تارىختىكى بۇگۇن(25-ئىيۇل)

xopur

	1998-يىلى بۈگۈنكى كۈندە، «ۋېنخۈي گېزىتى» بىلەن «شىنمىن گېزىتى» بىرلىشىپ گېزىتچىلىك گۇرۇھى قۇرغان. 1996-يىلى بۈگۈنكى كۈندە، جۇڭگو تۇنجى قېتىم شەرقىي جەنۇبىي ئاسىيا يىغىنىغا قاتناشقان. جۇڭگودىن باشقا يەنە ھىندىستان بىلەن رۇسىيەمۇ تۇنجى قېتىم شەرقىي جەنۇبىي ئاسىيا يىغىنىغا قاتناشقان. 1996-يىلى بۈگۈنكى كۈندە، بۇرۇندىدا سىياسىي ئۆزگىرىش بولغان. بۇرۇندى ئافرىقىنىڭ ئوتتۇرا شەرقىگە جايلاشقان دۆلەت. بۇرۇندىنىڭ دېڭىز يۈزىدىن ئېگىزلىكى 1600 مېتىر بولۇپ، تاغ دۆلىتى دېگەن نامى بار. 1995-يىلى بۈگۈنكى كۈندە، پارىژ مىتروسى پارتلىغان. چۈشتىن كېيىن سائەت 5 دىن 30 مىنۇت ئۆتكەندە، پارىژنىڭ مەركىزىدىكى مىترو بېكىتىدە پارتلاش يۈز بەرگەن. 6-ۋاگون تۇيۇقسىز پارتلاپ، تۆت كىشى قازا قىلغان، 62 كىشى　يارىلانغان. ئالاقىدار مەسئۇللارنىڭ ئېيتىشىچە، بۇ قېتىملىق ۋەقە مەقسەتلىك، پىلانلىق ئېلىپ بېرىلغان تېررورلۇق ھۇجۇمى ئىكەن. 1992-يىلى بۈگۈنكى كۈندە، ئىسپانىيەنىڭ بارسېلونا شەھىرىدە ئولىمپىك تەنھەرىكەت مۇسابىقىسى ئۆتكۈزۈلگەن. بۇ قېتىملىق مۇسابىقىگە 173 دۆلەت ۋە رايوندىن كەلگەن تەنھەرىكەت ماھىرلىرى قاتناشقان. ئېلىمىزنىڭ 251 تەنھەرىكەتچىسى 20 تۈرگە قاتناشتى، 16 ئالتۇن مېدال، 22 كۈمۈش مېدال، 16 مىس مېدالغا ئېرىشىپ، ئالتۇن مېدال سانى جەھەتتە 4-ئورۇندا تۇرغان. 1946-يىلى بۈگۈنكى كۈندە، بېكىنى سۇ ئۈزۈش كىيىمى تۇنجى قېتىم مەيدانغا چىققان. شۇ كۈنى بېكىنى تاقىم ئارىلىنىڭ ئەتراپىدىكى تىنچ ئوكياندا ئامېرىكا ئارمىيەسى قويۇپ بەرگەن ئاتوم بومبىسى پارتلىغان. تەتقىقاتچىلار تەرىپىدىن «بېكىنى ھايلون» دەپ ئاتالغان بۇ ئاتوم بومبىسىنىڭ كۈچى ھەقىقەتەنمۇ كىشىنى ھەيران قالدۇرىدۇ. دەل مۇشۇ ۋاقىتتا ياۋروپا بىلەن ئامېرىكىنىڭ دېڭىز ساھىلىدە دەل خانىم قىزلار يېڭى لايىھەلەنگەن بىر يۈرۈش سۇ ئۈزۈش كىيىمىنى كىيگەن، شۇڭا «بېكىنى سۇ ئۈزۈش كىيىمى» دەپ ئاتالغان. مەنبە: جۇڭگۇ ئۇيغۇر رادىئوسى تورى

BAHADIRHAN

	1979- يىلىنىڭ دەل مۇشۇ كۈنىدە مەن تۇغۇلغان.