چاقچاقتىن چىققان جاقجاق

alimran

	كىرىش سۆز بۇ ئەسەرنى يۇرتىمىزدىكى بىر ئائىلىدە يۈز بەرگەن ۋەقەلىككە ئاساسەن ئازراق ئۆزگەرتىپ يېزىپ چىقتىم، تۇنجى ئەسىرىم بولىشى سەۋەپلىك يېتەرسىزلىكلەرنىڭ بولىشى مۇقەررەر. كەڭ تورداشلارنىڭ قىممەتلىك تەكلىپ- پىكىرلىرنى بېرىشىنى سورايمەن. چاخچاقتىن چىققان جاغجاق «ھىكايە»      ئىشتىن چۈشۈپ ئالدىراپ سىرتقا ماڭدىم، يېقىن ئاغىنەم تۇرسۇننى كەچلىك تاماقنى بىللە يىيىشكە تەكلىپ قىلىپ قويغان ئىدىم ، چۈنكى ئۇنىڭ ئايالى يامانلاپ كەتكەن  ئون نەچچە كۈندىن بويان ئۇنىڭ بىلەن تۈزۈكرەك كۆرۈشۈپ باقمىغان ئىدىم. چۈشتىن بۇرۇن ئىشخانىدا ئولتۇرسام يەنە بىر ئاغىنەم ئەكرەمدىن تېلىفۇن كەلدى； ـــ ئەسسالامۇئەلەيكۇم، قانداق ئەھۋالىڭ ئاداش؟ ـــ ۋەئەلەيكۇم ئەسسالام ،ياخشى ،ياخشى، ئۆزەڭچۇ؟ ـــ مېنىڭغۇ ياخشى، لېكىن تۇرسۇننىڭ ئەھۋالى ئانچە ياخشى ئەمەستەك قىلىدۇ جۇمۇ ئاغىنە،-دىدى ئەكرەم. ـــ قانداق دەيسەن؟ ـــ سەن تېخى ئۇقمىدىڭمۇ؟ ئۇلار ئەتە ئاجراشقىلى بارىدىكەن. ـــ نىمە؟`نىمە دەيدىغانسەن؟ بىر ئوبدان ئۆتىۋاتمامتى ئۇلار ؟ ـــ سەن راستىنلا ئۇقمىغانما؟ ـــ ئىككىسىنىڭ ئۇرۇشۇپ قېلىپ ئايالىنىڭ يامانلاپ كەتكىنىنى ئاڭلىغانتىم، لېكىن بۇنچە بولۇپ كەتكىنىنى راستىنلا ئۇقماپتىمەن. ـــ شۇنى دىمەمسەن ئاداش،مەنمۇ بايا ئۆزىدىن ئاڭلاپ جىق نەسىھەت قىلدىم، لېكىن ئۇ قەتئى ئۇنىمايۋاتىدۇ. ـــ تۇرسۇن نېمىشقا بۇنداق قىلىدىغاندۇ؟ باشقا بىرىنى  تېپىۋالمىغاندۇ؟ ـــ ۋاي تاڭەي، ئىشقىلىپ ”ئۇ خۇتۇن بىلەن ئۆتمەيمەن“ دەيدۇ، ۋاقتىڭ بولسا ئۇنىڭ بىلەن سەن بىر كۆرۈشۈپ باققىن. ـــ بولىدۇ .مەن بۈگۈنلا ئۇنىڭ بىلەن كۆرۈشۈپ باقاي. ـــ ماقۇل ئەمىسە، ئۇنىڭغا ياخشىراق نەسىھەت قىلىپ قويارسەن، ئۇ سېنىڭ گېپىڭنى بەكرەك يەيدۇ！. ـــ ماقۇل ئەمىسە ، خوش..... كاللامدا ھەرخىل خىيال، ئۇ نىمىشقا بۇنداق قىلىدىغاندۇ؟....... دىيىشىپ قويغان ئاشخانىنىڭ ئالدىدا ئۇ كۆرۈنمەيتتى،”ئاپلا، ساقلاپ بېقىپ كېتىپ قالمىغاندۇ- ھە؟“ مەن ئالدىراپ ئىچىگە كىرسەم چەتتىكى بىر جوزىغا بېرىۋالغان تۇرسۇن بىر قولىدا تاماكىسىنى تۇتۇپ ، يەنە بىر قولىدا پىشانىسىنى تىرەپ خىيال سۈرگىنىچە ئولتۇراتتى. ـــ ۋاي ـ ۋۇي، نىمانچە ئۇتتۇرىۋەتكەن قىمارۋازدەك خىيالغا پېتىپ ئولتۇرۇپ كەتتىڭ ئاغىنە؟ ئەكەپ بېرىمىز ، غەم قىلمىغىنە؟！ـــ مەن ئالدىغا بارغاچ قولۇمنى ئۇزاتتىم،ـــ  بەك ساقلاپ كەتمىگەنسەن ؟ تۇرسۇن ئورنىدىن تۇردى ۋەكۈلۈپ تۇرۇپ； ـــ ياقەي، مەنمۇ ھازىرلا كەلدىم،ـــ دېدى. ـــ قورسىقىڭ تازا ئاچقاندۇ؟ ئاۋال تاماق بويرۇتۇپ بۇلۇپ ئاندىن قالغان گەپلەرنى قىلىشايلى！نىمە تاماق يىگۈڭ بار؟ ـــ نىمە بولسا بولىۋىرىدۇ. كۈتكۈچى تاماقنى تىزىملاپ كەتكەندىن كېيىن پىيالىگە چاي قۇيغاچ سورىدىم: ـــ خىزمىتىڭ بەك ئالدىراشمۇ؟ ـــ بەكلا ئەمەس، نورمال دىيىشكە بۇلىدۇ. ـــ ئۇزۇن بولدى كۆرۈشمىگىلى، مۇشۇ كۈنلەردە خىزمىتىم بىر ئاز ئالدىراش بولۇپ قېلىپ سەن بىلەن تۈزۈكرەك ئەھۋاللىشالمىدۇق. ـــ ئىشلەۋاتقاندىكىن شۇنداق بۇلىدۇ ــ دە. ـــ ئەكرەمدىن ئاڭلىسام ماھىرە بىلەن ئاجراشماقچى بولىۋېتىپسەن، راستما؟ ـــ ھەئە، شۇنداق؟ ـــ نىمىشقا ئەمدى؟ ـــ ئۇنىڭ بىلەن ئۆتەلمىگۈدەكمەن. ـــ بۇ گېپىڭ قاملاشمىدى ئاداش، ئانچىكى ئىشلار ئۈچۈن بۇنداق گەپنى قىلساڭ بۇلامدۇ؟ ئۆي دىگەندە ئۇرۇش- جىدەل بولۇپ تۇرىدۇ،مەسلە ئۇنى قانداق بىر تەرەپ قىلىشتا، بىزنى دىسەڭ توي قىلغىلى 3يىل بولۇپ قالدى، مۇشۇ چاغقىچە كۈرمىڭ قېتىم ئۇرۇشۇپ قالدۇق، ئەگەرئۇ يامانلاپ كېتىپ قالسا گاھىدا ئۆزىمىز تېلىفۇندا كەچۈرۈم سورۇشۇپ ئەپلىشىپ قالىمىز، يەنە گاھىدا ئاتا- ئانىلىرىمىز ئارىغا كىرىپ تۈزەپ مانا مۇشۇ كۈنگە كەپتۇق ئاغىنە، سەنمىچۇ ئۇنى ئاشۇنداقمۇ ئۇرامسەن ، بىر تال چىشىنى چۈشۈرىۋېتىپسەن، شۇنداق بولغاندىكىن تېلىفۇن ئۇرۇپ كەچۈرۈم سوراپ باق ياكى بىز بىللە ئۇلارنىڭ ئۆيىگە بېرىپ باقايلى. ـــ ئۇنداق قىلىشنىڭ ھاجىتى يوق، ئەمىلىيەتتە ماھىرە نەچچە قېتىم كەچۈرۈم سوراپ بولدى... ـــ مانا-مانا بولدىغۇ، يەنە نەرى قالدى، پۈتۈپتۇغۇ-مانا؟ ـــ كەچۈرمەيمەن، ئۇنىڭ گۇناھى كەچۈرۈشكە بولىدىغان گۇناھ ئەمەس. ـــ ئۇنداق دەپ تۇرىۋالما ئاغىنە، قورسىغىڭنى كەڭرەك تۇتساڭلا دۇنيادا كەچۈرگىلى بولمايدىغان گۇناھ بولمىسا كېرەك！نىمانچىلا ئىنچىكىلەپ كېتىسەن ئەمدى؟ ئائىلىدە ئۇنداق – مۇنداق ئىشلار بولۇپ تۇرىدىغۇ ؟ ـــ  نىمانداق چۈشەنمەيدىغانسەن،نىمە دېسەم بولار！........ ماقۇل، ئىشنىڭ تەپسىلاتىنى ھازىرغىچە ھېچكىمگە ئېيتمىغان ئىدىم، ساڭا ئېيتىپ بېرەي،ئاڭلاپ بېقىپ ئاندىن كېيىن بىرنەرسە دەرسەن…...     تۇرسۇن يانچۇقىدىن تاماكىسىنى ئېلىپ بىر تال تۇتاشتۇرغاندىن كېيىن قاتتىق-قاتتىق بىر نەچچىنى شورىۋەتكەندىن كېيىن گېپىنى باشلىدى: ”بىزتوي قىلغان بۇ بىر يىلدىن بېرى گەرچە بەك بەختلىك دېگىلى بولمىسىمۇ ھەر ھالدا ئۇرۇش-تالاش قىلىشماي ياخشى ئۆتتۇق، ھەر كۈنى ئەتتىگەندە تاماق يەپ بولۇپ ئالدىراپ ئىشقا مېڭىپ كەتسەك كەچلىگى ھېرىپ-ئېچىپ كەلگەندە ئانچە-مۇنچە پاراڭلىشىپ  يېتىپ قالاتتۇق، ئىشقىلىپ تۇرمۇشىمىزدا ياكى خوشال-خوراملىق ياكى رۇمانتىكىلىق يوق ئېقىن سۇدەك بىر خىل ئۆتىۋاتاتتى، ئىقتىسادىي ئەھۋالىمىزغا كەلسەك ماھىرەنىڭ مۇئاشى ئۆزىنىڭ كېيىم- كېچەك، گىرىم بۇيۇملىرىدىن ئاشمايتتى، مېنىڭ بولسا ئائىلىمىزنىڭ نورمال خىراجىتىگە ئارانلا يېتەتتى، شۇنداق تۇرۇقلىق بەزىدە ئۇنىڭ ئېسىل ئۆي ۋە ماشىنىلارغا ھەۋەس بىلەن قاراشلىرى مېنى بىئارام قىلاتتى،  بەك ئىچىم سىقىلاتتى،پۇلىمىز بولمىسىمۇ شاد – خورام بىر ئائىلىگە بەكمۇ تەشنا ئىدىم، قانداق قىلسام بىر ‹بەخىتلىك ئائىلە› قۇرۇپ چىقارمەن دەپ كۆپ ئويلىناتتىم.“     تۇرسۇن تاماكىسىنى شوراپ بولۇپ كۈلدانغا تاشلىۋەتكەندىن كېيىن گېپىنى داۋاملاشتۇردى. ”بىر كۈنى ئىدارىدە ئىشتىن چۈشۈشكە ئاز قالغاندا يىغىن بارلىقى توغرىسىدا ئۇختۇرۇش قىلىندى، بۇ خەۋەر ھەممەيلەننىڭ كەيپىنى ئىنتايىن ئۇچۇردى. ـــ ئاچىدىغان بولسا بۇرۇنراق ئاچسا بولمامدۇ،ۋاقىت توشقاندا..... ـــ ۋىيەي ــ ۋىيەي، يەسلىدىن بالامنى ئەپكىلۋالالمىسام قانداقمۇ قىلارمەن.... ـــ  ۋايجان ،يولدۇشۇم ئىدارىنىڭ ئالدىدا ساقلاپ كېتىدىغان بولدى-دە.... ھەممەيلەن ھەرخىل غۇدۇراشقانچە خوشياقمىغان ھالدا زالغا يىغىلىۋاتاتتى، توساتتىن تاھىر ئاكا ئۈنلۈك ۋاقىرىدى； ــــ خالايىق يىغىن باشلانغىچە ماڭا بىر مەسلىھەت بېرىڭلار！ـــ ئادەتتىمۇ ناھايىتى قىززىق گەپلىرى بىلەن باشقىلارنى كۈلدۈرۈپلا يۈرىدىغان بۇ ئادەم كۆپچىلىكنىڭ دىققىتىنى تارتتى. ـــ بىر ئاي ئىلگىرى ＱＱدىن 19ياشلىق بىر قىزنىڭ نامىدا نۇمۇر ئالغان ئىدىم، بۇ جەرياندا نۇرغۇن يىگىتلەر بىلەن ئۇچۇر-ئالاقە قىلىشىپ ، تۇرمۇشۇم ناھايىتى مەنىلىك ئۆتىۋاتاتتى ، شۇلارنىڭ ئارىسىدا 23ياشلىق بىر يىگىت بىلەن خېلى ئوبدانلا ئالاقەم بار ئىدى، مانا ئەمدى  ئوننەچچە كۈندىن بېرى ماڭا توي تەكلىپى قويۇپ تۇرىۋېلىۋاتىدۇ، ”ئويلۇشۇپ باقاي“دىسەم كۈندە ئۇچۇر يوللاپ ئالدىرىتىپ ماڭا ئارام بەرمەيۋاتىدۇ، قانداق قىلسام بۇلار؟ ماڭا بىر مەسلىھەت بەرگەن بولساڭلار. ـــ توۋا، شۇنداقمۇ قىلامسىز ئەمدى ؟ـــ دىدى بىر ئايال خىزمەتدىشىمىز كۈلۈپ تۇرۇپ. ـــ ئەمەلىي ئەھۋالنى دەپلاۋەتسىڭىز ئىش تۈگىمىدىمۇ ؟ـــ دىدى ئارىدا ئالدىراخسانراق يەنە بىرى غودۇڭشۇپ ، ـــ نىمانداق ئادەمنى كولدۇرلىتىدىغاندۇ  .... . ـــ 70 ياشلىق موماينىڭ سۆرىتىدىن بىرنى ئەۋەتىڭ بولمىسا..... ھەر –خىل ئىنكاسلار تەرەپ – تەرەپتىن يېغىشقا باشلىدى . ـــ ئەمدى بۇ ئىشنى ئاقىلانىلىك بىلەن بىر تەرەپ قىلمىساق بولمىغۇدەك، ـــ دىدى بۆلۈم باشلىقى سالماق ئاۋازدا ئۇرغۇلۇق قىلىپ ، ھەممىمىز ھۆرمەتكە سازاۋەر بۇ يۇمۇرىستىك كىشىنىڭ ئاغزىغا قارىدۇق ،ـــ باشقىلارغا كۆڭۈل بەرگەندىكىن ئەمدى ناز قىلىپ تارتىشماي، ئۇنىڭغا تىگىپ بىر-ئىككىنى تۇغۇپلىۋەتمەمسەن ！........... ”پاراققىدە“ كۆتۈرۈلگەن كۈچلۈك كۈلكە ئاۋازى زالنى كۆتىرىۋەتكىلى تاسلا قالدى، ھەتتا بەزىلەرنىڭ كۆزلىرىدىن ياشمۇ چىقىپ كەتتى .ھەزىل جاۋاپلار يەنە ئەزۋەيلىگىلى تۇردى . تۇيۇقسىز ئىدارە باشلىقىنىڭ كېلەڭسىز گەۋدىسى بىلەن سۈرلۈك چىرايى كۆرىنىشى بىلەن خۇددى قايناۋاتقان قازانغا سوغۇق سۇ قۇيغاندەك كىشىلەرنىڭ گېپى ئاغزىدىلا قېپقالدى . يىغىنمۇ تۈگىدى، ھازىرمۇ كۆپچىلىكنىڭ چىرايلىرىدا كۈلكە..... ئۆيگە قايتىۋېتىپ بۇ يۇمۇرنى  ماھىرەگە ئېيتىپ بېرىپ ئۇنى تازا بىر كۈلدۈرۈۋېتىشنى ئويلاۋېتىپ توساتتىن كاللامغا بىر ئەقىل كەلدى،” توغرا مەنمۇ مۇشۇ ئۇسۇل بىلەن ماھىرەگە بىر چاخچاق قىلسام، تۇرمۇشىمىز ئازراق بولسىمۇ يېڭىلىق ۋە رۇمانتىكلىققا ئىگە بولۇپ قالسا ئەجەپ ئەمەس.“ ئەتىسى ئىشقا كېلىپلا ＱＱدىن”ئىسىلزادە يىگىت“نامىدا يىڭى نومۇر ئالدىم-دە، ئايالىمنىڭ ＱＱ سىغا قوشىۋېلىش ئۇچۇرىنى يوللىدىم، ئۇمۇ قوشۇۋالدى. ئويۇن باشلاندى، سۆزلىشىش جەريانىدا ئۆزەمنى خەلقارالىق سودا شىركىتىنىڭ تۈركىيەگە مال سېلىشقا مەسئۇل خادىمى قىلىپ تۇنۇشتۇردۇم ۋە يەنىمۇ ئۇستىلىق بىلەن دۆلەتمۇ-دۆلەت ئايلىنىپ يۈرىدىغان بىر بايۋەتچە قىلىپ كۆرسەتتىم. ئۇمۇ گەپلىرىمگە ئىشىنىۋاتاتتى. دەسلەپ ئانچە پەرۋا قىلمىغان ماھىرە ”مەن “ گە كۈندىن-كۈنگە قىزىقىپ قېلىۋاتاتتى. بىر كۈنى سۆزلىشىۋېتىپ ئۇنىڭ تۇرمۇش ئەھۋالىنى سورىدىم. ـــ مەن تېخى توي قىلمىدىم،ـــ دىدى ئۇ. بۇ گەپتىن چۈچۈپ كەتتىم، نىمىشقا ئۇنداق دەيدىكىنە؟ چاخچاق قىلۋاتسا كېرەك،دەپ ئويلىدىم. ـــ لايىقىڭىز بارمۇ؟-يەنە سورىدىم. ـــ ئوقۇش بىلەنلا بولۇپ تېخى ئەمدىلا خىزمەتكە چۈشتۈم، ئۇ ئىشلارنى ئويلاشمىدىم. ـــ ئىككىمىز ئوخشاش ئىكەنمىز، سىز بىلەن ياخشىراق تۇنۇشۇپ يېقىن دوستلاردىن بولۇپ قالغۇم بار، خالامسىز؟ ـــ ئەلۋەتتە،-دىدى ئۇ. شۇندىن كېيىن ئۇنىڭ بىلەن كۈندە ئالاقىلىشىپ تۇردۇق، لېكىن” ئۇ نېمىشقا توي قىلمىدىم دەيدىغاندۇ،ئەجەبا....“ دېگەندەك خىياللار ماڭا ئارام بەرمەيتتى . ئاخىرى ئۇنى سىناپ باقماقچى بولدۇم ۋە كۆڭۈل ئىزھارى سۈپىتىدە ＱＱدىن گۈللەرنى سوغا قىلدىم، ئۇمۇ رەخمەت ئېيتىپ قۇبۇل قىلدى.مېنىڭ سۆرىتىم دەپ تۈركىيە فىلىمىدىكى نامى چىقمىغان، لېكىن ئۆزى خېلى قاملاشقان بىر ئارتىسنىڭ سۆرىتىنى ئەۋەتىپ بەردىم ۋە ئۇنىڭ سۆرىتىنى تەلەپ قىلدىم، ئۇ جاۋاپ قايتۇرمىدى. نىمىشقا گەپ قىلمايدىكىنە؟ ” چاخچاق مۇشۇنچىلىك بولسۇن“  دەۋاتامدىغاندۇ-يە،  ياكى مەن ئىكەنلىگىمنى بىلىپ قالغانمىدۇ؟... ياق ،مومكىن ئەمەس،ئەگەر بىلىپ قالغان بولسا ئۆيدە چوقۇم ماڭا چاندۇرۇپ قويغان بۇلاتتى. لېكىن ئۇ ھېچ ئىش بولمىغاندەك يۈرسە..... ئەتىسى ئىشقا كېلىپ باشقا ئشلار بىلەن بولۇپ كىچىكىپرەك ＱＱنى ئاچتىم، شۇ ھامان بىر ئۇچۇر كىردى،ئېچىپ كۆرۈپ چۈچۈپ كەتتىم،ماھىرە ئۆزىنىڭ ئالىي مەكتەپتىكى سۆرىتىنى ئەۋەتىپ بەرگەن ئىدى. يائاللا نىمە ئىش بۇ؟ ئۇ راستىنلا..... بېشىمدىن بىر چىلەك سۇ قۇيۋەتكەندەك ئەندىكىپ كەتتىم، بۇنداق بۇلارىنى پەقەت ئويلاپ باقمىغان ئىدىم. ئۆزەمچە ماھىرە بۇ ئۈچۈنچى شەخىسنى چوقۇم ئۆزىنىڭ ياخشى بىر ئائىلىسىنىڭ بار ئىكەنلىگىنى، ”مەن “ گە چاخچاق قىلىپ قويغانلىقىنى ئېيتىپ ئاخىرلاشتۇرىدۇ، دەپ ئويلىغان ئىدىم.ئەپسۇس.... ياق،ئۇنداق ئەمەستۇ،-ئۆز-ئۆزەمگە شۇنداق دەپ تەسەللىي بېرەتتىم، بەلكىم ئۇمۇ راستىنلا ئىشخانىدا زېرىكىپ قېلىپ باشقىلارنى ئەخمەق قىلىپ باقاي دەۋاتىدىغاندۇ...... قولۇم ھېچقانداق ئىشقا بارمايتتى، بۇ ئشنى ئېنىقلىماي زادى بولمايتتى. قانداق قىلسام بۇلار؟ چۈشكىچە ئويلىنىپ ئاخىرى بىر ئامال تاپتىم-دە، چۈشتىن كېيىن ئىشقا چۈشۈپلا كومپىيوتىرنىڭ ئالدىغا كەلدىم ۋە ئۇچۇر يېزىشقا باشلىدىم： ـــ ئەۋەتىپ بەرگەن رەسىمىڭىزنى كۆرۈپ بەكلا خوشال بولدۇم،ئۆزىڭىزنى بەكلا كۆرۈپ باققۇم بار، ئەگەر خالىسىڭىز كۆرۈشۈپ باقساق قانداق دەيسىز؟ ـــ ئىككىمىزنىڭ ئارلىقى 400كىلومىتىردىن ئاشىدىكەن، قانداق كۆرۈشىمىز؟ ـــ سىزلا خالىسىڭىز كۆزىڭىزنى يۇمۇپ ئاچقۇچە يېنىڭىزدا پەيدا بولىمەن. ـــ ماقۇل ئەمىسە، ـــ دىدى ماھىرە. ـــ بەكلا خوشالمەن، ئېيتىڭچۇ قاچان، قەيەردە كۆرۈشىمىز؟ ـــ ئەتە كەچتە بولسا قانداق؟ ـــ بولىدۇ، چوقۇم بارىمەن. ئەتە كەچتە سىزنى خەلقارالىق مېھمانخانىنىڭ ئالدىدا كۈتىمەن، ـــ دىدىم. بۇ شەھىرىمىز بويىچە ئەڭ داڭلىق ھەم قىممەت باھالىق  مېھمانخانا بولۇپ، بۇ يەرگە باي سودىگەرلەر، چەتئەللىكلەر ياكى ھوقوقدارلاردىن باشقىلار ئاساسەن كىرەلمەيتتى. ـــ بولىدۇ، ئەمىسە ئەتە كۆرىشەيلى ، ئامان بولۇڭ！ خوشلۇشۇپ بولۇپ ئۆزەمنى ئورۇندۇققا تاشلىدىم. ئاھ خۇدا، ماھىرە راستىنلا ئۇ يەرگە بارارمۇ؟ ئەجەبا ماڭا بولغان مۇھەببىتى شۇنچىلىكمىدۇ؟ئەمدى بىزنىڭ بۇ ئائىلىمىز شۇنداقلا ۋەيران بولۇپ كىتەرمۇ؟......ياق-ياق، ئۇ ھەرگىزئۇنداق قىلمايدۇ، بۇلارنىڭ ھەممىسى چاخچاق، كەچتە ئۆيگە قايتىپ كېلىپ”مەنچۇقاراڭ، ئۈرۈمچىلىك بىر ئەخمەقنىＱＱدا كولدۇرلىتىپ قويسام ئەتە كەچ بۇ يەرگە كېلىدىغان بولدى“ دەپ قاقاخلاپ كۈلىدۇ... شۇلارنى ئويلاپ ئۆيگە يېتىپ كەلگىنىمنى تۇيماي قاپتىمەن.ئۆيدە ماھىرە تاماق ئېتىۋاتاتتى، مېنى كۆرۈپ بورۇنقىدەكلا ”قايتىپ كەلدىڭىزمۇ؟“دەپ قويۇپ ئىشىغا كىرىشىپ كەتتى. مەنمۇ”ھەئە“دەپلا مېھمانخانا ئۆيگە كىرىپ تېلىۋىزورنى ئېچىپ قويۇپ ئولتۇردۇم. تېلىۋىزور مېنى كۆرىۋاتامدۇ ياكى مەن تېلىۋىزورنى كۆرىۋاتامدىمەن بىلگىلى بولمايتتى . كەچلىك تاماقمۇ يىيىلىپ بولدى، لېكىن ماھىرە ئۇ ئىشلار توغرىسىدا گەپ قىلىدىغاندەك ئەمەس ئىدى. ياكى كۆڭلىدە جىملا بېسىقتۇرۋىتەي دەۋاتقاندۇ،دەپ ئويلاپ يېتىپ قاچانلادىدۇر ئۇخلاپ قاپتىمەن. ئەتىسى پۈتۈن بىر كۈن ئىشخانىدا ھەرخىل خىياللاربىلەن ئولتۇرۇپتىمەن. ”ماھىرە راستىنلا ئۇ يەرگە بارامۇ؟……“ ئىشتىن چۈشۈشكە ئاز قالغاندا ماھىرەدىن تېلىفۇن كەلدى： ـــ ۋەي، تۇرسۇن، بىر خىزمەتدىشىمىز ئەتە ئوقۇشقا ماڭماقچىتى، شۇڭا ئىدارىدىن ئۇزۇتۇش چېيى بېرىدىكەن، ئىدارىدىكى ھەممىمىز شۇ يەرگە بارىدىكەنمىز، كەچلىك تامىقىڭىزغا توڭلاتقۇدىكى  ئەتىگەنكى تاماقتىن ئېپ قويغان، شۇنى ئىسىتىپ يەپ تۇرارسىز، مەن كەچرەك قايتىمەن. قورققان جىن ئاخىرى كەلدى، ئۇنىڭ قىلىۋاتقان ئىشىغا ئەمدى تاقەت قىلالمىدىم، چۈنكى ئاياغ ئاستى قىلىنىۋاتقىنى پەقەت ئائىلىمىزنىڭ كەلگۈسىلا ئەمەس ، بەلكى مېنىڭ ئەرلىك غورورۇم ئىدى. مېھمانخانىنىڭ ئالدىغا كېلىپ دالدىراق بىر جاينى تېپىپ ئەتراپنى كۈزەتتىم. ئادەم ئانچە كۆپ ئەمەس ئىدى، ئۇمۇ تېخى كەلمىگەندەك قىلاتتى.ئويلاپ قالدىم： ”راستىنلا ئۇزۇتۇش چېيىغا كەتكەن بولسىچۇ؟ ئەگەرشۇنداق بولسا بەكمۇ ياخشى بولاتتى، لېكىن ئۇنداق بولماي بۇ يەرگە كەلسىچۇ؟ “يەنە ئويلاشقا جۈرئەت قىلالمىدىم-دە، ئاسمانغا قاراپ نىدا قىلدىم: ” ئېھ ئاللا، ماھىرەنىڭ كۆڭلىگە ئىنساپ سالغىن، ئۇ بۇ يەرگە كەلمىسۇن، بولمىسا ئۇنى ئۆلتۈرۈپ قويۇشۇم مومكىن“. مېھمانخانىنىڭ ئالدىغا بىر تاكسى كېلىپ، ئاستا ئىشىكى ئېچىلدى.پۈتۈنلەي ئۆزەمنى يوقۇتۇپلا قويدۇم، ئۇ ماھىرە ئىدى. ئۇ ماشىنىدىن چۈشۈپلا ئەتراپقا سىنچىلاپ قاراشقا باشلىدى، ئېنىقكى ئۇ”ئېسىلزادە يىگىت“نىڭ ماشىنىسىنى ئىزدەۋاتاتتى. يېرىلىپ كېتەي دەۋاتقان غەزىپىمنى تەستە بېسىپ ئۇتەرەپكە قاراپ ماڭدىم. ماھىرە مېنى كۆرۈپ شۇنداق چۆچۈپ كەتتى ،لېكىن چاندۇرماسلىق ئۈچۈن دەرھاللا ئۆزىنى ئوڭشىۋالدى. ـــ بۇ يەردە نىمە قىلىۋاتىسەن؟ـــ دىدىم مەن ئۆزەمنى زورىغابېسىپ تۇرۇپ. ـــ بىر... بىر خىزمەتدىشىم بىلەن مۇشۇ... مۇشۇ يەردە ئۇچرىشىپ بىللە چايغا بارماقچىدۇق،ـــ دىدى ئۇ دۇدۇقلاپ تۇرۇپ. ـــ ئۇچراشماقچى بولغىنىڭ خىزمەتدىشىڭمۇ ياكى ئېسىلزادە يىگىتىڭمۇ؟ ـــ نىمە؟......سىز... ـــ ئېتىلغىنىمچە ئۇنىڭ ئاغزىغاغەزەپ بىلەن بىر تەستەك سالدىم ۋە ئۆزەمنى تۇتىۋالالماي تىللىغىنىمچە يىقىلىپ ياتقان ماھىرەنىڭ ئۇدۇل كەلگەن يېرىگە تېپىشكە باشلىدىم. دەل شۇ چاغدا ئىككى ئامانلىق ساقلىغۇچى كېلىپ ماڭا ئېسىلدى . ـــ قويىۋەت....قويىۋېتىش مېنى..... ئۆلتۈرىۋىتىمەن بۇ پاسكىنىنى.... بىراق ئۇلار مېنى قويىۋېتىش ئۇياقتا تۇرسۇن قاراۋۇلخانىغا سۆرەپ دىگۈدەك ئەپكىرىشتى： ـــ نىمىشقا ئۇ قىزنى ئۇرىسەن؟ ـــ نىمىشقا ئۇرمايدىكەنمەن ، ئۇ دىگەن مېنىڭ خوتۇنۇم...... ـــ..........“ ئاللىقاچان كىرىپ بولغان تاماقلار سوۋۇپ يىگۈسىزھالەتكەكېلىپ بولغانىدى. بۇ ۋاقىتتا مەن تۇرسۇنغا ياكى نەسىھەت قىلىشنى ياكى” قويىۋەت ئۇنداق خوتۇننى“ دىيىشنى بىلەلمەي قالدىم. ئارىمىزدا ئېغىر جىمجىتلىق ھۈكۈم سۈرمەكتە ئىدى........           مەنبە：ئۆزۈم             باشقۇرۇش ئەسكەرتىمىسى ؛ئىملا خاتالىقى ھەددىدىن زىيادە كۆپ بولۇپ كېتىپتۇ .تەھرىرلەپمۇ ئاران مۇشۇنچىلىك قىلالىدۇق،.دىققەت قىلغايسىز

qaplin

	سەن قىلساڭ قىلىسەن ... خوتۇنۇڭ قىلسا چىدىمايسەن ؟؟؟؟؟؟؟

篮球美女

	ئاھ خۇدا مانا شۇنداق قىلىپ بېچچارە ماھىرەمۇ ئۇ يەرگە ئالدىنىپ بىىپ قىلىپ ئىرىنىڭ ئالىدىغا كەپ قاپتۇ ئەمەسمۇ ئەنە خۇدا ساقلسىۇن شۇنداق سەت ئۇچىرشىپ قىلىشتىن جۇما . لېكىن بۇ ئۇسۇل بىلەن مۇھەببىتىمنى بىر سىناپ باقمىسام بولماپتۇ ..................... بۇ ھىكايە شۇنداقلا ئاخىرلاشتىمۇ ؟ بولسا داۋامى بولغان بولسا بىر كىنو قىلىپ ئىشلەشكە خام ماتىرىيال ئىكەنتۇق .

篮球美女

	ھى ھى ھى ...........ماۋۇ ئىنكاسنىڭ جىنى بار جۇما ھە ئەمدى ئۆزىڭىزدىن بىر سوراپ بىقڭە قىنى ؟ ئەگەر ئىككىڭلانىڭ ئورنى ئالمىشىپ قىلىپ ئۇ بارغان بولسا سىزنى كىلەرمۇ دەپ سىز قانداق قىلاتتىڭىز  ؟ ھە قاچان بىر تالاي يالغان گەپلەرنى قىلىپ ئالداپ كىلەر ئىدىڭىز ئۆيگە .

narkos

	مۇشۇ QQ دېگەن نەرسىنىزە    زامانىمىزدىكى ئاشكارا شەيتان.

qaplin

	مەن ئىشلىتىۋاتقان

qaplin

	مەن ئىشلىتىۋاتقان چ چ دىكى ھەر قانداق قىزنى مەن ئۆز كۆزۈم بىلەن كۆرۈپ باققان ، ناتۇنۇش قىزلارنى مەن ئاللىقاچان چ چ دىن چىقىرۋەتكەن .مۇناسىۋەتسىز ئادەملىرنىڭ چ چ دا مىنى ئەقمەق قىلىشىنى خالىمايمەن ، شۇ قاتاردا مۇنبەرداشلارنىمۇ چىقىرۋىتىپ تاشلاپتىمەن مىنى كەچۈرۈڭلەر ھە سۈيۈملۈك مۇنبەرداشلار

1670154432

	مۇشۇ تور  دىگەن نەرسىمۇ ،قايسى تەرەپكە ئىشلەتسە شۇ تەرەپكە ماڭىدىغان نەرسىكەن ،شۇڭا ھەمىمىز دىققەت قىلمىساق بولمايدىكەن .بۇ بىر ئىبرەتىلك تېما بوپتۇ.

anihinim

	نەپسى دىگەن بالادۇر،ھەر كويلارغا سالادۇر. بىر ئوبدان تۇرمۇشىنى ۋەيران قىپتۇ.توي قىلىپ بولغان ئادەم يات ئەرلەر بىلەن ＱＱدا پاراڭلىشىپ نىمە قىلىدۇ؟قارىغاندا كۆپرەك،ئوبدانراق ئىبرەت ئالساق بولغۇدەك.

anihinim

	ئەسەرنى ياخشى يىزىپسىز. خېلى راۋان چىقىپتۇ. تىخىمۇ تىرىشىڭ!