HSKغا تىزىملاش باشلاندى! (مارالبېشى ناھىيىس

dolanyigiti

	مارالبېشى ناھىيسىنىڭ 2011 – يىلى كېيىنكى يېرىم يىللىق خەنزۇتىلى سەۋىيە سىناش ئىمتىھانى （HSK）غا تىزىملاش توغرىسىدىكى ئۇقتۇرۇش ھەر قايسى يېزا – بازار (مەيدان) ئوقۇتۇش رايونلىرى ، ئوتتۇرا مەكتەپلەر ، توققۇز يىللىق تۈزۈمدىكى مەكتەپلەر ۋە ناھىيىگە بىۋاستە قاراشلىق ئوتتۇرا – باشلانغۇچ مەكتەپ ، بالىلار باغچىلىرى  ۋە جەمئىيەت خادىملىرىغا : يۇقىرىدىن تارقاتقان ئۇقتۇرۇشنىڭ روھى بويىچە ، 2011  - يىلى كېينكى يېرىم يىللىق خەنزۇتىلى سەۋىيە سىناش ئىمتىھانىغا تىزىملاش خىزمىتى باشلاندى . تىزىملاش ۋاقتى 8– ئاينىڭ 29 – كۈنىدىن9– ئاينىڭ9 – كۈنىگىچە بولىدۇ ، ئىمتىھانغا تىزىملاش خىزمەتلىرىنى تۆۋەندىكىدەك ئورۇنلاشتۇردۇق . بىرىنچى : تىزىمغا ئالدۇرۇش ئوبېكتى خەنزۇتىلى دەرىجە كېنىشكىسى ئېلىشقا ئىھتىياجلىق بولغان ئوقوغۇچىلار ، ئوقۇتقۇچىلار ۋە جەمئىيەت خادىملىرى تىزىمغا ئالدۇرسا بولىدۇ . ئوقۇتقۇچىلار ئىچىدىكى ئەرلەر 50 ياشتىن تۆۋەنلەر(1961 – يىلى 9 – ئاينىڭ 1 – كۈنىدىن كېيىن تۇغۇلغانلار)، ئاياللار 45 ياشتىن تۆۋەنلەر (1966 – يىلى 9 – ئاينىڭ 1 – كۈنىدىن كېيىن تۇغۇلغانلار) چوقۇم تىزىملىتىپ ئىمتىھانغا قاتنىشىشى لازىم . ئىككىنچى : تىزىمغا ئالدۇرۇش تەلەپلىرى 1. تىزىمغا ئالدۇرغۇچىلار چوقۇم ئۈنۈملۈك مۇددەت ئىچىدىكى كىملىكنىڭ ئەسلى نۇسخىسى بىلەن كۆپەيتىلگەن نۇسخىسىدىن ئىككى پارچە ئېلىپ كېلىپ تىزىمغا ئالدۇرىدۇ . مەكتەپتە ئوقۇۋاتقان ئوقوغۇچىلار ئوقوغۇچىلىق كېنىشكىسىنىڭ ئەسلى نۇسخىسى ، كىملىكنىڭ ئەسلى نۇسخىسى ۋە كۆپەيتىلگەن نۇسخىسىدىن ئىككى پارچە ئېلىپ كېلىپ تىزىمغا ئالدۇرىدۇ . ( ۋاقتى ئۆتكەن كىملىك بىلەن تىزىمغا ئالدۇرۇشقا بولمايدۇ،ۋاقىتلىق كىملىك بىلەن تىزىمغا ئالدۇرغانلارنىڭ ۋاقىتلىق كىملىكىنىڭ ئۈنۈملۈك ۋاقتى 11– ئاينىڭ 27– كۈنىدىن بۇرۇن توشۇپ قالماسلىقى كېرەك ) 2. تىزىمغا ئالدۇرغۇچىلار چوقۇم ئۆزى كېلىپ ئېلىكترونلۇق رەسىمگە چۈشىدۇ ھەمدە 1 سۇڭلۇق رەڭلىك رەسىمدىن ئۈچ پارچە تەييارلايدۇ . (يېقىنقى ئۈچ ئاي ئىچىدە چۈشكەن ئوخشاش تەگلىكتىكى رەسىم بولىشى كېرەك) 3. ناھىيە ئاتلاپ تىزىملىتىشقا بولمايدۇ ، تەۋەلىگى بىڭتۈەنگە قاراشلىقلار مارالبېشىدا تىزىملانمايدۇ . 2011 – يىلىدىن باشلاپ ئوتتۇرا باشلانغۇچ مەكتەپلەرگە يېڭىدىن تەكلىپ قىلىنغان ئانا تىلى خەنزۇتىلى بولمىغان قوش تىل ئوقۇتقۇچىلىرىنىڭ ھازىرلاشقا تېگىشلىك دەرىجە ئۆلچىمى تۆۋەندىكىدەك بولىدۇ : تولۇق ئوتتۇرا ، تولۇقسىز ئوتتۇرا ۋە باشلانغۇچ مەكتەپ خەنزۇتىلى ئوقۇتقۇچىلىرى ئايرىم ھالدا MHK(جۇڭگو ئاز سانلىق مىللەتلەر خەنزۇتىلى سەۋىيە دەرىجە ئىمتىھانى) نىڭ تۆتىنچى دەرىجە B ، ئۈچىنچى دەرىجەA ياكى ئۇنىڭدىن يۇقىرى دەرىجىگە يېتىشى ، باشقا پەن ئوقۇتقۇچىلىرى MHK نىڭ ئۈچىنچى دەرىجە A ، ئۈچىنچى دەرىجەB ياكى ئۇنىڭدىن يۇقىرى دەرىجىگە يېتىشى ، باغچا ئوقۇتقۇچىلىرى MHK نىڭ ئۈچىنچى دەرىجە B ياكى ئۇنىڭدىن يۇقىرى دەرىجىگە يېتىشى كېرەك . شۇنىڭ بىلەن بىر ۋاقىتتا ئۆز مىللىتىنىڭ تىل – يېزىقى (ئۇيغۇرتىلى) دىمۇ ماس دەرىجىگە يېتىشى كېرەك . ئانا تىلى خەنزۇتىلى بولغان قوش تىل ئوقۇتقۇچىلىرىنىڭ خەنزۇتىلى ئورتاق تىل(PSC) سەۋىيە ئۆلچىمى تۆۋەندىكىدەك بولىدۇ :ئىجدىمائىي پەن ئوقۇتقۇچىلىرى ئىككىنچى دەرىجە Aياكى ئۇنىڭدىن يۇقىرى ، تەبىئىي پەن ئوقۇتقۇچىلىرى ئىككىنچى دەرىجە Bياكى ئۇنىڭدىن يۇقىرى دەرىجىگە ئېرىشىىشى كېرەك . MHK(جۇڭگو ئاز سانلىق مىللەتلەر خەنزۇتىلى سەۋىيە دەرىجە ئىمتىھانى) نىڭ ئۈچىنچى دەرىجە B ھازىرقى HSKنىڭ 5-6 دەرىجىسىگە تەڭ بولىدۇ ، MHKنىڭ ئۈچىنچى دەرىجەA ھازىرقىHSK نىڭ 7-8 دەرىجىسىگە تەڭ بولىدۇ ،MHK نىڭ تۆتىنچى دەرىجە B ھازىرقى HSKنىڭ 9- دەرىجىسىگە تەڭ بولىدۇ ، MHK نىڭ تۆتىنچى دەرىجە A ھازىرقى HSKنىڭ10-11 دەرىجىسىگە تەڭ بولىدۇ . ئۈچىنچى : تىزىملاش ھەققى چوڭلار 50 يۈەن ، ئوقوغۇچىلار 40 يۈەن . (پۇلنى مالىيە بۆلۈمگە تاپشۇرۇپ جەدىۋەل ئېلىپ تولدۇرۇپ بولغاندىن كېيىن ئېلىكترونلۇق رەسىمگە چۈشىدۇ)   ئىمتىھان ۋاقتى 11 - ئاينىڭ 27 - كۈنى بولىدۇ .(11 - ئاينىڭ 4 - يەكشەنبە كۈنى) تۆتىنچى : تىزىمغا ئالدۇرۇش ئورنى مائارىپ ئىدارىسى «قوش تىل» ئىشخانىسىدا (مائارىپ ئىدارىسى خىزمەت بىناسىنىڭ 1 - قەۋىتىدە) ئالاقىلىشىش تېلىفۇن نومۇرى : 6213749 مارالبېشى ناھىيلىك مائارىپ ئىدارىسى 2011 –يىلى 8 – ئاينىڭ 25 - كۈنى

owqi555

	بەك جاپا چىكىپسىز

kahrizat

	شۇ يەرلىك مائارىپ ئىدارىسى ئۆزى ئۇختۇرۇش قىلسا بولىدىغۇ

arif

	مۇبارەك بولسۇن . ئوڭۇشلۇق ئۆتۈڭلار بۇ كۆۋرۈكتىن .....

anihinim

	مىنىڭ دەرىجەم ھازىرچە 7،ھەم مەن مارالبىشىدىن ئەمەس شۇڭائەڭ ياخشىسى باشقىلارغا ئامەت تىلەپ تۇراي بولدى.

نۇربىيە

	مەن قاتىنىشاي ئەمدى،نەچچە يىل بولدىhsk ئىنتاھاننى بەرمەپتىمەن. ئەمدى بۇ ئىنتاھاننى قانداق بىرەرمەن ؟

mahmutogli

	ئامەت سىلەگە يار بوسۇن

nazira0998

	دولان يىگىتى بەك ياخشى تىما يولاپسىز.رەخمەت، مەن دىركىنى ئالالماي يۇرەتىم بۇ ئىتاھامنىڭ.بىراق مەن قەشقەردىن ئاتۇشقا چىقىپ بەرمەكچى ئىدىم،بولماسمۇ؟رەخمەت،ئاخىرغىچە ياردەم قىلغان بولسىڭىز؟؟؟

XERHAN

	مارالبېشى ھەقىقەتەن كاتتا يۇرت ، تەرىپلەشكە ئەرزىيدۇ !

shaptul

	مەن بۇيىل بىرىپ ھىچ بولمىغاندا 6 دەرىجە ئۈچۈن بولسىمۇ تىرىشمىسام بولمايدىغاندەك تۇرىدۇ.............بىراق قانداقمۇ ئالارمەن بۇ 6 نى..........ئورنۇمغا ئادەم سالايمىكىن...مۇنبەردە ماڭا ئوخشايدىغانلار بارمىدۇ؟ ئورنىمغا بىرىپ بەرسە.....

ghost110

	بۇ قېتىمقىسى MHK مۇ ياكى HSK مۇ؟؟؟؟ مەن قاتناشماقچى ئىدىم.

dolanyigiti

	ئاپتور جاۋابىنى بويلاپ 2قەۋەت  kahrizat كە 2011-08-26 09:27 PMئەۋەتىلدى  : شۇ يەرلىك مائارىپ ئىدارىسى ئۆزى ئۇختۇرۇش قىلسا بولىدىغۇ شۇ يەرلىك مائارىپ ئىدارىسىنىڭ تېلىۋىزوردا ئېلان بېرىشكە  قۇربى يەتمىگەن بولسا  كېرك . شۇنىڭ ئۈچۈن مۇشۇ يەردە دەپ قويدۇق ئەمدى

dolanyigiti

	ئاپتور جاۋابىنى بويلاپ 7قەۋەت  nazira0998 كە 2011-08-27 04:48 PMئەۋەتىلدى  : دولان يىگىتى بەك ياخشى تىما يولاپسىز.رەخمەت، مەن دىركىنى ئالالماي يۇرەتىم بۇ ئىتاھامنىڭ.بىراق مەن قەشقەردىن ئاتۇشقا چىقىپ بەرمەكچى ئىدىم،بولماسمۇ؟رەخمەت،ئاخىرغىچە ياردەم قىلغان بولسىڭىز؟؟؟ پىرىنسىپ بويىچە ناھىيە ياكى شەھەر ئاتلاپ ئىمتىھانغا تىزىملىتىشقا بولمايدۇ .  ئاساسەن  نوپۇس تەۋەلىكى بويىچە ، خىزمەت ئورنى بويىچە تىزىملايدىكەن . شۇنداقتىمۇ قەشقەرگە بېرىپ بىر ئۇرۇنۇپ بېقىڭ ، ئامەت تىلەيمەن

dolanyigiti

	ئاپتور جاۋابىنى بويلاپ 9قەۋەت  shaptul كە 2011-08-27 04:58 PMئەۋەتىلدى  : مەن بۇيىل بىرىپ ھىچ بولمىغاندا 6 دەرىجە ئۈچۈن بولسىمۇ تىرىشمىسام بولمايدىغاندەك تۇرىدۇ.............بىراق قانداقمۇ ئالارمەن بۇ 6 نى..........ئورنۇمغا ئادەم سالايمىكىن...مۇنبەردە ماڭا ئوخشايدىغانلار بارمىدۇ؟ ئورنىمغا بىرىپ بەرسە.....   مېنىڭ سەمىمىي تەكلىپىم ئەڭ ياخشىسى ئۆزىڭىز قاتنىشىڭ ، تاساددىبىي ئورنىڭىزغا ئادەم سېلىپ تۇتىلىپ قالسىڭىز ئىككى يىلغىچە ئىمتىھان بېرىش سالاھىتىڭىز ئېلىپ تاشلىنىدۇ دېگەن  گەپ . ياخشىسى بۇنداق خەتەرگە تەۋەككۇل قىلمىغان بولسىڭىز (ئۆزىڭىزگە ئالامەت دەششەت ئوخشايدىغان ئادەم تاپالىسىڭىز مەيلى)

dolanyigiti

	ئاپتور جاۋابىنى بويلاپ 10قەۋەت  ghost110 كە 2011-08-28 11:32 AMئەۋەتىلدى ئاپتور(dolanyigiti) نىڭ تېمىسىغا : بۇ قېتىمقىسى MHK مۇ ياكى HSK مۇ؟؟؟؟ مەن قاتناشماقچى ئىدىم. بۇ قېتىمقىسى يەنىلا HSK . كېلەر يىلى  بەلكىم ئىككىسى تەڭ ئېلىنىشى مۇمكىن ،  ئۇقتۇرۇشنىڭ روھى بويىچە 2013 - يىلىدىن باشلاپ پۈتۈنلەي MHK ئېلىنىدىكەن .