داڭلىق رەسسام ئابدۇشۈكۇر كېرەم كۆك

yipek-yoli

	ئابدۇشۈكۈر كېرەم كۆك ، ئەر ، ئۇيغۇر ، 1949–يىلى 10–ئايدا شىنجاڭ قومۇل شەھىرىدە تۇغۇلغان .1970–يىلى شىنجاڭ سەنئەت مەكتىپىنى پۇتتۇرگەن .1981–يىلى شىنجاڭ سەنئەت ئىنىستىتوتىنىڭ ئاز سانلىق مىللەتلەر ماي بوياق رەسىم كۇرسىدا بىلىم ئاشۇرغان .ھازىر شىنجاڭ رەسساملار ئاكادېمىيىسىنىڭ كەسپىي رەسسامى .شىنجاڭ گۈزەل –سەنئەتچىلەر جەمئىيىتىنىڭ ئەزاسى ،شىنجاڭ خەتتاتلار جەمئىيىتىنىڭ ئەزاسى ،شىنجاڭ فوتو–سۈرەتچىلەر جەمئىيىتىنىڭ ئەزاسى ،شىنجاڭ خەلق ئەدەبىيات –سەنئەتچىلەر جەمئىيىتىنىڭ ئەزاسى ،دۆلەتلىك 1–دەرىجىلىك رەسسام . ئابدۇشۈكۈر كېرەمنىڭ ‹‹ئۇدۇم قالدۇرۇش ››، ‹‹قومۇل كۆك مەشرىپى ››، ‹‹مەشرەپ ››،‹‹چاقپەلەك ئۇسۇلى ››،‹‹كۆچەت تىكىش ››، ‹‹ھۈنەرۋەن ››،‹‹قارا چىراق ئۇسۇلى ››، ‹‹بۇركۈت ئۇسۇلى ››،‹‹پامىرلىقلار ››،‹‹ئۇستىكار ››قاتارلىق ماي بوياق ئەسەرلىرى مەملىكەتلىك ۋە ئاپتونوم رايون دەرىجىلىك رەسىم كۆرگەزمىلىرىگە تاللانغان .بىر قىسىم ئەسەرلىرى چەت ئەللەردە ساقلىنىۋااتىدۇ .‹‹قومۇل كۆك مەشرىپى ››ناملىق ئەسىرى 1995–يىلى تۇركىيىدە ئۆتكۈزۇلگەن خەلقارالىق نۇرۇز پېتىسىۋالىدا يىغىن گىرىبى قىلىنغان ھەم گېزىت –ژورناللاردا كۆپ قېتىم ئېلان قىلىنغان .1993–يىلى شەخسى ماي بوياق ئەسەرلەر توپلىمى نەشىردىن چىققان .1995–يىلى جۇڭگو گۈزەل –سەنئەت سارىيىدا ماي بوياق ۋە ئۇيغۇر خەتتاتلىق سەنئىتى كۆرگەزمىسى ئاچقان .2001–يىلى ئۈرۇمچىدە ماي بوياق ئەسەرلىرى ۋە ئۇيغۇر خەتتاتلىق سەنئىتى كۆرگەزمىسى ئاچقان .2002–يىلى ‹‹قومۇل كۆك مەشرىپى ››تېمىسىدا فوتو–سۈرەت ئەسەرلىرى كۆرگەزمىسى ئاچقان .2003–يىلى ‹‹قومۇل كۆك مەشرىپى ››ۋە ‹‹قومۇللۇقلارنىڭ تۇرمۇش ئۆرپ –ئادەتلىرى›› تېمىسىدا فوتو –سۈرەتلەر توپلىمى نەشىردىن چىقتى .‹‹خوجايىن ››،‹‹قىزىم ›› قاتارلىق ئەسەرلىرى جۇڭگو گۈزەل –سەنئەت سارىيىدا ساقلىنىۋاتىدۇ .ئۇ ماي بوياق رەسىم ،ئۇيغۇر خەتتاتلىق سەنئىتى ،ئىبرو رەسىم سەنئىتىدە ئۆزىگە خاس ئۇسلۇب ياراتقان ھەم تۇرمۇش فىلىملىرى ئىشلەشتىمۇ بىر قىسىم نەتىجىلەرنى قولغا كەلتۇرگەن . رەسسامنىڭ ‹‹ ئۇدۇم قالدۇرۇش›› ناملىق بۇ ۋەكىل خاراكتىرلىك ئەسىرى 1981 يىلى ئۈرۈمچىدە سىزىلغان كېلىش مەنبەسى:ئۇستاز تورى مەنزىل:http://www.radioxj.com/show.aspx?id=469&cid=3

karwan21

	بىز رەسساملىق تارىخىغا قارايدىغان بولساق،ھازىر ئىلىم دۇنياسىغا مەلۇم بولغىنى ،شۆھرەت قازانغانلىرى يەنىلا ياۋۇرپا دۇنياسىدا يۈكسەك شان-شەرەپ قازانغان،ئۇيغۇر رەسسامچىلىقى يېقىندىن بۇيان بىر قاتار ئۇزاق ئەگرى يوللارنى بېسىپ ئۆتتى،1980-يىللاردىن كېيىنلا،ھەقىقىي تۈردە ئۆز يولىنى تاپتى،رەسسامچىلارنىڭ شان-شۆھرەت قازانغان ئەسەرلىرى ئادەمنى تولىمۇ سۆيۈندىرىدۇ،خوشال قىلىدۇ،ئۇيغۇرلار دۇنيادا تۇنجى قاتاردا ،ياۋۇرپا دۇنياسىدىن بۇرۇنمۇ،رەسساملىق سەنئىتىنى باشلىۋەتكەن،بىز شىنجاڭ ئۇيغۇر ئاپتۇنۇم رايۇنىدىكى قەدىمكى ئاسار-ئەتىقىلەر،يىپەك-رەخت،مىڭئۆيلەرگە قارايدىغان بولساقلا،ئۇيغۇرلارنىڭ نەچچە مىڭ يىل بۇرۇنلا،رەسساملىق سەنئىتىدە كۆزلەرنى قاماشتۇردىغان بەدئىي،كۈچلۈك جەلپ قىلىش كۈچىگە ئىگە رەسىملەرنى كۆرىمىز،مانا،بۇ بىزنىڭ نەچچە مىڭ يىل بۇرۇنقى رەسساملىق سەنئىتىنىڭ ئاددىي چۈشەنچىسى.ئابدۇشۈكۈر كېرەم كۆكنىڭ ئەسەرلىرى رېئاللىققا ئۇيغۇن كەلگەن،ئۇيغۇر تۇرمۇشى،تەبىئەت مەنزىرسىنى ئەينەن تەسۋىرلىگەن ئىستىداتلىق رەسسام،بۇ رەسسامنىڭ ئىشلىرىنىڭ ئوڭۇشلۇق،تېخىمۇ ياخشى نەتىجە قازىنىشىغا تىلەكداشمەن.

zulfay

	رەسىم سىزىشنى ھەممە ئادەم قاملاشتۇرۇپ بولالمايدۇ. بەلكىم بۇمۇ بىر تۇغما قابىلىيەت بولسا كېرەك. مەنمۇ شۇنداق قىزىقىمەن لېكىن تۈزۈك بىر پارچە رەسىم سىزالمىدىم، قىزىققان بىلەن قابىلىيەت بولمىسا بولمايدىكەن. ئابدۇشۈكۈر كېرەم تاغىمىزنىڭ ئۆمۈرىنىڭ ئۇزۇن، ئىشلىرىنىڭ ئوڭۇشلۇق بولۇشىنى تىلەيمەن.

mayhuxjan

	1949–يىلى 10–ئايدا شىنجاڭ قومۇل شەھىرىدە تۇغۇلغان ھى ھى 10-ئاينىڭ 1-كۈنى ئەمەستۇ