دادىسىنىڭ تەۋبە قىلىشىغا سەۋەپ بولغان بەش

ay-turk

	] دادىسىنىڭ تەۋبە قىلىشىغا سەۋەپ بولغان بەش ياشلىق قىز   رىياد شەھىرىدە ئولتۇراقلاشقان بىر ئادەم بولۇپ ، ھالاكەت ئىچىدە ياشايتتى ، ئاللاھنى ئەسلەپمۇ قويمايتتى ، نۇرغۇن يىللاردىن بىرى مەسجىدكىمۇ كىرمەي ئاللاغا بىرە قىتىممۇ سەجدە قىلىپ باقمىدى . ۋە ھالبۇكى ئاللاھ تەئالا ئۇ ئادەمنى كىچىك قىزىنىڭ قولىدا تەۋبە قىلىشىنى خالاپ قالدى........ بۇ باش پىرسۇناژىمىزنىڭ سۆزلەپ بىرىشىچە : مەن روھى چۈشكۈنلىشىپ كەتكەن دوستلىرىم بىلەن ناتىۋان ئايالىمنى ئۇنۇتقان ھالەتتە ئويۇن-تاماشا ، ھالاكەت ئىچىدە تاڭ ئاتقۇزاتتىم . ئۇ نىڭ يالغۇزلۇق . غەم-قايغۇ، دەرت-خاپىلىقتىن   قىينالغىنىنى پەقەت بىر ئاللاھ بىلەتتى . ئاشۇ ۋاپادار سالىھە ئايالىم ھەقىقەتەن ماڭا ئامالسىز قالدى ، شۇنداقتىمۇ كەڭ قورساقلىق بىلەن جىدەل قىلماستىن ماڭا نەسىھەت قىلىپ توغرا يولغا باشلاشنى ئۇنۇتمىدى . بىر كىچىسى كىچىلىك ئولتۇرۇشتىن قايتىپ كەلدىم ،شۇ چاغدا سائەتنىڭ ئىستىرىلكىسى سەھەر سائەت ئۈچنى كۆرسىتىپ تۇراتتى، ئايالىم بىلەن كىچىك قىزىم قاتتىق ئۇيقۇغا كەتكەن ئىدى ، مەن بولسام بۈيۈك پەرۋەردىگارىمىز ئاللاھ دۇنيا ئاسمىنىغا چۈشۈپ دۇئاسىنى ئىجابەت قىلىشىم ئۈچۈن دۇئا قىلىدىغان كىىشى بارمۇ؟ گۇناھلىرىنى كەچۈرۈشۈم ئۈچۈن مەغفىرەت تەلەپ قىلىدىغان كىشى بارمۇ؟ تىلىگەنلىرىنى بىرىشىم ئۈچۈن سورايدىغان كىشى بارمۇ؟ دەيدىغان كىچىنىڭ ئاخىرقى قىسمىنى سىن قويغۇچتىن شەھۋانى فىلىم كۆرۈپ ئۆتكۈزۈش  ئۈچۈن يانداش ھوجرا تەرەپكە ماڭدىم . تۇيۇقسىز ئىشىك ئىچىلىپ ئەمدى بەش ياشقا كىرگەن  كىچىك قىزىم كىرىپ كەلدى ، ماڭا ھەيرانلىق ۋە مەنسىتمەسلىك نەزىرى بىلەن قاراپ قوپاللىق بىلەن «ئەي دادا!!! نومۇس قىلمامسەن ، ئاللاھدىن قورققىن... »دىگەن سۆزنى ئۈچ قىتىم دەپ ئىشىكنى يىپىپ چىقىپ كەتتى ، قاتتىق تەمتىرەپ سىن قويغۇنى ئېتىۋىتىپ ، ئۇنىڭ سۆزلىرىگە ھەيران بولۇپ ئولتۇرۇپ قالدىم ، ئۇنىڭ سۆزلىرى قۇلاق تۈۋىمدە توختىماي تەكرارلىنىپ مىنى ئۆلتۈرۈپ قويغىلى تاس قالدى . ئاندىن ئۇنىڭ ئىزىدىن چىقىپ قارىسام ئاللىبۇرۇن ئورنىغا قايتىپ بولۇپتۇ. خۇددى ساراڭدەكلا تاڭنى ئاتقۇزدۇم....ئاشۇ ۋاقىتتا ئۆزۈمگە نىمە بولغىنىنى بىلمەي قالدىم ئازغىنا ۋاقىت ئۆتكەندىن كىيىن يىقىن ئەتراپتىكى مەسجىتتىن مۇئەززىننىڭ قورقۇنۇچلۇق كىچە جىمقىتلىقىنى بۇزۇزۇپ تاشلايدىغان بامدات نامىزى ئۈچۈن توۋلىغان ئەزان ئاۋازىنى ئاڭلىدىم . تاھارەت ئىلىپ مەسجىدكە باردىم ، ئىلگىرى بۇنچىلىك نامازغا قىزىقىپ باقمىغان ئىدىم ، ھەقىقەتەنمۇ سەبى قىزىمنىڭ سۆزلىرى مىنى ئەسىر قىلىپ ئىزتىراپقا تاشلىغان ئىدى.... ئاندىن نامازغا تەكبىر ئىيتىلدى ، ئىمام تەكبىير ئىيتتى ۋە قىرائەت قىلىدى ، ئىمامغا ئەگىشىپ سەجدە قىلدىم ، پىشانەم زىمىنغا تىگىشى بىلەن ئىچ-ئىچىمدىن قاتتىق يىغا بۇلدۇقلاپ چىقىۋاتاتتى ، سەۋەبىنى ئۆزۈممۇ بىلمەيمەن ، بۇ سەجدە نۇرغۇن يىللاردىن بىرى ئاللاھ تەئالاغا قىلغان تۇنجى قىتىملىق سەجدەم !! ئاشۇ يىغا مەن ئۈچۈن بىر ياخشى باشلىنىش بوپ قالدى ، ھەقىقەتەن ئاشۇ يىغا بىلەن بىرگە قەلبىمدىكى كۇفرى ، نىفاق ، بۇزۇقلۇق ھەممىسى چىقىپ كەتتى ، ئىمان نۇرىنىڭ ئىچكى دۇنيارىمغا سىڭىپ كىرىۋاتقانلىقىنى  ھىس قىلىشقا باشلىدىم....... نامازدىن كىيىن مەسجىدتە ئازراق ئولتۇرۇپ ئاندىن ئۆيۈمگە قايتىپ ئۇخلىماستىن يەنە ئىشقا باردىم ، خىزمەتداشلىرىم ئىشقا بالدۇر كەلگىنىمدىن ھەيران قىلىشتى ، دەرۋەقە كىچىلىك ئولتۇرۇشلار سەۋەپلىك دائىم ئىشقا كىچىكىپ كىلەتتىم ، مەندىن بۇنىڭ سەۋەبىنى سورىغان ئىدى ئاخشام يۈز بەرگەن ئىشلارنى سۆزلەپ بەردىم . خىزمەتدىشىم ماڭا سىنى غەپلەت ئۇيقۇسىدىن ئويغۇتۇشقا  مۇشۇ كىچىك قىزنى نىئمەت قىلىپ بەرگەن ، ئاشۇ چۈشكۈنلەشكەن ھالىتىڭدە جىنىڭنى ئالمىغان ئاللاھقا تەشەككۈر ئىيتقىن!!!  -دىدى . شۇ ۋاقىتتا پىشىن ۋاقتى بولدى ، كىچىدىكى ئۇيقۇسىزلىق تۈپەيلى ئىنتايىن چارچاپ كەتكەن ئىدىم شۇڭا خىزمەتدىشىمدىن مىنىڭ ئورنۇمدا خىزمىتىمنى قىلىپ قويىشىنى ئۆتۈنۈپ ، ئازراق ئارام ئىلىۋىلىش ئۈچۈن ، ۋە يەنە   مىنىڭ توغرا يولغا مىڭىشىمغا ، ئاللاھ تەرەپكە قايتىشىمغا سەۋەپ  بولغان قىزىمنى كۆرۈش ئىشتىياقىدا  ئۆيۈمگە قايتتىم . ئايالىم يىغلىغان ھالدا مىنى كۈتىۋالدى. ئەي مەزلۇم ساڭا نىمە بولدى ؟  -دىدىم . ئۇنىڭ قىزىڭىز قازا قىلدى، دىگەن جاۋابىدىن چاقماق چاققاندەك بولۇپ  قاتتىق قايغۇدىن ئۆزۈمنى تۇتالماي قالدىم ، ئىچ-ئىچىمدىن يىغا تۆكۈلەتتى ......بىر ئازدىن كىيىن ئۆزۈمگە كىلىپ ، ئۆز-ئۆزۈمگە بۇلار پەقەت ئاللاھ تەرەپتىن مىنىڭ ئىيمانىمنى سىناش ئۈچۈن كەلگەن بىر سىناق دەپتۇرۇپ ، ئاللاھ تەئالاغا ھەمدۇ-سانالار ئيتتىم .  ئاندىن قولۇمغا تىلىفوننى ئالدىمدە دوستۇمغا تىلىفون قىلىپ ، يىنىمغا كىلىپ ماڭا ياردەم قىلىشنى ئۆتۈندۈم..... دوستۇم كەلدى قىزىمنى ئىلىپ يۇيۇپ تاراپ كىپەنلىدى ، بىرلىكتە ئۇنىڭ نامىزىنى چۈشۈردۇق ، ئاندىن ئۇنى قەبرىگە ئىلىپ باردۇق ، دوستۇم ماڭا سەندىن باشقا كىشىنىڭ ئۇنى قەبرىگە قويۇشى لايىق ئەمەس  دىدى . قىزىمنى قۇچىقىمغا ئالدىم ، كۆزلىرىمدە لىق ياش......قىزىمنى كۆمدۇم ، مىنىڭ بۇدۇنيادىكى ھاياتلىق يولۇمنى يورۇتۇپ بەرگەن بىر نۇرنى كۆمدۈم. ئاللاھ سۇبھانەھۇ ۋە تەئالادىن قىزىمنى مەن ئۈچۈن دەۋزەختىن ساقلايدىغان قالقان قىلىپ بىرىشىنى سورايمەن ، مىنىڭ سەبىرچان مۇئمىنە ئايالىمنى كاتتا ئەجىرلەر بىلەن مۇكاپاتلىشىنى سورايمەن . ئايتۈرك تەرجىمىسى ئاخىرىدا مۇشۇنىڭدىن ئىبرەت ئىلىپ ، ئۆزىنى تونۇپ توغرا يولغا ماڭغان قىرىنداشلىرىم ئۈچۈن ئاللاھنىڭ سالامى ۋە بەركىتى بولسۇن !!!    تەرجىمە قىلىنغان مەنبە :http://www.alshamsi.net/islam/story/story32.html

Qapaqhenim

	ئاللاھنىڭ ھىدايىتى بىز بىلەن ھەر ۋاقىت بىللە. بۇ يەردىكى مەسىلە، بىزنىڭ ئۇنى، قانداق ئىزدەپ تېپىشىمىزدا. ئاللاھ ھەممىمىزنى ھىدايەت قىلسۇن. تېما ئىگىسىگە رەھمەت.

feroza

	ھەجەپ تەسىرلىك ئىكەن ، ئۇلۇغ اللە نارسىدە ئوماق قىز ئارقىلىق ، دادىسىغا ھىدايەت يولىنى كۆرسىتىپتۇ.

ABDUMAJID

	مەن   بەك  تەسىرلەندىم.  مىنڭمۇ  بىر  قىزىم  بار،  ئىبرەت  ئالدىم، جىمى  ھەمدۇسانالار ئالەملەرنىڭ  پەرۋەردىگارى ئاللاھ  غا  بولسۇن،  بىلىپ - بىلمەي  قىلغان  گۇناھلىرىمغا  تەۋبە   قىلىمەن.   ئاي-تۈرۈك  قىرىندىشىم  ئاللاھ   بىلىمىڭزنى  زىيادە  قىلسۇن.

نۇر0903

	بەكلام تەسىرلىككەن ، ھەممىمىز ئاللانى ئۇنتۇمايلى، ئۇلۇغ رامىزان ئايلىرىدا كوپرەپ ئىبادەت قىلايلى،

zulal27

	مەنمۇ بەك تەسىرلەندىم . ئاللاھ ئەجىرىڭىزنى زىيادە قىلسۇن .

owchi.

	yaxshi temakan raxmet sizga  sizda

SOYUNQA

	اللاھ بىلىپ بىلمەي  قىلغان گۇناھلىرىمىزنى مەغپىرەت قىلغاي ئامىن!!!

ARZUY

	بەكلا تەسىرلىككەن رەھمەت سىزگە،

88128

	ياخشى،تەسىرلىك تىما يوللاپسىز ،رەخمەت سىزگە ئاللا ئەجىرىڭىزنى بەسۇن  ئاللاھ ھەممىمىزنى ھىدايەت قىلسۇن.