ئۆلۈم ئۇزىتىشلىرىمىزمۇ تەرەققى قىپتۇ

Hidayet

	بىر قانچە قېتىملىق مۇسىبەتدار بولغان تونۇشلارنىڭ ئەتراپىدا يۈرۈپ ‹‹تەرەققىي قىلغان››ئۆلۈم ئۇزىتىشلارغا داخىل بولۇپ قالدىم.بۇلارنى قىسقىچە تۆۋەندىكى نۇقتىلارغا يىغىنچاقلايمەن:   1.مېيىتنىڭ ئايال تۇغقانلىرىنىڭ قوشاق قېتىپ،پەريات ئۇرۇپ يىغلىشى،بولۇپمۇ يېڭى پەتىچىلەر كىرگەندە.قانچە‹‹سەۋىيىلىك››يىغلىيالىسا باشقىلارنىڭ ‹‹كۆيۈمچانكەن،مېھرىبانكەن...››دەپ تەرىپلىشىگە نائىل بولۇشى.    2.تۇنجى كۈنىسى مېيىتنى ‹‹يالغۇز قويماسلىق››ئۈچۈن ئەر تۇغقانلارنىڭ كېچىچە تۇپراق بېشىدا تۈنەپ چىقىشى.    3.مەرھۇمنىڭ ھايات ۋاقتىدىكى ئىش-ئىزلىرىنى تەشۋىقات ۋاراقىسى شەكلىدە بېسىپ-كۆپەيتىپ نەزىر ئەھلىگە تارقىتىشى.    4.ئۈچ نەزىر،يەتتە نەزىر،قىرقىي نەزىر ۋە يىل نەزىرلىرىدىن تاشقىرى ھەر پەيشەنبە كۈنلۈكتە يېقىن-يورۇقلارنى قىچقىرىپ ‹‹پەيشەنبىلىك››دىگەن نام بىلەن ‹‹قوشۇمچە نەزىر››ئۆتكۈزۈشى.    5.مەرھۇمنىڭ بىۋاستە تۇغقانلىرىدىن سىرت كېلىن-كۈئوغۇل ۋە ئۇلارنىڭ دوستلىرى،نەۋرە تۇغقانلارنىڭ ھەپتە-ئون كۈنگىچە پايپېتەك بولۇپ كېچە-كۈندۈز ھەمراھ بولۇپ ئۆلۈم ئىگىلىرىنىڭ‹‹سىنىقى››دىن ئۆتۈشكە تىرىشىش.   6.مەرھۇمنىڭ ئايال تۇغقانلىرىنىڭ خالىغانچە قەبرىستانلىققا بېرىپ يىغا-زارە قىلىشى.    7.قىرقىي نەزىرىنى بەرگەن چاغدا ئاياللارنىڭ بەس-بەستە مەرھۇمنىڭ ئايال تۇغقانلىرىغا ‹‹ياغلىق تەقدىم قىلىش››پائالىيىتى ئۆتكۈزۈلۈپ قارىلىقنىڭ ئاياقلاشقانلىقىنى تەنتەنىلىك جاكارلىشى ...    يۇقارىدا دىيىلگەنلەرنى بەجا كەلتۈرگۈچىلەر-مىللىتىمىزنىڭ مۇسىبەت ئۆتكۈزۈش ئىشلىرىنى زامان بىلەن تەڭ تەرەققىي قىلدۇرۇپ 1400يىلنىڭ ئالدىدا پەيغەمبىرىمىز كۆرسىتىپ بەرگەن يولدىن زىيادە ئۇزاقلىشىپ دىنىي-ئېتىقاد،ئۆرپ-ئادەت ئىشلىرىمىزنى دەۋر بىلەن تەڭ ئېلىپ ماڭغۇچىلاركەن-ئۇلار بەلكىم ئۆزلىرىنى ‹‹مىللەتنىڭ سەرخىلللىرى››دىيىشى مۇمكىن.چۈنكى ئۇلار مېيىت ئۈچۈن مۇسىبەتنى ‹‹ھەقدادى››غا يەتكۈزۈپ باشقىلارغا قانداق قىلىش توغرىلىق ئۈلگە تىكلەپ بەدى-ئەمەسمۇ!    8-سىنتەبىر شەھرى ئۈرۈمچى.مەنبە:رىياللىق.

hokumran

	ئاپتورنىڭ تۇرمۇشىمىزدىكى ئېسىل ئورپ - ئادەتلىرىمىزدىن تولىمۇ يىراقلىشىپ كەتكەن، يېڭى پەيدا بولغان ئۇلۇغ ‹‹ كەشپىيات ›› لارنى تۇرمۇشنى چىنلىق نوقتىسىدىن كۈزىتىپ تۇرۇپ يورۇتۇپ بەرگەنلىكىگە رەخمەت ئېيتىمەن .      تېمىدىكى ئەھۋاللار دەرۋەقە بەزى شەھەرلىرىمىزدە ھەقىقەتەن مەۋجۇت. داۋامى يېزىلىۋاتىدۇ .................

1670154432

	يەنە تېخى قارسنى ئۇشتۇش باھانىسى بىلەن ،رىستۇرانلادا  چاي بىرىدىغانلارمۇ بار .

بېھزات

	2.مەرھۇمنىڭ ھايات ۋاقتىدىكى ئىش-ئىزلىرىنىڭ تەشۋىقات ۋاراقىسى شەكلىدە بېسىپ-كۆپەيتىلىپ نەزىر ئەھلىگە تارقىتىلىشى:-_ماۋۇنى پەقەت ئاڭلاپ باقماپتىكەنمەن ، بۇلارنىڭ ئۇنى تارقىتىشتىن مەقسىتى زادى نېمە !؟ نەزىردە  قوشاق قىتىپ يىغا زارىنى بولۇشىغا قىلىپ نەزىرگە كەلگەنلەرنى كۆيۈمچان ،مىھرىبان پەرزەنتلەركەن دىگەن ئويغا كەلتۈرۈش تولىمۇ پەسكەشلىك دەپ قارايمەن ، مىھرىبانلىقنى ھاياتلىقىدا قىلماي ، ساختا ھالەت پەيدا قىلىپ باشقىلارنى ئالداش بىلەن ئۆزى ۋىجدان ئازابى تارتمامدىغاندۇ !؟ ئارىدىن كەتكەن بىر جان ئۈچۈن يۈرىگىدىن چىقىرىپ يىغلىيالمىغان ئۇنداق تاش يۈرەكلەرنى نىمە دىگۈلۈك ...ھەي ،ئاچچىق ھايات ، ئاچچىق ھەقىقەتلەر !!!

kaisar

	ھەقىقەتەن  شۆھرەتپەرەسدىن باشقا نەرسە ئەمەس ،  ھەي شۆھرەتپەرەسلەر مىيىتنىڭ ئازاپتا قالدىغىنىنى بىلگەن بولساڭلا، ئاللاھنىڭ ئازابىدىن قورققان بولساڭلا ئۇنداق قىلمايتىڭلار .

Parman0627

	تېخىمۇ تەرققى قىلىپ ئەمدى ‹مىيىت چاي› ئوينامدۇ نىمە ؟؟ توۋا خۇدايىم قەتتى كاللامدىن سىغماتىدۇ دىسە .........

Parman0627

ئۇيغۇرا

	يەنە بىر بىمەنلىك تۇپراق بېشىدا بىرقانچە قېتىم قۇرئان ئوقۇش          تۇپراق بېشىدا قۇرئان ئوقۇسا بولمايدىغانلىقىنى بىلىپ تۇرۇپ ، قۇرئان ئوقۇش

svpvrga

	مۇشۇ كۈنلەردە كىشىلەر ،ئۆلگەنلەرنىڭ ھۆرمىتىنى تىرىكلەردىن بەكرەك قىلىدىغان بۇلۇپ كەتتى.ھايات چاغدا ،نەمراتلارغا 100سوم ياردەم قىلمايدىغانلار ،قېرىنداشلىرى ئۈلۈپ كەتسە 10مىڭ سوملار خەجلەپ نەزىر بىرىدۇ .بۇ نەزىرگە كەلگەنلەرنىڭ ئىچىدە نامرات ،ھال-كۈنى بوشلار ساناقلىقلا ...

kapTalis

	ئاپتور جاۋابىنى بويلاپ 5قەۋەت  Parman0627 كە 2011-09-08 02:32 PMئەۋەتىلدى  : تېخىمۇ تەرققى قىلىپ ئەمدى ‹مىيىت چاي› ئوينامدۇ نىمە ؟؟ توۋا خۇدايىم قەتتى كاللامدىن سىغماتىدۇ دىسە .........   ما  گەپنى !