شائىر زوردۇن ئىمىرنىڭ تەرجىمھالى

yipek-yoli

	زوردۇن ئىمىر 1953- يىلى باي ناھىيىسىنىڭ سايرام يېزىسىدا تۇغۇلغان، 1970- يىلى خىزمەتكە قاتناشقان،ھازىر ئاقسۇ ۋىلايەتلىك باي ئېلېكتر ئىستانسىسىدا ئىشلەپ كەلمەكتە. ئۇنىڭ تۇنجى ئەسىرى 1980- يىلى يانۋاردا ئېلان قىلىنغاندىن تارتىپ تا ھازىرغىچە ھەر قايسى مەتبۇئاتلاردا 1500 پارچىدىن ئارتۇق شېئىرى، «خاڭچى ناخشىسى»،«سەھرا سۆيگىسى» ، «قۇتلۇقلايمەن ئاتمىش يىشىڭنى» ، «يېزا مۇھەببىتى»قاتارلىق داستانلىرى ئېلان قىلىنغان،1996- يىلى قەشقەر ئۇيغۇر نەشىرىياتى تەرىپىدىن «مەيىن سابا»ناملىق ئەسىرى نەشىر قىلىندى. 2008- يىلى شىنجاڭ ئۇنىۋېرسىتېتى تەرىپىدىن «سەھرادىكى چىغىر يول» ناملىق (ئىككى توملۇق) شېئىرلار توپلىمى نەشىر قىلىنغان. «ئارزۇبوستانى» ، «تارىم ناۋاسى» ، «سۆيگۈ» ، «سەندىن ئايرىلالمايمەن» ، «غايىپ بولغان قەھرىمان» قاتارلىق كوللىكتىپ توپلاملارغا ۋە قەشقەر ئۇيغۇر نەشىرىياتى نەشىر قىلغان «ئارزۇ بوستانى» ناملىق تەخمىسلەر توپلىمىغا ئەسەرلىرى كىرگۈزۈلگەن. بىر قىسىم ئەسەرلىرى مۇكاپاتلانغان. ئۇ ھازىر شىنجاڭ ئۇيغۇر ئاپتونوم رايونلۇق خەلق ئەدەبىيات- سەنئەتچىلەر جەمئىيىتى، ئاپتونوم رايونلۇق يازغۇچىلار جەمئىيىتى ۋە ئاقسۇ ۋىلايەتلىك يازغۇچىلار جەمئىيىتىنىڭ ئەزاسى.باي ناھيىلىك ئەدەبىيات –سەنئەتچىلەر بىرلەشمىسنىڭ مۇئاۋىن رەئىسى بولۇپ ئىشلىمەكتە. قۇربان مولنىياز تەييارلىغان. مەنبە:http://www.radioxj.com/show.aspx?id=7525&cid=3 رۇبائىيلار (زوردۇن ئىمىر) ياشلىقنى ئوخشاتما يۇگەنسىز تايغا ، چاپتۇرما ھەم شاش دەپ چۆل-ئېدىر سايغا. چولۋۇردىن ئايرىلغان ئاشۇ شاش تېيىڭ ، پاتمىسۇن بىر كۇنى چىقالماس لايغا . بۇراندا تاۋلايدۇ شۇڭقار قاناتنى ، مېھنەتتە تاۋلايدۇ ئىنسان ھاياتنى. ياشنىتار ئۆمۇرنى گۈل قىلىپ ھەركىم ، قىزىتسا ئىجادتا بەيگە-پاراتنى . ئېسىلساڭ ياخشىلار پېشىگە ئېسىل، قېتىلساڭ ئاقىللار سېپىگە قېتىل. قالدۇرۇپ ھاياتلىق بېغىدا ئىزلار ، ئەل-ۋەتەن قەلبىدە گۇل بولۇپ ئېچىل. ھاياتنىڭ ھەقىقى مەنىسى نېمە ، سەن ئۇنى يەپ-ئىچىش،پۇل تىپىش دېمە. قىلماي يار ئۆمرىڭگە مېھنەت بىلىمىنى، چىن ھايات بىغىدىن لەززەت ئىزدىمە . ئۆمۇرنىڭ لەززىتى سۆيگۈ بىلەندۇر، ۋىسالغا ئىنتىلگەن كۆيگۈ بىلەندۇر. چىن سۆيگۈ بەرمىسە ھاياتقا مەنا ، كۆيگۈنىڭ قىممىتى نۆل بىلەن تەڭدۇر. ئارمانلار يىلتىزى پەندە كۆلەيدۇ، شىجائەت ئىجتىھات تەردە كۆكلەيدۇ. مېھنەتتىن بىخ سۇرۇپ ئىستەك شاخلىرى، گۈل-چېچەك ئاچقان شۇ يەردە كۆكلەيدۇ. بولمىسۇن قەلبىڭدە ھەسەتكە ئورۇن، توسمىسۇن كۆزۇڭنى قىمەتلىك قۇيۇن . شىكايەت-غەيۋەتنىڭ بولۇپ ئەسىرى، نادامەت چۆلدە ئوينىما ئويۇن. زېمىننى ياشنىتار ئنساننىڭ ئەقرى، زېمىندىن ھاياتلىق ئالار زوق-بەھرى. بۇيۇكلۇك تەختىنىڭ شاھىدۇر ئىنسان ، ئۇلۇغدۇر شۇڭلاشقا ئنساننىڭ قەدىرى. مەنبە :ئۇرۇمچى كەچلىك گىزىتىنىڭ 2011-يىل10-ماي سانى

xaxalim

	يەنە بىر  ئەما  شائىرىمىز بولدىغان  كورلا لۇلۇق  زوردۇن ئىمىر  دەپ

شەرەپ

	بۇ كىشى ھازىرقى زامان ئۇيغۇر شېئىرىتىدە كۆزگە كۈرۈنگەن شەخسلەرنىڭ بىرى. ئىسىمنىڭ توغرىسى زۆھرىدىن ئىمىر بولامدىكىن دەيمەن.

sawapkar

	يازسۇن تازا يازسۇن بىز ئۇقۇيمىز ئۇگنىمىز

UYGHURAAA

	شائىرنىڭ تەرجىمىھالىنى بىلدۈرگۈ قىلىپ يوللىغان مەزكۈر تورداشقا ئالاھىدە رەھمەت.