ھەقىقىي ئادەم بول ھەمىدىن ئاۋۋال

umud28

	ئەسسالامۇ ئەلەيكۇم، ئەزىز تورداشلار! مىسرانىم تور بېتىگە ئەزا بولۇپ كىرگەندىن بېرى، ھەرقايسىڭلارنىڭ يازغان ئەسەرلىرىدىن ھوزۇر ئېلىپ كېلىپ، ئۆزەم بىرەر پارچىمۇ ئەسەر يوللاپ باقماپتىمەن. بۈگۈن ئالىي مەكتەپتە ئوقۇۋاتقان چاغدا قالدۇرغان خاتىرەمنى ۋاراقلاپ ئولتۇرۇپ، تۆۋەندىكى شېئىردىن دوستلار بىلەن بىرگە بەھىرلىنىشنى لايىق تاپتىم. مەنمۇ بۇ شېئىرنى باشقىلارنىڭ خاتىرىسىدىن كۆچۈرۈۋالغان بولغاچقا، ژورنالنىڭ نامى ۋە ئەسەر ئىگىسىنىڭ ئىسمىنى ئەسكەرتىپ قويۇشقا ئامالسىز قالدىم. ئالدى بىلەن ئاپتوردىن بۇ ئىش ئۈچۈن كەچۈرۈم سورايمەن ھەمدە ئاپتورنىڭ ئىسمىنى بىلىدىغان دوستلار بولسا ئىنكاس شەكلىدە بىلدۈرۈپ قويۇشىنى ئۈمۈد قىلىمەن. ھەقىقىي ئادەم بول ھەممىدىن ئاۋۋال! ئۆزۈڭگە ھەر كۈنى قويغىن بىر سوئال، تاپقىنىڭ-تەرگىنىڭ ھاراممۇ-ھالال؟ ئىزدىسەڭ ياشاشقا مۆجىزە-ئامال، ھەقىقىي ئادەم بول ھەممىدىن ئاۋۋال. كۆڭلۈڭگە پۈك مەيلى ئادەم بولۇشنى، رەقىبكە تىغ ھەمدە زالىم بولۇشنى. ئويلىغىن ۋە ياكى قارىم بولۇشنى، ھەقىقىي ئادەم بول ھەممىدىن ئاۋۋال. شائىر بول، ئەل سېنى ئالىدۇ باشقا، كىر-كىرمە بەرىبىر نەچچە يۈز ياشقا. مۇھەببەت باغلىساڭ شۇنداق ياشاشقا، ھەقىقىي ئادەم بول ھەممىدىن ئاۋۋال. باشلىق بوپ ئاسمانغا يەتسىمۇ بېشىڭ، ياكى ياۋ ئالدىدا كەتسىمۇ بېشىڭ. ئامەت كەپ سەكسەندىن ئاشسىمۇ يېشىڭ، ھەقىقىي ئادەم بول ھەممىدىن ئاۋۋال. ئاتا بول سەن تۆت، بەش بالىغا، ئايلانغىن ھەتتاكى ئىمام، موللىغا. چىقسۇن يا چىقمىسۇن تۆھپاڭ چويلىغا، ھەقىقىي ئادەم بول ھەممىدىن ئاۋۋال. مىللەتكە شان-شەرەپ كەلتۈرمىسەڭمۇ، تويۇڭدا ئات-كالا ئۆلتۈرمىسەڭمۇ. ئۆزگىنى رازى قىپ كۈلدۈرمىسەڭمۇ، ھەقىقىي ئادەم بول ھەممىدىن ئاۋۋال. پۇل تاپساڭ كۆڭۈل توق، بۇنىسى ئېنىق، بېشىڭغا چۈشمەيدۇ كۈندە بىر ‹‹سېلىق››. يارغۇدەك بولساڭ گەر قىلنىمۇ قىرىق، ھەقىقىي ئادەم بول ھەممىدىن ئاۋۋال. خىزىر بوپ ھۆرمەتنىڭ چىققىن تۆرىگە، ئوت ياققىن ئىبلىسقا، شەيتان گۆرىگە. ئاشىق بوپ كۆي ھەتتا قىزغا، پەرىگە، ھەقىقىي ئادەم بول ھەممىدىن ئاۋۋال. ھاياتنىڭ دوقمۇشى تاۋلايدۇ سېنى، غەلۋىر بوپ كۈندە مىڭ تاسقايدۇ سېنى. يۇلتۇزدەك كۆزلەر كۆپ تاللايدۇ سېنى، ھەقىقىي ئادەم بول ھەممىدىن ئاۋۋال. مەنبە: خاتىرەمدىن.

ihsan0903

	ئاپتۇرنىڭ كىملىكىنى بولدى سۇرۇشتە قىلماڭ ، لىكىن بۇ ئەسەر ھەقىقەتەن ياخشى چىقىپتۇ ، يوللىغىنىڭىزغا كۆپ تەشەككۆر .

dilsiri

	ئالىم بولماقتىن ئادەم بولماق قىيىن

umak88

	مەن ئادەم دەپ ياشاۋاتقانلىرىمىزنىڭ قانچىسى ئادەمدۇ ؟

witamen

	ئاپتۇرنىڭ كىملىكىنى مەنمۇ بىلمەيدىكەنمەن . لىكىن، شېئىر ھەقىقەتەن ياخشى يېزىلغانكەن.

asrari

	[quote]ئاپتور جاۋابىنى بويلاپ 1قەۋەت  ihsan0903 كە 2011-08-13 09:23 PMئەۋەتىلدى  : ئاپتۇرنىڭ كىملىكىنى بولدى سۇرۇشتە قىلماڭ ، لىكىن بۇ ئەسەر ھەقىقەتەن ياخشى چىقىپتۇ ، يوللىغىنىڭىزغا كۆپ تەشەككۆر . [/quot باشقىلارنىڭ ئەمگەك مىۋىسىنى قەدىرلىمىسىڭىز بولمايدۇ توردېشىم. ئۇزۇن گەپنىڭ قىسقىسى : ھەممىدىن ئاۋۋال ئادەم بول!! ھەراست!‹‹ ھەقىقىي ئادەم بول ھەمىدىن ئاۋۋال›› بۇ يەردىكى ھەمىدىن دىگەن گەپنى ھەممىدىن دەپ تەھرىرلىۋېتىڭلار ،باش بەتكىلا چىقىپ تۇرىدۇ.

ABDUMAJID

	بۇ  مۇھەممەتجان  راشىدىننىڭ شېئىرى.

ayziba

	شىئېرنىڭ ئاپتۇرى تىپىلدى مانا . ھەمما ئىسىل شىئېىركەن .

adiladil

	ئىسىل