يۇرت سۆيگۈسى

subihan

	يۇرت سۆيگۈسى نەسىر        ئۈستى قارلىق چوققا ،ئاستى باغۇ - بوستانلىق ،گۈزەل تاغۇ - دەريالىرى كىشىنى رام قىلىدىغان ،سېھىرلىك كۈچكە ئىگە يايلاق ماكانى --غۇلجا،   مېنىڭ يۇرتۇم ......       مەن يۇرتۇمنى سۆيىمەن .ساپ ھاۋالىق ،باغۇ - بوستانلىق قورالىرىغا ئېگە ،خەلقى ئەمگەكچان يۇرتۇمنى سۆيىمەن . يۇرت سۆيگۈسى مېنى قەلەم ئېلىشقا ،يۇرتۇمنى مەدھىلەشكە بۇيرىدى . مەن قەلەمنى قولۇمغا ئالدىم - دە ،يۇرتۇمغا بولغان سېغىنىش مېنى جىم تۇرغۇزمىدى .      ئەنە قاراڭ ، غۇلجا خەلقىنىڭ ئىشچانلىقىغا !  سەھەر تۇرۇپ ھويلا - ئاراملارنى سۇ سېپىپ سۈپۈرۈپ، ھەر بىر ئىشىك ئالدىدىن ئۆتكەنلەرگە پاكىزلىق ئاتا قىلىشىغا ، قورۇدىكى تال - باراڭلىرىغا ، ئۆزىنى كۆتىرەلمەي بولۇپ كەتكەن مېۋىلىك دەرەخلىرىگە !      ھەر بىر غۇلجا خەلقىنىڭ قورۇسىغا قەدەم باسسىڭىز لا رەيھاننىڭ مەززىلىك ھېدى ،قۇشلارنىڭ تىنىمسىز سايراشلىرى ،رەتلىك سەرەمجانلاشتۇرۇلغانلىقىدىنلا ،ئۇلارنىڭ پاكىزە ، ئىشچانلىقىغا قول قويماي تۇرالمايسىز  !     ئەنە قاراڭ ،ئاۋۇ يايلاقلارغا !... ...     پانسىز دالا ،قىشمۇ ياز ياشىرىپ ،سىزگە ھاياتى كۈچ ئاتا قىلىدىغان قارىغايلارنىڭ خۇددى چېگرا جەڭچىسىدەك قەددىنى تىك تۇتۇپ تۇرۇشى ،سىزگە ھەرۋاقىت ھاياتتىن ئىلھام بېرىدۇ ...     ئەنە قاراڭ ،چەكسىز كەتكەن تاغ باغرىدىكى ئەگىز سۇلارغا !  تاشتىن تاشقا ئۇرۇلۇپ ، ھەيۋەت بىلەن مارجان چاچرىتىپ ئېقىۋاتقان دەريا سۇلىرى ،ئۆزىنىڭ سۈزۈكلىكى بىلەن سىزگە راھەت ، ئارام بەخش ئېتىدۇ . ئۆزىڭىزنى خۇددى بىر ، شۇ سۇدەك  سۈزۈك سەبى بالىلاردەك ھېس قىلىسىز  . .ىختىيارسىز بالىلىقىڭىزغا قايتىسىز -- دە ،سۇ ئىچىدىكى ئەركىن بېلىقتەك ئۈزۈشكە باشلايسىز !     ئەنە قاراڭ ، ئاۋۇ تاغ باغرىدىكى ماراللارغا . ئەنە ،ئەنە ئاۋۇ يەردىن بىر چىرايلىق توشقان دىك - دىك قىلىپ كۆز ئالدىڭىزدىن ئۆتۈپ كەتتى . قوزىچاقلارنىڭ قىن - قىنىغا پاتماي قېيغىتىشىدىن سىز نېمىلەرنى ئويلىدىڭىز ؟!     ھە ، بەلكىم سىزمۇ  شۇ توشقان ، قوزىچاقلاردەك يايلىغىڭىز كېلىۋاتقاندۇ --ھە !    ئېھ ، ئانا يۇرتۇم ! گۈزەل غۇلجام !    سېنىڭ ھەر چىمدىم توپاڭ ،ھەربىر گىياھلىرىڭنى تەرىپلەپ - تەرىپلەپ سېنىڭ گۈزەللىكىڭنى تېخىمۇ ئەۋجىگە چىقىرىشقا قەلىمىم ئاجىز ... ...    ئانا يۇرتۇم ، گۈزەل يۇرتۇم ! باغرىڭدا تايچاقمەن ، ئەركىن پەرۋاز قىلغۇچى  ، خوشال قىيغىتىپ ئوينىغۇچى ئەركە بالاڭمەن ....     ئېھ ، ئانا يۇرتۇم !... ...

Eltekin

	يۇرت قەدرىنى بىلمەس، ئۆز يۇرتىدىن ئايرىلمىغان. كۆپ كىشى ئۆزگە يۇرتنى، ئانا ماكانغا تەڭ قىلمىغان. بولسىمۇ قانچە گۈزەل، ئەگىسىمۇ زەرۇ-گۆھەر، ياقا يۇرتنىڭ مېھرى يوق، سېلىشتۇرساڭ ھەقىقى گەر. [mp3=1]http://www.xinyihundian.com/syWebEditor/UploadFile/纯音乐-爱的梦中婚礼.wma[/mp3]

sword

	مەنمۇ غۇلجىدىن نەسىرىڭىزنى ئوقۇپ مەندىكى ئىپتىخارلىق تۇيغۇسى تېخىمۇ كۈچەيدى.

subihan

	رەھمەت سىلەرگە !   ئەلتىكىن رەھمەت سىزگە ،ئەجەپمۇ ياخشى موزىكا كىرگۈزۈپ قويۇپسىز .

asrari

	گۈلىستان باغلرىڭدىن، زىمىستان چۆللىرىم ياخشى. ھەيۋەتلىك تاغلىرىڭدىن، يۇرتۇمدا دۆڭلىرىم ياخشى. ـــــــــــ ئەسرارى ـــــــــــــــــ