مەن شىئېرگە ئاچ قالغان بۆرە(مۇشائېرە)

YuqunAdam

	مەن شىئېرگە ئاچ قالغان بۆرە مۇشائېرە يوچۇن ئادەم ئۇيقۇم سىڭدى تۈننىڭ قوينىغا، مەزمۇنلاردىن چۈشەيمەن جۆرە. تىللىرىمنى چالاپشىپ تۇرۇپ، مەن شىئېرگە ئاچ قالغان بۆرە. مەن شىئېرگە ئاچ قالغان بۆرە، چاتقاللاردىن ئىزلەيمەن مىسىرا. ئۆلجا چۈشسە قەلبىمگە شۇئان، يۈرەك ئويناق، خىياللار تەرسا. يۈرەك ئويناق، خىياللار تەرسا، پايخانلاردا كەشتىدۇر داستان. ئويناق كۈلۈپ پەش، ئۈندەش، چېكىت، يۈلتۇزلاردىن سەرسانە ئاسمان. يۈلتۇزلاردىن سەرسانە ئاسمان، تۇمانلاردا كوپلىت كۆز ئاچار. مەزمۇنلارغا تويۇنغان مىسىرا، كۆكتە پارلاپ قوياش نۇر چاچار. مۇشائېرە شەكلى بويىچە پۈچەك مەزمۇنلاردىن ساقىت ھالدا داۋاملاشتۇرالايدىغانلار سورۇنغا مەرھەمەت![/align]

musas

	كۆكتە پارلاپ قوياش نۇر چاچار، دىلغا غائىب ئىلھام كەلگەندە. مىسرالارغا سۆيگۇ مۇجەسسەم، تاۋلىنىمەن ھەر بىر كۆرگەندە.

0998waris

	يۇچۇن ئادەمنىڭ يازمىسىغا: كۆكتە پارلاپ قۇياش نۇر چاچار، لىرىكىغا ئايلاندى شائىر . ئىلھام قىزى ئاچار باغرىنى، شىئر زۆھرە بولدى ئۇ تاھىر. شىئر زۆھرە بولدى ئۇ تاھىر، بىر-بىرگە ئاچماقتا قۇچاق. قۇشۇلۇشۇپ سالغاندا گىرە، دۇلقۇنلاپ كۇي ياڭرىدى قۇشاق. نە قۇشاقكى يىتۈك مىسرالار، مەستخوش ئەيلەپ چۈشتى ساماغا. بىتاپ ئەيلەپ يىقىلدى روھلار، يازار بارمۇ ئەمدى داۋاغا.

YuqunAdam

	تاۋلىنىمەن ھەر بىر قەدەمدە، مىسىرالاردا ئوتلۇق باياۋان. كۆپلىتلاردا چاۋاك ئاۋازى، ئاھ، يەنىلا يۈرەك خىرامان.

alif75

	مەن شېئىرغا ئاچ قالغان بۆرە،   ئۇ ئولجىدىن تاپىمەن قۇۋۋەت.   بىر ئاللاغا ئاشىق قەلبىمنى،   جار سالىمەن قۇرلاردا پەقەت.

YuqunAdam

	يازار بارمۇ ئەمدى داۋاغا، بىتاپ كۆڭۈل يارلاندى يۈرەك. سۆيگۈ پەيدا بولدى قاچاندىن، ئاشىق يوقتۇر شىئېردىن بۆلەك. ئاشىق يوقتۇر شىئېردىن بۆلەك، سەۋدا شائېر قۇرلار ئۈستىدە. مازاق قىلار مىسىرا كۆز يۈمۈپ، تۈتقۇ بەرمەي قېچىش قەستىدە. تۈتقۇ بەرمەي قېچىش قەستىدە، شىئېر بولۇپ پۈتىدۇ شىئېر. ياردەمچىدۇر تۇراق، ۋەزىنلەر... ھەممە پۈتەر قالمايدۇ كىبىر.

YuqunAdam

	جار سالىمەن قۇرلاردا پەقەت، مەن ئەزەلدىن ئۆلگەن ھاماقەت. ئۇ دۇنيانى چىللايمەن شۇڭا، كۈتەي جېنىم كەلگىن سالامەت.

0998waris

	ھەممە پۈتەر قالمايدۇ كىبىر، كىبىر دىگەن شائىرغا ياتتۇر. شىئىر سىز ئەل قاغجىراق جەزىر، شىئىر بىلەن روھلار ئاۋاتتۇر. .

musas

	ئاھ، يەنىلا يۈرەك خىرامان، ھىسلىرىمغا بويسۇنماس ئەسلا، خائىن ئىكەن شائېرغا يۇرەك، سۆيگۇ ئۈچۈن يۇرەركەن مەستلا.