ئەرلەر قانداق كىيىنىشى كېرەك ؟

guzal.

	يەر شارى ئىقتىسادىنىڭ چېكىنىشى بىلەن قارا رەڭ بايلىق ۋە سۆلەتنىڭ سىمۋولى بۇلۇپ قالدى. شۇڭا، ئەرلەر نۆۋەتتتىكى تەرەققىياتقا تۆۋەندىكىچە كىيىنىشى كېرەك. 1 :كاستىيۇم - بۇرۇلكىسى قارا رەڭلىك بولۇشى كېرەك . 2 :كاستۇم بۇرۇلكىسى قېنىق كۈل رەڭ ، ئاندىن قېنىق كۆك رەڭلىك ، قېنىق كۈل رەڭگە ئىنچىكە سىزىق چۈشكەن ، قېنىق كۆككە ئىنچىكە سىزىق چۈشكەن ، قېنىق كۈل رەڭ چاقماقلىق بۇلۇشى كېرەك . 3:ئىنچىكە سىزىق ۋە چاقماق قانچە سۇس بولسا شۇنچە ياخشى ، شۇڭا سىنچىلاپ قارىغاندا ئاندىن كۆرگىلى بولىدىغان سىزىق ياكى چاقماق رەختلىكنى تاللاش كېرەك . 4:ياۋروپا پاسۇنىدىكى قوش قاتار تۈگمىلىك كاستۇم-بۇرۇلكىلارنىڭ تۈگمىسى سەل تۆۋەنرەك تاقىلدىغان بولغاچقا ، يۇقىرى بەدەن سەل ئۇزۇن كۆرۈنىدۇ ،شۇڭا بويى پاكار ئەرلەر بۇنداق كاستۇم كىيىشتىن ھەزەر ئەيلىشى كېرەك . 5:ياقىسىدا تۈگمىسى بار كۆڭلەكنى ھەرگىز قوش قاتار تۈگمىلىك كاستۇم-بۇرۇلكىنىڭ ئىچىگە كىيمەڭ . 6.ئايىغىڭىزغا ھەر ۋاقىت چاڭ -توزان قونمىسۇن، پارقىراپ تۇرسۇن. 300:7 سوملۇق ئاياغنىڭ ئۆمرى 600 سوملۇق ئاياغنىڭكىدىن قىسقا بۇلىدۇ ، شۇڭا ئاياغ تاللىغاندا پۇلنىڭ كۆزىگە ئانچە قاراپ كەتمەڭ . قانچە قىممەت بولسا شۇنچە ئۇزۇن كىيىسىز. 8:ئەڭ قىممەت ئاياغنىمۇ ئۇدا ئۈچ كۇندىن ئارتۇق كىيمەڭ. 9:ئەگەر ئەتىر ئىشلىتىشكە جۈرئەت قىلالمىسىڭىز ، چۇقۇم ئەتىر سوپۇن ئىشلىتىڭ . 10:بەزى پاختا رەخىتلىك كۆڭلەكلەرنىڭ باھاسى ئەرزان بولغىنى بىلەن ، ئۆمرى بەك قىسقا بولىدۇ ، دەزمال سېلىشقىمۇ بەرداشلىق بېرەلمەيدۇ . 11:ئەگەر گالاستۇك تاقىمىسىڭىز ، كۆڭلەكنىڭ ئەڭ ئۈستىدىكى تۈگمىسىنى ئېتىۋالماڭ . 12:ئابرويلۇق ، پىشىپ يېتىلگەن ئەرلەرگەنىسبەتەن گالاستۇكنىڭ گۈلى ئىنتايىن مۇھىم . ئادەم ، ھايۋانلارنىڭ سۈرىتى بار گالاستۇكلار كاستۇم-بۇرۇلكىغا ماس كەلمەيدۇ . 13:گالاستۇكىڭىز بەلۋېغىڭىزدىن تۆۋەن بولۇپ كەتمىسۇن ، ئۇنىڭدىن بەكمۇ يۇقىرى بولۇپ كەتمىسۇن . 14: بەلۋاغ بىلەن ئاياغنىڭ سۈپىتى ۋە رەڭگى ئوخشاش بولۇشى كېرەك.  15:سۆلەتلىكلەرنىڭ سۆلىتى ھەر ۋاقىت پۇتتا ، كاستۇم بۇرۇلكا كىيگەندە ئەنئەنىۋى ، يارىشىملىق بوغۇچلۇق ئاياغ كىيىڭ . 16:ھەرگىزمۇ سۈنئىي تالالىق پايپاق كىيمەڭ ، ئەڭ ياخشىسى يۇڭ ، يىپەك ياكى يۇڭ-يىپەك ئارلاشما تالالىق پايپاقلارنى كىيىڭ . 17: 24 ياشتىن ئاشقان بولسىڭىز ، ئاق پايپاق كىيىشتىن ھەزەر ئەيلەڭ ، ئاق پايپاق سىزنى ئوقۇغۇچىدەك كۆرسىتىپ قويىدۇ . 18: قانداق بولۇشىدىن قەتئىنەزەر ، گۈللۈك پايپاق ئەرلەرنىڭ كىيىشىگە مۇۋاپىق كەلمەيدۇ .                                          مەنبە : تور ماتېرىيالى

مارشال

	نېمە سەپسەتە خەۋەرلەر بۇ؟دۆلەت مەمۇرلىرى،يوقىرى ئورگاندا ئىشلەيدىغان،پۇلنى خەجلەشنى بىلەلمىگەن ئادەملەر قىلسا بولغۇدەك...ئۆزەم دېھقان بولغاچقىمۇ،ئاددىي-ساددا ياشاش ماڭا ئادەت بۇلۇپ قاپتۇ!

hokumran

	ئەلۋەتتە، ئىنسان ئۈچۈن ئاددى - ساددا ياشاش ئىنتايىن ياخشى ئادەت . ئەمما بۇ تېمىدا ئېيتىلغانلارنى ھەرگىزمۇ سەپسەتە دەپ قاراشقا بولمايدۇ .    ئادەملەر باشقىلار بىلەن مۇئامىلە قىلغاندا باشقىلارغا بەرگەن تۇنجى تەسىرى تاشقى كۈرۈنۈشتىن باشلىنىدۇ . ئېسىل بولمىسىمۇ رەتلىك، پاكىز كىيىنىش باشقىلارغا يېقىملىق تەسىر بېرىدۇ .    بولۇپمۇ كارخانىچىلارغا، تىجارەتچىلەرگە ياكى كارخانا قورۇش ئۈچۈن ئىزدىنىۋاتقان ۋە شۇ ساھەدىكىلەر بىلەن قۇيۇق مۇناسىۋەت ئورنىتىشنى ئويلاۋاتقانلار ئۈچۈن تاشقى قىياپەتكە ئەھمىيەت بېرىش ئىنتايىن زۈرۈر . خەلئارادىكى چوڭ كارخانا خوجايىنلىرى ئۆز مۇئامىلدارلىرى بىلەن مۇئامىلە قىلغاندا ئەڭ ئالدى بىلەن قارشى تەرەپنىڭ ئىناۋىتىگە دىققەت قىلىدۇ . بۇ ئىناۋەت يالغۇز شۇ كىشىنىڭ ئەخلاقى ، پەزىلىتى بىلەنلا چەكلىنىپ قالماستىن بەلكى تاشقى قىياپىتىدىمۇ ئىپادىلىنىشى كېرەك .

kahrizat

	پۇل جىق بولسىغۇ سىز دىگەندىنمۇ قىممەت كەيگىلى بۇلاتتى ، بولسا كۈندە بىرنى يەڭگۈشلەپ، بەك جاپا چىكىپسىز

esil521

	پۇلنىڭ تۆپىسدە تۇغۇلغان لار كۆرسە بولدىكەن بۇ  تىمىنى ... مەن بىر ئاياقنى 1ئاي كىيىدىغان تۇرسام 3كۇن كىيىپ ئالماشتۇرۇش راسلا ئىغىر كىلىدۇ...

بېھزات

	ئەركەكلەر ئۈچۈنمۇ تاشقى سالاپەت تولىمۇ مۇھىم ، تېمىدا ئوتتۇرىغا قويۇلغىنى ھەرگىزمۇ چوقۇم ئىسىل ماركىلىق كىيىملەرنى كىيىنىپ يۈرىشىڭىز كىرەك دىگەنلىك ئەمەس  ،ئەركەكلەرگە خاس رەڭ ۋە پوسۇنىنى تاللاپ ئۆز تەن قۇرۇلۇش ئەھۋالىڭىزغا قاراپ كىيىنىپ يۈرۈڭ ، پاكىزە-رەتلىك كىيىنىڭ دىمەكچى !!! ئاياغنى 3 كۈندىن ئارتۇق كىيمەسلىك دىگىنى سىزدە 2جۈپ ئاياغ بولسا شۇنى ئالماشتۇرۇپ كىيىڭ ،بۇنداق بولغاندا پۇتىڭىزنىڭ تەرلەپ قىلىشىنىڭ ، ئاياغنىڭ ئىشلىتىلىش ۋاقتىنىڭ قىسقا بولۇپ قىلىشىنىڭ ئالدىنى ئالالايسىز ، پۇت تەرلەيدىغان ئىشتىن قۇتۇلالايسىز ، شۇ پۇرسەتتە ئاياغ ئىچىنىڭ ھاۋا ئالمىشىپ پۇتىڭىزنىڭ ساغلاملىقى ئۈچۈن شەرت-شارائىت ھازىرلىيالايسىز...دىمەكچى  پاكىزلىق---بەرىكەت

muhabbat123321

	ئاااااا..................بۇگەپ بومماپـتا  ،...ھەممە ئەدەم مەندەك كىيىنسە بولىدا،قايدا دىگەن گەپبۇ؟

مەخرۇزە

	ئىشقىلىپ ،مەن ئەرلەرنىڭ كىيىنىشىگە بەك دىققەت قىلىمەن .ئەلۋەتتە ،كىيىم ماركىسىنىڭ قىممەت ياكى ئەرزانلىقىغا ئەمەس ،پاكىزە رەتلىك ،ماسلاشتۇرۇپ كىيەلىگەن كىيەلمىگىنىگە .......

qalikux30

polatalamdar

	مەن ،كىيىم كىيسەم . ئەرلىك جەزبىدارلىقنى  نامايەن  قىلىدىغان كىيىملەر گە ئامىرىق . گۈللۈك،ھەرەڭ -سەرەڭ، قىزىل كىيىملەرگە بەك ئۇچ مەن .

aniya

	مەنچە休闲 كىيىنسە ，，

0998attella

	كىيمىگە  ئەھمىيەت  بىرشى كىرەك ....ئادەم ئۆز ئۆزىدىن ھوزۇرلىنىشنى   بىلىشى كىرەك...................

umud28

	ئىشقىلىپ يالىڭاچ يۈرمەڭ! لېكىن ئۇخلاش كىيىمى،سالقىن ئاياغ بىلەن خىزمەتكە، مېھماندارچىلىققا بارماڭ!

Я!У♬ㄒ

	كېيىنچە باشلىق بولسام شۇنداق كىيەرمەن

nigora

	كىينىشى رەتلىك ئەرلەرنىڭ ئاياللارغا بىرىدىغان تەسىرىمۇ باشقىچە بۇلىدۇ. بۇ ماقالىدە ئېيتلىغىنى ئاساسلىقى چەتئەل ئەرلىرىنىڭ تۇرمۇشىغا ماس كىلىدىكەن. بۇنىمۇ يازغۇچى مىنىڭچە چەتئەللىك بۇلىشى مۇمكىن. ئەمدى بۇنى بىز ئۆز تۇرمۇشىمىزغا تەتبىقلىغاندا ئۇنى توغىرا ئۇسۇلدا قۇبۇل قىلىشىمىز كىرەك. رەتلىك ، پاكىز ، كىيىملەرنى بىر بىرىگە ماسلاشتۇرۇپ كىيش بۇمۇ بىر تۇرمۇشىڭىزدا ، مۇۋەپپىقىيەت يولىڭىزدا ئۈگۈنۈپ قويۇشقا تىگىشلىك مۇھىم ئىشلارنىڭ بىرىسى.