تارىختىكى بۈگۈن(29-ئىيۇل)

tumurkala

	1986-يىلى بۈگۈنكى كۈندە، ئېلىمىزنىڭ ئاتاقلىق يادرو ئالىمى دىڭ جياشەن 62 يېشىدا ۋاپات بولغان. دىڭ جياشەن 1924-يىلى 6-ئايدا ئەنخۇي ئۆلكىسىنىڭ خۇەينىڭ ناھىيىسىدە تۇغۇلغان. ئۇ تۇغۇلۇپ ئۇزۇن ئۆتمەي ئائىلىسى بىلەن بېيجىڭغا كۆچۈپ كەلگەن، دادىسى دىڭ يىجې چىڭخۇا ئۇنىۋېرسىتېتى ۋە بېيجىڭ ئۇنىۋېرسىتېتىنىڭ پروففىسورى بولغان. شۇڭلاشقا دىڭ جياشەن ئائىلە مۇھىتىنىڭ تەسىرىدە كىچىكىدىن بىلىمگە ئىشتىياق باغلاپ، تىرىشىپ ئۆگەنگەن. ئۇ 1941-يىلى دۆلەت ئىگىلىكىدىكى غەربىي جەنۇب بىرلەشمە ئۇنىۋېرسىتېتىغا قوبۇل قىلىنغان. ئوقۇش پۈتتۈرگەندىن كېيىن، بىر مەزگىل ئوقۇتقۇچىلىق قىلغان. 1948-يىلى، ئۇ ۋەتەننىڭ كېيىنكى تەرەققىياتىغا كۈچ قوشۇش ئۈچۈن ئامېرىكىغا بېرىپ بىلىم ئاشۇرغان. 1950-يىلى يېڭى جۇڭگو قۇرۇلغاندىن كىيىن، دەرھال ۋەتەنگە قايتىپ كېلىپ، جۇڭگو پەنلەر ئاكادىمىيىسىنىڭ فىزىكا تەتقىقات ئىشخانىسىدا خىزمەت قىلغان. 1972-يىلى دىڭ جياشەن يادرو قورال تەتقىقاتخانىسىنىڭ مۇئاۋىن مۇدىرى ۋە مۇدىرى بولۇپ ئىشلەپ، ئېلىمىزنىڭ يادرو تەرەققىياتىغا بىر ئۆمۈر قان-تەرىنى تەقدىم قىلغان. 1984-يىلى بۈگۈنكى كۈندە، ئېلىمىز تەنھەرىكەت تارىخىدا خاتىرلەشكە ئەرزىيدىغان بىر خوشاللىق يۈز بەرگەن، ئېلىمىزنىڭ قارىغا ئېتىش تەنھەرىكەتچىسى شۈ خەيفىڭ 23-نۆۋەتلىك ئولىمپىك تەنھەرىكەت مۇسابىقىسىنىڭ قارىغا ئېتىش مۇسابىقە تۈرىدە 566 ھالقا نەتىجە بىلەن باشقا دۆلەتلەردىن كەلگەن داڭلىق ماھىرلارنى يىڭىپ، ئېلىمىز ئۈچۈن تۇنجى ئولىمپىك ئالتۇن مېدالىنى قولغا كەلتۈرگەن. بۇ ئېلىمىزنىڭ 1932-يىلى تۇنجى قېتىم ئولىمپىك تەنھەرىكەت مۇسابىقىسىگە قاتناشقاندىن بۇيان قولغا كەلتۈرگەن تۇنجى ئالتۇن مېدالى، بۇنىڭ بىلەن جۇڭگو ئولىمپىك تارىخىدىكى ئالتۇن مېدال يوق بولۇش تارىخىغا خاتىمە بېرىلدى. 1981-يىلى بۈگۈنكى كۈندە، ئەنگىلىيە ئايال پادىشاھى ئېلزابىتىنىڭ ئوغلى شاھزادە چارلىس بىلەن مەلىكە دىئاننا لوندۇن سان پېتىربورگ چىركاۋىدا توي قىلغان. ئەينى ۋاقىتتا شاھزادە چارلىس 32 ياشقا كىرگەن بولۇپ، ئەنگىلىيە پادىشاھلىق ئورنىنىڭ بىرىنچى ۋارىسى ئىدى، مەلىكە دىئاننا بولسا 19 ياشقا كىرگەن بولۇپ، گىراف سىپىنسىرنىڭ قىزى، بۇرۇن لوندوندىكى بىر يەسلىدە ئوقۇتقۇچى بولغان. ئۇلار 1981-يىلى 2-ئاينىڭ 24-كۈنى توي قىلىدىغانلىقىنى جەمئىيەتكە ئېلان قىلغان. بۇ ئەنگىلىيە خان جەمەتىنىڭ 300 يىلدىن بۇيان تۇنجى قىتىم ئاقسۆڭەك ئائىلىسى بىلەن توي قىلىشى، شۇنداقلا 400 يىلدىن بۇيان ئەنگىلىيە پادىشاھلىق ۋارىسىنىڭ تۇنجى قېتىم سان پېتىربورگ چېركاۋىدا توي مۇراسىمى ئۆتكۈزۈشى، شۇڭلاشقا بۇ قېتىمقى توي مەرىكىسى پۈتۈن دۇنيانىڭ دىققىتىنى تارتتى، كىشىلەر ئۇلارنىڭ تويىنى ئەسىر تويى دەپ ئاتاشتى. 1996-يىلى7-ئاينىڭ 15-كۈنى، ئەنگلىيە شاھزادىسى چارلىز بىلەن خانىش دىئاننا ئاجراشقان. شۇ كۈنى لوندون يۇقىرى دەرىجىلىك خەلق ئىشلىرى سوتى ئالاھىدە دىلوسىغا ھۆكۈم چىقارغان. ئاجرىشىش سوتىغا بۇ ئىككەيلەن قاتناشمىغان. پەقەت ئاجرىشىش توختامىغا ئىمزا قويغان. دىئاننا 17 مىليون فوندستېرلىڭلىك بېقىش خىراجىتىگە ئېرىشكەن. ئىككەيلەننىڭ ئاجرىشىش سەۋەبلىرى كۆپ بولۇپ، ئاساسلىقى چارلىز شاھزادىنىڭ كامىلا بىلەن بولغان خۇپىيانە مۇھەببىتى ئىدى. ئەينى ۋاقىتتا چارلىز پەقەت دىئاننانى خان جەمەتىنىڭ بۇيرۇقى بويىچىلا ئەمرىگە ئالغان بولۇپ، كامىلانى ئىزچىل ياخشى كۆرۈپ كەلگەن. دىئاننا 1997-يىلى 8-ئاتنىڭ 31-كۈنى پارىژدا قاتناش ۋەقەسىدە قازا قىلغان. 1856-يىلى بۈگۈنكى كۈندە، گېرمانىيەلىك ئاتاقلىق كومپوزىتور، مۇزىكا ئوبزورچىسى روبېرت.شۇمان 46 يېشىدا ۋاپات بولغان،　شۇمان 1810-يىلى گېرمانىيەدىكى بىر كىتاب سودىگىرى ئائىلىسىدە دۇنياغا كەلگەن، كىچىكىدىن رومانتىك ئەدەبىياتنىڭ تەسىرىگە ئۇچراپ، مۇزىكانت بولۇشقا بەل باغلىغان. 1930-يىلىدىن باشلاپ مۇزىكا كەسپى بىلەن شۇغۇنلانغان. ئۇ ئۆمرىدە 100دىن ئارتۇق مۇزىكا ئەسىرى ئىجاد قىلغان. ئۇنىڭ داڭلىق ئەسەرلىرىدىن «قارا، قىزىل، سېرىق». «كېپىنەك»، «شائىرنىڭ مۇھەببىتى»، «ئاياللارنىڭ مۇھەببەت ۋە تۇرمۇشى» قاتارلىقلار بار. مەنبە:جۇڭگو ئۇيغۇرچە رادىيو تورى

azizanakaxkar

	رەھمەت سىزگە خىلى نۇرغۇن بىلىملەرگە ئىگە بولۇپ قالدىم ئەمما لىكىن بىزنىڭ تارىخلارمۇ بولغان بولسا نەقەدەر ياخشى بولغان بولاتتىدە ھەي..... مەن تىخى يازالمايدىكەنمەن، ئەجىرىڭىزگە رەھمەت

nurlan888

	ھە بلىۋالدىم

kuraxqan

	ئاتۇم. يادرو . دىگەن نەرسلەر پايدىسدىن زىينى كۇپ نەرسلەر.دونيا خەلقىگە نورغون بالايى ئاپەتلەرنى كەلتۇرگەن. موستىبت زالىملار ئۇچۇن ياخشى.كەڭ خەلىق ئاممسى ئۇچۇن ئاپەت.

assalam.uygur

	ماڭا پايدىسى يوق،ئىشلار كەنغۇ بۇ.