چىۋىن

osalaxik

	(ھېكايە) پولات ئاماننۇرى ئابدۇلقارى يانفونىنى قولىغا ئالدى-دە، خوتۇنىنىڭ نومۇرىنى باستى. ئۇ يەنە يىغىننى باھانە قىلىپ، كەچتىكى «رەڭلىك سورۇن»غا بارماقچىتى... — چىقە ئۆيدىن، مېنى ئانىي تاپمىغان سەن قالدىڭمۇ ئەمدى! ھۇ، يۈزى قېلىن ئەبلەخ! ئابدۇلقارى قاتتىق چۆچۈدى. «خاتا ئاڭلاپ قالمىغاندىمەن-ھە؟!» دېگىنىچە، يانفوننى قۇلىقىغا چىڭ باستى. — ئۆزىنى بىلىپ ئۆيدىن چىقار دېسەم، قارا سېنىڭ نوچىلىقىڭنى. مەن ساڭا ئۇنداق ئاسان بوزەك بولمايمەن. بۈگۈن يا تىرىكىڭ چىقىدۇ يا ئۆلۈكىڭ چىقىدۇ. «توۋا، ماۋۇ خوتۇننىڭ يامانلىقىنى كۆرمەمدىغان! كەچتىكى‹رەڭلىك سورۇن›دىن خەۋەر تاپقان ئوخشىمامدۇ؟ كىم دەپ قويغاندۇ؟ مېنىڭچە چوقۇم ئاشۇ لاتا دېگەن گەپ! خەپ، ئىككىنچىلەپ سورۇنغا چاقىرماسمەن ئۇ لاۋزىنى». — ھۇ ئۆلگۈر، چىقە ئۆيدىن. سېنى كۆرە كۆزۈم يوق... ئابدۇلقارى نېمە قىلارىنى بىلەلمەي تۇرۇپلا قالدى. ئۇ ئەنسىرىدى. خوتۇنىنىڭ ئۆزىنى رەسۋا قىلىشىدىن قورقتى. — خوتۇن، جېنىم خوتۇن. مېنى كەچۈر... «پاق» لا قىلغان ئاۋاز بىلەن تەڭ قارشى تەرەپ بىردەملىك جىمىدى. — خوتۇن... ئابدۇلقارى ئاۋازىنى بولۇشىغا قويۇپ بېرىپ توۋلىدى. — توۋا، ماۋۇ يانفونغا نېمە كېسەل تەگكەندۇ ئەمدى! ئۆزلۈكىدىن ئېلىنىپ كەتكىنىنى قارىمامدىغان. ۋەي، ۋەي، ئابدۇلقارىجان، كەچۈرۈڭ. بۇ يانفوننى ئالماشتۇرۇۋېتىدىغان يەرگە كەپتۇ. — سەن...سەن...بايا...كىم...كىمنى تىللىدىڭ... — ۋاي قاراڭ، ئۆيگە يوغان چىۋىندىن بىرى كىرىۋاپتىكەن، شۇنداق قورقۇتتى مېنى. شۇنى تىللاپ بولمامدۇ؟! پالاق بىلەن بىرنى ئۇرۇۋېدىم، مىجىقى چىقىپ كەتتى. «ھەممىسى ئاشۇ ئۆلگۈر چىۋىننىڭ ئىشىكەن ئەمەسمۇ؟! شۇنى دەيمەن، بايام دېيىشكەن گەپنى بۇ دۆت خوتۇن نەدە يۈرۈپ بىلسۇن!» ئابدۇلقارى شۇنداق دېگىنىچە چېكىسىدىن ئاققان تەرلىرىنى سۈرتۈۋەتتى. پالاقنىڭ ئۆزىگە تەگمىگەنلىكىدىن كۆڭلى خۇش بولدى. — بىرەر ئىش بولدىمۇ؟ تېلېفون قىپقاپسىزغۇ؟ — باشقا ئىشمۇ يوق، كەچتە يەنە يىغىن باركەن، مېنى ساقلىماي تاماق يەۋېرىڭلار... «ئۈرۈمچى كەچلىك گېزىتى» نىڭ 2011-يىل 4-ئاۋغۇست سانىدىن ئېلىندى

sahar01

	ئىشتانغا چىققان ،كۈڭۈلگە تايىن ...دىگەن شۇدە؟!!!

hekmat-uyghur

	بۇ ھېكايىنىڭ مەركىزى ئىدىيسىنى سۆزلەپ بەرسىڭىز؟

sahar01

	ئاپتور جاۋابىنى بويلاپ 2قەۋەت  hekmat-uyghur كە 2011-08-18 06:06 PMئەۋەتىلدى  :    بۇ ھېكايىنىڭ مەركىزى ئىدىيسىنى سۆزلەپ بەرسىڭىز؟ سۇيۇق ئەركىشىنى چىۋىنغا ئوخشاتتىمىكىن؟!

asrari

	مەنبەسىنى: جۇڭگۇ ئۇيغۇرچە تور رادىئو تورىدا كۆرگەن ئىدۇق. كىيىن تېلەك مۇنبىرىدە كۆردۇق بۇيەردىمۇ كۆردۇق.

musilina

	‹‹خۇدۇكى بارنىڭ مۇندىكى بار››دېگگن شۇدە... ئا چىۋىندىنمۇ ئۆتەكەن ئابدۇلقارى دېگەن...

dunya005

	ئابدۇل قارىنىڭ ئۇيدە چىۋىنلار رەڭلىك سورۇن تۇزەپتىكەندە، خەقنىڭ ھەققى خەقتە قالمايدۇ.

hoyuanjia

	ئەر كىشى بولغانكىن ئۇيۇن تاماشىدىن قالسا بولمايدىدە،بولمىسا زىرىكىپ ئاسانلا ئۇششاق سۆز ئەر كىشىگە ئايلىنىدۇدە ئۇ چاغدا قازان بېشىدىن تارتىپ قاچا يۇيۇشقىچە ئارلىشىۋالسا چاتاق بولمامدۇ

kaysar008

	شۇنىمۇ چۇشەنمىدىڭىز ما؟

anihinim

	تازا قاملىشىپتۇ..

dadil007

	ئاپتور جاۋابىنى بويلاپ 6قەۋەت  dunya005 كە 2011-08-18 08:19 PMئەۋەتىلدى  : ئابدۇل قارىنىڭ ئۇيدە چىۋىنلار رەڭلىك سورۇن تۇزەپتىكەندە، خەقنىڭ ھەققى خەقتە قالمايدۇ. مەنمۇ مۇشۇنداقمىكىن دەپ چۈشەندىم

musafirkghri

	ئاپتور جاۋابىنى بويلاپ 5قەۋەت  musilina كە 2011-08-18 06:19 PMئەۋەتىلدى  : ‹‹خۇدۇكى بارنىڭ مۇندىكى بار››دېگگن شۇدە... ئا چىۋىندىنمۇ ئۆتەكەن ئابدۇلقارى دېگەن...