سۆيگۈم ۋە غورۇرۇم

0000bahar

	سۆيگۈم ۋە غوۇرۇم     قاچانلاردىن باشلاپ قەلبىمگە بۇنچە نۇرغۇن نەرسىلەرنىڭ سىغىپ كەتكىنىنى بىلمەيمەن. قاچانلاردىن باشلاپ قەلبىمدىكى بۇ تىندۇرمىلارنىڭ توشۇپ كەتكىنىنى ھەم بىلمەيمەن. پەقەت چىكە تومۇرلىرىمنىڭ قاتتىق سىقىلىشلىرى، توشۇپ كەتكەن قەلبىمنىڭ ئاچچىق سانجىشلىرى ۋە قىينىلىپ نەپەس ئىلىشلار، ئۇيقۇسىز يورۇغان نۇرغۇن تاڭلاردىن كىيىنلا ئاندىن قەلبىمدىكى، ۋۇجۇدۇمدىكى بارلىق سەزگۈلىرىمدىكى بار بولغان سۆيگۈم، غۇرۇرۇم، پەزىلىتىم، مەسئۇلىيىتىم، مەجبۇرىيىتىم، مىھرىم، نەپرەتلىرىم، ئازاپلىرىم، خۇشاللىقلىرىم، ئارزۇ-ئارمانلىرىم، غەيە ۋە مەغلۇبىيەتلەر، ئىنتىلىشلىرىم، ئىرىشكىنىم، كۈلكە ۋە كۆز ياشلار شۇنداقلا ۋۇجۇدۇمدا بار بولغان نەرسىلىرىمنىڭ ئىنتايىن كۆپ ئىكەنلىكىنى ھىس قىلدىم.      ئىقىن سۇدەك ۋاقىت قەلبىمگە نۇرغۇن نەرسىلەرنى تولدۇرۋەتكەن ئىدى، بۇ تىندۇرمىلار مىنى ھالسىرتىشقا، قەدەم ئىزلىرىمنى ئىزلىرىمغىلا بىسىشقا مەجبۇر قىلىۋاتاتتى، توغرا ئاياغلىرىم ئىنتايىن ئىغىر خۇددى پۇتلىرىمغا تاش ئىسىپ قويغاندەكلا، قوللىرىم شۇنداق جانسىز ئىدىكى كەچكۈزدىكى يىگانە ياپراقتەك توختىماي تىترەيتتى. مەن ھالسىراۋاتاتتىم، ۋە ھالسىراپ كەتكەنلىكىمنى سىزىۋاتاتتىم. تۇرۇپلا ئۆزۈمگە شۇنداق سۇئال قويۇپ قالدىم، نىمە ئۈچۈن بۇنچە ئىغىر نەرسىلەرنى يۈدۈپ يۈرۈيمەن، قەلبىمدىكى نەرسىلىرىمنىڭ گۈزەل، ئەھمىيەتلىك ۋە تاشلىۋىتىشكە بولمايدىغىنى ئۈچۈنمۇ؟ نىمە دەپ بۇنچە پۈكۈلۈپ، ئىگىلىپ، چىداپ يۈرۈيمەن، قەلبىمدىكى نەرسىلەرنىڭ ئازاپلىق بولسىمۇ يەنىلا غۇرۇرۇم ۋە سۆيگۈم ئۈستىگە قۇرۇلغىنى ئۈچۈنمۇ؟ نېمە ئۈچۈن بۇ نەرسىلەرنى قەلبىمدىن سۈرۈپ چىقىرىۋەتمەيمەن، نېمە ئۈچۈن ئۇلاردىن ئايرىلىپ قۇياشنىڭ ئىللىق نۇرىدىن نەپەس ئىلىپ باقمايمەن، نىمە ئۈچۈن شۇنداق قىلمايمان؟ مەن شۇنداق قارار چىقاردىم، قەلبىمدىكى بارلىق نەرسىلىرىمنى سۈرۈپ چىقىرىۋەتمەقچى بولدۇم. بۇ قارارىمغا جاۋغايلىرىم ئاچچىق كۈلۈپ تارتىشىپ قالدى لېكىن، مەن پىسەنت قىلمىدىم. بۇ قارارىمغا جىسمىم سىلكىنىپ كەتتى لېكىن، مەن پىسەنت قىلمىدىم. بۇ قارارىمغا چاچلىرىم تىكلىشىپ رومىلىمنى تىشىۋەتتى لېكىن مەن پىسەنت قىلمىدىم. بۇ قارارىمغا تىرناقلىرىم ئەتلىرىمگە چوڭقۇر پىتىپ كەتتى لېكىن، مەن پىسەنت قىلمىدىم. بۇ قارارىمغا كۆزلىرىم چانىقىمدىن چاچرىغىدەك چەيچەيدى لېكىن، مەن پىسەنت قىلمىدىم. بۇ قارارىمغا چىشلىرىم لەۋلىرىمگە قاتتىق پىتىپ ئۆچمەس ئىزلىرىنى قالدۇردى لېكىن مەن پىسەنت قىلمىدىم. بۇ قارارىمغا جىسمىمدا بار بولغان پۈتكۈل پەي-مۇسكۇللىرىم تارتىشىپ مېنى ئىككى پۈكلىۋەتتى لىكىن مەن پىسەنت قىلمىدىم. ئاخىرىدا قەلبىمدىكى سۆيگۈ ۋە غۇرۇرۇم، مۇھاببەت ۋە نەپرەتلىرىم، مەسئۇلىيەت ۋە مەجبۇرىيەتلەر شۇنداقلا قەلبىمدىكى بارلىق نەرسىلىرىمنىڭ شاھىدى بولغان يۈرۈكۈممۇ مېنى داپ قىلىپ چىلىشقا باشلىدى، مەن يەنىلا پىسەت قىلمىدىم. ئاخىرىدا مەن ھەممنى، قەلبىمدىكى ھەممىنى سۈرۈپ چىقاردىم، ھەممە نەرسىنى پاكىزە سۈرۈپ چىقىرالىدىم. بۇ ۋاقىتتا ئۆزۈمنى ئىنتايىن يەڭگىل خۇددى پەيگە ئوخشاش ئۇچۇپ يۈرگەندەك ھىس قىلدىم. ھەممە نەرسىلەر سۈرۈپ چىقىرىلغان قەلب چوڭقۇر بىر بوشلۇقنى ھاسىل قىلغان بولۇپ لەپەڭشىپ قالغان يۈرۈكۈم مېنى داپ قىلىپ چالماقتا ئىدى.     ھەممىدىن ئايرىلىپ چەكسىز بوشلۇققا ئىرىشكەن مەن تۇيۇقسىز قويۇق بىر تۇمان ئىچىدە ئۈزۈشكە باشلىدىم ۋە بارا – بارا چەكسىز بىر بوشلۇققا قاراپ سۈرۈلۈپ كىتىۋاتاتتىم. ئالدىمدا قويۇق مانان ۋە ئاپئاق تۇمان قاپلىغان چەكسىز بىر بوشلۇق مىنى سۆرەپ كىتىۋاتاتتى، يەگگىلگىنە يەلپۈنۈپ تۇرغان شامال چاپىنىمنىڭ ئىككى پىشى مېنى ھەممىدىن ئايرىلغان يىگانە قۇشقا ئوخشىتىپ قويغان ئىدى. مەنبە:  قەلەم

turkinaz0992

	ئادەم سۆيگۈ ۋە غورۇردىن ئايرىلىپ قالماسلىقى كېرەك !

نۇربىيە

	ھىسيات بىلەن ئەقىل ئوتتۇرسىدا دىلغۇل بولمىغان كىملەر بار ..

mahatjan

	مۇھەببەت -نەپرەت  قارىشى  ئېنىق بولمىغان ئادەمدە غورۇر بولمايدۇ. شۇڭا --------