11ياشلىق قىزچاق ئوغرىلىق قىلىپ قويۇپ بېنادىن سەكرىۋالدى
‹‹دۇڭنەن تېز خەۋىرى››تورى خەۋىرى، «دادا، ئاپا مېنى كەچۈرۈڭلار، سىلەرنىڭ يۈزۈڭلارنى تۆكۈۋەتتىم...» يېقىندا ئەتىگەن سائەت 10دىن 40مىنۇتلار ئۆتكەندە فۇجۇ شەھەرلىك جىنشەنبى ئاھالىلەر ئولتۇراق رايونىدا، 11 ياشلىق قىزچاق شىياۋنىڭ قىسقا بىر قانچە قۇر خەت يېزىلغان ۋاراقچىنى قالدۇرۇپ قويۇپ ئېگىز بىنادىن ئۆزىنى تاشلىۋالدى، گەرچە دوختۇرخانىغا ئېلىپ بېرىلغان بولسىمۇ قۇتقۇزۇش ئۈنۈم بەرمەي ئۆلۈپ كەتتى.
ئىگىلىنىشىچە، ئالدىنقى كۈنى كەچتە، شىيانىڭ ئىنىسى بىلەن بىللە بىرگە بىر تاللا بازىرىغا مال سېتىۋېلىشقا كىرگەن ھەم مال ئوغرىلىغانلىقتىن شۇ تاللا بازىرىدىكى مەلۇم خىزمەتچى بۇ ئىككى بالىنى 10 كۋادرات مېتىرمۇ كەلمەيدىغان كىچىك ئۆيگە سولاپ قويغان. كېيىن قويۇپ بېرىلگەندە، ئۆز رازىلىقى بىلەن تۆلەم بېرىش (ئوغرىلىق قىلغىنى ئۈچۈن) تۆلەم خېتىگە بارمىقىنى باسقان.
ئەسلى بۇ ئىككى بالا قوشكېزەك بولۇپ، قىزچاق ئىنىسىغا بەكمۇ ئامراق ئىكەن. ئۇلار تاللا بازىرىغا بېرىپ 25 يۈەن قىممىتىدىكى نەرسىنى ئوغرىلىغان. ئۇلار سولاپ قويۇلغاندىن كېيىن ئۆينىڭ ياكى ئاتا-ئانىسىنىڭ تېلېفون نومۇرىنى دەپ بېرىشكە پەقەت ئۇنىمىغان، چۈنكى ئۇلار ئاتا-ئانىسىنىڭ بۇ ئىشنى ئۇقۇپ قالسا ئۆزلىرىگە خاپا بولۇشتىن قورققان. لېكىن چۈشتىن كېيىن سائەت بەش بولۇپ كەتكەندە، ئۇلار ئاخىرى دادىسىنىڭ تېلېفون نومۇرىنى دەپ بەرگەن، بالىلارنىڭ دادىسى يېتىپ كەلگەندە ئۇلار تېخىچە ھېلىقى 10 كۋادرات مېتىر كېلىدىغان ئۆيگە سولاقلىق ئىكەن. ئۇلار دادىسى كېلىشتىن بۇرۇن 25 يۈەنلىك مالنى 10 ھەسسىلەپ 250 قىلىپ قايتۇرۇش ئۈچۈن، ئۆز ئىختىيارلىقى بىلەن جەرىمانە خېتىگە قول قويۇپ، بارمىقىنى باسقان. ئۆيگە قايتىپ كەلگەندىن كېيىن شىياۋنىڭ پەقەت گەپ قىلمىغان.
«ئەگەر مەن قىزىمنىڭ مۇنداقلا كېتىپ قالارىنى بىلگەن بولسام، ئۇنىڭغا چوقۇم ياخشى قارايتتىم.» دېدى شىياۋنىڭنىڭ دادىسى، ئەتىگەن سائەت 9لاردا مەن سىرتقا چىقىش ئالدىدا مەخسۇس ئۇنىڭ ياتاق ئۆيىگە بېرىپ قاراپ باققان، قىزىم بۇرۇنقىدەكلا ئۆگىنىش ئۈستىلىدە خەت يېزىپ ئولتۇرغان بولۇپ، مەنمۇ ئارتۇق ئويلانمايلا چىقىپ كەتكەنتىم، مەن ئۇنىڭ ۋەسىيەتنامە يېزىۋاتقانلىقىنى خىيالىمغىمۇ كەلتۈرمىگەن ئىدىم دېدى.
سائەت 10لاردا دادىسى ئوغلىدىن كەلگەن تېلېفوننى تاپشۇرۇۋالغان، تېلېفوندا ئاچىسىنىڭ ئىشىنى ئاڭلىغان. ئىش چىققاندا، ئايالى ئۆيدە ئۇخلاۋاتقان بولۇپ، ئىنىسى ئاچىسىنىڭ ياتاق ئۆيىگە بېرىپ، ئۆگىنىش ئۈستىلىگە قويۇپ قويغان خەتنى كۆرۈپ ئىش چىققانلىقىنى بىلگەن، بۇ ۋاقىتتا شىياۋنىڭ ئاللىقاچان بىنادىن سەكرەپ چۈشۈپ بولغانىكەن. كۆرگۈچىلەرنىڭ ئېيتىشىچە، شىياۋنىڭ بىنانىڭ ئۈچىنچى قەۋىتىدە بىر ئاز ئىككىلىنىپ تۇرۇپ قاپتۇ، ئاندىن تۇيۇقسىزلا پەسكە سەكرەپتۇ، شىياۋنىڭ بىنادىن سەكرىگەن خەۋەرنى ئاڭلىغان ئاپىسى دەرھال 120گە تېلېفون قىلىپ ياردەم تەلەپ قىلىپتۇ، گەرچە قۇتقۇزۇش خادىملىرى كۆپ تىرىشچانلىق كۆرسەتكەن بولسىمۇ، قۇتقۇزۇش ئۈنۈم بەرمەي ئۆلۈپ كېتىپتۇ.
شىيانىڭنىڭ دادىسى ئايالى ۋە ئوغلى ئالدىدا يىغلاشقا پېتىنالماي، ئىشىك ئارقىسىغا مۆكۈپ بەك قاتتىق يىغلاپ كېتىپتۇ. ئۇنىڭ ئېيتىشىچە، ئايالى بىلەن ئوغلى ئۆي ئىچىدە بىرەر ئېغىزمۇ گەپ قىلمايۋېتپتۇ، ئۇلارنىڭمۇ ئىش چىقىرىپ قويۇشىدىن ئەنسىرەپ ئىككى تۇغقانىنى ئۇلارغا قاراپ بېرىشكە تەكلىپ قىلىپتۇ.
مۇتەخەسسىسلەر مۇنداق دەيدۇ: ئەگەر مۇشۇنداق ئىشقا يولۇققاندا، ئاۋۋال بالىلارنى ئېلىپ كېتىپ قالماستىن، ساقچىغا مەلۇم قىلىش، ئەگەر بالىلار راستىنىلا نەرسە كېرەك ئوغرىلىغان بولسا، مال ساتقۇچى تەرەپنىڭ بەلگىلىمىسى بويىچە تۆلەپ بېرىش، ئۇلاردىن سەمىمىي كەچۈرۈم سوراش كېرەك، بالىلارغا خاتالىق ئۆتكۈزگەندە ھامان مەلۇم دەرىجىدە بەدەل تۆلەيدىغانلىقىنى ھېس قىلدۇرۇش كېرەك. ئۇلارنى سەت گەپلەر بىلەن تىللىماسلىق، ئۇرماسلىق ۋە قورقۇتماسلىق كېرەك. ئەگەر ئوتتۇرىدا ئۇقۇشماسلىق بولغان بولسا، بالىغا ئويلىنىۋېلىش ۋاقتى بېرىش، ئۇلارغا ئەھۋالنى چۈشەندۈرۈش پۇرسىتى بېرىش كېرەك.
ئاتا-ئانىلار بالىلارغا ئىشىنىشى، بالىلارغا ئۆزلىرىنىڭ ئۇلارنى قانچىلىك دەرىجىدە ياخشى كۆرىدىغانلىقىنى بىلدۈرۈشى كېرەك ھەمدە خاتالىق ئۆتكۈزگەندە ئۇلارغا خاتالىقنى تۈزىتىش ھەققىدە تەلىم-تەربىيە بېرىشى، ئەگەر بەك چەكتىن ئېشىپ كەتكەن سەۋەنلىك بولسا مەلۇم جەھەتتە بەدەل تۆلەيدىغانلىقىنى، ئاتا-ئانىلارنىڭمۇ گەرچە ئۇلارنى ياخشى كۆرسىمۇ، ئۇلارغا ياردەم قىلالمايدىغانلىقىنى، پەقەت توغرا يولغا يېتەكلەپ قويالايدىغانلىقىنى بىلدۈرۈش كېرەك.
مەنبە:
http://news.ifeng.com/society/2/detail_2011_08/22/8590703_0.shtml
يوللىغان ۋاقتى 2011-8-25 05:21:48 PM
.gif)
.gif)
.gif)
.gif)
.gif)