ئەسسالامۇ ئەلەيكۇم ھۆرمەتلىك مۇنبەرداشلار
«8- نۆۋەتلىك خوتەن قاشتېشى، قولدا توقۇلغان قوي يۇڭى گىلىمى بايرىمى» بۇ يىل 8- ئاينىڭ 25- كۈنىدىن 27 - كۈنىگىچە قاراقاش ناھىيىسىدە ئېلىپ بېرىلىدۇ. قاراقاش ناھىيىسى بۇ قېتىملىق بايرامنىڭ مۇۋەپپىقىيەتلىك ئۆتكۈزىلىشى ئۈچۈن كۆپ كۈچ سەرپ قىلىپ تەييارلىق قىلدى.
25- كۈنى چۈشتىن كىيىن قاراقاش خەلق مەيدانىدا ئېچىلىش مۇراسىمى ئۆتكۈزىلىدۇ. مۇراسىمغا دۆلىتىمىز ۋە ئاپتونۇم رايونىمىزدىن داڭلىق سەنئەتكارلار تەكلىپ قىلىنىپتۇ. يەرلىك خەلق سەنئەتكارلىرىمۇ ماھارىتىنى نامايەن قىلغۇدەك.
26-، 27- كۈنلىرى مىللى ئۆرپ ئادەت كوچىسى ۋە گۈزە يولىدا تەييارلانغان يەرلىك مەھسۇلاتلار كۆرگەزمىسى ئارقىلىق كۆرگەزمە، سودا پائالىيىتى ئېلىپ بېرىلىدىكەن.
بايرام مەزگىلىدە يەنە ناھىيىلىك مۇناسىۋەتلىك ئورۇنلار رېمىنۇت قىلىش، يېڭىلاش، كۆركەملەشتۈرۈپ تەييارلىغان دۇنيا بويىچە بىردىن بىر خوتەن قەغىزى ياساش ئۇستىسى مەھەللىسى، شاخلىقتىكى غوجىلار تۇرالغۇسى ، ناھىيە بازىرىدىكى «24 تاش» سۇ تۈگمىنى قاتارلىق جايلاردا سەيلە-ساياھەتتە بولالايدۇ.
ئۇنىڭدىن باشقا يەنە مازارتاغ مەزىرىلىك رايونى، ئۇلۇغئاتا سۇ ئىنشائاتى قۇرۇلۇشى، لالەكۆل تەبىئىي كۆل مەنزىرە رايونى، قەدىمى چىنار ئارامگاھى قاتارلىق جايلاردا سەيلە - ساياھەتتە بولالايدۇ ۋە قاراقاشنىڭ ئۆزگىچە مەنزىرىسىدىن ھوزۇرلىنالايدۇ.
مازارتاغ قەلئەسى
ئۇلۇغئاتا سۇ ئىنشائاتى
قەغەزچىلىك
قەدىمى چىنار
مۇنبەرداشلارنى بۇ بايرامغا تەكلىپ قىلىمىز، قېنى مەرھەمەت.
مەنبەسى : ئۆزۈم