ئاچچىق تۇيغۇلار(ساتېرالار)

0998waris

	ئاچچىق تۇيغۇلار يىگىتمەن (ساتېرا) (بىر ۋاپاسىز ئۇغۇلنىڭ ئىقرارى ) ئابلىكىم مۇھەممەت ۋارىسى كىچىك قېلىپ دادامدىن ،ئانام باققان يىگىتمەن، ياغ ئىچىدە بۆرەكتەك،ئۆسكەن پاقلان يىگىتمەن، ئۇيۇن دىسە پەمى بار،بەكمۇ چاققان يىگىتمەن، ھىلىھەممۇ يانماستىن،ئويناۋاتقان يىگىتمەن، كۆرسەم جاپا-مۇشەققەت،بەدەر قاچقان يىگىتمەن. كىرگىنىمدە ئون بەشكە دادام كەتتى دۇنيادىن، (بارغىنىدا ھاشارغا يىقىلغانمىش تىك ياردىن،) ئىشقا چۈشتى ئورنىغا ئانام قالماي قاتاردىن، يارىمايتتىم ئۆزگىگە ئۇقۇش،ئويناش،ياتاردىن، شۇنچە دەرتنى ئانامغا توپلا ساتقان يىگىتمەن. ياخشى ئۇقۇ دىسىمۇ قېچىپ يۈردۈم مەكتەپتىن، بىزار ئىدىم تۇلىمۇ كىتاپ دىگەن‹‹ئەخلەت››تىن، كىلەر ئىدىم مەكتەپكە قورقۇپ ئانام ئەخمەقتىن، خۇشۇم كەتكەن ئىدى ھەم مۇئەللىمىم-ئەبلەختىن، بىلىم دىگەن نىمەئۇ؟ئىچىم قاسقان يىگىتمەن. ئويناپ يۈرۈپ ئاشۇنداق تىپىۋالدىم نۇرغۇن دوست، تاماكىغا ئۇگەندىم،رۇمكا سۇقۇپ ئېيتتىم خوش...، دەپمۇ كەتمەس بوپقالدىم ئانامنىمۇ ئەمدى پوش، ‹‹جاۋىلدىسا››گاھىدا يەپ قالىدۇ مەندىن مۇش، نوچىلىقتا توختىماي داۋان ئاشقان يىگىتمەن. قىمارغىمۇ ئۈگەندىم خېلى چوڭنى ئاتىمەن، بەشيۈز يۈۋەن ئۇتتۇرسام ،يەنە مىڭنى قاتىمەن، پۇل تۇگىسە ئۈيدىكى بارۇ-يوقنى ساتىمەن، ئادەممىكىن دىمەڭلا بىر كىرەكسىز لاتىمەن، ۋىجدانىنى كىر-قاسماق چىرماپ باسقان يىگىتمەن. ئۆتمەكتە بۇ ياشلىقىم ئۇيۇن -ھەۋەس كەينىدە، كىچىللىرى قاۋاقتا،سەھەر-كەچتە سەيلىدە، پەس ھەۋەسكە مەجنۇنمەن،ئارزۇلۇرۇم لەيلىدە! يەنەنىمە بولماقچى مەندەكلەرنىڭ مەيلىدە، رەزىللىكنىڭ كەينىدىن ئىتتەك چاپقان يىگىتمەن. ئۆيلەپ قويسام تۈزۈلۈپ قالارمىكىن دەپ ئانام، ماڭا لايىق ئىزدەشكە چېپىپ يۈردى ھەر تامان، بولغاچ مىنىڭ ئەھۋالىم جامائەتكە بەك ئايان، ئوتتۇز ئۆيگە دۇقۇرۇپ بىر قىز تاپتى ئۇئاران، ئۇيۇن بىلىپ بۇنىمۇ ئۇزۇم ئاتقان يىگىتمەن. تويمۇ بولدى كۆپ ئۆتمەي مىجەزىمىز قاملاشتى، خوتۇن بولدى خۇجايىن ئۆيدە ئىشلار ئالماشتى، ئانام چاپار ھەممىگە ئارام ئېلىش ياتلاشتى، (ئانامدىغۇ غىڭ-پىڭ يوق،خۇلۇم-خوشنا قاقشاشتى)، خوتۇنىنى مەن شۇنداق ياخشى باققان يىگىتمەن. ئانام تۇرۇپ سەھەردە ھويلا-ئارام سۈپۈرەر، تاماق ئىتىپ، نان يېقىپ ئالدىمىزغا ئىپ كىرەر، ئاندىن كىيىن ئەمگەككە-ئېتىزلىققا يۈگۈرەر، بەس سالسا گەر خوتۇنغا ئاۋازىم شاش گۆكىرەر، شۇ خۇيۇمدىن خوتۇنغا بەكمۇ ياققان يىگىتمەن. ۋاپاسىز دەپ ئات قۇيۇپ ماڭا كايىپ يۈرمەڭلار، ئادەممۇ سەن؟.. دەپ سۇئال قۇيۇپ قاپاق تۈرمەڭلار، گۇمان قىلىپ ئەقلىمدىن مەسخىرىلك كۈلمەڭلار، بۇلار يېرىم شۇنچىلىك ،ماڭا كۆڭۈل بۆلمەڭلار، ئادىمىيلىك خۇلقۇمنى دارغا ئاسقان يىگىتمەن.                  ئىشلەيمەن.                  (ساتېرا)      (بىر ئەمەلدارنىڭ بايانى) ئاتىقىم باشلىقمەن،چوڭ ئۇرۇندا ئىشلەيمەن، گاھى ئىشنى خۇپيانە،كەچقۇرۇندائىشلەيمەن، نەپ چىقمىغان خىزمەتنى بەك ھۇرۇنلا ئىشلەيمەن، ئىش يۇلىنى بىلگەنگە ئەڭ بۇرۇنلا ئىشلەيمەن، ھاردۇق يىتەر ئۇڭايلا چوڭ سورۇندا ئىشلەيمەن. ئىش بىجىرىش ئۈچۈن گەرئىشخانىغاكەلسىڭىز، مۇئامىلە قىلىمەن قانداقراقكىن تۇرقىڭىز، ئىشلىرىڭىز تىزپۈتەر باي-ھۇقۇقدار بولسىڭىز، كىيىملىرى كونىغا گىپىممۇ يوق بىر ئېغىز، مەن شەيتاننىڭ خوشنىسى بىر قورودا ئىشلەيمەن. ‹‹ئەتە››لىرىم تۈگىمەس نەپ بەرمەسكە يۇلۇقسام، يۈلەنچىكى بارلارغا كۆرسىتمەن ئىھتىرام، ئىشى پۈتمەس شۇندىمۇ ئازراق غاجۋالمىسام، قۇرۇق كىلىۋەرگەنگە يوللۇقۇمدۇر تىل-دەشنام، ۋىجدان نىمە بىرىپتۇ؟نەپسىم-جانغا ئىشلەيمەن. نەپ ئېلىشقا قۇلايسىزبولسائۆي ھەم ئىشخانا، چاقىرىدۇكۆڭلىمىزبارئىدى دەپ مىھمانغا، (ئەل كۈزىدىن چەت-خالى،ئايرىمخانا-پىنھانغا)، ساھىپخانمۇ شۇندىلا يىتەر مەخسەت-نىشانغا، بەزى چاغدا خىزمەتنى رىستۇراندائىشلەيمەن. گاھى خىزمەت تەكشۈرۈپ ئارىلايمەن تۈۋەننى، كۆرسەم قىلدەك سەۋەنلىك چىڭ تارتىمەن يۈگەننى، ساقلاپ قالدىم جازادىن ئىش يۇلىنى بىلگەننى، دات دىگۈزدىم يانجۇقتىن قۇلى يىراق يۈرگەننى، بىر ئاجايىپ ئنسانمەن،شۇھىسياتتا ئىشلەيمەن. نى گۈزەللەر ھاجەتمەن بۇلۇپ كىرەر ئالدىمغا، ئۈتۈنۈشتە تەلمۈرەرگەپ-سۈزۈمگە،ئاغزىمغا، ھاجەتلىرى راۋادۇر،ماڭالىسا‹‹دالدىغا››، تۇتقۇزمىسا كىرمەيمەن قۇرۇق ئالدام خالتىغا، مەيلىلا پاك ئەمەلداردىگەن ئاتتا ئىشلەيمەن. دوست تۇتىمەن ئۈزۈمدەك ئەمەلدارنى،زەردارنى، نازۇك بەدەن،گۈل يۈزلۇك،تانسا خۇمار دىلدارنى، ئېغىزىمدا سالىمەن پاك-دىيانەت دەپ جارنى، تىلىكىم شۇ كۆرمىسەم كۆك-يالاڭتۆش،قەرىزدارنى، خەلىقچىللق مەندە يوق،بەكمۇكاتتا ئىشلەيمەن. خىزمەتكەخوش ياقمىسا‹‹كىسەل››بۇلۇپ ياتىمەن، تۇنۇش دوختۇر جۈۋەنجانى گۇۋاھلىققا تارتىمەن، سەۋەبىنى خىزمەتتىن چارچىغانغا ئارتىمەن، دىمەككى مەن ئارامغا مۇھتاج بولغان ھالدىمەن، ئەمدى قىلىپ ساياھەت‹‹ ساڭنا››لاردا ئىشلەيمەن. ئۆمۇچۈكتەك تور تارتىپ قۇرۇپ چىقتىم‹‹خاندانلىق››، يۇقىردا باريار-يۈلەك قانچە ئەرباپ-ئاتاغلىق، يوق قىلىدۇ ئۆتكۈزۈپ قويساممۇ گەر خاتالىق، چاكارلار بار تۈۋەندە ئاغزى چىڭ ھەم ۋاپالىق، شۇ سەۋەپتىن زۇڭتۇڭدەك ئىمتىيازدائىشلەيمەن. ئاغزىڭلارنى يىغىڭلار سۆزتارقىتىپ يۈرگەنلەر، كۆزئالدىمدا ھىجىيپ كىيىن قاپاق تۈرگەنلەر، تەنە ئېيتىپ دارىتپ مەسخىرىلك كۈلگەنلەر، (خېلى كۆپقۇ مىنىڭدەك ساختا دەۋران سۈرگەنلەر)، قىستار ھامان پىنسىيە،ھۇقۇق باردا ئىشلەيمەن.               مەنبە:ئىجادىيىم ئەسكەرتىش :    بۇ شىئر مىنىڭ ھىس-تۇيغلىرىم ئاساسىدا يىزىلغان نۇقۇل بىرەر شەخىسكە قارىتىلمىغان .بىرەر شەخىسنىڭ ئۈزىگە قارىتىۋالماسلىقىنى سورايمەن.

qartekin

	بەك ياخشى يېزىپسىز دوستۇم ياخشى تىمىللىرىڭىزنى بىزدىن ئايىمىغايسىز !~ http://www.izbasar.com/1724

KURAX.JAN

	جەمىيەتتە بۇنداق ئىشلار كۆپ ،  ياخشى يىزىپسىز رەخمەت .

sir11

	2-سى بەك ياخشى چىقىپتۇ،

kahrizat

	ھەر ئىككىسى بىرىدىن بىرى قېلىشمىغىدەك ياخشى يېزىلىپتۇ ، ھارمىغايسىز

sardar100

	قولىڭىزغا دەرت بەرمىسۇن. ھارمىغايسىز داۋاملىق تىرىشىڭ!!!!

باياۋان

	ئوت ئالدۇرىۋېتىپسىز ، قەلىمىڭىزگە ئۆتكۈر مەزمۇنلار داۋاملىق ھەمراھ بولسۇن !

apirida

	ياخشى چىقىپتۇ تىرىشىڭ

0998waris

	دوستلارنىڭ سەمىمى تىلەكلىرىگە رەھمەت. بولسا سەلبى تەرەپلىرى توغۇرلۇقمۇ پىكىر بەرسەڭلار.