ھەدىدىن ئاشقان مەكتەپ مۇدىرى

uyghurboys

	كەچتە ئىشتىن چۈشۈپ ئۆيگە  كەلسەم ئۆيدە ھىچكىم يوق تۇراتتى ، باشقا كۈنلىرى ئايالىم مەندىن بالدۇر ئۆيگە قايتىپ كېلىپ بۇلاتتى . ئادەتتە خىزمىتىم ئالدىراش بولغاچقا ئۆيگە قايتىپ كىلەلەيدىغان كۈنلىرىم ساناقلىق بولغاچقا ، ئۈچ ۋاق تاماقنى ئاساسەن سىرتتا يىگەچكە دەم ئېلىپ ئۆيگە قايتىپ كىلىدىغان كۈنلىرىم ئايالىمنىڭ ئۆز قولى بىلەن ئەتكەن تامىقىنى يېيىشنى ياخشى كۆرەتتىم . ئۇ ، قايتىپ كەلگۈچە تاتلىق-تۇرۇملار بىلەن قۇرسىقىمنى گوللىغاچ تۇراتتىم ، ئادەتتە ئايالىم تولىمۇ خۇش-خۇي ئىدى ، بۈگۈن ئىشتىن قايتىپ كېلىپ نېمە ئۈچۈنكىن كەيپىياتى ئانچە ياخشى ئەمەس ئىدى . كەسپى ئادىتىم بۇيىچە ئۇنىڭدىن ؛ -نېمە بولدىڭىز ؟ مىجەزىڭىز يۇقما ؟ بىرسى بىلەن ئازارلىشىپ قالدىڭىزما ؟ يا مەن دىلىڭىزنى ئاغرىتىدىغان بىر ئىش قىلدىممۇ ؟ -سىزنىڭ كۆزىڭىزدىن ھىچنىمىنى يۇشۇرغىلى بولمايدۇ جۇمۇ ؟! نېمە بۇلاتتى ئىشتىن چۈشكەندىن كىيىن مەكتەپ مۇدىرى مەكتىپىمىزدىكى بىرنەچچىمىزنى ئىشخانىسىغا چاقىرىپ يىغىن ئاچتى . ئۇ ئۆزىنى تۇتىۋىلىپ ئوقۇتقۇچىلارغا خاس سالماق بىلەن سۆزلەۋاتاتتى . -شۇ ئىشمىدى ، يىغىن ئاچقانىغىمۇ شۇنچە قىلىش كىتەمدۇ ؟ مەن تېخى بىرەر ئىش بولغان چېغى دەپتىمەن ، نېمە بولسۇن ھازىر سىز ئېغىر ئاياق بالىمىز ئۈچۈن بولسىمۇ  ئارتۇقچە ئىشلارغا ھاياجانلىنىپ كەتمەڭ ، سىز بۇنداق يۈرسىڭىز مەنمۇ خاتىرجەم بۇلالمايدىكەنمەن . -مەن تېخى گېپىمنى قىپ بۇلالمىدىم ، سىزمۇ بىلىسىزغۇ مەن بىر ئىشلارغا ئاسان ئاچچىقىلانمايمەن ، دېدى ئايالىم ئۆزىنى تۇتىۋىلىپ گېپىنى داۋاملاشتۇرۇپ ؛ -مەكتىپىمىزدە بۇ مەۋسۈمدە مىنى قوشقاندا ئالتە نەپەر ئوقۇتقۇچى ئېغىر ئاياق ئىكەنمىز ، مۇدىرىمىز نېمە ئۈچۈن ئالتىڭلار بىرلا ۋاقىتتا ئېغىر ئاياق بولىسىلەر ؟ سىلەر توغۇپ يېتىپ قالساڭلار دەرسڭلارنى كىم ئۆتىدۇ ؟ ئىلگىرى-كىيىن تەرتىپ بۇيىچە تۇغساڭلار بولمامدۇ ؟شۇنىڭ ئۈچۈن ھەربىرىڭلارغا 500يۈەن جەرىمانە قويۇلىدۇ . ئېيتىڭە شۇمۇ گەپ بولدىمۇ ؟ -قەيەرنىڭ تۈزۈمى ئىكەن ئۇ ، بالا توغۇشنىمۇ مەكتەپتىن رۇخسەت ئالىدىغان ، خىزمەتداشلار ئارا بىر-بىرى بىلەن مەسلىھەتلىشىپ ئىلگىرى-كىيىن ئۇچرەت بۇيىچە تۇغىدىغان ؟ نېمە دېگەن بىمەنلىك ، مەكتەپ مۇدىرى بولغان ئادەممۇ شۇنداق گەپ قىلامدۇ ؟ قۇرسقىم ئېچىپ تۇرغان بولغاچقىمىكىن ، مەكتەپ مۇدىرىنىڭ تولىمۇ بەك مەسئولىيەتىسز ۋە ساپاسىزلىق بىلەن قىلغان گېپى ئوغامنى قىرىق گەز ئۆرلىتىۋەتتى . -ئامال قانچە ؟ تۇتىدىغىنى شۇ 500يۈەن پۇل ئىكەنغۇ ، بولدى تەگەشمەيلى ، سىز بىردەم تېلىۋىزور كۆرۈپ تۇرۇڭ مەن تاماق ئېتەي .       كاللامنى گادىرماچ خىيال ئورىۋالدى ، ھازىرقى كۈندىمۇ مۇشۇنداق ئىشلارنىڭ كۆز ئالدىمدا يۈز بېرىۋاتقانلىقى ئىدىيەمدىن ئۆتمەيۋاتاتتى ، قانداقتۇ ئايالىمدىن تۇتۇۋىلىنغان 500يۈەن پۇل ئۈچۈن ئەمەس ، زامان شۇنچە تەرەققىي قىلۋاتقان ، « ئادەمنى ئاساس قىلىش » شۇنچە تەكىتلىنىۋاتقان  جەمىيئەتتە مەكتەپ مۇدىرى بولغان ئادەم ئېغىر ئاياق بولغانلارغا كۆڭۈل بۆلۈش ، غەمخورلۇق قىلىشنىڭ ئورنىغا قىلۋاتقان ئىشىنى كۆرمەمدىغان ، يەنە كىلىپ بۇ شەھەردىكى خىلى نامى بار بىر مەكتەپنىڭ قىلىۋاتقان  ئىشى .        بۈگۈن چۈشتىن بۇرۇن ئىشقا مېڭىشىتىن بۇرۇن ئايالىمغا ؛ -يۇقارقى ئەھۋالنى مائارىپ مۇپەتتىش ئورۇنغا بېرىپ ئىنكاس قىلىڭلار دىسەم ، -بولدىلا ئارتۇقچە ئاۋارچىلىق تېرىپ نېمە قىلمىز ، پۇلنى يالغۇز مەندىن تۇتمىسا يا دېمەسمۇ .        ئۇنىڭ جاۋابى مېنى شۇنچلىك ئۈمىدسىزلەندۈردى ، بىر توپ زىيالى ياش ئۆزىنىڭ قانۇنلۇق ھوقۇق-مەنپەتىنى قوغداشنى ئاۋارچىلىق ھېس قىلىپ قاراپ تۇرۇپ  ‹‹بوزەك ›› بولسا ، مەكتەپ مۇدىرىغا ئوخشاش پارزازىتلار ( بۇ پەقەت ئايالىمنىڭ مەكتىپىدىكى مۇدىرغا قارىتىلغان) كىچىكىنە ئەمەل مەنسىپىگە تايىنىپ باشقىلارنى خالىغانچە تالان-تاراج قىلسا قانداق بۇلىدۇ ؟     يۇقاردا تىلغا ئېلىنغىنى رىئاللىقتا بۇلىۋاتقان ئەمەلىي مىسال ، قىسمەن سەۋەپلىك مەكتەپ ۋە مەكتەپ مۇدىرىنىڭ ئىسمى تىلغا ئېلنىمىدى ، ئىشنىمەنكى بۇ مەسلە چوقۇم ئادىل بىر تەرەپ قىلىنىدۇ ، چۈنكى دۆلىتىمىز قانۇن-تۈزۈم دۆلىتى ، قانۇن ئارقىلىق ئىدارە قىلىنىدىغان دۆلىتىمىزدە ھەممىز بىرلىكتە ناتۇغرا ئىستىللارغا بىرلىكتە تاقابىل تۇرۇپ قانۇن-تۈزۈمنىڭ ئىززەت-ئابرۇيى ۋە قانۇنلۇق ھوقۇق-مەنپەتنى ھەقىقى كاپالەتلەندۈرەيلى . مەنبە : ئۆزەم

kahrizat

	بۇ مەكتەپنىڭ مۇدىرى سەۋىيەسى يوق قۇرۇق كاللا بىرنىمىكەن ، ھەقاچان باشقىلاردىن جىرمانە ئالغان پۇللىرىنى يىغىپ يۇقىرىدىكى ئەمەلدارلارغا پارە بېرىپ مەكتەپ مۇدىرى بولغان گەپ

arki

	بۇلار پەقەت ئاز بىر قىسمى خالاس! ھۇقۇق تونىغا ئورىنىۋالغان «بىلەرمەن» لەرنىڭ، ئەقىلغا سىغمايدىغان ئىشلارنىڭ مائارىپ سېپىدە كۆپلىگى كىشىنى ئەنسىرتىدۇ.

1670154432

	بۇ ئىشلارغا نىمە دىگۇلۇك ئەمدى ،ئايالىڭىزمۇ يەنە بىرسىمۇ ئاۋارچىلىقتىن قېچىپ ،ياكى خەقنىڭ سوز-چوچەك قىلىشىدىن قورقۇپ  گەپ قىلمىسا ،بۇنداقلارنىڭ خورىگى تېخىممۇ ئاشمامدۇ؟ بۇلارغا يول ئېچىپ بەرگەن بولمامدۇق .مەسلە پۇلدا ئەمەس، سىز دىگەندەك بىر يۇئەن بولسىمۇ بۇ پۇل باشقىلارنىڭ ئەمگەك مىۋىسى ،قاراپ تۇرۇپ باشقىلار قاقتى-سوقتى قىلىمەن دىسە ئەلۋەتتە ھۇقۇقىمىزنى قوغدىشىمىز كىرەكتە.ئاشۇ تۇيماسلارمۇ بىر مۇسۇلماننىڭ ئەۋلادىدۇ؟ اللاھدىن قورقمامدىغاندۇ؟ ئاخرەتتە يىگەن ھاراملىرى قان ژىرىڭ بۇلۇپ قارنى يېرىلىپ كىتەر ئىلاھىم .

xatlih

	مۇشۇنداق قاپاق كاللا باشلىقلارنى ،خەپ

apirida

	بۇنداق مۇدىرلار ساماندا سەككىز ، خۇدايىم يا جاجىسىنى بېرە، يا ئەقلىگە قايتا ...

sahrayi-tarim

	بۇ ھەقىقىي ئەھۋال بولسا،زامانىمىزنىڭ زىيالىلىرى ھەر قايسى تەرەپلەردىن نۆل سەۋيىدە ياشاۋېتىپتۇ.....

hokumran

	ھەر قېتىم مۇشۇنداق يازمىلارنى كۆرسەم، ئۆزۈمنى خۇددى باشقا بىر دۇنيا ، باشقا بىر جەمىيەتتە ياشاۋاتقاندەك تۇيغۇغا كېلىدىغان بوپ قالدىم. ئىشەنمەي دىسەم ‹‹ھەقىقىي ئەھۋال›› دىگەن قۇرلار يۈرىكىمنى ئېچىشتۇرسا، ئاۋۇ قانۇندىن خەۋەرسىز مۇدىر بىلەن ئاتالمىش ‹‹ ئۇقۇتقۇچى›› قالپىقىنى كىيىپ، ئۆزىنى ئەۋلات تەربىيلەيدىغان زىيالىي كۆرسىتىۋاتقان ئالتە نەپەر مۇئەللىملەرگە بىر تەرەپتىن غەزىبىم كەلسە ،. بىر تەرەپتىن ئاشۇ خانىملارنىڭ قولىدا تەربىيلىنىۋاتقان ئەۋلاتلارنىڭ كەلگۈسىدىن تولىمۇ ئۈمىدسىزلەنمەكتىمەن.      ئوقۇتقۇچىلار مېنىڭ نەزىرىمدە تولىمۇ ھۆرمەتكە سازاۋەر كىشىلەر . مېنىڭ ھازىرقىدەك ئاق قارىنى، ئادىمىيلىكنىڭ نىمە ئىكەنلىكىنى ھەقىقىي ھېس قىلالىغۇدەك بولالىشىمغا تۈپ ئاساس سالغۇچى يەنىلا مېنى ئوقۇتقان ، ئاغزىمغا ئىلىم سالغان سۈيۈملۈك ئۇستازلىرىم . ھازىرغىچە باشلانغۇچ، ئوتتۇرا مەكتەپ ۋە ئالىي مەكتەپتىكى ئاشۇ ئۇقۇتقۇچىلىرىمنى پەخىرلىنىش ئىلكىدە ئەسلەيمەن.      لېكىن تېمىدا ئېيتىلغان ئەھۋالغا كەلسەك ھامىلدار ئاياللارغا بېرىلىدىغان ئارام ئېلىش ۋە توغۇتلۇق ئاياللارنىڭ دەم ئېلىش ۋاقتى توغرۇلۇق قانۇندا ئېنىق بەلگىلىمە بار . بۇ يالغۇز مائارىپ سېستىمىسى بىلەنلا چەكلەنمەستىن جەمىيەتنىڭ ھەرقايسى ساھەسىدىكى ھەممە كەسىپلەردە خىزمەت قىلىۋاتقان ئاياللارغا ئورتاق بولغان بەلگىلىمە . مۇدىرنىڭ قىلغىنى قانۇن نوقتىسىدىن ئېيتقاندا بەلگىلىمىگە خىلاپ، ئەخلاق نوقتىسىدىن ئېيتقاندىمۇ ھامىلدار ئاياللارنىڭ سالامەتلىكى، پەرزەنتىنىڭ سالامەت تۇغۇلىشىغا كۆڭۈل بۆلمەسلىكى ئەخلاقسىزلىق ھېساپلىنىدۇ .     مەكتەپلەردە بولۇۋاتقان بەزى خاتا كىچىك ئىشلارنى ‹‹ سۈكۈت›› تە ئۆتكۈزۈشنى ئەتراپىمىزدا يۈز بېرىۋاتقان بەزى ناھەقچىلىككە قاراپ توغرا دەپ قارىساقمۇ ، بىراق سىياسەت - بەلگىلىمىلەردە ئېنىق بەلگىلەنگەن ، ھەممە كىشىلەر بىلىدىغان  ئاياللارنىڭ ھوقۇق - مەنپەئەتىگە دەخلى تەرۇز قىلىنغىنى ئېنىق بولغان مۇشۇنداق چوڭ ئىشتىمۇ ئاشۇ قاباقباش مۇدىرىنىڭ دىگىنىگە ‹‹ سۈكۈت ›› تە تۇرۇپ قول باغلاپ تورۇشىنى ئەۋلات تەربىيىسىنى زىممىسىگە ئالغان مۇئەللىمنىڭ ماقۇل كۆرۈشىنى نىمە دەپ چۈشۈنۈش مۇمكىن؟      چۈنكى ئوقۇتقۇچى ئوقۇغۇچىنىڭ نەزىرىدە ئەڭ ھۆرمەتكە سازاۋەر ، ئوقۇغۇچى ئوقۇغۇچىنىڭ ھەر بىر سۆز - ھەركىتىنى ناھايىتى توغرا دەپلا ئويلايدۇ ۋە ئۈگۈنىدۇ. ناۋادا ئاشۇ خەۋەر ئوقۇغۇچىلارنىڭ قولۇقىغا يەتسە ، شۇ خاتا ئىشقىمۇ ‹‹ سۈكۈت›› تە تورۇشنى توغرا دەپ بىلىپ كېيىنكى تۇرمۇشىدا نۇرغۇن خاتالىقلارغا يول قۇيۇپ، ھەددىدىن ئاشقۇچىلارغا يول ئېچىپ بېرىشنى ئۈگىنىپ قېلىشنى نەزەردىن ساقىت قىلىشقا بولامدۇ يوق؟     شۇ ئىشلارنى تۈزۈتۈشنىڭ ئامالى بارمۇ - يوق ؟ ئەلۋەتتە بار . لېكىن بۇ ئاشۇ مۇئەللىملەرنىڭ جۇرئىتىگە ، ئەقىل ئىشلىتىشىگە باغلىق.      دەرۋەقە ھازىر بەزى يەرلىك مەكتەپلەردە ئاشۇنداق ئۆز بېشىمچىلىق بىلەن ئىش كۆرىدىغان قاباقباش مۇدىرلار ، ۋە يوقۇرىغا سونۇلغان پاش قېلىش خېتىنى ئۆز ئەينى بىلەن ئاشۇ مۇدىرغا يەتكۈزۈپ بېرىدىغان ھەققانىيەت تۇيغۇسى يوق كىشىلەر مەلۇم ساندا بولسىمۇ بىراق ھەققانىيەتنى ياقلايدىغان ئورگان ۋە ئەمەلدارلار يەنىلا كۆپ . مۇھىمى ئاشۇ ئۇۋالغا ئۇچرىغۇچىلارنىڭ قايسى يوسۇندا مەسىلىنى تۈپتىن ھەل قىلىش ئوسۇلىنى بىلىپ يېتەلىشىدە .     ناتوغرا ئىستىلنى تۈزەش ئورۇنلىرى پەقەت بىرلا ئەمەس . ئاشۇ مۇئەللىملەر ئۆزلىرى تۇرۇشلۇق ئورۇدىكى مائارىپ ئورنىغا ئەر خېتى يېزىش بىلەنلا چەكلىنىپ قالماستىن يوقۇرى دەرىجىلىك ئورگانلارغا ، ئاخبارات ئورۇنلىرىغا ، قىزىق لېنىيە تېلېفۇنى، ئاخبارات ۋاستىسى ئارقىلىق ئەھۋالنى جامائەتچىلىككە ئاشكارىلاش كېرەك. ئەلۋەتتە بۇ يەردە تەكىتلەشكە تېگىشلىكى شۈكى ئاشۇ مۇئەللىملەر مۇدىرنىڭ ئۆچ ئېلىشىدىن قورقسا ئىمزاسىز خەت ئارقىلىق ئەھۋالنى يوقۇرى دەرىجىلىك ئورۇنغا (يالغۇز مائارىپ سېستىمىسىدىكى باشقۇرۇش تارمىقىغىلا ئەمەس بىر نەچچە ئورۇنغا ، پاش قىلىش خېتىنى خەنزۇچە ۋە ئۇيغۇرچە ئىككى خىل تىلدا ئۆلچەملىك باستۇرۇپ ئەۋەتىش كېرەك . ئەلۋەتتە بۇنىڭغا، باسما ھەققى كېتىشى مۇمكىن.  ) چۈنكى بۇ ھامىلدار، توغۇتلۇق ئاياللارنىڭ بەلگىلىمىدىكى دەم ئېلىش ۋاقتىغا قالايمىقان چەك قويۇش ، جەرىمانە قويۇش ھەرگىزمۇ كىچىك ئىش ئەمەس. شۇنداقلا ئېنىق بولغان بەلگىلىمىگە خىلاپ قىلغانلىق. بۇ ئىشنى تەكشۈرۈپ ئېنىقلايدىغان ۋە ئاشۇنىڭغا ئوخشاش مۇدىرلارنىڭ نوخلىسىنى ئېلىپ قويىدىغان ئورۇن بار .     ئاشۇ مۇئەللىملەرنىڭ بىچارىلەرچە ‹‹سۈكۈت›› تۇرۇپ جەرىمانە تۆلەشنى توغرا تېپىشى، ئاشۇنىڭغا ئوخشاش قاباقباش مودىرلارنىڭ تېخىمۇ ئەدەپ كېتىشىگە ۋە شۇ مۇدىرنىڭ قىلمىشىدىن باشقىلارمۇ ئۆرنەك ئېلىپ ، تېخىمۇ كۆپ ئوقۇتقۇچى ۋە باشقا ساھەدىكىلەرنىڭ ھوقۇق-مەنپەئەتىنى زىيانغا ئۇچرىتىشىغا سەۋەپچى بولۇشى مۇمكىن . بۇنداق بىچارىلىك كېيىنكى ئەۋلاتلارنىڭ تەربىيلىنىشىگىمۇ خېلى چوڭ تەسىر كۆرسىتىدۇ . شۇڭا مۇدىردىن قاخشاپ يۈرمەي ئۆز ھوقۇقى ۋە ئەۋلاتلارنىڭ كەلگۈسى ئۈچۈن بېشىنى سىلكىۋېتىپ تۇرۇپ ئويلىنىپ بېقىشى كېرەك.         سۈيۈملۈك ئوقۇتقۇچىلارغا دەيدىغىنىم . زىممەڭلاردىكى يۈك ھەقىقەتەن ئېغىر . پۈتۈن دۇنيانىڭ ، مىللەتنىڭ كەلگۈسىنى ياراتقۇچى ئەۋلاتلارنى تەربىيلەشتىن ئىبارەت مۇقەددەس ۋەزىپە سىلەرنىڭ قولۇڭلاردا، سىلەردىن ئەۋلاتلار قەلبىگە ئىلىم ھېكمەت ئورۇقى تېرىلسۇنكى، ھەرگىزمۇ ئۆزىنى قانداق قوغداشنى بىلەلمەيدىغان جۇرئەتسىزلىك ، يامانلارنىڭ يولىغا پايانداز سېلىپ بېرىدىغان ئىدىيە سىڭىپ قالمىسۇن!!!!!

cilassik

	شۇ ئەمەسمۇ .مەكتەپ مۇدىرلىرى نىمە بولدىكىن .تىخى بىزنى دوپپا كىيمە ،قىزلار رومال ئارتمىسۇن ، ئۇزۇن يوپكا كىيمىسۇن دەيدۇ، توۋا دەيمەن ،تىخى ئالى مەكتەپ مۇدىرى ،مەكتەپتىن ھەيدىۋەتسە مەيلى ئۆز كىيمىمىزنى كىيىمىز.