كېسەل كەلتۈرۈپ چىقىرىدىغان ئالتە خىل ئامى

halpambag

	يېقىندا ئامېرىكىلىق ساغلاملىق ئىلمى مۇتەخەسىسى دوكتور ئېرىكا شۇرىسنىڭ:«كېسەل بولۇشنى كەلتۈرۈپ چىقىردىغان ئالتە خىل ئادەت»دىگەن ماقالىسى ئامېركىنىڭ «ياخو ئاياللار تورى» دا ئېلان قىلىندى. بۇ ئالتە خىل ئادەت تۈۋەندىكىچە:          1 . ئاپتاپ سۇنماسلىق. تەتقىقاتتىن مەلۇم بولىشىچە، ئاپتاپ سۇنغاندائىممۇنتېت كۈچىنى ئاشۇرغىلى، سۆڭەك شالاڭشىش، مەزى بېزى كېسىلى، قول- پۇت، ئېغىزلارغا ئەسۋە چىقىش ۋە راك كېسىلىنىڭ ئۆنۈملۈك ئالدىنى ئالغىلى بولىدىكەن. داۋاملىق ئاپتاپ سۇنۇپ تۇرماسلىق، بۇ كېسەللەرنى ئاسانلا كەلتۈرۈپ چىقىرىشى مۇمكىنكەن.         2. باكتېرىيەگە قارشى سوپۇن ياكى يۇيۇنۇش سۇيۇقلۇقىنى ئىشلىتىش. باكتېريە گەرچە كىشىلەردە كېسەل پەيدا قىلدىغان بولسىمۇ، ئەمما شۇنىڭ بىلەن بىللە ئۇ ئادەم بەدىنىنى غىدىقلاپ، بەدەندىكى قوغدۇنۇش سىستېمىسىنىڭ ساغلام تەرەققى قىلىشىنى ئىلگىرى سۈرىدىكەن. باكتېريە يوقۇتىدىغان سوپۇن ياكى يويۇنۇش سۇيۇقلىقلىرىنىڭ ئۈنۈمىگە زىيادە بىرىلگەندە، بەدەننىڭ باكتېريەگە تاقابىل تۇرۇش ئىقتىدارىنىڭ ئاجىزلىشىپ كېتىشى، تېرىنىڭ زىيادە سېزىم رېئاكسىيەسىنى كەلتۈرۈپ چىقىرىدىكەن.        3. كۆپ ئۇخلاش. ئۇزاق ۋاقىتتىن بېرى، ئۇخلاش ۋاقتى توققۇز سائەتتىن ئېشىپ كەتكەنلەر، ئاسانلا يۈرەك كېسىلى، قەنت كېسىلى، سېمىزلىك كېسىلى قاتارلىق كېسەللەرگە گىرىپتار بولىدۇ، دەپ قارىلىپ كەلگەن. ھەر كۈنلۈك ئۇخلاش ۋاقتى يەتتە سائەتتىن سەككىز سائەتكىچە بولسىلا، بىر كۈنلۈك خىزمەتكە بەرداشلىق بىرىشكە كۇپايە بولىدىكەن.        4. ھاۋا تەڭشىگۈچنى كۆپ ئىشلىتىش. كۈن بويى ھاۋا تەڭشىگۈچنىڭ ئاستىدا ئولتۇرغاندا، باكتېريەدىن يوقۇملىنىش ئېھتىماللىقى، بولۇپمۇ نەپەس يولى سىستېمىسى كېسەللىرى ۋە ئانافىلاكىسيە كېسەللىرىگە گىرىپتار بولۇش ئېھتىماللىقى ئېشىپ كىتىدىكەن. بىر قانچە سائەتتە بىر قىتىم دەرىزىلەرنى ئېچىپ ھاۋا ئالماشتۇرۇپ تۇرۇش ياكى سىرتقا چىقىپ سەيلى قىلىش، ساپ ھاۋادىن نەپەسلىنىش، ئۇنىڭدىن باشقا، ھاۋا تەڭشىگۈچنى ئىشلىتىشتىن ئىلگىرى، ئىلمان سوپۇن سۈيى بىلەن سۈزگۈچ تورنى پاكىز يويىۋېتىش لازىم ئىكەن.        5 . ئورگانىك يېمەكلىك ئىستېمال قىلىش. بەزى ئورگانىك يېمەكلىكلەرنىڭ پىششىقلاپ ئىشلەش تەرتىپى كۆپ بولۇپ، ئۇلارغا نۇرغۇن خۇرۇچ قۇشۇلغان بولىشى مۇمكىن. يېمەكلىك ئورگانىك بولسىلا، ساغلاملىققا پايدىلىق بولىشى ناتايىن، شۇڭا تەركىبى ئاددىي، شىكەر، تۇز تەركىبى تۆۋەن ھەم پىششىقلاپ ئىشلەش تەرتىپلىرى ئازراق يېمەكلىكلەرنى تاللاش كېرەك.       6. ھەركەت مىقتارى ئېشىپ كېتىش. ھەر كۈنى چوقۇم 30- 40 مىنۇت ئوكسىگېنلىق ھەركەت قىلىش زۈرۈر ئەمەس، ئۇنداق قىلغاندا، بوغۇملارنىڭ ئۇپرىشى ئېغىر بولىدۇ. كۈن ئارلاپ بىر قېتىمدىن ھەركەت قىلسا ياكى سەيلى قىلىپ بەرسە ياخشىراق بولىدىكەن.    مەنبە: «شىنجاڭ گېزىتى»نىڭ 2011-يىل 8-ئاينىڭ 15-كۈنىدىكى سانىدىن

kahrizat

	ئاپتاپ كۆرمىگەن كىچىك بالىلار ئاسانلا كالتىسىي كەملىك كېسىلى بولۇپ قالىدۇ، دىمەك چوڭلارمۇ ئوخشاشكەن

meyinshamal

	دىققەت قىلدىغان ئامىللار ئىكەن ،  رەخمەت

mehriban

	پايدىلىق تېما يوللاپسىز ، كۆپ رەخمەت !!

UYGHURAAA

	رەھمەت، بىلىۋالدىم.

xiren0997

	تېمىڭىزغا كۆپ رەھمەت،ھازىر بۇ بىنانىڭ تولالىغىدا ئاپتاپسىنغىدەك ئۆيىمىزمۇ قالمىدى دېسە.

dadil007

apirida

	پايدىلىق تېمىكەن رەخمەت !

meihray

	رەھمەت مەنمۇ بىلۋالدىم