مۇزدەك يۇمۇردىن بىر كەلىمە

muslim11

	بىر كۈنى توساتتىن ئىچىم قاتتىق پۇشۇپ كەتتى. ئۆزەمچە بىر يۇمۇر توقۇپ دوستۇمغا ئېيتىپ بەردىم. كىم بىلسۇن مېنىڭ يۇمۇرىمنى ئاڭلىغان دوستۇم كۈلۈپ دۇملاپ كەتتى، تېخى ئۆزىنى تۇتۋالالماي نەچچىنى دۇمۇلاپ كەتتى. ئويلىمىغاندا بەل ئومۇرتقىسىنى سۇندۇرۇپ قويدى. كۆرمەيسىزمۇ بۇ پىشكەللىكنى ، دەرھال دوختۇرخانىغا ئېلىپ باردىم. دوختۇر دوستۇمنىڭ ھالىغا قاراپ تۇرۇپ كېتىپ، دوستۇڭنىڭ بېلى نېمە ۋەجىدىن سۇندى، دەپ سورىدى. شۇنىڭ بىلەن مەنمۇ بولغان ئىشنى دەپ بەردىم. مەنمۇ ساراڭ بىر يۇمۇر دەپ بەرگەنتىم مۇشۇنداق بولۇپ قالدى دېسەممۇ بولىدىغان ئىشقا، مۇنداق يۇمۇرنى دەپ بەرگەنتىم دەپلا، يۇمۇرنىمۇ دەپ تاشلاپتىمەن. خۇدانىڭ ھەققىدە بۇ دوختۇرنىڭ يۈرەك كېسىلى بارىكەنتۇق ئەمەسمۇ، بىر قازانىڭ ئۈستىگە قوش قازا دەپ، جايىدىلا تىنىقتىن قالدى. دوختۇرخانا مېنىڭ ئۈستۈمدىن دوختۇرنى تېلىقتۇرۇپ ئۆلتۈرۈپ قويدى، دەپ سوتقا ئەرز قىلدى. سوت مەھكىمىسىگە كەلتۈرۈلدىم، سودىيە ناھايىتى قاتتىق تەلەپپۇز بىلەن، سەن نېمە ئۈچۈن دوختۇرنى قەستىلەيسەن، ئۇنى نېمە ئۈچۈن ئۆلتۈرۈپ قويدۇڭ، ئۇنىڭ بىلەن نېمە ئاداۋىتىڭ بار ئىدى، قانداق تونۇشاتتىڭ … دەپ بىرقاتار سۇئاللارنى سوراپ كەتتى … مەن ئۆزۈمنىڭ دوختۇرنى ئەزەلدىن تونۇمايدىغانلىقىمنى ، پەقەتلا بىر يۇمۇر دەپ  تاشلىغان گۇناھىمنىڭ بارلىقنى ئېيتتىم. سودىيە شىرەنى مۇشلاپ كەتتى ، – سوت جەريانىدا چاقچاق قىلما، – دېدى. مەن ئۆزۈمنىڭ چاقچاق قىلمىغىنىمنى ۋە دوستۇمنىڭ بېلىنىڭ سۇنۇش جەريانى ۋە دوختۇرنىڭ ئۆلۈپ قېلىش جەريانىنى سۆزلەپ بەردىم. سودىيە پايلاپ بولالماي سەكرەپ كەتتى، – سەن بىزنى گۆدەك كۆرۈۋاتامسەن؟ قېنى شۇ ئادەمنىڭ ئۆلۈشىگە سەۋەب بولغان يۇمۇرىڭنى ئېيتىپ باق ، دەپ تۇرىۋالدى. مەن زىنھار ئۇنىمىدىم. سوتنىڭ داۋاملىشىغا توسقۇنلۇق قىلما، دەرھال ئېيىت دېدى، – مەن بارلىق سوت ئەھلى يۇمۇر ئاڭلاش ۋەجىدىن كېلىپ چىققان بارلىق ئاقىۋەتكە ئۆزىمىز مەسئۇل دەپ خەت پۈتۈپ بەرسە ئاندىن ئېيتىدىغانلىقىمى دېدىم. جىلە بولغان سودىيە كۆپچىلىكنى تېزلىكتە  خەتكە ئىمزا قويۇشنى بۇيرىدى ۋە ئەگەر ھەقىقەت مەن ئېيتقان ئەھۋال راست بولسا مېنى گۇناھسىز دەپ ئېلان قىلىنغانلىق خېتىنىمۇ قوشۇپ پۈتۈپ تەييارلاپ، ھەممەيلەن قول قۇيۇشۇپ، ئاغزىمغا قاراپ تۇرۇشتى. '   شۇنىڭ بىلەن مەنمۇ ئامالىسز ھېلىقى يۇمۇرمنى ئېيتتىم. مانا قاباھەت نەق مەيداندا سودىيەنى ئۆز ئىچىگە ئالغان 5 نەپەر كىشى ئۆلۈپ، 30 نەچچە كىشى ئېغىر يارىلاندى، نەچچىسىنىڭ ھاياتى خەۋپ ئاستىدا قاپتىمىش.. .گەرچە سوت مېنى گۇناھسىز دەپ ئېلان قىلىپ قويۇپ بەرگەن بولسىمۇ، ئۆلگۈچىلەرنىڭ ئائىلە تاۋاباتلىرى مەندىن ئىنتقام ئالىمىز دەپ، ھېچ ئارام بېرىشمىدى، بەزىلىرى تېخى شۇ يۇمۇرنى دەپ بېرىسەن دەپ تۇرۇۋالاتتى… شۇنىڭ بىلەن ئامالسىز ئادەم ئايىقى يەتمەيدىغان يىگانە بىر جايغا ماكانلىشىۋالدىم. ئارىلاپ ھازىرقىدەك تورغا چىقىپمۇ قويىمەن شۇ … ھەممسى شۇ يۇمۇرنىڭ دەستى بولمامدۇ !   يېقىنقى كۈنلەردە ئاۋۇ ئىلھامجان ئەلى ئېنىمىزنىڭ داۋالىنىش ئىشلىرى سەۋەبلىك كۆڭۈل غەش يۈردۈق. ئۇنىڭ ئۈستىگە خىزمەت ۋە باشقا ئىشلار سەل ئالدىراش بولۇپ قالدى. چىرايىمىزدىن كۈلكە ئۆچەپ كەتكىلىمۇ خېلى كۈنلەر بولۇپ قاپتۇ. چارچىغان نېرىۋىلىرىمىز ئازراق بولسىمۇ ئارام ئالسۇن، چىرايىمىزغا ئاز – تولا كۈلكە يۈگەرسۇن ، دەپ مۇزدەك يۇمۇردىن بىرنى ئويناپ قويدۇق. قېنى سىزنىڭمۇ قويۇن يانچۇقىڭىزدا ساقلاپ يۈرگەن يۇمۇرلىرىڭىز بولسا ئوتتۇرىغا تاشلاڭ ، تورداشلار بىرگە كۈلەيلى ! … كۈلۈپ تېلىقىشتىن كېلىپ چىققان ھەرقانداق ئالامەتنى بىرزات ھەكىم 80 خالتىسىدىكى ئېسىل دورىلىرى بىلەن ، بولمىغاندا قەشقەرنىڭ ئاچچىق – چۈچۈك پاراڭلىرى بىلەن ھەقسىز داۋالايدۇ مەنبە:  يۈكسەل بلوگى

ئەلفا

	قاتىل يۇمۇركەندە بۇ ،

nazila998

	بىر كۈنى ئاخشىمى مۇسلىم 11  بىر نەچچە كىشىنىڭ ئۆزىنىڭ ئامبىردا تىمىسقىلاپ يۈرۈپ ئوغۇرلۇق قىلىۋاتقانلىقىنى بايقاپ قاپتۇ،ئۇ دەرھال ھوجرىسىغا كىرۋاپتۇ-دە ساقچىغا تىلىفۇن قىپتۇ،  :     _ ساقچى ئەپەندى ئۆيۈمگە ئوغرى كىرىپتۇ     _  ئۇلار ئۆيىڭىزدىما؟    _  ياق ئامباردا_ دەپتۇ مۇسلىم11 بايام كۆرگەنلىرىنى ساقچىغا تەپسىلى سۆزلەپ بېرىپتۇ.ساقچى سەل توختىۋىلىپ دەپتۇ:      _ ھازىر بىزنىڭ چارلاش ساقچىلىرىمىز بەك ئالدىراش،سىز ئۆيىڭىزنىڭ ئىشىگىنى چىڭ ئىتىۋىلىپ ئۆزىڭىزنىڭ بىخەتەرلىكىنى  قوغداپ تۇرۇڭ،بىز ۋاختىمىز چىققاندا بىرىپ قاراپ باقايلى.  مۇسلىم11 ئامالسىز تىلىفۇننى قويۋىتىپتۇ،بىراق 30 سىكىنۇتتىن كىيىن ساقچى ئىدارىسىغا يانا تىلىفۇن قىپتۇ:      _ ۋەي ! ساقچى ئەپەندى ياخشىمۇ سىز،سىزگە دەپ قوياي دىگەنتىم،ئەمدى ئەنسىرمىسەڭلامۇ بولىدۇ،مەن ئۇلارنىڭ ھەممىسىنى ئىتىپ تاشلىدىم.  مۇسلىم11 تىلىفۇننى قويۋىتىپ بەش مىنۇت ئۆتمەيلا ئۈچ ساقچى ماشىنىسى ، تولۇق قوراللانغان ساقچى ئەترىتى ۋە بىر قۇتقۇزۇش ماشىنىسى كىلىپ مۇسلىم11 نىڭ ئامبىرىنى قورشاپتۇ ھەمدە ئوغۇرلارنى قولغا ئاپتۇ،    _ مەن تىخى سىزنى ئۇلارنى راستىنلا ئېتىۋەتكەن ئوخشايدۇ دەپ قاپتىمەن - دەپتۇ ساقچى باشلىغى قايتىدىغان چاغدا.      _ مەنمۇ تېخى سىلەرنى راستىنلا ۋاختىڭلا يوق ئوخشايدۇ دەپتىمەن_ دەپتۇ مۇسلىم 11.

aksaray007

	ئەسسالامۇئەلەيكۇم!! سىز ھىلىقى پاراكەندە خىنىم شۇئوخشىمامسىز؟

ab8ob8

	خەنزۇچە 冷笑话دېگەن شۇدە،،، ئادەم يا كۈلىشىنى يا جىلە بولۇشىنى بىلمەيدىغان... ماۋۇ ئىنكاستىكى يۇمۇر قىززىقكەن.رەھمەت.

narkos

	tohtamux  ماۋۇ تېما شېئىر كۆرىنىپ كەتكەن ئوخشىمامدا كۆزلىرىگە ؟

kokatirgol

	شۇ ئادەم ئۆلتۈردىغان يۇمۇرنى ئاڭلاپ قالماي ،مىنىڭ ياشىغوم با.

musilina

	قېنى شۇنچە ئادەمىڭ بېشىغا چىققان ئۇ يۇمۇر....؟ بۇ تېما ئەسلى يۇمۇر -چاقچاقلار سەھىپىسىگە يوللىنىشى كېرەك ئىدى، شېئىرىيەت سەھىپىسىگە يوللىنپ  قاپتۇ....

karakax2

	يۇمۇر ئاڭلاپ ئۆلگۈم يوق .دىگەننىڭ ھەممىسى يۇمۇركەنغۇ

zohrabibi

	ۋاي بۇ يۇمۇرنىڭ قاتىلىكەنغۇ