن ناھايتى خوش