مېيىپلىق بىزگە بىر سىناق

tang-xamili

	مېيىپلىق ، ساقلىق تەقدىر ئەزەلدە ، ياخشى - ياماننىڭ بەلگىسى ئەمەس . مېيىپلەر بەلكى مەڭگۈ خۇدانىڭ ، ئەسلىي گۇناھكار بەندىسى ئەمەس . بىرىمىز ئەما ، لېكىن دۇنيانى ، كۆرۈپ تۇرىدۇ كۆڭۈل كۆزىمىز . ھاياتنى سۆيدۇق ھايات خورىنى ، بارچىدىن ئاۋۋال ئېيتتۇق ئۆزىمىز . بىرىمىز تىلسىز ، بىرىمىز پۇتسىز ، لېكىن قەلبىمىز ساقلاردىنمۇ ساق . يۈرمەيمىز ھەرگىز تەقدىردىن  كايىپ، مېيىپلىق بەلكىم بىزگە بىر سىناق . بىزنى مېيىپ دەپ باقماڭ باشقىچە ، سىزگە ساقلىقمۇ مەڭگۈلۈك ئەمەس . تەڭدۇر بارچىمىز ، تەڭدۇر رىزقىمىز ، بىزمۇ ۋەتەنگە مەڭگۈ يۈك ئەمەس . بىزگە كەلگەنلەر سىزگە كەلمىسۇن ، بۇ رىيازەتلەر بىز بىلەن كەتسۇن . ھايات ئاشىقى كىم ، دەپ سورىسا، قەلبىڭىز ئاۋۋال بىزنى كۆرسەتسۇن . ئاپتۇرى : مۇھەممەتچان راشىدىن

مارشال

	مۇھەممەتجان راشىدىننىڭ شېئىرلىرى بەك ياخشى،جەلپ قىلىش،ئويلاندۇرۇشقا ئۈندەيدۇ،بۇ شېئىرىنى كۆرۈپ باقماپتىكەنمەن،يوللاپ ياخشى قىپسىز،كۆپ تەشەككۈر!

kahrizat

	مۇھەممەتجان راشىدىن ئاكىنىڭ تېنى ساغلام بولغاي، ئۆمرى ئۇزۇن بولغاي، قەلىمى كۈندىن كۈنگە روناق تاپقاي

xiren0997

	شېرىڭىز ناھايتى ياخشى چىقىپتۇ،ئىسىمدە قېلىشىچە 5-يىللىقتىكى ۋاقتىمدا ئەدەبىيات مۇئەللىم بىر پارچە ھېكايىنى ئوقۇغان بۇ ھېكايىدىكى بالىنىڭ بىرلا قولى باركەن لېكىن ئۇ پۈتۈن ئىشلىرىنى خۇددى بىجرىم ئادەمدەكلا ھەممىمىز شۇنداق ھەيران قالغان شۇ ۋاقىتتا مۇئەللىم بىر ئەمەلىيەت ئىشلەپ بېقىڭلار ئەڭ ئاددىي قىلىپ بېرەي بىر قولۇڭلاردا ئايىقىڭلارنىڭ بوغقۇچىنى ئىتىپ بېقىڭلار دېگەن،خۇدايىم شۇ بەندىسىگىمۇ چوقۇم ياخشى كۈن ئاتا قىلىدۇ،ئۆمرىڭىز ئۇزۇن،تېنىڭز سالامەت بولغاي

ayziba

	بىزنى مېيىپ دەپ باقماڭ باشقىچە ، Pg`JQC|   سىزگە ساقلىقمۇ مەڭگۈلۈك ئەمەس . '_V #;DI   تەڭدۇر بارچىمىز ، تەڭدۇر رىزقىمىز ، wxE?3%.j\\   بىزمۇ ۋەتەنگە مەڭگۈ يۈك ئەمەس بۇ كوبلىتى بەك جانلىق چىقىپتۇ .

soygum

	ئۆسمۈرلەرنىڭ مارشىدەك چىققان ياخشى شېئىركەن. مېيپلىق تەننىڭ ساقسىزلىقى لىكىن تولىمۇ مۇرەككەت  ئىنسان روھى  قانداق بولىدۇ؟ مېيپلار ئىچىدىمۇ ئادەمنىڭ ئەسكلىرى شۇنداق جىق. مېيپلارغا ھېسداشلىق قىلغانلار   يەنىلا ئۇلارنى كەمستكەن بولىدۇ.چۈنكى ئۇلارنى ئاجىز دەپ چۈشنىشكە بولمايدۇ.

musilina

	بۇ شېئىرنى تاڭ شامىلى يازماپتۇ،مۇھاممەتجان راشىدىننىڭ شېئىرىكەن.... مېيىپلىق ئەيىپ ئەمەس،پۇت -قوللىرى ساق تۇرۇپ،توغرا يولدا ماڭمىغانلارنىڭ كۈنى ھەممىدىن  يامان...

Dilnaz

	مۇھەممەتچان راشىدىن ئاكىنىڭ شېئرلىرى شۇنچىلىك يېقىشلىق ، بۇ شئېرنى ئوقۇپ باقماپتىكەنمەن ............مەنمۇ مىيىپ لىكىن ئۆزۈمنى كىچىكىمدىن باشلاپ  مىيىپ دەپ ئويلىماي بەلكى باشقىلارغا ئوخشاش بەش ئەزايىم ساق دەپ ئويلاپ كىلىۋاتىمەن ......

مەخرۇزە

	يىغلىغۇم كەلدى ،ئەمما قەلبى مىيىپ بولمىسۇن ئاشۇ ئىنساننىڭ ..............

dolanlik

	بىردوستىمىزنىڭ   ئىھتىياتسىزلىقتىن  قۇلى سۇنۇپ كىتىپ دوختۇرغا ئاپاردۇق،دوختۇر ئەھۋالنىڭ يامانلىقىنى  دەرھال ئوپىراتسىيە قىلمىسا بولمايدىغانلىقىنى لىكىن شارائىتنىڭ ياخشى ئەمەسلىكىنى دىۋىدى ئۇ دوستىمىز قىلچىمۇ ۋايسىماي تۇرۇپ دوختۇرغا خاتىرجەم ئوپىراتسىيە قىلىۋىرىڭلار ، يامىنى كىلىپ بىرەر قۇلۇم بولمىغانغانغا مەن ھېچنىمە بولمايمەن دىگەن ئىدى،دىمىسىمۇ روھى مىيىپلىق ھەمممىدىن يامان.