مۇھەببەت دىگەن نىمە؟

Aytugh

	مۇھەببەت دىگەن نىمە؟ سائادەت ساتتار ئايتۇغ 1-مۇھەببەت:تىل بىلەن تەسۋىرلەش ئاجىزلىق قىلىدىغان ھىسىسياتتۇر! ئۇنىڭ تەمىنى تېتىپ باقمىغانلار تەسەۋۋۇر قىلالمايدۇ. ئەگەر تەمىنى تېتىپ بېقىش ئۇچۇن مۇھەببەتلەشسىڭىز، ئۇ مۇھەببەت ئەمەس بەلكى قىزىقىش! قارشى تەرەپكە ئىچ ئاغرىتىپ مۇھەببەتلەشسىڭىز ئۇ مۇھەببەت ئەمەس دوستلۇق!(مۇھەببەت بىچارىلەرگە بېرىلىدىغان سەدىقە ئەمەس) قارشى تەرەپنىڭ ھۆسنى-جامالىغا مەپتۇن بولۇپ مۇھەببەتلەشسىڭىز ئۇ مۇھەببەت ئەمەس بەلكى شەخسىي غەرەزلىك قىزىقىش! قارشى تەرەپ مىنىڭ شەرتلىرىمگە ئۇيغۇن كىلىدىكەن دەپ مۇھەببەتلەشسىڭىز ئۇ مۇھەببەت ئەمەس بەلكى مۇھەببەت شەرتىنى ھازىرلاش! باشقىلارنىڭ مۇھەببەت سۆزلىرىنى ھاياجان بىلەن ئېيتىلغان شىرىن تەرىپلەشلىرىنى ئاڭلاپ، يىتىمسىرىغان قەلبىڭىزگە تەسەللى بېرىش ئۈچۈن مۇھەببەتلەشسىڭىز ئۇ مۇھەببەت ئەمەس ،ئۆزىڭىزنى ئالداپ بەرگەن ئېھتىياجىڭىزنىڭ تەسەللىسى! قارشى تەرەپكە ماس كەلمەيمەن دەپ ئايرىلىش تەلىپى قويغىنىڭىزدا، (ئايرىلغىڭىز ئەسلى بولمىسا)، قارشى تەرەپ تەلىپىڭىزنى رەت قىلىپ بۇ مۇھەببەتنى قوغداپ قېلىشنى، قويغان شەرتىڭىزنىڭ ئايرىلىشقا سەۋەپ بولالمايدىغىنى ئېيىتسا،بۇ مۇھەببەتتىن بىر ئۆمۈر ئۆكۈنمىسىڭىز، چاچلىرىڭىزغا ئاق كىرگەندىمۇ بىر-بىرىڭلارنىڭ كۆزىگە تىكىلىپ قاراپ، بار مېھرىڭىز بىلەن كۈلەلىسىڭىز، ھېچقانداق پۇشايمىنىڭىز بولمىسا، ئۇنىڭ ھەر بىر تەبەسسۇمى يۈرىكىڭىزنى جىغىلدىتالىسا، قارشى تەرەپنىڭ مۇھەببىتىگە بولغان مەسئۇلىيىتىڭىز مۇھەببىتىڭىزدىنمۇ كۈچلۈك بولسا، مانا بۇ ھەقىقى مۇھەببەت! 2- دۇنيادا سىز ئۈچۈن مىننەتسىز تەر، ياش، زۆرۈر بولسا قانمۇ تۆكەلەيدىغان بىر خىل مۇھەببەت بار. بۇ بولسىمۇ ئاتا-ئانىڭىزنىڭ سىزگە بولغان مۇھەببىتى! 3-پۈتۈن دۇنيادىكىلەر سىزدىن ئۈمۈدىنى ئۈزۈپ، ئىشەنچىسىنى يوقاتقاندا، سىزگە ئىزچىل ئىشىنىپ قوللايدىغان مۇھەببەت، ئۇ قېرىنداشلىق مېھرى-مۇھەببىتى! 4-سىز ئۈچۈن قانچىلىك ئەجر قىلسىمۇ ئۆز ئەجرىنى يىتەرلىك بولمىدى دەپ قارايدىغان، سىزنى مىننەتسىز پۈتۈن دۇنيادىن خەۋەردار قىلىشنى ئويلايدىغان، مەغلۇبىيەتكە ئۇچرىسىڭىز قاتتىق خورسىنىپ، ئۆزىنى ئەيىپلەيدىغان، مۇۋەپپىقىيىتىڭىزدىن ئالەمچە ئىپتىخارغا چۆمۈلىدىغان، قانات-قۇيرىقىڭىز يىتىلگەندە سىزنى ئۇنتۇلۇپ قالىدىغان، ئەمما سىز ئۇنتۇلمايدىغان مۇھەببەت دەل ئۇستاز، ئۇقۇتقۇچى، مۇھەببىتىدۇر! 5-خوشال بولغان، ئازاپ چەككەن، چاغلىرىڭىزدا دەرھال ئىسىڭىزگە كىلىدىغان، يىغلىسىڭىز تەڭ يىغلاپ، كۈ لسىڭىز تەڭ كۈلىدىغان، شەرەپ-مەرتىۋىگە ئېرىشكەندە پىنھاندا تۇرۇپ شاتلىنىدىغان، ئېغىر كۈنلەردە بولسا سىزنىڭ يېنىڭىزدىن كەتمەيدىغان، ئارتۇقچىلىقىڭىزنى تەرىپلىگەن بىلەن، كەمچىلىكىڭىزنىمۇ تەكىتلەيدىغان مۇھەببەت، ئۇ دوستلۇق مۇھەببىتى! خاتىمە: دۇنيادا باشقىلارنى ئۆزىدىنمۇ ئارتۇق ياخشى كۆرىدىغان جانلىق يوق! چۈنكى ئۆزىنى ياخشى كۆرمىگەنلەردە باشقىلارنى ياخشى كۆرگۈدەك ئىمكان يوق!  قىز-يىگىتلەرمۇ ئۆزىنىڭ قارشى تەرەپسىز ياشىيالمايدىغانلىقىنى، قارشى تەرەپسىز شادلىنالمايدىغانلىقىنى، قارشى تەرەپسىز كۈنلىرىنىڭ مەنىسىز، تەمسىز بولىدىغىنى ئۈچۈن قارشى تەرەپنى ياخشى كۆرىدۇ، سۆيىدۇ! مانا بۇمۇ ئۆزىنى ياخشى كۆرگەنلىكتۇر! 2008-6-28

Xaparang

	مۇھەببەتمۇ ئۇلۇغ بىر مەكتەپ،       ئاشىقلىقنى سۆزلەيدۇ ھەق دەپ.       يازغانلىرى ۋاپا دەستۇرى،       قىلغانلىرى قەدىمدىن ھەق گەپ.       جېمى ئىنسان ئۇنىڭ ئىلكىدە،       بىنا ،قەسىر يوقتۇر مۈلكىدە.            شۇنداق مەكتەپ مۇھەببەت دىگەن،       سائادىتى تويدا،مەركىدە.

Eltekin

	مۇھەببەتكە جاۋاب تاپتىڭىزمۇ نېمە ؟!  ھەي  تەس جۇمۇ. ھەر يۈرەك ھەر كۆيۈكتە...  شۇڭا تەس دەيمىز .  قاراڭ مەن بۇنى مۇھەببەت دەپ ھىس قىلىپ ھىسياتنى قۇرغا تىزغان ئىدىم.باشقىلارمۇ ئوقۇپ باقامسىلەر: مېنى سېغىنساڭ ئايغا قارا، بىر يەرگە كېلەلمىسەكمۇ، ئايغا قارسىاڭ مېنى كۆرىسەن، چۈنكى مەنمۇ ئايغا قاراۋاتىمەن. ھىچ بولمىغاندا ئىككىمىز بىر نەرسىگە قاراۋاتىمىز.ھىس قىلالىدىڭمۇ.....؟ ئى مۇھەببەت سەن تولىمۇ سىرلىق، ھەر يۈرەككە ھەر مۆھۈردۇر سەن. ئۆزگە يەردىن ئىزدەش ھاجەتسىز، ئاشىق  يۈرەك  قېتىدىدۇرسەن. ئىجادىيەتلىرىڭىز راۋاج تاپقاي!

RIFAT

	يۇقارقى مۇھاببەتكە بەرگەن تەبىرىڭىز كىشىنى تولىمۇ قايىل قىلارلىق بوپتۇ.سىزگە كۆپ تەشەككۈر!بۇنىدىن كىيىنكى مۇھاببەت تېمىسى ئۈستىدىكى،تەتقىقاتىڭىزنىڭ يەنىمۇ مۇۋاپىقىيەتلىك بولىشىغا تىلەكداشمەن!

ab8ob8

	ئۇلۇغ ئاللاھ بەندىنىڭ ئاشىقلىقىنى بەندىسىگە سالمىسۇن... بولمىسا شۇ كۆيۈكنى دەپ ئەقىلدىن ئازىدىغانلار چىقىپ قالىدىكەن... تېمىڭىزدىن بەكمۇ سۆيۈندۈم... قەلبىمدە بار قەلىمىمدە يوق بىر تۇيغۇ!

نۇربىيە

	مۇھەببەت بولسا بىر پارچە يېزىقسز كىتاپ ئۇنى ھەر ئادەمىنڭ ھەر خىل ئۇقۇش ئۇسۇلى بۇلىدۇ ؟ مۇھەببەتتىن تارتقان ئازاپ ئۇقۇبەت ،خۇشاللىقىمۇ ئوخشاش بولمايدۇ.. تىما ئىگسىگە  مۇھەببەتكە بىرىلگەن تەبىرىڭىز  بەك ياخشى چىقىپتۇ ،داۋامىلق يوللاپ تۇرغايسىز .

KANAN

	مۇھەببەت - بىر خىل شۇنداق كۇچ - قۇدرەتكە ئىگە كۇچلۇك مىھىر خالاس .

subihan

	مۇھەببەت --- ئۇ  تۈنۈگۈن ، بۈگۈن ۋە ئەتىمۇ تىللاردا داستان بولىدىغان ، كۈيلىنىدىغان تېما .

edayatnur

	مۇھاببەت كۈلدۈرەلەيدۇ ، ھەم يىغلىتالايدۇ.  مۇھاببەت ئۇ بىر باشلىنىش.