تۇغۇتتىن كېيىن ھاياتلىق بارمۇ؟

ümütqilimen

	تۇغۇتتىن كېيىن ھاياتلىق بارمۇ؟                                             (ھېكايە)                                       تەۋسىيە قىلىمەن     بۇ ھېكايىنى يوللىغۇچىدىن:     تۆۋەندە ئوقۇماقچى بولغان ھېكايىنى ئەسكى شەھەردىن ئەمرە گېدىكلى ئىسىملىك ئوقۇغۇچۇم ئېۋەتىپتۇ. مېنىڭ كومپىيوتۇردا يېزىلىۋاتقان ھېكايىلەرنى ئىزدەپ يۈرۈپ ئوقۇش ئادىتىم يوق. ئەمما مەن بۇ ھېكايىنى سىلەرنىڭ ئەقىل بىلەن بىر قېتىم ئوقۇپ بېقىشىڭلارنىڭ كېرەكلىگىنى ھىس قىلدىم... .     ئانىسىنىڭ رەھمىگە چۈشكەن قوشكېزەك قېرىنداشلار باشتا ھىچ نەرسىنى بىلمەيدىكەن. ھەپتىلەر، ئايلارنىڭ ئۆتۈشى بىلەن ئۇلارمۇ تەرەققى قىلىپ بەدىنى، ئىچكى ئورگانلىرى، پۇت- قوللىرى يېتىلىشكە باشلاپ، ئەتراپىدىكى ئىشلارنى پەرىق ئىتىشكە باشلاپتۇ. ياشاۋاتقان يېرىنىڭ بىخەتەر ۋە راھەتلىگىنى ھىس قىلغاندىن كېيىن خوشال بولۇشۇپتۇ. بىر- بىرىگە: «ئانا قارنىغا چۈشۈپ بۇيەردە ياشىشىمىز نېمە دىگەن ياخشى ھە؟ ھايات نىمە دىگەن گۈزەل ھە قېرىندىشىم!» دېيىشىدىكەن.     ئۇلار ئاستا- ئاستا يېتىلىشكە باشلاپتۇ. ئۆزلىرى ياشاۋاتقان دۇنيانى ۋە ھاياتىنىڭ كېلىش مەنبەسىنى بىلىشكە قىزىقىدىغان بولۇشۇپتۇ. ئاخىرى ئۇنىمۇ بىلىشىپتۇ.ھاياتلىقنىڭ كېلىش مەنبەسى ئەسلىدە كىندىك بېغى ئىكەن. بۇ كىندىك بېغى سايىسىدا ھىچ بىر جاپا تارتماي ۋە بىخەتەر ھالدا يېتىلىۋاتقانلىغىنى بىلىشىپتۇ. «ئانىمىز نىمە دىگەن شەپقەتلىك! بىزگە بۇ كىندىك بېغىدىن ئىھتىياجىمىز بولغان ھەممە نەرسىنى ئېۋەتىپ تۇرىدۇ.»     ئايلار بىر- بىرىنى قوغلىشىپ ئۆتۈشكە باشلاپتۇ. ئۇلارمۇ تىزلىكتە چوڭ بولۇپتۇ. يەنى يۇل ئاخىرىغا يېقىنلىشىپتۇ. 9- ئايغا يېقىنلاشقاندا ئۆزلىرى ياشاۋاتقان بۇ راھەت دۇنيادىن ئايرىلىدىغانلىقىنى ھىس قىلىشىپتۇ. بولۇۋاتقان ئۆزگۈرۈشلەرگە ھەيران قېلىشىپتۇ. بىرسى جىددىلىشىپ قېرىندىشىدىن: «نىمە ئىشلار بولۇۋاتىدۇ؟ بولۇۋاتقان بۇ ئۆزگۈرۈشلەر نېمىدىن دېرەك بىرىدۇ؟» يەنە بىرسى ئېغىر بېسىق ئىكەن. ئۇنىڭ ئۈستىگە ياشاۋاتقان بۇ دۇنيا كۆپىنچە ھاللاردا ئۇنىڭغا تار كېلىدىكەن، سەزگۈ ئەزالىرى بىلەن تېخىمۇ كەڭرى بىر ئالەمنى ئارزۇ قىلىدىكەن. قېرىندىشىغا جاۋاپ بىرىپتۇ: «بۇلۇۋاتقان بۇ ئۆزگۈرۈشلەر بۇ دۇنيادىن ئايرىلىدىغانلىقىمىزنىڭ بىشارىتى» دەپتۇ ۋە قوشۇپ قويۇپتۇ: «بىز ئەمدى بۇ يەردىكى ھاياتىمىزنىڭ ئاخىرقى مىنۇتلىرىنى ياشاۋاتىمىز.»     «ئەمما مەن بۇ يەردىن ئايرىلىشنى خالىمايمەن» دەپ ۋاقىراپتۇ قېرىندىشى.     «مەن مەڭگۈ بۇ يەردە ياشاشنى ئۈمۈت قىلىمەن.» يەنە بىرسى، «قۇلىمىزدىن باشقا بىر ئىش كەلمەيدۇ، ھەم، بەلكى تۇغۇلۇشتىن كېيىن باشقا بىر ھايات باردۇر.» «بىزگە ھايات بەرگەن ئۇ كىندىك بېغى كېسىلگەندىن كېيىن بىز قانداقلارچە يەنە ياشىيالايمىز؟» دەپتۇ يەنە بىرسى. «ئېيتقىنا، بۇ يەردىن ئايرىلىشقا مەجبۇر قالساق قانداق ياشىيالايمىز؟ ھەم، قارا بىزدىن باشقىلارمۇ بۇ يەرگە كەپتۇ، كېيىن كىتىپتۇ. ئەمما ھىچ بىرى قايتىپ كەلمەپتۇ سەن قانداقلارچە تۇغۇلۇشتىن كېيىن ھاياتلىقنىڭ بارلىغىنى ئېيتالايسەن. ياق بۇ ھەممە ئىشنىڭ ئاخرلىشىشى بولىدۇ.» ۋە ئاچچىق بىلەن قوشۇپ قويۇپتۇ «ھەم، بەلكىم ئانا دەپ بىر نەرسە يوق!»     «بولۇشى كېرەك» دەپ قارشى چىقىپتۇ قېرىندىشى. «بۇ يەرگە قانداق كەلدۇق، قانداق ياشىيالىدۇق»     «سەن ھىچ ئانا كۆردۈڭمۇ» دەپتۇ يەنە بىرسى: «ئۇ بەلكىم پەقەتلا زىھنىمىزدە بار. بىر ئانىمىزنىڭ بارلىغى چۈشەنچىسى بىزنى خاتىرجەم قىلغانلىقى ئۈچۈنلا ئۇنى بەلكىم بىز ئويدۇرۇپ چىقاردۇق.» شۇنداق قىلىپ بۇ ئىككى قېرىنداشنىڭ ئانا رەھمىدىكى ئاخىرقى كۈنلىرى مۇشۇنداق بىر- بىرىنى ئېيىپلەش ۋە مۇنازىرىلەر بىلەن ئۈتۈپتۇ.     ئاخىر تۇغۇت سائىتى كەپتۇ، تۇغۇلۇپتۇ. بۇ قوش كېزەكلەر دۇنيالىرىدىن ئايرىلغاندىن كېيىن باشقا بىر دۇنياغا كۆزىنى ئېچىپتۇ ۋە خوشاللىقتىن يىغلاشقا باشلاپتۇ. چۈنكى كۆز ئالدىدىكى مەنزىرە ئۇلار ئەسلا تەسەۋۇر قىلالمىغۇدەك گۈزەل ئىكەن. (Ahmet Turan Alkan “Aksiyon, 394. sayı”)     تەرجىمە قىلغۇچى: ئۈمۈت قىلىمەن [http://mehmetkonca.com/ana_baglanti_sayfalari/yol_gosteren_harika_hikayeler.htm]

nurjula

	ئاخىرى كەم قالغاندەكلا تۇيغۇ بەردا ماڭا! نەتجىسى بولۇشى كېرەكقۇ؟ يا مەن چۈشەنمىدىممۇ؟ بىراق ياخشى ئەسەر ئىكەن!

haptohtaptu

	ئاللاھ ھەقنى بىلگىلى نىسىپ قىلسۇن ...

adiladil

	راسلا تۇگىدىمۇ ؟

شىرىن

	بۇ دۇنيانىڭ گۇزەل ئىكەنلىگە كۇلۇپ يىغلىغان بۇلسا كۇنلەرئۇتۇپ ،ئايلار ئۇتۇپ يىللار ئۇتۇپ بۇ دۇنيانىڭ قانداق ئىكەنلىكىنى ھەقىقى ئاچچىق -چۇچىگىنى ھىس قىلغاندا ئاندىن ھەقىقى يىغلايدۇ ھەم كۇلىدۇ...

haptohtaptu

	ئاپتور جاۋابىنى بويلاپ 1قەۋەت  nurjula كە 2011-08-16 10:50 AMئەۋەتىلدى  : ئاخىرى كەم قالغاندەكلا تۇيغۇ بەردا ماڭا! نەتجىسى بولۇشى كېرەكقۇ؟ يا مەن چۈشەنمىدىممۇ؟ بىراق ياخشى ئەسەر ئىكەن! يەنە بىر ئوقۇڭ ....

subihan

	ھايات دېگەن ئەنە شۇنداق ،ۋازكەچمەي تۇرۇپ ئېرىشكىلى بولمايدۇ !    ھەرقانداق ئىشنىڭ ۋاقتى كەلگەندە ،بىز ئۇنى توسۇپمۇ ئالالمايمىز ، ئۇ ئىش ھامان يۈز بېرىدۇ !

atilla1213

	ئاپتور جاۋابىنى بويلاپ 1قەۋەت  nurjula كە 2011-08-16 10:50 AMئەۋەتىلدى  : ئاخىرى كەم قالغاندەكلا تۇيغۇ بەردا ماڭا! نەتجىسى بولۇشى كېرەكقۇ؟ يا مەن چۈشەنمىدىممۇ؟ بىراق ياخشى ئەسەر ئىكەن! سىز راسلا چۇشەنمىدىڭىزمۇ؟شۇنداق چۇشىنىشلىك ئىكەنغۇ؟!بىز ھازىر بىر دۇنيادا ياشاۋاتىمىز،ياراتقۇچىنى كۆرمىگەن بولساقمۇ،ئەقلىي تەپەككۇرىمىز بىلەن  ھەق بىر ياراتقۇچىنىڭ بارلىقىنى ھېس قېلالايمىز ھەم يەنە بىر دۇنياغا سەپەر قېلىمىز!!!

tarhamak

	بۇدۇنيا بىلەن ئۆلۈمنى ، ئۆلۈمدىن كېيىنكى ھاياتنى تەسەۋۋۇر قىلىپ تۇرۇپ ئوقۇڭ ...

chaqmaq137

	نىمىدىگەن ياخشى ئەسەر بۇ !راستىنلا بىز ياشاۋاتقان بۇ دۇنيامۇ مۇشۇنىڭغا ئوخشاش بىر ئۆتكۈنچى ئالەم ۋاقتىمىز توشقاندىن كىيىن باشقا بىر ئالەمگە بارىمىز ۋە ئۇ يەردە بۇ جايدا قىلغان بارلىق ئىشلىرىمىزدىن مەلۇمات بىرىمىز .