ھىجران بۆشۈكىدىكى ئېغىر تىنىقلار

suzuk-ay

	ھىجران بۆشۈكىدىكى ئېغىر تىنىقلار ئايزۆھرە ئابدۇمىجىت (سۈزۈك ئاي) سۆيگۈنىڭ تۇغۇلغان كۈن [align=justify]   ھاياتنىڭ ئالتۇن سائىتى ئەمدىلا ياشلىق مىنۇتلىرىنى چىكىلداتقاندا ،تەقدىرنىڭ ئورۇنلاشتۇرشى بىلەن بىز تۇنجى رەت ئۇچراشتۇق.سەن شۇ چاغدا مۇشتۇمۇڭنى مەھكەم تۈگۈپ ،يېشىل رەڭلىك قەلەمنى چىڭڭىدە تۇتۇۋاپسەن.ئەسلىدە سەن ئىنسانىيەتنىڭ ئۆلمەس روھى ئىكەنسەن.ئەشۇ قەلەملىرىڭىدىن تامغان ھەر بىر مىسرا تۇمۇرلىرىدا غۇرۇرۇڭ شەپەق قىزىلىدەك قىپقىزىل نۇرلىرى بىلەن تۇمان باسقان دىللارغا نۇر ئاتا قىلىدىكەن . بىر جۈپ قارا كۆزلىرىڭدە ۋىجدان يىگىتىنىڭ نۇقسانسىز سۆرىتى چىكىلگەن بولۇپ ،بۇنى مەن بوۋامنىڭ پاك روھىدىن كۆرگەن ئىدىم . ئەمدى بۇ ئۆچمەس روھ ساڭا كۆچۈپتۇ. چىن تۆمۈر قىسىللىرى ، ئانا يۇرت خاتىرلىرى يۈرىكىڭدە مۆھۈردەك ئۇيۇلغان بولسا كېرەك، ھەر بىر سۆزلىرىڭ ماڭا بۇنى ھېكايەت قىلىپ سۆزلەپ بېرەتتى... سەن ئەنە شۇ ھېكمەتلىك ھېكايەتلەر بىر-بىرىمىزگە مۇھەببەتنىڭ نازۇك ئۇچىنى باغلاپ قويۇپتۇ.   قاچانلاردا يۈرىكىمگە سۆيگۈ سىماھىڭنى سىزىپ قويغىنىڭنى بىلمەيمەن. خىجىلچان ھېسلار ماراپ تۇرغان بىر جۈپ قارا كۆزلىرىڭدە مۇھەببەتنىڭ بىلىنەر -بىلىنمەس خىرە يالقۇنى ئەمدىلا يالقۇنجاشقا باشلىغاندا، يۈرىكىم ئاللىمۇقاچان سۆيگۈ گۈلخانلىرىدا چاراسلاپ كۈيۈپ بوپتۇ. ئەنە شۇ دەقىقىدىن باشلاپ مەن سۆيگۈڭنىڭ قولىغا ئايلىنىپ بوپتىمەن. مەن سېنى سۆيەتتىم.يۈرىكىمدىن تىنىمسىز ئېقىۋاتقان مۇھەبەت بۇلاقلىرىنىڭ سۈپسۈزۈك لىۋىنى تەشنالىق بىلەن سۆيگەندەك ، چىن مۇھەببەتنىڭ مۇقەددەس كارۋانلىرىغا ئەگەشكەن ئادىمىيلىك ئالىمىنىڭ پىداكىرانە روھىنى ساپ پەزىلىتىم بىلەن سۆيگەندەك سۆيەتتىم.مال-دۇنيا باقىۋەندە بولمايدىغان بۇ دۇنيادا سېنىڭ سۆيگۈڭدىن باشقىسى ماڭا ئارتۇقچە ئەمەسمۇ؟ سۇلايمان چېغىدا ئىككى قولىنى تاۋۇتتىن چىقىرىپ قويۇپ كەتتىغۇ ئەنە ؟... سۆيگۈ بار يەردە ھەممە بولىدۇ،ئۇ بارچە بايلىقنىڭ تۈگىمەس خەزىنىسى.     «ئاشىقلىق يولى _ ئازاپ يولى» نېمىدىگەن دانا ھېكمەت -ھە! كۈندۈزى ناتىۋان چېھرىمنى ساختا تەبەسسۇمغا زورلاپ زورىغا كۈلۈپ قويىمەن. تۈن شەپەقنى قوينىغا ئېلىپ، زىمىننى قارا پەردىگە ئورىغاندىن باشلاپ ، سېغىنىش ھېسلىرى بىلەن لىق تولغان كۆز ياشلىرىم بىلەن ئەسرارلىشىپ چقىمەن.    مەن كۆيۋاتىمەن، كۆيۋاتىمەن... كۆز ياشلىرىمدا كۆيۋاتىمەن. غېرىبان ھۇجرامدا ھەممە نەرسە مەن بىلەن تەڭ كۆيمەكتە...كۆزۈمدىن ئاققىنى سۈزۈك ياش ئەمەس ،بەلكى قارا ھىجران بىلەن بويالغان قىپقىزىل قان... بۇ ئاشكارلانمىغان مۇھەببەتنى يۈرىكىمنىڭ چوڭقۇر قاتلىرىغا مۆكتۈرۈپ قويدۇم. بۇ ئۇلۇغ يۇشۇرۇش ئىدى...   سەن يۈرىكىمدە ئۇيقۇسىمان سەبىئى ھېسلىرىمنى ،نازۇك تۇيغۇلىرىمنى تۇنجى بولۇپ ئويغۇتۇپ ، مېنى ياشلىقنىڭ تاتلىق خىياللىرىغا كۆمۈپ قويدۇڭ... كۈنلەر بىر-بىرىدىن قىزغىن ئۆتمەكتە ... قېرىغان يىللار بىلەن تەڭ سېنىڭ يۈرىكىمدىكى ئورنۇڭ تېخىمۇ چوڭقۇر چۆكۈشكە باشلاپتۇ.تەڭرىنىڭ مەندەك مەسۇم بەندىسىگە ئىچىم ئاغىردىمۇ -قانداق،يۈرىكىمدە كۆيۈۋاتقان پاك سۆيگۈ قىپقىزىل گۈلخانلىرىدىن مەشئەل كۆتۈرۈپ ،سېنىڭ توختىماي سوقۇۋاتقان ياش يۈرىكىڭگە قىزىل چوغىدىن يالقۇنلىرىنى تۇتاشتۇرۇپتۇ. سەن ئەشۇ خىجىلچان كۆزلىرىڭنى ماڭا تىكىپ ،سۆيگۈ دۇنياسىدىكى شۇ سۆزنى ئېيىتقىنىڭدا ،كۆ چاناقلىرىمدىن توختىماي سىرغىۋاتقان ھەسرەت ياشلىرى خۇشاللىق ياشلىرىغا ئالماشقان ئىدى. ئەنە شۇ دەققىدىن باشلاپ بىز گويا پەرھات بىلەەن شىرىندەك مۇھەببەت ئالىمىدە چاقنىغان بىر جۈپ نۇرانە يۇلتۇزغا ئايلاندۇق. ئەنە شۇ كۈندە ئىككىمىزنىڭ سۆيگۈسى دۇنياغا كۆز ئاچتى. مانا بۇ سۆيگۈنىڭ تۇغۇلغان كۈنى ئىدى. سېغىنىش بىلەن ئۆتكەن كۈنلەر [align=justify]  بەزىدە تەقدىرنىڭ كاچىتىغا نەچچىنى سالغۇم كېلىدۇ.ئەمدىلا باشلانغان بۇ ياش مۇھەببەت رەھىمسىز رىئاللىقنىڭ ۋاقىتلىق ئايرىمىقى بىلەن ھىجرانلىق كۈنلەرگە تۇتقۇن بولماقتا ... ئايرىلىش ۋاقىتلىق بولسىمۇ ئەمما سەندىن يىراقلاشقانسېرى ،خۇددى مەڭگۈلۈك خوشلىشىدىغاندەك ھېس قىلاتتىم. سېغىنىش ،ئەسلەش ماڭا ھەر كۈنى يوقلىما...يۈرىكىمدە توختاپ قالغان ھەسرەت كەلكۈنى قايتا مەۋج ئۇرۇپ ،باغرىمنى قىيان قىلماقتا...     يىغلاۋاتىمەن... ئاسمانمۇ مەن بىلەن بىللە يىغلىماقتا. پىغاننىڭ ئاچچىق ھارارىتىدە تۇپراقتىن يانار تاغلار تاشماقتا ،چاقماق چاقماقتا.يەر تەۋرەپ دېڭىزلار تاشماقتا... ئاھ ،سەنسىز كۈلەر ماڭا قىيامەت ئەمەسمۇ ؟   سېنى سېغىنىپ ئېيىتقان ناخشامغا قۇلاق سال ئەزىزىم .ئۇنىڭ لىرىك كۈيلىرى ۋۇجۇدۇڭنى تەۋرەتتىمۇ ؟ بىلىمەن، سۆيگۈڭ قاردەك ئاق ۋە پاك. مېھىر يىلىنجاپ تۇرغان كۆزلىرىڭدە خىيالەن مەن كەشتىلىنىپ قاپتىمەن. ئۇ ئۇنتۇلماس سۆرەتكە ئايلانغاندا ،تاتلىق خىياللار يۈرىكىڭگە باستۇرۇپ كىرىپ سېغىنىش ئۇچقۇنداۋاتقان تۈنلىرىڭدىكى قارا ھىجراننى ۋاقىتلىق ئۆچۈرۈپ قويىدۇ.    مەن ساڭا توختىماي پىچىرلاۋاتىمەن. ئەلەملىك پىچىرلاشلىرىمدا سېغىنىش ئوتتەك چاراسلاپ گۈلخانغا ئايلانغان. ماڭا سوۋشد قىلغان ئەتتىرگۈلنىڭ بەرگىدە ئارمانلىرىم قان رەڭگىدە جۇلا قىلىپ ، سېغىنىپ سوۋۇشقا باشلىغان يۈرىكىمنى قايتا نۇرغا چۈمكىۋەتتى. يۈزىمدە چمىلداۋاتقان خىجىللىق نۇرى غېرىپلىقىمغا قوشۇلۇپ ،ئىتەكلىرىمگە سىڭىپ كىرمەكتە . سۆيگۈ_ ئۇ مۇقەددەس ئوت. . . ناۋادا مۇشۇ ئوت بولمىغان بولسا ئىنسانلار دۇنياغا يارالمىغان بولاتتى...    كەل! مېنىڭ سۆيۈملۈك تاھىرىم ، مەن سېنىڭ زۆھرەرىڭ بولاي. بىز بىللە سۆيگۈ دۇنياسىدا پاك مۇھەببەتنى ئاپىرىدە قىلايلى. بىزدىكى سىماھ تاھىر-زۆھەدىكى پاك روھ ... ئۇ مەڭگۈ مۇھەببەت ئالىمىدە يادلىنىدۇ. ئەشۇ مۇھەببەت ئالىمىدە چاقناپ تۇرغان بىر جۈپ شەھلا كۆز دەل مەن. ئۇنى كۆڭۈل ئۇپۇقلىرىغا يۇلتۇز قىلىپ ئاس،ئۇ چۇقۇم ئىككىمىزنى تاھىر _زۆھرەدەك ئاشىق بەتلىرىدە نۇرغا چۈمكەيدۇ. كۈلرەڭ كۈنلەرنىڭ قايتا نۇرغا چۆمۈلۈپ ، كۆڭۈل ئاسمىنىدا ئالتۇن رەڭ قۇياشنىڭ بۇ قارا كۈلەرگە قايتا كۆز ئېچىشنى كۈتىۋاتىمەن. كۆز يېشى بىلەن يېزىلغان خەت [align=justify]  ساڭا خەت يېزىۋاتىمەن.سىياھ  بىلەن ئەمەس كۆز يېشىمدا ئۆكسۈپ-ئۆكسۈپ تۇرۇپ خەت يېزىۋاتىمەن. يىراق قىرلاردا بىغۇبار ئارمانلىرىم ئاقار يۇلتۇزدەك ئۆچمەكتە... پىنھان ئازاپلار سېنى مەندىن تارتىۋېلىش قەستىدە بولماقتا...    مەن ئايرىلىشتىن ئىبارەت بۇ ئاچچىق سىناقنى كۈتىۋالدىم ... ئاھ،ئايرىلىش مۇھەبەت ئۈچۈن سوقۇۋاتقان بىر جۈپ يۈرەكنىڭ قانلىق يارىسى ، بۇ ئۇنىڭ ئۈچۈن ئۆلۈم.   خىيال بىلەن لىق تولغان كاللام ، گاڭگىراپ قالغان ئاجىز روھىم ،ئازاپتىن پۈكلىنىپ قالغان ئاجىز جىسمىم ئازاپقا قۇربانلىق بولۇپ ،سۆيۈملۈك ئۈمىدلىرىمنى ئۆتمۈشكە ئۇزاتماقتا...     ھەسرەتكە خاتىمە بېرىدىغان كۈنلەرنى ساقلىمايلا ،ئازاپ خاتىرەمنى قولۇڭغا تۇتقۇزۇپ قۇيۇپ كېتىپ قلدىم. ئۆتمۈشكە نەزەر سېلىۋاتىمەن... بىز ياندىشىپ ماڭغان كوچىلار ، چىكەمگە گۈل قىسقان چاغلار ، مۇڭلىنىپ ئېيتىپ بەرگەن ناخشىللىرىڭ تۇيۇقسىزلا غايىپ بولغان...   ئايرىلىش ئازاپ.ئەما بەزىدە مەن بۇ ئايرىلىشنىڭ توغرىلىقىمۇ ئىشىنىپ قالىمەن.ھاياتنىڭ رەڭدارلىققا تولغان تۈرلۈك -تۈمەن سىرلىرى بىزگە تېخى تىلسىم ئىكەن. بىز ئەشۇ تىلسىمدىن چىقىپ بولالمىغۇچىلىك بۇ پاك مۇھەببەتنىڭ ئاخىرقى مەنزىلگاھىغا مەڭگۈ يىتىپ بارالماي ھالاك بولىمىز...   ھەسرەت كېمىسى ئاھلىرىم كۆلىدە تەنھا ئۈزمەكتە...سەرسان ھايات يۈرىكىمنى مۇزلىتىۋەتتى. ھاياتنىڭ دەشەتلىك غەمناكلىرى يۈرىكىمگە يىلاندەك يۆگەشمەكتە...بىغۇبار پەرۋىشتە ئېچىلغان سۆيگۈ گۈلللىرى ۋاقىتىسز خازان بولماقتا... زىمىن ئېچىنىشلىق تولغۇنىۋاتىدۇ. جۇدالىقنىڭ كۆزىدە مەڭگۈلۈك ھىجران كەشتىلەنگەن...     يوللاردا كېتىۋاتىمەن. يىگانە ئاللاھتىن ئەمەس ، ئاجىز بەندىن  سۆيگۈ تەلەپ قىلىپ يىلىنىۋاتقان ،دۇئا ئۈچۈن قول كۆتۈرۋاتقان جىسمى ساق ،روھى مەجروھلارغا قاراپ ھەسرەتلىك كۈلىۋاتىمەن. سۆرۈن تەلەت كوچىدا سوغۇققىنە بىر -بىرىگە زورىغا كۈلۈمسىرەۋاتقانلارغا قاراپ يۈرىكىمدە يىغلاۋاتىمەن...      يۈرىكىمدە سۆيگۈ ناخشىسى توختاپ قالدى. كوھىقاپنىڭ ئېغىزلىرىدا ھەسرىتىم دەھشەتلىك ھۆكىرەپ ،جۇدالىققا مەرسىيە ئوقۇماقتا... شىۋىرغان سۆيگۈ گۈللىرىنى توزىتىۋەتكەن.رەھىمسىز رىئاللىق ۋىسال پەيىتلىرىنى ئۆتمۈشتىكى رىۋايەتكە ئايلاندۇرۇپ قويغان.ئېغىر تىنىقلىرىم ھىجران بۆشۈكىدە رىۋايەت سۆزلەپ ئاستا ،ئاستا ئەللەيلەنمەكتە... يالغۇز ئەمەس يىغلىغان يۈرەك [align=justify]سەن كەتتىڭ . ئارقاڭدىن سېنى تۇتۇپ قېلىش ئۈچۈن سوزۇلغان ئاجىز قوللۇرۇم ھاۋادا قامغاق ياپرىقىدەك لەيلەپ قالدى. ئارقاڭدىن قانچىلىك قاراپ تۇرغانلىقىمنى بىلەمسەن؟ مەيۈس كۆزلىرىمدە لىق تولغان ھەسرەت ياشلىرى مەڭزىمنى دومىلاپ ئاستا سىرغىپ چۈشكىنىدە،  سېنىڭ يېنىمدا تۇرۇپ مەڭزىمدىكى ئەشۇ ئەلەملىك تامچىلارنى مېھىرلىك قوللىرىڭ بىلەن سۈرتۈپ قۇيۇشىڭنى قانچىلىك ئارزۇ قىلدىم. بىراق، سەن ئاللىقاچان يېنىمدىن كەتكەن ئىدىڭ. سەنسىز تەنھالىقىمنى يۈرىكىمگە ھەمراھ قىلىپ ، بىز ماڭغان ئاۋات كوچىلارنى، ئۇزۇن يوللارنى كېزىۋاتىمەن. كوچىلار ئىنتايىن ئاۋات.بىراق مەن تەنھا...مەنزىلىمنىڭ قايانلىقىنى بىلمەي ، بارماقلىرىمنى چىشلەپ گاڭگىراپ كېتىۋاتىمەن.ئاھ ، مېنىڭ يالغۇزلۇقۇم... نېمە دېگەن غېرىپ كۈنلەر -بۇ؟!...ئىكىمىز ھەققىدە تولا ئويلاپ بېشىمنىڭ ئىچ-تېشىنىڭ تاشتەك قېتپ كەتكەنلىكىنى بىلەمسەن؟ مەن تۇرۇپلا ھەيران قالدىم.ئارىمىزدا بىزنى ئايرىپ تۇرغان بىر تاغ بار ئىكەن.ئاھ، خۇدا...قانچە قىلىپمۇ بۇ تاشنى يىراقلارغا ئىرغىتىشقا كۈچۈم يەتمىدى.مەن تولىمۇ ئاجىز... مەن بەك چارچاپ كەتتىم، بەكلا... ئېغىر قەدەملىرىمنى ئاران يۆتكەپ ھۇجرامنى تېپىۋاپتىمەن.ئۆزۈمنى قاتتىق كارۋاتقا جاققىدە تاشلاپ ، مىسكىن تۇرقۇمغا قاراپ مېنى مەخسىرە قىلىۋاتقان تام سائىتىگە قاراپ قالدىم.ئۇ مېنى مەسخىرە قىلىۋاتىدۇ...ۋاقىتنى ئازاپ بىلەن ئۆتكۈزۋاتقىنىمغا بەلكىم ئىچى ئاغىرۋاتقاندۇ؟ سۆرۈن تەلەت ھۇجرىدا غېرىپلىق بۆرىدەك سۈرلۈك ھۇۋۇلىماقتا. ھىجراننىڭ مۇدھىش پۇراقلىرى سەزگۈلىرىمنى تىتىرتىپ يۈرىكىمنى ئەلەملىك دۇنياغا باشلاپ كىرمەكتە. كۆزلىرىمدىن توختىماي سىرغىۋاتقان ھەسرەت مېھىرلىك قوللىرىڭنى سېغىنماقتا... قارچۇغىمدا سېنىڭ سىمايىڭ،دىماقلىرىمدا خۇشبۇي ھىدلىرىڭ...ئاھ ، ئەنە شۇ شېرىن دەقىقىلەر خىيال ئېكرانىمدا بىر-بىرلەپ ئۆتمەكتە...ئەنە قارا، بىر جۈپ قىز-يىگىت مۇڭلۇق لىرىكىلار ئارىسىدا سۆيگۈ چېچەكلىرىنى پۈتكۈل دۇنياغا چاچقۇ قىلىپ چاچماقتا...ئوتلۇق لەۋلەرگە مېھىرلىك ئىز سالغان سۆيگۈ چوغلىرى گۈلخان كەبى يانماقتا . ئىسىق يۈرەكلەر ھەممىنى ئۇنتۇپ ، شېرىن تۇيغۇلار ئىچىدە قانغۇچە سۆيۈشمەكتە...سىماپتەك ئېرىپ كەتكەن پاك ۋۇجۇدتا مۇھەببەتنىڭ خىجىلچان يۇلتۇزلىرى بىر-بىرىگە شوخلۇق بىلەن كۆز قىسىشپ ناز قىلماقتا... ئاھ، ئەشۇ گۈزەل مىنۇتلار  مەڭگۈ ئەستىن چىقمايدىغان ئۇنتۇلماس دەقىقىلەر ...قېنى؟؟؟...شۇ گۈزەل ، شېرىن چاغلار...ئاھ ،ئۇ كەتتى.جۇدالىقىمىز بىلەن تەڭلا بىز بىلەن خوشلاشتى.قارچۇغىمدا قېتىپ قالغان سىمايىڭ، چاچلىرىمدا ، تىنىقلىرىمدا قېتىپ قالغان ھىدلىرىڭ ، سەن بىلەن بىللە ماڭغان ، سىرداشقان دەملەر مانا ئەمدى سەن بىلەن بىللە كەتتى.ئۇ ئەمدى كەلمەيدۇ.مەڭگۈ كەلمەيدۇ ...مەڭگۈ...چۈنكى بىز ئاللىقاچان كۆزلىرىمىزدىكى ھەسرەتلىك ياشلارنى يۇشۇرۇپ ،ساختا تەبەسسۇم ئىلكىدە جۇدالىق قەدەھلىرىنى قىيمىغان ھالدا سوقاشتۇرۇپ ، ئاچچىق شاراپنى "خوشە" دەپلا كۆتۈرۋەتتۇق. ئاھ،خۇدا جۇدالىق شارابى نېمىدېگەن ئاچچىق-ھە! جەھەننەمدىكى ئەڭ ئاچچىق زەھەرمۇ جۇدالىق شارابىدەك ئاچچىق بولماس.شاراپنىڭ زەھەر كەبى ئاچىق ھارارىتىدىن قېقىلىپ كەتتىم.يۈرىكىمگە مۇزدەك ئازاپلار كەلكۈندەك ئېقىپ كىرىشكە باشلىدى.كاللامغا نەچچە مىڭلىغان ھەرىلەر غۇڭۇلداپ ، نېرۋىللىرىمغا رەھىمسىزلەرچە نەشتەر ئۇرماقتا... ئاجىز تەنلىرىمگە ئاچچىق ھىجران مەڭگۈلۈك ھەسرەتتىن ئىشكەل سالماقتا...يۈرەكلىرىمنىڭ قات-قاتلىرىغا قونغان ھەسرەت توزانلىرى روھىمغا ۋەھشىيلەرچە قېلىچ ئۇرماقتا.ئاھ، مەن ھاياتمۇ ياكى تىرىكمۇ؟؟؟...مەن ھېلىمۇ تىرىككەنمەن. بىراق، سارغايغان خۇنۇك چىراي ، چۇۋۇلغان چاچلار ئارسىدا مۆلدۈرلەپ تۇرغان مەيۈس كۆز،ئېغىر-ئېغىر تىنىۋاتقان ئاجىز تىنىق ،مىدىرلىتىشقا مادار قالمىغان مۇزدەك تەن...بۇنىڭ مۇردىدىن نە پەرقى... غېرىپلىق روھىمغا ياماشماقتا.يەر تېگىدىن بىر ئېچىنىشلىق نىدانى ئاڭلاۋاتىمەن.سەن ئاچچىق تولغۇنۇپ ،ئىڭراۋاتىسەن. نىدالىرىڭ توختىماي ئازاپقا، جۇدالىققا ، پەلەكنىڭ تەتۈر چاقپەلىكىگە لەنەت ئوقۇماقتا...يۈرىكىڭدىكى ئازاپنى مەنلا ئېلىپ كېتەي. سەن تەنھا قالساڭمۇ، مېھىرلىك يۈرىكىڭدە پاك سۆيگۈڭنى پىنھان تۇتۇپ مېنى يادلاپ تۇرغىن.مانا مۇشۇلار سېنىڭ ماڭا ئاتا قىلغان قىمەتلىك سوۋغاڭ بولسۇن...   سەن يىغلىدىڭ.چىن يۈرىكىڭدىن يىغلىدىڭ ،مېھىرلىك كۆزلىرىڭدىن ئاققان ياشلىرىڭغا ئاسمانمۇ گويا ماتەم تۇتقاندەك زىمىنغا ئەلەم ياشلىرىنى غەزەپ بىلەن تۆكتى.ئەگەر ماڭا جاھان رەپتارىنى ئوڭشاش پۇرسىتى بېرىلسە ئىدى سېنى ھەرگىزمۇ يىغلاتمىغان بولاتتىم.قارا بۈگۈنمۇ قۇياشنىڭ كۆزلىرىدىمۇ ياش . چۈنكى مەن بىز بىللە تىككەن سۆيگۈ كۆچىتىنى ۋەيران قىلدىم. مېۋە بېرىش ئالدىدىكى ئەشۇ كۆچەتنى ئۇسسۇزلىقتىن ھالسىرتىپ قۇرۇتۇپ قويدۇم.مېنى كەچۈر... بەزىدە بۇ كاج تەقدىردىنمۇ زارلىنىپ قالىمەن. ئەجىبا سېنى ئۇچرىتىش، سۆيۈش ۋە سۆيۈلۈش ،ئايرىلىشنىڭ ھەممىسى تەقدىرنىڭ ماڭا يېزىپ قالدۇرغان كىنو سىنارىسىمىدۇ؟شۇنداق ئىكەن،ئىككىمىز بۇ كىنونىڭ باش قەھرىمانى ئىكەنمىز...تىراگىدىيىگە تولغان بو كىنو جەريانى ئىلاھىم، مەڭگۈ باشقا بىر جۈپ يۈرەكنىڭ بېشىغا كەلمىسۇن... ھىجران روھىمنى ئاچكۆزلەرچە  يالماۋاتىدۇ.ئۇ يۈرىكمدىكى سۆيگۈ ئوتلىرىنى بوراندەك كېلىپ پۈۋدەپ ئۆچۈرۈش ئۈچۈن ماڭا تەھدىت سالماقتا.مەن بۇ تەھدىتىن ھەرگىز قورقۇپ قالمايمەن.گەرچە ئاجىز بولساممۇ، پىنھان يۈرىكىمدە سۆيگۈمىزنىڭ قاتىلى بولغان ئازاپلارنى ئۇنتۇپ ، شېرىن ئەسلىمىلەرنى ساقلاپ قالىمەن. مەن كېتىمەن.بەختىمنى كۈنلەۋاتقان بۇ ئازاپلارنى ئۇنتۇش ئۈچۈن ، ھايات بوسۇغامنى قۇياش نۇقرىغا چۈمكەش  ئۈچۈن كەلگۈسىنىڭ نۇرانە يوللىرىغا ئۇل سېلىش ئۈچۈن، يېڭى ھاياتنىڭ ئالتۇن بوسۇغىسىنى قۇياش نۇرىغا چۈمكەش ئۈچۈن بۇ يەردىن كېتىمەن.ئەمدى مۇھەببەت ماڭا ئارمانلىق يولدىكى شېرىن ئەسلمە خالاس...بىز ئەمدى ئۇچرىشىپ قالمايلى، ناۋادا ،بىر كۈنلەردە ئۇچرىشىپ قالساق ،مېنى كۆرمەسكە سېلىپ يانداپ ئۆتۈپ كەت.ئەگەر كۈلەرنىڭ بىرىدە ئۇچرىشىپ قالساق ساڭا خۇنۇك كۆزلىرىم بىلەن ئەمەس كۈلكە يېغىپ تۇرىدىغان كۆزلىرىم بىلەن باقىمەن.سەندىن قىلچە رەنجىمەيمەن. مەن غېرىپ  ، ئەمما يالغۇز ئەمەسمەن.سەنمۇ شۇنداق.چۈنكى بىز بىر-بىرىمىزنىڭ قىپقىزىل يۈرىكىنى بىر ئوكيان مۇھەببەت ئاپىرىدە بولغان چىن يۈرەكنى ئېلىپ كەتتۇق. يۈرىكىم سەن بىلەن بىللە كەتتى،ئۇنى ئاسرا...ئۇ پاك يۈرەك ئىدى.مەمۇ يۈرىكىڭنى قەلب تۆرەمدە ئەبەدىي ساقلايمەن. بىزگە گەرچە ۋىسال تېڭىنى بىرگە تاڭ ئاتقۇزۇش نىسىپ بولمىسىمۇ ، پاك سۆيگۈنىڭ قىممەتلىك خاتىرلىرى مەڭگۈلۈك ئەسلىمە بولۇپ قالدى.ئۇ _ پاك ھېسيات،ئۇ_ئەڭ پاك ئەسلىمە...مەن ھامان بىر كۈنى بۇ ۋاپاسىز ھايات بىلەن خوشلىشىپ ، ئۆمرنىڭ ئەڭ ئاخىرقى مەنزىلگاھى قەبرىگە كېتىمەن .مەن  قەبرەمگە پاكلىقىمنى بىللە ئېلىپ كېتىمەن...قەبرىنى نۇرغا چۈمكەش ياكى تۇمانغا توشقۇزۇش مېنىڭ ھايات يولۇمغا پاك ئىزلارنى قالدۇرۇشىمغا باغلىق.ئاللاھ خالىسا مەن ئۆمۈر بەتلىرىمگە ئاق يۇلتۇزلانى كەشتىلەپ،ئىنسانىيەتنىڭ ئۇلۇغۋارلىقىنى پاكلىق ئۇپۇقىغا نەقىش قىلىپ ئويىمەن.ماڭا جەننىتىمنى تىلە،ئەزىزىم.مەن خاتىرجەم ھالدا جەننىتىمگە يول ئالاي... ئىچىمدە بىرسى :"ئۈمىد بىلەن يولغا چىق!ئازاپلارنى ئۇنتۇشقا ئىمكان قالدۇر...يىراقتا ئۈمىدلىك كۆزلەر سېنى سېغىنىدۇ ، سېنى ئەسلەيدۇ، سېنى يەنىلا سۆيىدۇ.سەن ھەرگىز يالغۇز ئەمەس.يىغلىما!...ھايات مەڭزىڭدىكى ياش ئەمەس..."دەپ چۇقان سالماقتا.توغرا ،مەن غېرىپ ،ئەمما يالغۇز ئەمەس... مەن مەنزىلگاھىمغا يىتىش ئۈچۈن ئۈمىدنىڭ يەلكىسىگە مەھكەم ئېسىلۋالدىم...ئالىدىمدا ئۈمىدلىك قۇياش كۈمۈشرەك مانانلارنى يېرىپ ماڭا قاراپ كۈلۈمسىرەۋاتىدۇ. ماڭا ھىدايەت تىلە ئەزىزىم ،شەيتانغا ھەرگىز تەسلىم بولمايمەن... ئالقانلىرىم دۇئا ئۈچۈن كەڭ ئېچىپ ساڭا دۇئا قىلىمەن. يۈسۈفنىڭ زىلەيخانىڭ ناز -كېرەشمىللىرىگە ئالدانمىغان پاك خىسلىتى ساڭا ئەبەدىي يار بولسۇن!   دېرىزەمدىن غۇربانە كۆلبەمگە گۇگۇم ئىچكىرلەپ كىرىپ ،چۆچىكىنى باشلىدى. ئۇنىڭ سۆزلەيدىغىنى ئادالەت ۋە ھەققانىيەت ئىدى. ... ئۇ ئازاپقا ھامىلدار يۈرىكىمگە باھار ھىدلىرىنى پۇرىتىپ قويدى. مۈگدەك ئىلىنىپ قالغان كۆزلىرىم ئۇيقۇغا كېتىپتۇ. چۈش كۆرۈۋاتىمەن. ئاق لىچەكلىك پەرىشتەم مەن ئۈچۈن ناماز ئوقۇۋاتىدۇ. مەن يېشىل جەينامازدا سەجدىگە باش قويدۇم.گويا بارچە مۇھەببەت مۇشۇ سەجدىگە مۇجەسسەم بولغاندەك يالغۇزلۇقۇم نەلەرگىدۇ غايىپ بولدى... 2010-يىلى        ئۈرۈمچى مەنبە: قەلىمىم ئەسكەرتىش : مەزكۇر ئەسەرنى قالايمىقان كۆچۈرۈشكە ياكى يۆتكەشكە بولمايدۇ! ئەمگىكىمگە ھۆرمەت قىلىڭ!

ھەسەل

	مۇشۇنداق ئىسىل ، ھىسىياتقا تۇيۇنغان لىرىكىڭىزنى ھەممىدىن ئاۋال كۆرۈشكە مۇيەسسەر بولغىنىمدىن تۇلىمۇ خۇشالمەن. [mp3=1]http://www.kjs666.com/bg.mp3[/mp3]

نۇربىيە

	ھەي ؟؟ ھىسياتقا راستنلا بەك باي ئىكەنسىز ؟؟ داۋامىلىق  تىرىشىپ تۇرۇڭ.

yeglemayman0997

	ناھايتى ياخشى يېزىلىپتۇ مەن تېخى بىرە كىتاپتىن ئېلىنغانمىكىن دەپتىمەن.قەلىمىڭىزگە تەشەككۈر.

musilina

	يۈرەكنىڭ چوڭقۇر قېتىدىن ئۇرغۇپ چىققان  ،چىن ھېسيات بىەلن يۇغۇرۇلغان ئېسىل لېرىككا ۋە لېرىكىغا ماس كەلگەن مۇڭلۇق كۈي.... لېرىكىڭىزنى بەك ياقتۇردۇم....قەەلم تۇتقان قوللىرىڭىز تالمىسۇن.... يۈرىكمدە مىسكىن بىر نىدا،، ھېجرانلاردا چەكتىم مەن پىراق. ھەسرەتلەرنىڭ چۈشكۈن لەشكىرى، مېنى ئۇيقۇدىن قىلدىغۇ يىراق. قانداقمۇ بىر رەت ئېچىلىپ كۈلەي؟ يۈرەكلىرىم  تۇرسا مىڭ پارە. ھېجران ئازابى يامانكەن شۇنداق، دەرلىرىمگە يوقتۇر ھېچ چارە.

xahida223

	بەك ياخشى يېزىپسىز. بولۇپمۇ ئاشۇنداق ئاخىرلاشتۇرۇش ماڭا بەك ياقتى.

qinkalib

	ياخشى يىزىپسز  تەپەككۇرغا بەك باي كەنسىز   تىخىمۇ تىرىشڭ

0998.erpane

	بۇ ئەسەردە ھىجران ئازاۋىدا قاغجىراپ كەتكەن سۇسىز كۆڭۈللەر ،مۇھەببەتكە تەشنا قەلىبلەر ئەكىس ئەتتۈرۈلگەنمۇ --قانداق؟

ahmatjan[0995

	بەك ياخشى يېزىپسڭز،بۇلۇپمۇ ،[سېغىنىش بىلەن ئۆتكەن كۈنلەر]ماڭا بەك تەسىر قىلدى

jonam

	ئۇجۇن نىمە دىگەن رومانتىك بۇ تىما...... ئادەمنىڭ كۆڭلىنى يىرىم قلىپ