ئانىنىڭ ‹‹ يالغانچىلىق ››ى ۋە كۆز يېشى

saytekin

	ئانىنىڭ ‹‹ يالغانچىلىق ››ى ۋە كۆز يېشى تۇنجى قېتىملىق ئاتا–ئانىلار يىغىنىدا ، بالىلار باغچىسىنىڭ ئوقۇتقۇچىسى ئۇنىڭغا : - بالىڭىزنىڭ جىم تۇرالماسلىق كېسىلى بار ، ئورۇندۇقتا ئۈچ مىنۇتمۇ ئولتۇرالمايدۇ ، ئەڭ ياخشىسى ئۇنى دوختۇرخانىغا ئاپىرىپ بېقىڭ ، دېدى . ئۇ ئۆيگە قايتىۋاتقاندا ئوغلى: - مۇئەللىم نېمە دېدى ، دەپ سورىغاندا ، ئۇ ، بۇ گەپنى ئاڭلاپ يىغلىۋەتكىلى تاسلا قالدى . چۈنكى سىنىپتىكى 30 كىچىك دوسىت ئىچىدە ، بالىسىنىڭ ئىپادىسى ئەڭ ناچار ئىدى ؛ مۇئەللىممۇ ئۇ بالا توغرۇلۇق توختالسا قاقشايتتى . ئەمما ، ئۇ يەنىلا بالىسىغا : - مۇئەللىم سېنى ماختىدى ، قۇزام سېنى ئەسلىدە ئورۇندۇقتا بىر مىنۇتلا ئولتۇرالايتتى ، ھازىر ئۈچ مىنۇت ئولتۇرالايدىغان بولدى . باشقا ئانىلار ماڭا ھەۋەس قىلىشىپ قاراشتى ، چۈنكى سىنىپىڭلاردا قۇزام سەنلا ئىلگىرىلەپسەن ، دېدى . شۇ كۈنى كەچتە ، ئۇنىڭ ئوغلى تۇنجى قېتىم ئىككى قاچا ئاشنى يەۋەتتى ، ئانىسىنى يېگۈزۈپ قوي ، دەپمۇ تۇرۇۋالمىدى . ئوغلى باشلانغۇچ مەكتەپتە ئوقۇۋاتقاندا ، ئاتا–ئانىلار يىغىنىدا ئوقۇتقۇچى ئۇنىڭغا : - سىنىپىمىزدا 50 نەپەر ساۋاقداش بار، بۇ قېتىمقى ماتېماتىكا ئىمتىھانىدا ئوغلۇڭىزنىڭ نەتىجىسى 40–ئورۇندا تۇردى ، ئۇنىڭ ئەقلى ئىقتىدارىدا توسالغۇ بارمىكىن ، يەنىلا دوختۇرخانىغا ئاپىرىپ كۆرسىتىپ بېقىڭ ، دېدى . ئۇ ئۆيىگە قايتىۋاتقاچ يەنە يىغلاپ كەتتى . ئەمما ، ئۆيىگە كەلگەندە ئۆگىنىش قىلىۋاتقان ئوغلىغا قاراپ : - مۇئەللىم ساڭا بەك ئىشىنىدىكەن ، ئۇ سېنى دۆت ئەمەس ، سەل ئەستايىدىل بولسىلا بىللە ئولتۇرىدىغان ساۋاقدىشىدىن ئېشىپ كېتىدۇ ، دېدى . بۇ قېتىم ئۇ ساۋاقدىشىڭ سىنىپ بويىچە 21–ئورۇنغا تىزىلىپتۇ ، دېدى . بۇ سۆزنى قىلىۋاتقاندا ، ئۇ بالىسىنىڭ نۇرسىز كۆزلىرىنىڭ نۇرلىنىپ كەتكەنلىكىنى ، ئۆزىنىڭ يىغلامسىرىغان چىرايىدا بىردىنلا خۇشاللىق جىلۋە قىلغانلىقىنى ھېس قىلدى . ئۇ يەنىلا ئوغلىنىڭ مۇلايىملىشىپ كەتكەنلىكىنى ، ئوغلىنىڭ بىردىنلا چوڭلاپ قالغانلىقىنى بايقىدى.ئەتىسى ئوغلى ئادەتتىكى چاغلارغا قارىغاندا ، مەكتەپكە بۇرۇنراق ماڭدى . ئوغلى تولۇقسىز ئوتتۇرا مەكتەپتە ئوقۇۋاتقاندا ، يەنە بىر قېتىم ئاتا–ئانىلار يىغىنى ئېچىلىدى . ئۇ ئوغلىنىڭ ئورۇندۇقىدا ئولتۇرۇپ ، مۇئەللىمنىڭ ئوغلىنىڭ ئىسمىنى ئاتاپ چاقىرىشىنى كۈتتى . چۈنكى ھەر قېتىملىق ئاتا–ئانىلار يىغىنىدا ، ئوغلىنىڭ ئىسمى ئارقىدا قالغانلارنىڭ ئىسمى قاتارىدا چاقىرىلاتتى . ئەمما ، بۇ قېتىم ئۇنداق بولمىدى . يىغىن تۈگىگەنگە قەدەر ئوغلىنىڭ ئىسمى پەقەتلا تىلغا ئېلىنمىدى . ئۇ بىر ئاز ئويلىنىپ ، مۇئەللىمدىن سورىدى ، مۇئەللىم ئۇنىڭغا : - ئوغلىڭىزنىڭ ھازىرقى نەتىجىسىدىن قارىغاندا ، نۇقتىلىق تولۇق ئوتتۇرا مەكتەپكە ئۆتۈشى سەل قىيىن ، دېدى . ئۇ ھەيران بولۇپ مەكتەپتىن چىققاندا ، ئوغلى ئۇنى كۈتۈپ تۇراتتى .ئۇ يولدا كېتىۋېتىپ ، ئوغلىنى قۇچاقلاپ چەكسىز شاتلىققا چۈمدى . ئۇ ئوغلىغا : -سىنىپ مۇدىرى سەندىن بەك رازى ئىكەن ، ئۇ سېنى تىرىشسىلا نۇقتىلىق تولۇق ئوتتۇرىغا ئۆتۈشىدە ئۈمىد چوڭ دەيدۇ ، دېدى . تولۇق ئوتتۇرا مەكتەپنى پۈتكۈزگەنلەرگە تۇنجى تۈركۈمدە ئالىي مەكتەپلەر ئوقۇغۇچى قوبۇل قىلىش ئۇقتۇرۇشىنى ئەۋەتكەندە ، مەكتەپ ئۇنىڭ ئوغلىنى چاقىرتتى . ئۇ ، ئوغلى چىڭخۇائۇنىۋېرسىتېتىغا قوبۇل قىلىنغاندەك تۇيغۇدا بولدى . چۈنكى ئىمتىھانغا تىزىملاتقاندا ، ئۇ ئوغلىغا بۇ مەكتەپكە ئۆتەلەيدىغانلىقىغا ئىشىنىدىغانلىقىنى ئېيىتقان ئىدى . ئوغلى مەكتەپتىن قايتىپ كېلىپلا ، چىڭخۇا ئۇنىۋېرسىتېتى ئوقۇغۇچى قوبۇل قىلىش ئىشخانىسىنىڭ تامغىسى بېسىلغان ئالاھىدە تېز يوللانمىنى ئۇنىڭ قولىغا تۇتقۇزۇپلا ، توساتتىن تېز ئارقىغا بۇرۇلۇپ ، ھوجرىسىغا يۈگۈرۈپ كىرىپ ئېسەدەپ يىغلاپ كەتتى . ئۇ بىر تەرەپتىن يىغلاپ ، بىر تەرەپتىن : -ئانا بىلىپ تۇرۇۋاتىمەن ، مەن ئانچە ئەقىللىق بالا ئەمەس ، ئەمما بۇ دۇنيادا سەنلا ماڭا بەخت ئاتا قىلالايسەن.... دېدى . بۇ چاغدا ئانىنىڭ قەلبىگە غەم–قايغۇ بىلەن بەخت–سائادەت ئارلىشىپ كەتكەندەك بولدى . چۈنكى ئون نەچچە يىلدىن بۇيان ، ۋۇجۇدىغا مۇجەسسەملەشكەن كۆز ياشلار قولىدىكى كانۋېرتنىڭ ئۈستىگە تارام–تاراملاپ ئېقىپ چۈشتى مەنبە: http://www.sayram.biz

lalizar0902

	ئانىنىڭ بالىنى « ئالداپ» ئىلھاملاندۈرىشى نەتىجىسىدە ئوغلى چىڭ خۇا ئۇنۋېرستىتىغا ئۆتكەن. دىمەك بالا تەربىيسىدە، ئىلھاملاندۇرۇش بەك مۇھىم. ئەگەر شۇ ئانا ئوقۇتقۇچىنىڭ گىپىنى ئاڭلىغاندىن كىيىن ئوغلىنى تەنقىت قىلىپ ، ۋاقىراپ -جاقىراپ تىللىغان بولسا ئەكسىچە ئۈنۈم بىرەتتى.

axikim721

	بۇ ئانىنىڭ بالا تەربىيلەش ئۇسۇلى بەكمۇ ياخشى ئىكەن، ناۋادا بىز بۇ ئانىنىڭ قىلغىنىنىڭ ئەكچىسە بالىمىزنى ۋۇ دۆت ، سىنىڭ نەتىجەڭ بەك ئارقىدا ئىكەن، بۇنىڭدىن كىيىن سىنىڭ ئاتا-ئانىلار يىغىنىغا بارمايمەن، كىم بارسا بارسۇن، ئادەمنىڭ يۈزىنى تۆكۈپ، ساڭا شۇنداق ياخشى شارائىتنى يارىتىپ بەرسەممۇ.......دىگەندەك تەنە گەپلەرنى ياغدۇرۋەتسەك بالىدا چۇقۇم ئەكىس تەسىر بېرىشى مۇمكىن....................

nazila998

	<1> بالىلار ماختاش ۋە ئىلھاملاندۇرۇش ئىچىدە يېتىلسە ئۆزىگە ئىشىنىشنى ئۈگۈنۈۋالالايدۇ.         <2> بالىلارنى باراۋەرلىك ئىچىدە چوڭ قىلسا ،ئادىللىقنى ئۈگۈنۈۋالالايدۇ.        <3> بالىلارغا مۇكاپاتلاشنى ئۈگەتسە،ئۆزىنى ھۆرمەتلەشنى ئۈگۈنۈۋالالايدۇ.        <4> بالىلارنى چىدام-غەيرەتلىك قىلىپ تەربىلىسە،سەۋىر تاقەتنى ئۈگۈنۈۋالالايدۇ.

yeglemayman0997

	ئاپتور جاۋابىنى بويلاپ 2قەۋەت  axikim721 كە 2011-08-03 08:50 PMئەۋەتىلدى  : بۇ ئانىنىڭ بالا تەربىيلەش ئۇسۇلى بەكمۇ ياخشى ئىكەن، ناۋادا بىز بۇ ئانىنىڭ قىلغىنىنىڭ ئەكچىسە بالىمىزنى ۋۇ دۆت ، سىنىڭ نەتىجەڭ بەك ئارقىدا ئىكەن، بۇنىڭدىن كىيىن سىنىڭ ئاتا-ئانىلار يىغىنىغا بارمايمەن، كىم بارسا بارسۇن، ئادەمنىڭ يۈزىنى تۆكۈپ، ساڭا شۇنداق ياخشى شارائىتنى يارىتىپ بەرسەممۇ.......دىگەندەك تەنە گەپلەرنى ياغدۇرۋەتسەك بالىدا چۇقۇم ئەكىس تەسىر بېرىشى مۇمكىن.................... دېگىنىڭىز توغرا بالىغا ئىلھام بەرمەي ئەكىسچە ئۇلارنى تىللاپ ئۇرسا ئۇ بالا تېخىمۇ دەرىسكە قىززىقماس بولۇپ كېتىپ كېيىنكى كۈنلەردە ئۆزىنىڭ توغرا يولىنى تېپىپ ماڭالمايدىغان ئادەم بولىدىغىنى ئېنىقلا،شۇڭا ئامال بار بالىغا تەن جازاسى بەرمەي چىرايلىق گەپلەر بىلەن بالىنى قايىل قىلسا بولىدۇ.

1670154432

	مەنمۇ ئۇگۇنۇپ قۇيسام بولغىدەك ،خېلىلا ئاساسى بار يالغانچىلىق ئىكەن ،

kokatirgol

	بالىنىڭ ئۆزىگە بۇلغان ئىشەنچىنى تۇرغۇزۇشى ،باشقىلارنىڭ ئىلھاملاندۇرۇشىغامۇھتاج. بۇ نىمە دىگەن ئەقىللىق ئانا!

adiladil

	بۇ ئانىنىغا قايىل بولدۇم ،مىللەتنىڭ ئۈممەتنىڭ ئانسى .تىمىڭىزغا رەخمەت.

qin-kalib

	ئانا ھەقىقەتەن ئەقىللىق ئىكەن  ،ئاشۇنداق پەزىلەتلىك ئانا بولالامدىم

elijan

	ئۇ ئانىغا ھەقىقەتەن قايىل بولدۇم .  ئائىلە تەربىيىسى بىرىنجى ئوروندا تۇرىدۇ دىگەن راس گەپلەر ئىكەن .

xahida223

	ئەجەپ ياخشى ئەسەركىنا . كېچىكىپ كۆرۈپ قاپتىمەن دىسە.

爱在酒乡

	بىزدەك كەلگۈسىدە ئاتا ئانا بولغۇچىلاركۆرۈپ ئىسىدە مەھكەم ساقلاپ قويۇشقا تېگىشلىك ياخشى ئەسەركەن.

gulanbar

	بۇ ماڭا  بالا تەربىيلەشتىكى چوڭ بىر تەجىربە بولدى

پەرىزات

	شۇنداق، بالىلار ھىچ بولمىغاندا ئاتا- ئانىسىنىڭ ئۈزىگە ئىشىنىشىگە مۇھتاج. بالىلارغا ئۆز ئاتا- ئانىسىنىڭ ئىشەنمەسلىكى ھەممىدىن ئېغىر كېلىدۇ. مېنىڭكىمۇ بىر ئىنىم بار ئىدى. ئوقۇتقۇچىسى دائىم ئاتا- ئانامنى چاقىرتىپ يامان گەپلەرنى قىلاتتى. ئۇلار ئىنىمغا تەربىيە قىلاتتى. بىراق مەن ئالى مەكتەپكە كەتكەن  يىلى قىشتا ئۆيدىن چىقىپ كېتىپ، مەكتەپتىمۇ ئوقۇيالمىدى. ھەممە ئاتا- ئانا ئۆز بالىسىنى ياخشى كۈرىدۇ، بىراق ھەر ۋاقىت ئىشىنىشى ناتايىن، ئۇلارنىڭ سەبى قەلبى قاتتىق ئازار يىگەندىلا ئاندىن مېھىر- مۇھەببەتنى باشقا يەردىن ئىزدەيدۇ. ھازىرغىچە ئاشۇ ئىنىمنى ئويلىسام بەكلا بىئارام بولىمەن.