شەرەپ قۇچقان تۆمۈرچى ئەخمەد تۇدى

xopur

	شەرەپ قۇچقان تۆمۈرچى ئەخمەد تۇدى مۇساجان تۇردى تارىخي كىتاپلاردا‹‹ئۇيغۇر خەلقىنىڭ ئەنئەنىۋىي دېھقانچىلىق قورالى كەتمەن ناھايىتى ئۇزاق تارىخقا ۋە پارلاق ئەنئەنىگە ئىگە،ئۇنىڭ يۇرتىمىزدا ئىشلىتىلگىنىگە كەم دىگەندىمۇ 3500- 5000 يىل بولغان. ھازىرقى كۈندە ئۇيغۇر دېھقانلىرى ئومۇمىيۈزلۈك ئىشلىتىپ كېلىۋاتقان ئۇيغۇر كەتمەنلىرى  2500، 3000 يىللىق تارىخقا ئىگە بولسىمۇ، ئەمما تۆمۈر كەتمەنلەرگە ئاساس سالغۇچى تاش كەتمەنلەر يۇقىرىقى يىل دەۋرىدىن1500-2000يىل بۇرۇن يۇرتىمىز بوستانلىقلىرىدا خېلى كەڭ دائىردە ئىشلىتىلگەن›› دەپ يېزىلغان. بۇنىڭدىن كەتمەننىڭ ناھايىتىمۇ ئۇزاق تارىخىي جەريانلارنى باشتىن كەچۈرۈپ بۈگۈنكى ھالەتكە كەلگەنلىگىنى بىلىۋالايمىز. قاراشەھەر ناھىيە يوڭنىڭ بازىرىدا ئولتۇرۇشلۇق ئەخمەد تۇردى ئەنە شۇنداق ئەجداتلىرىمىزنىڭ ئەئەنىۋىي قول ھۈنەرۋەنچىلىك كەسپى بولغان تۆمۈرچىلىك كەسپى بىلەن شۇغۇللىنىپ، يېڭى كەشپىياتلارنى يارىتىپ، قاراشەھەردىكى ھەر مىللەت ئاممىسىنىڭ قوللىشى، ھۆرمىتىگە ئېرىشىپ كېلىۋاتقان ھۈنەرۋەنلەرنىڭ بىرى. ئەخمەد تۇردى ئۆز دۇكىنىدا باشلانغۇچ مەكتەپ مەلۇماتىغا ئىگە 54 ياشلىق، تۆمۈرچى ئەخمەد تۇردى، 1970-يىلى يوڭنىڭ بازارلىق پارتكومنىڭ ئورۇنلاشتۇرۇشى بىلەن يوڭنىڭ بازارلىق تىراكتۇر پونكىتىغا بۆلۈندى. 1975-يىلى، تىراكتۇر پونكىتىنىڭ رېمونتخانىسىدا تىراكتۇر رېمۇنت قىلىش ،تۆمۈرچىلىك ئىشلىرى بىلەن شۇغۇللاندى. 1975-يىلى11-ئايدا ھەربى سەپكە قاتنىشىپ، 1979-يىلىغىچە ھەربى ۋەزىپە ئۆتىدى. ئۇ ھەربىي سەپكە قاتناشقان4 يىل جەرياندا ئىزچىل تۈردە قىسىمنىڭ تۈرلۈك قائىدە تۈزۈملىرىگە ئاڭلىق رىئايە قىلىپ، ئۆز بۇرچىنى ياخشى ئادا قىلدى. 1980-يىلى ھەربىي سەپتىن قايتقاندىن كىيىن، ئۆز ئورنىغا خىزمەتكە چۈشتى. 1983-يىلى ئېلىپ بېرىلغان ئىسلاھات تۈرتكىسدە تېراكتۇر پونكىتى ئەمەلدىن قالدۇرۇلۇپ، ئەخمەد تۇردىمۇ ئىش ئورنىدىن قالدۇرۇلدى. تەشكىلنىڭ قايتا ئىشقا ئورۇنلاشتۇرۇشىنى خالىمىغان ئەخمەد تۇردى رېمۇنتخانىنىڭ تۆمۈرچىلىك دۇكىنىنى ھۆددىگە ئېلىپ، تۆمۈرچىلىك كەسپىنى ئۆز ئالدىغا باشلىۋەتتى. ئۇ كەتمەن، ئوغراق ،پالتا تىرنا،ئارا گۈرجەك،ئىگەر جاپدۇق،زەنجىر ھالقا، قاتارلىق دېھقانچىلىق سايمانلىرىنى ياساپ، يېقىن يىراقتىكى ھەر مىللەت دېھقان چارۋىچىلارنىڭ قارشى ئېلىشىغا ئىرىشتى. ئەخمەد تۇردىنىڭ ياسىغان ھەر خىل دېھقانچىلىق سايمانلىرى ‹‹ تۆمۇرچى ئۇستام››دىگەن نامى يېقىن يىراقلارغا تارالدى. 1997-يىلى كۈز ئايلىرىنىڭ مەلۇم بىر كۈنى،ئەخمەد تۇردى دۇكىنىنى ئەمدىلا ئېچىپ تۇرۇشىغا،بىر دېھقان ئۇنىڭ دۇكۇنىغا كىرىپ كەلدى ۋە ئوت تۇغراش ماشىنىسىنىڭ پىچىقىنىڭ گاللىشىپ كەسمەس بۇلۇپ قالغانبلىقىنى، بىر نەچچە قېتىم پىچىقىنى ئالماشتۇرغان بولساممۇ يەنىلا ئوخشاش ئىكەنلىكىنى ئېيتىپ، ئەخمەد تۇردىدىن ئامال قىلىپ بېرىشىنى ئۆتۈندى. ئەخمەد تۇردى دېھقان ئەكەلگەن ئوت توغراش ماشىنىسىنىڭ پىچىقىنىغىنى قۇلىغا ئېلىپ، ياساشقا كىرىشىپ كەتتى. ئەسلىدىكى پىچاقنىڭ بىس قىسمىدىن  3سانتىمېتر ئەتراپىدا كېسىپ ئېلىۋېتىپ، ئۇنىڭغا پولاتتىن بىس باغلاپ ياساپ، ئۇ دېھقاننىڭ ھاجىتىدىن چىقتى.بۇ ئىش چاقماق تېزلىگىدە ئەتراپقا تارقىلىپ، پىچاق ياسىتىغانلار ئۈزلۈكسىز كۆپەيدى. ھازىرغىچە 600 دىن ئارتۇق دېھقان چارۋىچىنىڭ ئوت توغراش ماشىنىسىنىڭ پىچىقىنى يېڭىلاپ بېرىپ ئۇلارنىڭ ماختىشىغا سازاۋەر بولدى. ئۆزىمۇ خېلى ئوبدان ئىقتىسادىي كىرىمگە ئىگە بولدى. « كەيدۇ دەرياسى» نامىدىكى تاۋار ماركىسىنىڭ گۇۋاھنامىسى ئۇ بىر تۆمۈرچى بولۇپ قالماستىن، ئىجتىھاتلىق كەشپىياتچى. ئۇ 2006-يىلدىن باشلاپ بوش ۋاقىتلىرىدا ئىلگىرى ئىشلىتىلىپ كېلىۋاتقان ئەنئەنىۋىي دېھقانچىلىق سايمانلىرىنىڭ ئەۋزەللىكىنى بېيىتىش، يېتەرسىزلىكىنى تولۇقلاش ئۈستىدە ئىزدىنىپ،قوش باشلىق كەتمەن، ئارا، پالتا قاتارلىق يۈرۈشلۈك دېھقانچىلىق سايمانلىرىنى كەشىپ قىلىپ، شۇ ئەتراپتىكى دېھقان چارۋىچى، كەسىپداشلىرىنىڭ دىققىتىنى تارتتى. 2010- يىل 6-ئايدىن باشلاپ، چىم قىرقىش ماشىنىسىنىڭ پىچىقىنى بىسلىق قىلىپ ياساپ، بۇ خىل ماشىنىلارنى ئىشلىتىدىغان ئىدارە ئورۇنلارنىڭ قىيىنچىلىغىنى ھەل قىلىپ بەردى. 2008-يىلى8-ئايدا پايتەختىمىز بېيجىڭدا ئۆتكۈزۈلگەن ئولىمپىك تەنھەركەت يىغىنى ئېچىلىش ھارپىسىدا، 2008 - يىل، بەش قىتئە، مەشئەلنىڭ ئوبرازى ئەكس ئەتتۈرۈلگەن، ئولىمپىك بەلگىسىنى ياساپ، ئولىمپىك يىغىنىغا بولغان قىزغىن مۇھەببىتىنى ئىپادىلىدى. بىر يېرىم يىل ۋاقىت سەرىپ قىلىپ،چوڭ كىچىكلىگى ئوخشاش بولمىغان، دۆلىتىمىزنىڭ 60 يىللىق تەرەقىيات مۇساپىسىغا سىمۋول قىلىنغان 60 دانە كەتمەننى ياساپ، 2009-يىلى10-ئايدا جۇڭخۇا خەلق جۇمھۇرىيىتى قۇرۇلغانلىغىنىڭ 60 يىللىق تويىنى قىزغىن تەبرىكلىدى. 2008-، 2009- يىللىرى، كەتمەن، ئوتۇغۇچ ،چانا،  ھەر خىل تىپتىكى چوڭ كىچىك ئارا قاتارلىق كەشپىياتلىرى دۆلەت ئەقلى مۈلۈك ئىدارىسى تەرىپىدىن پاتېنىت ھوقۇقىغا ئېرىشتى. 2010-يىلى 8-ئايدا ناھىيە بۇيىچە ئۆتكۈزۈلگەن، قول ھۈنەرۋەن، كەشتىچىلىك،گۈزەل سەنئەت مۇسابىقىسىدا ئۇنىڭ بىر يۇرۇش دېھقانچىلىق سايمانلىرى 1-دەرىجىلىك مۇكاپاتقا ئېرىشتى. ھەر خىل كەتمەن قاتارلىق7 خىل دېھقانچىلىق سايمانلىرىغا ‹‹كەيدۇ دەرياسى›› ماركىسىنى ئىلتىماس قىلىپ، 2010-يىل8-ئايدا، دۆلەت سودا – سانائەتنى مەمۇرىي باشقۇرۇش باش ئىدارىسىنىڭ توۋار ماركىسى ئىدارىسى تەرىپىدىن، رويخەتكە ئېلىندى. ناھىيىلىك سودا – سانائەتنى مەمۇرىي باشقۇرۇش ئىدارىسى ئەخمەت تۇردىغا ھەقسىز تىجارەت كىنىشكىسى بېجىرىپ بېرىپ،ئۇنىڭ تېخىمۇ كۆپ قولاي، يېزا ئىگىلىك قوراللىرىنى كەشپ قىلىشىغا مەدەت بەردى. ئەخمەد تۇردى ئېرىشكەن شەرەپلەر كېلىش مەنبەسى:جۇڭگو رادىيو تورى شىنجاڭ ئۇيغۇرچە قانىلى http://www.radioxj.com/show.aspx?id=3320&cid=3

شاتمەن

	راۋۇرۇس ئوبدان ياسالغان كەتمەن نەچچە پۇلغا يارايدۇ .

hasalharisi

	ئاپتور جاۋابىنى بويلاپ 1قەۋەت  شاتمەن كە 2011-07-28 03:58 PMئەۋەتىلدى  : راۋۇرۇس ئوبدان ياسالغان كەتمەن نەچچە پۇلغا يارايدۇ . بىزنىڭ يۇرتتىغۇ 80__100 يۈەن ئىكەن.

bahadir

	كەيدۇ دەرياسى  دېگەن قايسى دەريا ؟

gherip

	ئاپتور جاۋابىنى بويلاپ 3قەۋەت  bahadir كە 2011-07-28 04:14 PMئەۋەتىلدى  : كەيدۇ دەرياسى  دېگەن قايسى دەريا ؟ كەيدۇ دەرياسى ئەمەس، قايدۇ دەرياسىدۇ .

emetbeg

	قايدۇ دەرياسى ! شىنجاڭ تېلىۋېزىيە ئىستانسىىنىڭ 2-قانىلى26-ئىيۇلدىكى خەۋىرىدە قارا شەھەر ناھيىسىنىڭ نامى يەنجى ناھيىسى دەپ بىۋاستە خەنزۇچە ئېلىنىدى .  بۇنداق خاتالىقلار قاچنمۇ تۈگەركىن !

xaxalim

	قاچاندىن باشلاپ  ئەخەت تۇدى  يازغۇچىلىقىنى  تاشلاپ    تۇمۇرچى  بولغاندۇ دىسىسەم .   ئەخمەد تۇدى كەن ئەمەسمۇ

tundikexabnam

	پەخىرلىنىشىمىزگە ئەرزىيدۇ، يارايسىز  ، تىخىمۇ تىرىشىڭ

zaga

	شۇنداق كورلىدىن قاراشەھەرگە باردىغان يۇقىرى سۇرئەتلىك يول ياقىستىمۇ يەنجى دەپ يېزىقلىققۇ دەيمە