كۆڭلى يۇمشاق بۇلاڭچى

hasalharisi

	مەلۇم بىر ئەر ئوغرىلىق قىلماقچى بولغان، بىراق بايقىلىپ قالغاندىن كېيىن قولىغا پىچاق ئېلىپ زىيانكەشلىككە ئۇچرىغۇچىنى پۇل چىقىرىشقا قىستىغان، بىراق ئۇ زىيانكەشلىككە ئۇچرىغۇچىدىن پەقەت 20 كويلا تەلەپ قىلغان. ئۇنىڭ بۇلىغىنى بىر نامرات ئوقۇغۇچى بولۇپ، بۇلانغاندىن كېيىن بۇ نامرات بالا بۇلاڭچىغا قاراپ يىغلاشقا باشلىغان، ئوقۇغۇچىنىڭ يىغىسىغا چىدىمىغان بۇلاڭچى ئىچى سىيرىلىپ ئۇنىڭغا 100 كوي بەرگەن. بۇ بىر ھېكايە ئەمەس، بەلكى جاڭجىياجې شەھىرى يوڭدىڭ رايونلۇق جامائەت خەۋپسىزلىك ساقچى تارماق ئەترىتى تاپشۇرىغان بىر قېتىملىق ھەقىقى دىلو ئەھۋالى. 19 ياشلىق ۋاڭ X كۈنبويى بىكار تەلەپلىك قىلىپ كۈن ئۆتكۈزىدىغان بولۇپ، تورغا چىقىشقا ئامراق ئىكەن، پۇلى قالمىغان چاغدا قولىغا چىققان نەرسىنى ئوغرىلاپ ساتىدىكەن، ئۇنىڭ بۇ ئادەتلىرى مەمۇرى جەھەتتىن تۇتۇپ تۇرۇلغاندىن كېيىنمۇ ئۆزگەرمىگەن، ھەمدە پىچاق كۆتۈرۈپ بۇلاڭچىلىق قىلىشقا باشلىغان. ساقچىنىڭ دېيىشىچە، ۋاڭ X ئۇ ئوقۇغۇچىغا ھېسداشلىق قىلىپ پۇلنى ئوقۇغۇچىغا قايتۇرۇپ بەرگەن، بىراق ئۇنىڭ قىلمىشى يەنىلا قانۇن بويىچە بىر تەرەپ قىلىنىشى كېرەك ئىكەن. بۇلاڭچىلىق قىلغان چاغدا، پىچاق كۆتۈرگەن قول توختىماي تىترەپ تۇراتتى 7-ئاينىڭ 25-كۈنى سەھەر سائەت 1 دىن كېيىن، جاڭجىياجې شەھىرى يوڭدىڭ رايونى، مەلۇم ئولتۇراق رايون بىناسىنىڭ ئۈچىنچى قەۋىتىدە ئولتۇرىدىغان لىيۇ ئەپەندى ھاۋا بەك ئىسسىپ كەتكەچكە، كارىۋاتتا ئۇيان بۇيان ئۆرۈلۈپ پەقەت ئۇخلىيالمايۋاتاتتى، تۇيۇقسىز ئۇنىڭ قۇلىقىغا ئىشىكنىڭ غىچىرلىغان ئاۋازى كىرىپ قالدى، ئەندىشە قىلغان لىيۇ ئەپەندى كارىۋاتتىن چۈشۈپ پەم بىلەن ئىشىكنى ئېچىپ قاراپ باقماقچى بولدى، بۇ چاغدا ھاجەتخانا ئىچىدىن بىر ئەر تۇيۇقسىز سەكرەپ چىقىپ قولىدىكى چەيدونى تەڭلەپ تۇرۇپ، لىيۇ ئەپەندىمنى ئۆزىگە يېقىنلاشماسلىققا ئاگاھلاندۇردى. لىيۇ ئەپەندى مىدىرلاشقا جۈرئەت قىلالمىدى، بۇ ئەرنىڭ بويى 1 مېتىر 70 سانتىمېتىر ئەتراپىدا، سەل ياداڭغۇ، قارىماققا 20 ياشلارغا بارمىغاندەك كۆرۈنەتتى،  بۇ ئەرنىڭ بەدىنىنىڭ ئۆزىنىڭچىلىك قاۋۇل ئەمەسلىكىنى كۆرگەن لىيۇ ئەپەندىمنىڭ كۆڭلى سەل ئارامىغا چۈشتى ۋە ئۇنىڭغا: سەن دەرھال كەتكىن، مەنمۇ سېنى قىيىن ئەھۋالدا قويماي - دېدى. بىراق ئۇ ئەر بۇنىڭغا قوشۇلمىدى ۋە لىيۇ ئەپەندىمگە پەقەت تاماق يىگۈدەك 20 كوي پۇل بەرسە بولىدىغانلىقىنى، بولمىسا ئۆزىنىڭ كەتمەيدىغانلىقىنى ئېيتتى. لىيۇ ئەپەندىم ئۇنىڭ بىلەن پاراڭلاشقاچ ئۇنىڭ دىققىتىنى بۇراپ تۇردى، ھەمدە بىرلا ۋاقىتتا لىيۇ ئەپەندىمنىڭ ھۇشيار قىز دوستى ناھايىتى تېزلا ساقچىغا مەلۇم قىلدى. خەلق ساقچىلىرى نەق مەيدانغا يېتىپ كېلىپ، ھاجەتخانىغا يوشۇرىنىۋالغان ئەرنىڭ قولىدىكى چەيدونى ئېلىۋېلىپ ناھايىتى تېزلا ئۇنى بويسۇندۇردى. نامرات ئوقۇغۇچىنىڭ 100 يۈەن پۇلىسىنى ياندۇرۇپ بېرىش ۋەننىيەن(توقۇلما ئىسىم) بولسا بىر نەپەر قىز ئالىي مەكتەپ ئوقۇغۇچىسى بولۇپ، لىيۇ ئەپەندىمنىڭ ئۆيىنىڭ ئاستىنقى قەۋەتتە ئۆي ئىجارە ئېلىپ تۇراتتى. ساقچىلار جىنايەت گۇماندارىنى تۇتۇپ يالاپ ئېلىپ ماڭغاندا، ئۇ تۇيۇقسىز ھەيران قالدى، چۈنكى بۇ ئەر، دەل نەچچە كۈن ئالدىدا ئۇنى بۇلىغان ئەر شۇ ئىدى. 7-ئاينىڭ 22-كۈنى كەچ سائەت 10 ئەتراپىدا، ۋەننىيەن تازىلىق ئۆيىدە يۇيىنىۋاتاتتى، يۇيۇنۇپ بولغان ۋەننىيەن تازىلىق ئۆيىنىڭ ئىشىكىنى ئېچىپلا چۆچۈپ ۋاقىراپ كەتتى، چۈنكى ئىشىك سىرتىدا بىر ياش ئەر قولىدا چەيدو تۇتۇپ ئۇنىڭغا قاراپ تۇراتتى. ۋاقىرىغان ئاۋازنى ئاڭلىغان قوشنا قەۋەتتىكى ئۆي ئىگىسى ئۇنىڭدىن نېمە ئىشلىكىنى سورىغان بولسىمۇ، بىراق چەيدو كۆتۈرۈپ تۇرغان ئەر ۋەننىيەنگە ئاۋاز چىقارماسلىقنى شەرەت قىلىپ تۇرغاچقا، ۋەننىيەنمۇ ئۆي ئىگىسىنىڭ سوئالىغا ھېچنىمە دەپ جاۋاپ بېرىپلا قۇتۇلدى. ۋەننىيەن چەيدو كۆتۈرىۋالغان ئەرنى باشلاپ ئۆزىنىڭ ياتاق ئۆيىگە كىردى ۋە پورتمالىنى چىقىرىپ ئىچىدىن 100 كوي پۇلنى ئېلىپ بۇلاڭچىغا سۇندى: مېنىڭ مۇشۇ 100 كويلا پۇلۇم قالغان ئىدى. ئەر ئۇنىڭ سۆزىگە ئىشەنمىدى ۋە پورتمالنى بۇلاپ ئېلىپ يەنە 100 كوي پۇل تېپىپ يانچۇقىغا سالدى. ئۈستەل ئۈستىگە بىر دانە يانكومپيۇتېر قويۇلغان ئىدى، بۇلاڭچى ئۇنى كۆرگەندىن كېيىن قولىنى سوزۇپ ئالماقچى بولدى. بۇ ۋەننىيەننىڭ ئۆگىنىش قىلىشتا لازىم قىلىدىغان زۆرۈر نەرسىلىرىنىڭ بىرى ئىدى.  ئۇ جىددىلىشىپ ۋاقىرىغىنىچە: ئۇنى ئەكەتسەڭ بولمايدۇ! - دېدى. ئەر بۇنى ئاڭلىغاندىن كېيىن  كومپيۇتېرنى ئاستا جايىغا قويۇپ قويدى. ئەر ئەمدى كېتەي دەپ تۇرغاندا، ۋەننىيەن كۆزىگە ياش ئېلىپ تۇرۇپ: پۇلنىڭ ھەممىسىنى ئەكەتسەڭ، مېنىڭ بۇ ئايدىكى تۇرمۇش پۇلۇم يوق بولىدۇ، مەن قانداق قىلىمەن؟ - دېدى. ئەر نەچچە سىكونت ئىككىلەنگەندىن كېيىن، يانچۇقىدىن 100 كوي پۇلنى چىقىرىپ ئۇنىڭغا ياندۇرۇپ بەردى ۋە تامدىن ئارتىلىپلا قېچىپ كەتتى. بۇلاڭچى تۇتۇلغاندىن كېيىن ساقچىخانا ئېلىپ بېرىلىپ سوراق قىلىندى، ئۇنىڭ فامىلىسى ۋاڭ بولۇپ، بۇ يىل 19 ياش، ساڭجى ناھىيىسىدىن ئىكەن. ساقچىلار ناھايىتى تېزلا ئەھۋالنى چۈشەندى، بۇ يىل 6-ئاينىڭ 8-كۈنى سەھەر سائەت 3 تە، ۋاڭ X بىر ساياھەت ئاپتوبۇسىدا بىردانە GPS يول باشلىغۇچنى ئوغرىلىۋالغان، چارلاش ساقچىسى تەرىپىدىن بايقالغاندىن كېيىن، جامائەت خەۋپسىزلىك خادىملىرى ئۇنى تۇتۇپ كەتكەن. ۋاڭ X نىڭ ئاتا - ئانىسى خېلى يىللار بۇرۇنلا قازا قىلىپ كەتكەن بولۇپ، ئاكىسىمۇ دائىم سىرتلاردا ئىشلەمچىلىك قىلىدىكەن، خىزمىتى يوق ۋاڭ X تۇرمۇشتا قاتتىق قىينالغان، قورساق مەسىلىسىنى ھەل قىلىش ئۈچۈن، ئۇ دائىم جاڭجىياجې شەھىرى ئىچى ۋە ساڭجى ناھىيىسى ئارىسىدا قاتناپ يۈرۈپ ئوغرىلىق قىلغان. بىراق ھەر قېتىم ئوغرىلىق قىلىپ چوقۇم مۇۋاپىقىيەت قازىنىش ئۇنچە ئاسان ئەمەس، ئۇنىڭ ئۈستىگە ھەر كۈنى تۇرمۇش ئۇنداق ئېسىل ئۆتىۋەرمەيدۇ، ۋاڭ X ئوغرىلىق قىلغانسىرى، ئۇنىڭغا پۇل شۇنچە لازىم بولۇپ كەتكەن. شۇنىڭ بىلەن ئۇ نىيتىنى تېخىمۇ چوڭ نەرسىلەرگە بۇزماقچى بولغان، ساياھەت ئاپتوبۇسىدىن GPS يول باشلىغۇچىنى ئوغرىلاپ 44 كۈندىن كېيىن، ۋاڭ X قولىغا چەيدو ئېلىپ ۋەننىيەننىڭ ئۆيىگە تامدىن ئاتلاپ كىرىپ بۇلاڭچىلىق قىلغان ۋە بۇلاپ چىققان 100 كويغا كېچىچە تورخانىدا ئوينىغان، ئۇنىڭدىن كېيىن تاماق يەپ، تاماكا چېكىپ، ياتاق ئېچىپ 100 كويمۇ بىردەمدە پاك-پاكىز تۈگىگەن. قورسىقى بىر كۈن ئاچ قالغان ۋاڭ X ئامالسىز يەنە تام ئاتلاپ لىيۇئەپەندىمنىڭ ئۆيىگە بۇلاڭچىلىققا كىرگەن ۋە قولىغا چەيدو ئېلىپ ئۇنىڭدىن قورساققا تاماق يىگۈدەك 20 كوي بېرىشنى تەلەپ قىلغان. «بۇلاڭچىلىق قىلغاندا، پەقەت 20 كويلا تەلەپ قىلغان، نامرات ئوقۇغۇچىنى بۇلىغاندا بولسا، 100 كوي پۇلنى قايتۇرۇپ بەرگەن، بۇ ئۇنىڭ يەنىلا ۋىجدانى بارلىقىنى چۈشەندۈرىدۇ، بىراق ئۇنىڭ قىلمىشى قانۇنغا خىلاپ بولغاچ، يەنىلا قانۇن بويىچە بىر تەرەپ قىلىنىدۇ» دېدى ساقچى  . مەنبە: news.ifeng.com

KURAX.JAN

	بىر قېتىمدا كۆپرەك بۇلاپ . ئاندىن بۇلاڭچىلىق قىلمىسا بولمامدۇ . 20 يۇەن مۇ بۇلامدۇ دەيمدن ؟

nazila998

	توۋا ئادەم مۇنداق گەپلەرنىمۇ ئاڭلايدىكەن دىسە

شاتمەن

	نامراتراتلارغا ئېتىۋار قىلىدىغان بۇلاڭچىكەن ، باشقا‹‹ بۇلاڭچىلار ››بۇگۇينىڭ ئىش ئىزلىرىدىن ئۈگۈنۈپ قانائەتچان بولسا بولغىدەك .

wazipa

	ھەرقىسما ئىشلار بارئىكەن

m@jnun

	قانداق بۇلاڭچى بۇ . مىەندىنمۇ 20 يۈئەن بۇلاپ مەن يىغلىغاندىن كىيىن 100 يۈئەن بەرسە بوپتىكەن

hasalharisi

	پاراكتىكانت بۇلاڭچىدەك قىلىدۇ.

爱情真善美

	magapni  korug      bulagqimu   paraktika  kilamda  ??????????