مىسرانىم مۇنبىرى

كۆرۈش: 1782|ئىنكاس: 6

ئالىي مەكتەپ ئوقۇغۇچىلىرىنىڭ سەرمايە يۈرۈ [ئۇلانما كۆچۈرۈش]

ئەزا ئۇچۇرى
تىزىم نۇمۇرى: No. 49196
يازما سانى: 87
نادىر تېمىسى: 0
مۇنبەر پۇلى : 1943
تۆھپە نۇمۇرى: 846
توردا: 954 سائەت
تىزىم: 2011-7-26
ئاخىرقى: 2011-10-29
يوللىغان ۋاقتى 2011-9-1 01:29:27 AM |ھەممە قەۋەتنى كۆرۈش |
يېڭى ئوقۇش مەۋسۈمى باشلاندى، ئالىي مەكتەپ ئوقۇغۇچىلىرىنىڭ ئۆگىنىش ئىشلىرىنى ئورۇنلاشتۇرۇشتىن سىرت، ئوقۇش ھەققى، تۇرمۇش خىراجىتى قاتارلىقلارنىمۇ ئورۇنلاشتۇرىشى مۇھىم ئورۇندا تۇرىدۇ. بىراق، ئادەتتە نۇرغۇن كىشىلەر «كۆپ قىسىم ئالىي مەكتەپ ئوقۇغۇچىلىرىنىڭ ئىقتىسادى كىرىم مەنبەسى يوق بولغاچقا، ئاتا-ئانىسىغا تايىنىدۇ، شۇڭا تۇرمۇشتىكى خىراجەتلەرنى مۇۋاپىق ئورۇنلاشتۇرسىلا بولدى» دەپ قارايدۇ. ئەمەلىيەتتە، ئالىي مەكتەپ ئوقۇغۇچىلىرى ئىنچىكىلىك بىلەن ھېساۋات قىلىپ، كىرىمنى ئاشۇرۇپ، چىقىمنى تېجەپ، كىچىك ئىشلاردىمۇ ئاز-ئازدىن پۇل ئىقتىساد قىلسا، تۇرمۇشتا قىينىلىپ قالمايدۇ. شۇنىڭ بىلەن بىرگە، ئاڭلىق ھالدا سەرمايە يۈرۈشتۇرۇش ئىقتىدارىنى يېتىلدۈرۈشمۇ، ئالىي مەكتەپ ئوقۇغۇچىلىرىنىڭ جەمئىيەتكە قەدەم قويۇشتىن بۇرۇن ھەم بايلىققا ھەم بىلىمگە ئېرىشىشىگە پايدىلىق.
● بانكا بىلەن كۆپرەك ئالاقە قىلىش
ئالىي مەكتەپ ئوقۇغۇچىلىرىنىڭ سەرمايە يۈرۈشتۈرۈشى ئەڭ ئاۋۋال بانكا بىلەن ئالاقە ئورنىتىشتىن باشلىنىدۇ. بانكىغا بېرىشنى پەقەت پۇل ئامانەت قويۇش ۋە بانكىدىن پۇل ئېلىشتەك ئاددىي ئىش دەپ قارىماڭ، پۇل ئامانەت قويۇشتىنمۇ نۇرغۇن سەرمايە يۈرۈش-تۇرۇش ھەققىدىكى ساۋاتلارغا ئېرىشكىلى بولىدۇ. ئوتتۇرا مەكتەپ مەزگىلىدە، گەرچە نۇرغۇن ئوقۇغۇچىلارنىڭ ئۆز ئالدىغا مۇستەقىل بانكا ئامانەت كارتىسى بار بولسىمۇ، بىراق ئاساسىي جەھەتتىن ئاتا-ئانىسىنىڭ كونتروللۇقىدا بولغاچقا، ئوقۇغۇچىلاردا پۇل ئامانەت قويۇش، پۇل ئېلىش، بانكا ئۆسۈمى ھېساباتى قاتارلىقلارغا قارىتا ھېچقانچە چۈشەنچە بولمايدۇ. بانكا بىلەن ئالاقە ئورنىتىش ئارقىلىق، ئالىي مەكتەپ ئوقۇغۇچىلىرى ئەڭ ئاساسىي مالىيە ساۋاتلىرىنى ، ئاپتوماتىك پۇل ئېلىش ئۈسكۈنىسى ۋە ئىناۋەتلىك كارتىنىڭ بىر قىسىم مۇلازىمەت ئىقتىدارلىرىنى ئىگىلەپ، مۇستەقىل سەرمايە يۈرۈشتۈرۈشنى ئۆگىنەلەيدۇ.
● كىرىمنى ئاشۇرۇپ، چىقىمنى تېجەشنى ئۆگىنىش
ئالىي مەكتەپ ئوقۇغۇچىلىرىنىڭ تۇرمۇش پۇلى يېتىشمەسلىك مەسىلىسىنى ھەل قىلىشتىكى ئەڭ ئاكتىپ ئۇسۇل ئامال قىلىپ كىرىمنى ئاشۇرۇپ، پۇل يېتىشمەسلىكنى ھەل قىلىش. ئوقۇپ تۇرۇپ ئىشلەش، ئوقۇتقۇچىلارنىڭ تەتقىقاتىغا ياردەملىشىش، ئائىلە ئوقۇتقۇچىسى بولۇش، بىر قىسىم شىركەت ۋە كارخانىلارغا بېرىپ ۋاقىتلىق ئىشچىسى بولۇش....بۇلارنىڭ ھەممىسى ئالىي مەكتەپ ئوقۇغۇچىلىرىنىڭ كىرىمىنى ئاشۇرۇشتىكى چارىلەر. بىراق بۇ خىل كىرىم يەنىلا يېتەرلىك ئەمەس، مۇھىمى ئۆزىنىڭ پۇلىنى قانداق تەقسىم قىلىش ۋە چىقىمنى پىلانلاشنى، چىقىمنى تېجەشنى ئۆگىنىش زۆرۈر. ئالىي مەكتەپ ئوقۇغۇچىلىرى چىقىمنى تېجەشتە ھېسابات خاتىرىلەشتىن باشلاش لازىم، ھەر كۈنلۈك چىقىمىنى خاتىرىلەپ، بىر مەزگىلدىن كېيىن قاراپ چىققاندىن كېيىن، قايسى چىقىملارنىڭ ئورۇنسىز ئىكەنلىكىنى بىلىۋالالايدۇ، مەسىلەن، بىر قىسىم ئەھمىيەتسىز يىغىلىشلار، ئەرزانكەن دەپ لازىمى يوق نەرسىلەرنى سېتىۋېلىشلار قاتارلىقلارنىڭ مۇۋاپىق ئەمەسلىكىنى ھېس قىلالايدۇ. مانا مۇشۇنداق زۆرۈر بولمىغان چىقىملارنى تېجەپ، پۇلنى بانكىغا قويغاندا، بىر مەزگىلدىن كېيىن تېخى ئازراق ئۆسۈمىگىمۇ ئېرىشكىلى بولىدۇ.
● مەبلەغ سېلىشنى سىناپ بېقىش
ئالىي مەكتەپ ئوقۇغۇچىلىرى ئوقۇپ تۇرۇپ ئىشلەشتىن سىرت، يەنە تېخى باشقا مەبلەغ سېلىشلارنى سىناپ باقسىمۇ بولىدۇ. بولۇپمۇ بىر قىسىم مەلۇم دەرىجىدە ئىقتىسادى ئاساسىي بولغان ئوقۇغۇچىلارغا نىسبەتەن ئېيتقاندا، مۇۋاپىق ھالدا بىر قىسىم ھەقىقىي «مەبلەغ» سېلىشلارنى سىناپ باقسا بولىدۇ. مەسىلەن، پايچېك، فوند سېتىۋېلىش. بۇ خىل مەبلەغ سېلىش ساھەسىگە كىرىش پۈتۈنلەي پۇل تېپىش ئۈچۈن ئەمەس، بۇنىڭ ئەھمىيىتى «مەشىق قىلىش»، ئەمەلىيەت ئارقىلىق مەبلەغ بازىرىنى تېخىمۇ تولۇق چۈشىنىپ، جەمئىيەتكە قەدەم قويغاندىن كېيىنكى مەبلەغ سېلىش ئىشلىرى ئۈچۈن تەجرىبە-ساۋاق يەكۈنلىگىلى بولىدۇ. ئەلۋەتتە، ئالىي مەكتەپ ئوقۇغۇچىلىرىنىڭ خەتەرگە بەرداشلىق بېرىش ئىقتىدارى چەكلىك بولىدۇ، شۇڭا مەبلەغ سالغاندىمۇ ئۆزىنى دەڭسەپ كۆرۈپ، ئاندىن ئىش كۆرۈش كېرەك. باشلىنىش بىلەنلا ھەددىدىن زىيادە كۆپ مەبلەغ سېلىۋېلىپ، بەك كۆپ زىيان تارتىشنىڭ ئالدىنى ئېلىش لازىم.
● ئۆزى قول سېلىپ، پۇل تېجەش
كونىلاردا «ئۆزى قول سالغاندا، كىيىم پۈتۈن، قورساق توق بولىدۇ» دېگەن گەپ بار. بۈگۈنكى جەمئىيەتتە ئۆزى قول سېلىپ پۇل تېپىش بىر شەرەپلىك ئىش. ھازىر ئۆزى قول سېلىش بىر مودا ئېقىمىغا ئايلاندى. كومپيۇتېر ئۆگىنىدىغان ئوغۇللار باشقىلارنىڭ كومپيۇتېرىنى ياساپ بېرىپ، يۇمشاق دېتال قاچىلاپ بېرىپ تاپاۋەت قىلىپ، تۇرمۇشىنى قامدىسا بولىدۇ؛ قوللىرى ئەپچىل قىزلار ئۆزلىرى قول سېلىپ كەشتە تىكىپ پۇل تاپسا بولىدۇ. ئۆزى قول سېلىپ ئىشلىگەندە، ھەم ئۆزىنى چېنىقتۇرغىلى ھەم چىقىمنى تېجىگىلى بولىدۇ ئەمەسمۇ، بۇ نېمىدېگەن ياخشى ئىش.
● نىمكەش ماللار سودىسى قىلىشنى ئۆگىنىش
ئىنتېرنېت تورى ئالىي مەكتەپ ئوقۇغۇچىلىرىنىڭ نىمكەش ماللار بازىرىنى چۈشىنىشىدىكى ئەڭ ياخشى ئورۇن. ئوقۇغۇچىلار مەكتەپ تورىدىن پايدىلىنىپ، سودا ئۇچۇرى ئېلان قىلسا، تور نىمكەش بازىرى قۇرسىمۇ بولىدۇ. بۇنداق ئۇسۇل ھازىر ئالىي مەكتەپلەردە بارغانسېرى ئومۇملىشىۋاتىدۇ. بۇنىڭدىن سىرت، بىر قىسىم چوڭ تىپتىكى نىمكەش ماللار سودىسىنىمۇ چىڭ تۇتۇش كېرەك. مەسىلەن، ھەرقايسى مەكتەپلەردىكى مەكتەپ پۈتتۈرۈش ئالدىدا تۇرغان ئوقۇغۇچىلار مەكتەپتىن ئايرىلىش ئالدىدا نىمكەش ماللار بازىرى تەشكىللەيدۇ. سىز شۇ يەردىن كونا كىتاب، ۋېلىسىپىت، ھەتتا كومپيۇتېرلارغا ئېرىشەلەيسىز. ئەلۋەتتە، سىزمۇ ئوقۇش پۈتتۈرۈش ئالدىدا ئۆزىڭىزنىڭ كونا نەرسىلىرىنى مۇشۇنداق ئۇسۇلدا سېتىپ، ئازراق كىرىمگە ئېرىشەلەيسىز.
● سودا قىلىشنى سىناپ بېقىش
مەكتەپمۇ بىر كىچىك جەمئىيەت، مەكتەپتە سودا پۇرسىتى ناھايىتى كۆپ. ئازراق مەبلەغ غەملەپ، ئۆزىڭىز كىچىك خوجايىن بولسىڭىز، مەكتەپ ئىچىدە ئىگىلىك تىكلىسىڭىزمۇ بولىدۇ. ئەڭ ياخشىسى بىر قىسىم خەتىرى كىچىك سودىلاردىن ئىش باشلىشىڭىزنى تەۋسىيە قىلىمىز. مەسىلەن، VCD پلاستىنكىسى ئىجارىگە بېرىش، تېلېفون كارتىسى سېتىش، بىر قىسىم تۇرمۇش لازىمەتلىكلىرىنى سېتىش قاتارلىقلار. مەكتەپتە كىچىك تىجارەت بىلەن شۇغۇللىنىشنىڭ پايدىسى ئاز-كۆپلۈكى مۇھىم ئەمەس، مۇھىمى سىز بۇ جەرياندا تىجارەتكە ئائىت ساۋاتقا ئىگە بولۇپ، بازارنى چۈشىنىسىز ھەمدە بازار ئەھۋالىغا ئاساسەن تەدبىر قوللىنالايدىغان بولىسىز. مەكتەپتە «كارخانىچىلارغا ئوخشاش تەھلىل يۈرگۈزۈش» نى ئۆگىنىۋېلىش ھەممىدىن مۇھىم.
● ھەقسىز بايلىقلاردىن تولۇق پايدىلىنىش
ئوقۇغۇچىلىق سالاھىيەت بىر خىل قىممەتلىك بايلىق، تۇرمۇشتا ئوقۇغۇچىلىق سالاھىيەتتىن تولۇق پايدىلىنىپ، نۇرغۇن جەھەتلەردە نەپكە ئېرىشكىلى بولىدۇ. مەسىلەن، مەكتەپتە كۇتۇپخانىنىڭ ئۆزى بىر گۆھەر ماكانى، بىر قىسىم دائىم ئىشلىتىپ كەتمەيدىغان ماتېرىياللارنى كىتابخانىدىن سېتىۋالغاندىن كۆرە، كۇتۇپخانىدىن ئارىيەتكە ئېلىپ كۆرگەن ناھايىتى ھېسابلىق ئىش. يەنە كومپيۇتېر دەرسخانىسى، باسما مەركىزى .....بۇ ئورۇنلارنىڭ ئىقتىدارلىرىدىن نۇرغۇن ئوقۇغۇچىلار تولۇق پايدىلانمايدۇ. سىز ئوقۇغۇچى سالاھىيىتىدە بولغانلىقىڭىز ئۈچۈن، مەكتەپ سىرتىدىمۇ نۇرغۇن ئېتىبار بېرىشلارغا ئېرىشەلەيسىز: ئالىي مەكتەپ ئوقۇغۇچىلىرىنىڭ ئوقۇغۇچىلىق كىنىشكىسىغا تايىنىپ، تەتىلدە مەكتەپ تۇرۇشلۇق شەھەردىن ئۆيى تۇرۇشلۇق شەھەرگىچە بولغان پويىز بېلىتىدە ئېتىبارغا ئېرىشەلەيدۇ؛ ئالىي مەكتەپ ئوقۇغۇچىلىرى مۇزېي ۋە پەن-تېخنىكا سارايلىرىغا بارغاندا، ئوقۇغۇچىلىق كىنىشكىسىغا ئاساسەن، يېرىم بېلەت ھەتتا ھەقسىز بېلەتكە ئېرىشەلەيدۇ؛ مەكتەپ سىرتىدىكى تۈرلۈك تەربىيىلەش سىنىپلىرى ئوقۇغۇچىلارغا ئوقۇش ھەققىدە ئېتىبار بېرىدۇ.

مەنبەسى: تورداشلار تورى

ھازىرغىچە 2 ئادەم باھالىدىياخشى باھا يىغىش سەۋەبى
sazguri + 10 ماڭا بەك پايدىسى تىگىدىغان تىمىكەن
suzuk-ay + 100 تەربىۋىي تېما

ھەممە باھا نومۇرى : ياخشى باھا + 110   باھا خاتىرىسى

ھەممە شائىر  ئاناملا دىدى، ئاتىلار يوقمىكەن ئەستە، ................... ئاتا-ئانىلار قەلىبمىزدىن چۇڭقۇر ئۇرۇن ئالسۇن! ئاتا-ئانىلارغا كۈيىنەيلى!

غەيرەت &nbs

دائىملىق ئــەزا

ئاخبارات ئەلچىسى ماھىر قەلەمكەش ئالاھىدە تۆھپە

ئەزا ئۇچۇرى
تىزىم نۇمۇرى: No. 1729
يازما سانى: 1119
نادىر تېمىسى: 10
مۇنبەر پۇلى : 115641
تۆھپە نۇمۇرى: 664
توردا: 2559 سائەت
تىزىم: 2010-5-31
ئاخىرقى: 2012-3-5
يوللىغان ۋاقتى 2011-9-1 11:18:01 AM |ھەممە قەۋەتنى كۆرۈش |
ئالىي مەكتەپ ئوقۇغۇچىسى بولۇش سۈپىتىم بىلەن يۇقارقى تېمىنى ھەر بىر سىتودىتقا تەۋسىيە قىلىمەن.

كۈلۈپ ياشاڭ!

ئەزا ئۇچۇرى
تىزىم نۇمۇرى: No. 53741
يازما سانى: 15
نادىر تېمىسى: 0
مۇنبەر پۇلى : 85
تۆھپە نۇمۇرى: 0
توردا: 9 سائەت
تىزىم: 2011-8-29
ئاخىرقى: 2011-11-18
يوللىغان ۋاقتى 2011-9-1 01:29:40 PM |ھەممە قەۋەتنى كۆرۈش |
مەن بۇيىل ئالىي مەكتەپكەقەدەم قويۇمەن . بۇماڭا نىسبەتەن ئىنتايىن پايدىلىق ساۋات دەپ قارايمەن . رەخمەت سىزگە .

ھايات مەن ئۈچۈن  ھەممىدىن قىممەت ھاياتتىنمۇ قىممەت مۇھەببەت لىكىن كىچىمەن ھەرئىككىسىدىن ئازاتلىق ئەركىنلىك ئۈچۈنلام پەقەت

فىلىم ئشلەش ھەۋە

ئاكتىپ ئەزا

ئالاھىدە ئىلگىرلەش

ئەزا ئۇچۇرى
تىزىم نۇمۇرى: No. 48371
يازما سانى: 821
نادىر تېمىسى: 0
مۇنبەر پۇلى : 5059
تۆھپە نۇمۇرى: 1447
توردا: 4305 سائەت
تىزىم: 2011-7-19
ئاخىرقى: 2012-3-23
يوللىغان ۋاقتى 2011-9-1 01:45:45 PM |ھەممە قەۋەتنى كۆرۈش |
ماڭا بەك پايدىسى تىگىدىغان تىمىكەن

تارازا بارمۇ ؟

مەستانە ئـــەزا

ئالاھىدە ئىلگىرلەش مىسرانىم مەستانىسى

ئەزا ئۇچۇرى
تىزىم نۇمۇرى: No. 36554
يازما سانى: 2023
نادىر تېمىسى: 0
مۇنبەر پۇلى : 11740
تۆھپە نۇمۇرى: 697
توردا: 4694 سائەت
تىزىم: 2011-4-5
ئاخىرقى: 2012-3-9
يوللىغان ۋاقتى 2011-9-1 02:28:55 PM |ھەممە قەۋەتنى كۆرۈش |
مان ئپقۇۋاتقان يىللاردىكىدىن ھازىر نۇرغۇن ئىش ئاسانلىشىپ كېتىپتۇ،
ئۆيدىن پۇل ئەۋەتسىمۇ 15 كۈندە قولىمىزغا تىگەتتى

زەرنىڭ دوستى كۆپ

ئالىي ئەزا

ئاخبارات ئەلچىسى ماھىر قەلەمكەش ئالاھىدە تۆھپە

ئەزا ئۇچۇرى
تىزىم نۇمۇرى: No. 51
يازما سانى: 1858
نادىر تېمىسى: 0
مۇنبەر پۇلى : 16536
تۆھپە نۇمۇرى: 1907
توردا: 8134 سائەت
تىزىم: 2010-5-20
ئاخىرقى: 2012-3-22
يوللىغان ۋاقتى 2011-9-1 02:40:58 PM |ھەممە قەۋەتنى كۆرۈش |
ياخشى ماقالىكەن . بەزىللىرى ئالى مەكتەپ باللىرى ئىچىدە ئۇمۇملاسا ياخشى ئۈنۈمى بولىشى مۇمكىن.

تاز گۈل تاپسا قىسقىلى جاي تاپالماپتۇ.

ئەزا ئۇچۇرى
تىزىم نۇمۇرى: No. 53958
يازما سانى: 35
نادىر تېمىسى: 0
مۇنبەر پۇلى : 1184
تۆھپە نۇمۇرى: 450
توردا: 16 سائەت
تىزىم: 2011-8-30
ئاخىرقى: 2012-2-9
يوللىغان ۋاقتى 2011-9-1 03:28:23 PM |ھەممە قەۋەتنى كۆرۈش |
ھەربىر ئالىي مەكتەپ ئوقۇغۇچىسى مۇلاھىزە قىلىپ باقسا بولغىدەك تىمكەن

كىمكى قىلىشنىڭ قارا دەستىسنى تۇتۇشنى خالىمايدىكەن ، ئۆتكۈر تىغىغا دۇچ كىلىدۇ .
كىرگەندىن كىيىن ئىنكاس يازالايسىز كىرىش | تىزىملىتىش

مۇنبەر باش بېتىگە قايتىش|رەسىمسىز نۇسخا|يانفۇن|مىسرانىم مۇنبىرى
Powered by Discuz! X2(NurQut Team)© 2001-2011 Comsenz Inc. For misranim.com ( 苏ICP备:11007730号 )
چوققىغا قايتىش