ئەدەپ_ئەخلاقلىق قىز بولۇڭ

suhayla

	سۆيۈملۈك قىزچاق، ئۆزىڭىزنىڭ بۇ دۇنياغا قىز بولۇپ كۆز ئاچقىىنىڭىزدىن سۆيۈنەمسىز؟    ئۆزىڭىزنىڭ مۇلايىم، ئەپۇچان، مېھرىبان. سەۋرچان، چىداملىق، گۇزەل ئەخلاقلىق چوڭ بولغىنىڭىزدىن  پەخىرلىنەمسىز؟ ئۆز_ئۆزىڭىزگە يارايدىغان بولغىنىڭىزدىن رازىمۇ؟     ئەلۋەتتە، تۇغۇلغىنىڭىزدىن باشلاپلا زىممىڭىزگە يۈكلەنگەن ئېغىر پەرھىز_ۋەزىپىلەرنى ئادا قىلىش، ھارامدىن ساقلىنىش، ئەدەپ_ئەخلاقلارنى جايىدا بەجا كەلتۇرۇش بىلەن بىللە ئۆزىڭىزدىكى ئىللەتلەرنى تۈزىتىپ، قەلبىڭىزنى تازىلاپ، نەپەس پاكلانغاندىلا، بەختكە ئېرىشىشنىڭ يولىنى تاپقانلىق بولىدۇ. ساغلام، پاك ئېتىقادنى، دۇرۇس گۇزەل ئەخلاقنى ئۇل قىلمىسىڭىز قۇرۇق شاخنىڭ مېۋە بېرىشىدىن ئۈمىد كۇتكىلى بولمىغاندەك ئىش بولمامدۇ. ئېڭىمىزدا ئەخلاق قارىشىنى ھەقىقىي تۇرغۇزۇپ ھاياتىمىزنى چۇلغىۋالغان غەلدە_غەشلەردىن بالدۇرراق پاكلانساق، ئەخلاق ئۆلچىمى، ئەدەپ مىزانلىرىغا ھەر ۋاقىت ئەمەل قىلالىساق، ئاندىن ئىسمى_جىسمىغا لايىق دىلنى لال قىلىدىغان گۈزەل قىز بولماي قالاتتىڭىزمۇ؟ ئەخلاق ئىنسان تەبىئىتىگە ئورۇنلىشىپ كەتكەن ھالەت بولۇپ،ئۇ ياخشى ياكى يامان، چىرايلىق ياكى سەت بولسۇن ھەرىكەت سۇپىتىدە ئاشكارە بولىدۇ، ئۇ ئىنسان تەبىئىتىدىن ياخشى_يامان تەربىيەنىڭ تەسىرىنى قۇبۇل قىلىدۇ. ئىنساننىڭ روھىي دۇنياسىدىن بارلىققا كەلگەن گۇزەل ئەخلاق  دەپ ئاتالغان ئاشۇ ئىش_ھەرىكەتلەر ھايالىق بولۇش، كەڭ قورساق بولۇش، سەۋرچان بولۇش، چىداملىق بولۇش قاتارلىق ئەخلاقىي پەزىلەت ۋە روھىي مۇكەممەللىكلەردىن ئىبارەت بولۇپ، ئەگەر ئىنسان تەبىئىتىگە سەل قارالسا ئۇنىڭدا گۇزەل ئەخلاق بولمايدۇ.      بۇرۇننىڭ بۇرۇنىسىدا ئاجايىپ سەلتەنەتلىك ئۆتكەن بىر پادىشاھ  بولۇپ، ئەل ئىچى تىنچ، پۇقرالىرى باياشات ئىكەن. بۇنىڭدىن پادىشاھمۇ، پۇقرالارمۇ رازى ئىكەن. پۇقرالار پادىشاھتىن سۆيۈنۈپ، ئۇنىڭغا كېچە_كۈندۈز دۇئا قىلىپ تىنچ_.ئامانلىقنى، ئۇزۇن ئۆمۈر كۆرىشىنى تىلەيدىكەن. بۇنىڭدىن پادىشاھ تولىمۇ مىننەتدار بولسىمۇ، بىر ئىشتىن كۆڭلى تولىمۇ  بىئارام بولىدىكەن. بىراق، بۇ پەرىشانلىقنى ھېچكىمگە بىلدۈرۈشنى  خالىمايدىكەن. كۈنلەر ئۆتۇپ پادىشاھمۇ، خانىشمۇ قېرىپتۇ. كۆڭلىدىكى پەرىشانلىق بولسا پەقەتلا تۇگىمەپتۇ. بىر كۈنى پادىشاھ ناھايىتى سەھەر تۇرۇپ ئوردىنىڭ ئۆگزىسىگە چىقىپ بىر_بىرلەپ ئۆچۈشكە باشلىغان يۇلتۇزلارنى ساناشقا باشلاپتۇ. سانىغابسىرى كۆڭلى يېرىم بولۇپ يىغلاپ كېتىپتۇ. يىغلىغانسىرى ئۆزىنى زادىلا تۇتۇۋالالماي بار ئاۋازىنى قويۇۋېتىپ تەڭرىگە نالە قىلىپ پەرزەنت ئاتا قىلىشنى تىلەپتۇ.پادىشاھنىڭ ئاۋازىنى ئاڭلىغان كىشىلەر پادىشاھقا قوشۇلۇپ دۇئا قىلىپتۇ. پادىشاھمۇ يىغىدىن توختاپتۇ. بۇ گەپ قۇلاقتىن قۇلاققا تارقاپ شەھەرنى بىر ئاپتۇ. كۇنلەرنىڭ ئۆتۈشىگە ئەگىشىپ مۆجىزە يۇز بېرىپ خانىش ھامىلدار بوپتۇ. پادىشاھ ئاخىر ئەۋلادىم بار بولىدىغان بولدى دەپ خۇشاللىقىدىن شاھزادىگە قاداق ئىسىم قويۇش، قانداق تەربىيەلەش توغرىسىدا ئويلىنىپ يۇرگەن كۇنلەرنىڭ بىرىدە خانىش شاھزادە ئەمەس گۇزەل مەلىكە تۇغۇپتۇ. مەلىكىنىڭ تۇغۇلغانلىقىنى ئاڭلىغان پادىشاھ شۇنداق خۇشال بوپتۇ ۋە دەرھال مەلىكىنىڭ يېنىغا كىرمەي، ئوردىنىڭ ئۆگزىسىگە چىقىپتۇ. ئۇ:      _ئېھ تەڭرىم ماڭا پەرزەنت ئاتا قىلغىنىڭغا رەھمەت، ماڭا مۇشۇ يېشىمغا كەلگىنىمدە پەرزەنت ئاتا قىلغىنىڭغا مىڭ مەرتىۋە رەھمەت،_دەپ ياش تۆكۈپتۇ. كىم ئويلىغان، تۇيۇقسىز بىر نىدا ئاڭلىنىپ:      _ھەي پادىشاھ، پەرزەنتىڭنىڭ ئوغۇل بولماي قىز بولۇپ قالغىنىغا ئۆكۈنۈۋاتامسەن-قانداق؟_دەپتۇ.      بۇنى ئاڭلىغان پادىشاھ قورققىنىدىن غال-غال تىترەپ:      _يوقسۇ، يوقسۇ، ئۇ مېنىڭ يۈرەك پارەم، جانجىگىرىم، ئۇنى ياخشى تەربىيلەيمەن، مەن شۇ ئەلنىڭ غېمىنى قىلىپ ئوغۇل بولغان بولسا، ئورنۇمغا ۋارس بولسا، مەن پۇقرالىرىمغا كۆيۈنگەندەك، پۇقرالىرىمغا باش بولسا دەپ ئويلاپتىمەن،_دەپتۇ.      _قىزىڭنى گۈزەل ئەخلاقلىق تەربىيەلە، ئاندىن باشقا ئىشلاردىن غەم قىلما. سەن ئۇنى يامان ئىشتىن توسۇپ ئەخلاقلىق قىلىپ تەربىيەلە،. جەننەتكە كىرگۇزىدىغان ئەڭ ياخشى ئەمەللەرنىڭ بىرى گۈزەل ئەخلاق!_دەپلا بۇ نىدا يوقاپتۇ.      شۇنىڭ بىلەن پادىشاھ قىزىنى كىچىكىدىن باشلاپلا  ئەخلاقلىق-ئېتىقاتلىق تەربىيلەشكە باشلاپتۇ. مەلىكىمۇ كىچىكىدىن باشلاپلا  دۇنياۋى ئىشلارغا نىيىتىنى دۇرۇس تۇتۇپ، قولىدىن كېلىشىچە ياخشى ئىشلارنى قىلىپ، ھەر جەھەتتىن يېتىشىپ ئاتىسىنىڭ ئاخىرقى ۋارىسى بوپتۇ. ئانچە ئۇزۇن ئۆتمەيلا ئەل ئارىسىدىن تاللانغان جورىسىغا تاقۇتەختىنى تاپشۇرۇپ ئۆزىنىمۇ، ئەلنىمۇ رازى قىپتۇ.       ئەلۋەتتە بىر قىزنىڭ گۈزەل ئەخلاققا ئىگە ياكى ئىگە ئەمەسلىكىنى ئۆلچەش ئۈچۈن ئۇنىڭ ئالەمنى زىلزىلىگە سالغۇدەك ئىشلارنى قىلغانلىقىغا ئەمەس، بەلكى كۇندىلىك تۇرمۇشىنى قانداق ئۆتكۈزگەنلىكىگە قاراش كېرەك. گۈزەل ئەخلاققا ئىگە بولۇش دىگەنلىك گۈزەل ئەخلاققا كىرىۋېلىش دېگەنلىك ئەمەس، بەلكى ئۆزىڭىزنى ئۆزگەرتىپ گۈزەل ئەخلاقلىق قىز بولۇشتۇر. باشقىلارنىڭ ئىككىنجى بىر ئادەمنى ياخشى دېمىكى ئوڭاي ئەمەس. ئەڭ ياخشىسى ئۆزىڭىزنىڭ ياخشى قىز بولمىقىدۇر. گۈزەل ئەخلاققا ئېتىقات قوشۇلسا ئاخىرىدا ئەپ كېلىدىغىنى پايدىلىقتۇر. گۈزەل خۇلقۇڭ ئەجىر ئەڭ كۆپ بېرىلىدىغان پەزىلەت، چۈنكى گۈزەل ئەخلاققا گۈزەل پەزىلەتلەرنىڭ ھەممىسى  جەملەنگەن.      ئادەم بالىسىنىڭ قەدىر-قىممىتى، ھۆرمىتى ئۇنىڭ ئەخلاقىغا قاراپ بەلگىلىنىدۇ. گۈزەل ئەخلاقلىق ئادەم ئەڭ مۆتىۋەر بولۇپ، ئەخلاقسىزلار خەلىق ئالدىدا قەدىرسىز. گۈزەل ئەخلاقنى ياش ۋاقتىدىن باشلاپلا ئۆگىنىش كېرەك. ئەخلاقسىز قىزلار  ياخشى نام چىقىرالمايدۇ. ئەتىۋارىمۇ بولمايدۇ. گۈزەل خۇلۇقنىڭ ئانىسى ھايا بىلەن ئىپپەتتۇر. بىر قىزدا ھايا بىلەن ئىپپەت بولسا، گۈزەل خۇلۇقنىڭ ھەممىسى ئۇنىڭدا بولىدۇ. كىشى ئۆزىگە-ئۆزى يۈزلەنگەندە نېمىشقا كۆپىنچە خەستە دىل بولۇپ قالىدۇ؟ بۇ ئادەمنىڭ قورساق قايغۇسىدىن يۆتكىلىپ، قەلىپ ئېھتىياجى تەشۋىشىگە چغشكەنلىكىدىن ، جىسىم ۋە جاننىڭ تەڭ ھالىتىگە ئىنتىلگەن ئەمەسمۇ! ئارىلاپ-ئارىلاپ بولۇپمۇ پەسىللەر ئالمىشىۋاتقان ۋاقىتتا ھەممىمىز ئۆيىمىزنى تازىلاپ تۇرغاندەك كىشى ھەم دىلىنى ۋاقتى-ۋاقتىدا تازلاپ تۇرۇشى كېرەك. شەيخ نەجمىدىن كۇبرا ھەزرەتلىرىنىڭ شۇنداق ھېكمىتى بار ئىكەن.«دىل بارلىق قۇسۇرلاردىن پاك ھەم مۇستەسنا بولمىقى لازىم. مۇبادا روھ نەپسانىيەت نەتىجىسىدە داتلىشىپ قالغان بولسا، دىل جىلۋە تېپىشى زۆرۈردۇر. شۇنىڭدا روھ ھەم پاكلىنىدۇ» ئۆزىنىڭ باي مەنىۋىيىتىدىن قۇۋۋەت ئالمىغانلار ئالغا باسالمايدۇ. ئىنسان كۆڭلىدىن ئۆتىدىغان بۇ ئىزتىراپلار ئەسلىدە باكلا مۇرەككەپ جەريان!!!

كارۋان

	بولىدىغان ئەسەرىكەن،مەنبەسى يوق تۇرىدۇ قارىغاندا ئۆزىڭىز يېزىپسىزدە

tatlik0997

	تاتلىق قىزلاردىن بولايلى

yeganayaprak

	راسلا  كىلىش مەنبەسىنى ئىنىق يازماپسىز .قارىغاندا ئۆزىڭىز يازغان ئوخشايسىز ،اللە قولىڭىزغا دەرت بەرمىسۇن . ھەقىقەتەن ياخشى يىزىپسىز . بىراق ئىملا خاتالىقى خىلىلا ئىغىر بوپ قاپتۇ . دىققەت قىلسىڭىز .

kambagal

	ياخشى ،ئۇماق قىزلاردىن بولىڭلار ،ھەرگىزمۇ دىلنار ئابدۇللانىڭ قىزىدەك بولماڭلار ،ئۆتۇنۇپ قالاي!

uzlifa

	بەك ياخشى يىزىپسىز !!!!!!تىرىشىڭ جۇمۇ!

nazila998

	مىللەتنىڭ كىلىچىكى  -  ئانىلارنىڭ قولىدىدۇر  ، ھازىرقى قىزلىرىمىز  كەلگۈسىدىكى ئانا ،

bayawan@

	مانا مۇشۇنداق ئەخلاق، ھايا، ھۆرمەت ھەققىدىكى تىما ئۈستىدە توختىلىۋاتقان تورداشلارغا رەھمەت.

alawidin

	ھەقىقەتەن ياخشى يېزىلغان ئەسەركەن قۇلىڭىزغا دەرت كەلمىسۇن. مەن بىر ئەسەردە قىزلار توغرىسىدا مۇنداق سۆزلەرنى كۆرگەن:دۇنيادا ئاياللار بولغاچ بىز ئەرلەر ئۇچىمىزغا كىيىم كىيىشنى ئۈگەنگەن،ئاياللار بولغاچ بىز ئۈزىمىزنىڭ ئەر ئىكەنلىكىمىزنى بىلگەن......ئۇلارغا كۆپرەك كۆڭۇل بۈلەيلى، ئۇلار بەكمۇ ئۇلۇغ

alimran

	دىلنار ئابدۇللانىڭ قىزى نىمە بولۇپتۇ؟خاپا بولماي ئېيتىپ بەرسىڭىز بوپتىكەن؟