يەتتە مۇقەددەس ھەقىقەت

menggutash

	(دانىشمەن ۋە ئۇنىڭ يىگىرمە يىللىق شاگىرتى ئوتتۇرىسىدىكى دىئالوگ) -         مېنىڭ قېشىمدا تۇرغىنىڭغا قانچە يىل بولدى؟ -         يىگىرمە يىل بولدى، ئەپەندىم. -         بۇ جەريان ئىچىدە مەندىن نېمىلەرنى ئۆگەندىڭ؟ -         مەن ھېچبىر نەرسە بىلەن ئۆزگىرىپ كەتمەيدىغان يەتتە ھەقىقەتنى ئۆگەندىم. -         مەن بىلەن ئۆتكۈزگەن يىگىرمە يىل ۋاقىت ئىچىدە ئاران يەتتە ھەقىقەتنى ئۆگەندىڭمۇ؟ -         شۇنداق. -         ئۇنداق بولسا، نېمىلەرنى ئۆگەنلىكىڭنى بىر دەپ باققىنا؟! -   كىشىلەرنىڭ بىر نەرسىلەرنى دوست تۇتۇپ، ئۇنىڭغا رىشتە باغلىغانلىقىنى، بىراق بۇلارنىڭ ئاساسەن دېگۈدەك ھەممىسى ئىنساننى يېرىم يولدا تاشلاپ قويىدىغانلىقىنى كۆرۈپ يەتتىم. شۇنىڭ بىلەن، مەن مېنى ھەرگىزمۇ تاشلاپ قويمايدىغان، ئۆلگەندىن كېيىنمۇ مەن بىلەن بىرگە كېلىدىغان نەرسىلەرنى ئىزدەشكە باشلىدىم. نەتىجىدە ئۆزۈم ئۈچۈن ياخشىلىقلارنى دوست قىلىپ تاللىدىم. چۈنكى ئۇلار، چەكسىز يۈكسىلىش سەپىرىگە ئاتلانغان ئىنسانلار تۈگىتىپ بولالمايدىغان ئۇزۇق ۋە ھەقىقىي دوستلاردۇر. -   ناھايىتى ياخشى، ئىككىنچىسى نېمە؟ - ئىنسانلارنىڭ كۆپىنچىسىنىڭ ئۆتكۈنچى دۇنيانىڭ مال – مۈلكىگە تۆت تەرەپتىن يېپىشىۋالغانلىقىنى، ساندۇقلىرىدا ساقلايدىغانلىقىنى، يوقىتىپ قويماسلىق ئۈچۈن پۈتۈن تەدبىرلەرنى ئىشقا سالىدىغانلىقىنى، بىرلىرىنىڭ بايلىقىغا، بىرلىرىنىڭ گۈزەللىكىگە، يەنە بىرلىرىنىڭ نام – شۆھرەتكە چىڭ ئىسىلىۋاتقانلىقىنى، ئۇلاردىن ئايرىلىپ قالماسلىق ئۈچۈن قولىدىن كېلىشىچە تىرىشچانلىق كۆرسىتىدىغانلىقىنى كۆرۈپ يەتتىم. ھالبۇكى مەن بارلىقىم ۋە ئىستەكلىرىمنى ئاللاھقا سېتىپ، كۆڭلۈمنى پەقەت ئۇنىڭ سۆيگۈسىگە ئاچتىم. -    داۋاملاشتۇر! -   ئىنسانلارنىڭ ئۈستۈنلۈككە ئېرىشىش ئۈچۈن بىر – بىرلىرى بىلەن رىقابەتلىشىدىغانلىقىنى كۆردۈم. لېكىن ئۇلارنىڭ كۆپىنچىسى ئۈستۈنلۈكنى نامۇۋاپىق جايلاردىن ئىزدىمەكتە ۋە بىر – بىرلىرىنى دەسسەپ ئۆتۈپ يۈكسەلمەكچى بولۇشماقتا ئىدى. شۇنىڭ بىلەن، مەن ئۈستۈنلۈكنى دۇنيانىڭ ئۆتكۈنچى قىممەت – قاراشلىرى قاتارىدىن ئەمەس، ئەقىل ۋە ئەخلاقىي جەھەتتىن يۈكسىلىشتە، چوڭ – كىچىك بارلىق يامانلىقلاردىن قول يىغىپ، ياخشىلىقلارغا ۋاسىتە بولۇشتا ئىزدىدىم. -    داۋاملاشتۇر، ئوغلۇم! -   يەنە ئىنسانلارنىڭ ئەتىگەندىن كەچكىگە بىر – بىرلىرى بىلەن ھەپىلىشىدىغانلىقىنى، ھېچنېمىدىن ھېچنىمە يوق تۇرمۇشنى ئۆزلىرى ئۈچۈن مۇسىبەتكە ئايلاندۇرىۋالغانلىقىنى، بۇلارنىڭ ھەممىسىنىڭ «مەنلىك»، «مەنمەنچىلىك» ۋە كۆرەلمەسلىكتىن كېلىپ چىقىدىغانلىقىنى كۆرۈپ يەتتىم. شۇنىڭ بىلەن، كۆڭلۈمنى بۇ كىرلاردىن تازىلاش ئارقىلىق بارلىق كىشىلەر بىلەن دوست بولۇپ، خاتىرجەم ۋە ئىشەنچ ئىچىدە ياشاشنىڭ يولىنى تېپىۋالدىم. -    يەنە؟ -    نېمىشقىكىن بارلىق كىشلەرنىڭ كېسەللىكنىڭ سەۋەبىنى سىرتقى ئامىللاردىن ئىزدەيتتى  ۋە باشقىلارنى ئەيىبلەيتتى. شۇنداق قىلىپ جىنايەتنىڭ پەردە ئارقىسىغا يۇشۇرۇنىۋالاتتى. ھالبۇكى، ئىنسانلارنىڭ بېشىغا قانداق بىر ئىش كەلسە ئۆزىنىڭ يۈزىسىدىن ۋە ئۆز قولى بىلەن كېلەتتى. بۇنى تونۇپ يېتىپ، ئۆزۈم بىلەن كۈرەش قىلىش ئارقىلىق نەپسىمنىڭ ئىرادىسىگە بويسۇنماسلىق ۋە ۋەسۋەسە تورىغا چۈشمەسلىك ئۈچۈن تىرىشتىم. -   توغرا… -   ئىنسانلار بىر بۇردا نان ۋە دۇنيا ھاياتى ئۈچۈن ھالال – ھارام دېمەستىن ھەر تۈرلۈك ھەق – ھوقۇقلارنى دەپسەندە قىلىشتىن يانمايدىكەن، نەتىجىدە ھەم باشقىلارنىڭ ھەققىنى ئېلىۋېلىپ ئۇلارنى يوقسۇل قىلىپ قويۇش، ھەمدە بۇ ناھەقچىلىقنىڭ ئېغىر يۈكىنى ۋىجدانلىرىدا كۆتۈرۈپ يۈرۈش ئارقىلىق ئىككى قېتىم يامانلىق قىلغان بولىدىكەن. ھالبۇكى، توغرىلىق ئىچىدە ياشىغان ۋە ئادىل بۆلۈشكەن تەقدىردە، دۇنيانىڭ نېمەتلىرى ئىنسانلارغا يېتىپ ئېشىپ قالاتتى. -    يەتتىنچىسى نېمە؟ -   يەتتىنچىسى، ئىنسانلارنىڭ بىر نەرسىگە تايىنىش ۋە ئىشىنىشكە مۇھتاج ئىكەنلىكىنى كۆرۈپ يەتتىم. بىرلىرى بايلىقىغا، بىرلىرى گۈزەللىكىگە ئىشەنسىمۇ، پۈتۈن بۇلارنىڭ ھەممىسى مۇئەييەن ۋاقىت ئۆتكەندىن كېيىن يىمىرىلىدىغان تايانچلاردۇر. مەن بولسام ئاللاھقىلا يۈزلىنىپ، ئاللاھتىنلا مەدەت تىلىدىم. بۇنىڭ مۇكاپاتى چەكسىز خاتىرجەملىكتىن ئىبارەت بولدى. -   ئاپىرىن بالام! مەن ئۇزۇن يىللار بويىچە بارلىق دىنىي كىتابلارنى كۆرۈپ چىقتىم. ھەممىسىنىڭ يۇقىرىقى يەتتە مۇقەددەس ھەقىقەت ئەتراپىغا توپلانغانلىقىنى تونۇپ يەتتىم. مەنبە: (ئۇيغۇر ئاكادىمىيىسى تورى)

شاتلان

	ھەقىقەتەن مۇقەددەس ھەقىقەتلەركەن

sazguri

	مەنىسى چوڭقۇركەن ساقلىۋالدىم ھە

kalihaq

	ياخشى تىمىكەن ،ساقلىۋالدىم.

ئانا1

	قولۇم ئۈزۈك بولۇپ قالدى، پۇللىرىمنى تىجەپرەك خەجلەي دەيمەن

OZQUT

	چوڭقۇر پەلسەپىۋىيلىككە ئىگە ئەسەركەن....

ubul0998

	خىلى بۇلدىكەن ساقلىۋالدىم.

sarsana001

	بەك مەنىلىك گەپلەركەن.

erol

	ئادەمنى چوڭقۇر ئويغا سالىدىغان ھەقىقەتلەر ئىكەن، تېمىڭىزغا كۆپ تەشەككۈر، ئاللا كۆپ ئەجىر بەرسۇن.

nima︿japa

	ئاز بولغىنى بىلەن ساز  ئىكەن