ئىسلامچە تويدىن تۇغۇلغان ئويلار

hope202430

	سوغۇق ھاۋا كىلىماتى ئادەملىرىنىڭ  خاراكتىرىگىمۇ سىڭىپ كەتكەن،ۋەتىنىمدىن خېلىلا يىراق بۇ قىتئەدە ئىيۇل ئايلىرىدىمۇ سوغۇقتىن دۈگدەرەپ،ۋەتىنىمدىكى بۇ ۋاقىتلارغا توغرا كىلىدىغان تومۇز ئىسسىقنى،كۆڭلى پاختىدىن يۇمشاق ئۇيغۇرۇمغا بەرىكەت ئاتا قىلىپ كىلىۋاتقان قۇياش نۇرىنى ئەسلىگىنىمچە ئۇھسىنىپ قويىمەن.بۇ يەردە ئاندا مۇندا ئۇچراپ تۇرىدىغان ھىجاپلىق قېرىنداشلىرىم ۋە ئاز ساندىكى ئۇيغۇرلاردىن باشقا ھەممىلا نەرسە شۇنچىلىك سوغۇق،شۇنچىلىك مېھىرسىز. بەزىدە بۇ مېھرى سوغۇق ئادەملەر توپىنى مۇشۇ يەرنىڭ ھاۋا كىلىماتىغا سىلىشتۇرۇپ ئۆزۈمنىڭ ئاشۇ مۇنبەت دىياردا سىخى قۇياش نۇرىدىن تولۇق بەھرى ئېلىپ چوڭ بولغىنىمدىن بارلىق مەۋجۇداتنىڭ ئىگىسى بولغان اللاھ قا چەكسىز ھەمدۇ سانالار ئېيتىمەن.         نەچچە كۈن ئاۋال بۇ يەرگە كېلىپ تونۇشۇپ بىر ئائىلىدىكى قېرىنداشلاردىنمۇ چارە ئۆتۈپ كېلىۋاتقان بىر ھەمشىرەمنىڭ تويىغا قولداش بولۇپ قالدىم،گەرچە ئۆزۈم كىچىكىمدىن«رىستۇران مەدەنىيىتى»خېلىلا زور تەرەققىياتلارغا ئېرىشكەن مەركىزى شەھەردە تۇغۇلۇپ چوڭ بولساممۇ،دوستلىرىم چۈشىدىمۇ ئىسىملىرىنى توغرا ئېيتىپ بېرەلەيدىغان رىستۇرانلار ماڭا يات بولغاچ مەتو ھىسابلىناتتىم، بۇمۇ 24 يىللىق ھاياتىمدا تۇنجى رەت دوستۇمنىڭ تويىغا قاتنىشىشىم ئىدى،مىنى ئەڭ خۇرسەن قىلىدىغىنى كىشىنىڭ ئىتىقادىنى ئۆزىنىڭ رەڭگارەڭ مەئىشەتلىرى بىلەن سۇسلاشتۇرۇشقا ئۇرۇنىدىغان شىمالى ياۋروپا دۆلىتىدە تۇنجى رەت ئىسلامچە تويغا قاتنىشىشىم ئىدى.         بۇ يەرگە كەلگەن بىر يىلدىن بۇيان ئۆزۈمدىكى ئىسلامغا بولغان چۈشىنىشنى قەدەممۇ قەدەم مۇكەممەللەشتۈرۈش ئۈچۈن كۆپ تىرىشتىم ھەم بۇ ھەقتە تېخى يىتەرلىك ئىلىمىمنىڭ يوقلىقىنى بارا بارا ھىس قىلىۋاتاتتىم.بىراق مەندە ھازىرغا قەدەر ئىسلامچە توي ھەققىدە ھىچقانداق ئۇقۇم يوق ئىدى.        بۇ يەردە نىكاھ كەچكە يىقىن،يەنى ئەسىرگە يىقىن ئوقۇلىدىغان بولغاچقا ئەسىردىن بۇرۇن ھەمشىرىلەر ئۆيگە يىغىلىپ ھەر خىل تاماقلارنى قولمۇ قول ئىتىشتۇق ھەم ھەدىسلەردىن مىسال كەلتۈرۈشۈپ اللاھ نى زىكىر قىلىشتۇق.        كەچكە يىقىن يىگىت تەرەپتىن كەلگەن ماشىنىلاردا شەھەر سىرتىغىراق جايلاشقان دېڭىزغا باردۇق،بۇ توي ۋەتەندىكى تويلارغا پەقەتلا ئوخشىمايتتى،ۋەتەندە ئاتا ئانا،ئۇرۇغ تۇغقان،دوست بۇرادەرلەر يىغىلىپ قىز يىگىتكە بىرلىكتە دۇئالار بېرىىشىدۇ،بىراق بۈگۈن دوستۇمغا نە ئاتا ئانا نە دوست بۇرەدەرلەر ئەمەس بىزگە ئوخشاش مۇساپىرچىلىق ھاياتىدا بىرگە قەدەم بېسىۋاتقان ھەمشېرىلىرى سەمىمىي تىلەك تىلىشىپ دۇئا قىلىشتۇق.        ۋەتەندىكى مەتبۇئاتلاردا ئېلان قىلىنىپ تۇرىدىغان ئىسراپخورلۇققا قارشى ماقالە ئەسەرلەرنى ھارماي يىزىپ تۇرىدىغان يازغۇچىلىرىمىز،تاپقان تەرگىنى بىر قىتىملىق رىستۇران چىقىمىغا يەتمەيدىغان «ئاساسىي قاتلام»كىشىلىرىمىز،ئۆمرىدە يەرگىلا باغلىنىپ، قىشمۇ ياز شۇ يەرگە ئەجىر قىلىپ، بىر يىللىق جاپالىق ئەمگەك تەرى رىستۇرانلاردا بىر قانچە سائەتتىلا يىيىلگىنى يىيىلىپ،ئاشقىنى ئاللىقانداق جانلىقلارغا تۆكۈپ بېرىلىۋاتقان،ئۆمرىدە رىستۇراننىڭ ئىسمىنىلا ئاڭلاشقا مۇيەسسەر بولالايدىغان بىچچارە دېھقانلىرىم...        سۆزلىسە يەنە شۇ ئاخىرى چىقمايدىغان تىما... مەنبە:ئۆزۇم

sazguri

	رستۇران دا توي دىسە ‹‹بىشىم ئاغرىپ ››قالىدۇ جۇما مىنڭ

dilsiri

	بەك ئاز بوپ قالدىمۇ قانداق

aldos

	ئويلىغانلىرىڭز   مۇشۇلىما   مەن  نىمنى   ئويلىغان    لىرڭىزنى  چۇشنەلمەي  قالدىم

koznak

	داۋامىنى يېزىڭ ! ھەققە قارشى كۈزىتىش بولسا تۈزىتىش ، ھەق بولسا تېخىمۇ قوللاپ ئىنكاس يازىمىز .

sirdax007

	ئەسسالامۇ ئەلەيكۇم قىرىندىشىم ئاللا ھ  سىزدىن رازى بولسۇن ئىشلىرىڭىزغا ئۈتوق تىلەيمەن

anihinim

	داۋامى بارمۇ يا؟بولسا تەپسىلىي يىزىڭە؟ئىلغار تەرەولەر بولسا قوبۇل قىلىمىز. شۇنداقمۇ كۆپچىلىك؟

tarhamak

	تىما تومتاقلا ئاخىرلىشىپ قالدىمۇ قانداق ؟    قىزنىڭ ئاتا-ئانىسى قاتناشمىسا قانداقمۇ ئىسلامچە توي دېىگىلى بولسۇن ... ياكى مەن خاتا چۈشۈنۈپ قالدىممۇ ؟

musilina

	ۋەتەندىن ئايرىلىپ يات بىر ئەلدە ئىسلامچە تويغا قاتناشقانلىقىڭىزدىن ،ئۆز يۇرتىدا بولمىسىمۇ،يۇرتىنىڭ،مىللىتىنىڭ  ئۆرپ -ئادەتلىرىنى،ئۆزىنىڭ مۇسۇلمان ئىكەنلىكىنى ئۇنتىمىغان قېرىنداشلىرىمىزدىن سۆيۈندۈم..... بىراق ئۆزىڭىز قاتناشقان   بۇ ئىسلامچە تويغا بولغان تەسىراتىڭىز سەل يۈزەكى بولۇپ قاپتۇ...

Qapaqhenim

	ئىسلامنى مۇسۇلمان ئەمەسلەرنىڭ دۆلىتىدە، شۇلارنىڭ ئارىسىدا ھەقىقى ئۆگەنگىلى ۋە تاكامۇللاشتۇرغىلى بولىدۇ. بۇ مېنىڭ ئەمىليتىمدىن ئۆتكەن، ئىشەنچىلىك يەكۈن.

tarhamak

	لېكىن مۇتلەق ئەمەس ... ئاللاھ بەندىنى قەيەردە ھىدايەت قىلىشنى خالىسا شۇيەردە ھىدايەت قىلىدۇ ... خالىمىسا مەككىدە بىر ئۆمۈر ياشىسىمۇ بىكار ...

herzaman

	بەزىلەر  شارائىتى يار بەرمەي ھەم ئادەم سانى يىتىشمەي بەزى توي-تۆكۇنلەرنى رىستۇراندا قىلىۋاتىدۇ،مىنىڭچە كۆپ ساندىكى ئادەملەر قىزىقىپ قىلغان بىلەن ،بەزىلەر مەجبۇر ،چۇنكى چىقىم ئادەم كۆچى ۋە ۋاقىت تىجىلىدۇ ،لىكىن يەنىلا ئۆيىدە ئوتكۇزگەنگە يەتمەيدۇ ،ئەنئەنىۋىي مىللىيلىققا خاس چىقىدۇ ھەم شۇنداق قىززىيدۇ توي ،. بىراق ھازىر دىھقانلار رىستۇراندا توينى ئۆتكۇزەلمىگەن بىلەن شەھەرگە كەلسە بىر قىتىپ چۆرگىلىۋىتىپ كىتىدۇ رىستۇراننى ،ئۇلارمۇ خىلى كىرىپ قويىدۇ .بۇنىڭغا دائىر سۇرەتلەرنى بىر چاغدا كۆرگەن ئىدىم .

Qapaqhenim

	ئاپتور جاۋابىنى بويلاپ 11قەۋەت  tarhamak كە 2011-07-25 01:07 PMئەۋەتىلدى 10قەۋەتتىكى(Qapaqhenim) نىڭ يازمىسىغا ئىنكاس قالدۇرۇش : لېكىن مۇتلەق ئەمەس ... ئاللاھ بەندىنى قەيەردە ھىدايەت قىلىشنى خالىسا شۇيەردە ھىدايەت قىلىدۇ ... خالىمىسا مەككىدە بىر ئۆمۈر ياشىسىمۇ بىكار ...   دىگىنىڭىز ئورۇنلۇق.  ئاللاھ  ھەممىمىزنى ھىدايەت قىلسۇن، ئامىن.

Qapaqhenim

	ئاپتور جاۋابىنى بويلاپ 11قەۋەت  tarhamak كە 2011-07-25 01:07 PMئەۋەتىلدى 10قەۋەتتىكى(Qapaqhenim) نىڭ يازمىسىغا ئىنكاس قالدۇرۇش : لېكىن مۇتلەق ئەمەس ... ئاللاھ بەندىنى قەيەردە ھىدايەت قىلىشنى خالىسا شۇيەردە ھىدايەت قىلىدۇ ... خالىمىسا مەككىدە بىر ئۆمۈر ياشىسىمۇ بىكار ...   بۇ يەردە مەن، مۇسۇلمانلاردا ھازىر ساقلىنىۋاتقان مەسىلە، ئىسلامنىڭ  شەكلىگە ئېسىلىۋېلىپ، ئىچكى مەنىسىگە سەل قاراش بولۇپ، ئەسلى مۇسۇلمانلاردا بولۇشقا تېگىشلىك، لېكىن يوقىتىپ قويغان ياكى سەل قارىلىۋاتقان، نۇرغۇن ئېسىل پەزىلەتلەرنى مۇسۇلمان ئەمەسلەرنىڭ ئىش ھەرىكىتىدىن تاپالايسىز ۋە بۇ ئارقىلىق ئۆزىڭىزنى مۇكەممەللەشتۈرەلەيسىز، دىمەكچىمەن. ئەلۋەتتە، كۆڭلىدە ھېچقانداق ھىدايەت نۇرى بولمىغان ئادەم بۇلارنى بايقىيالمايدۇ، بايقىسىمۇ ئۇنىڭ قىممىتىدىن جايىدا پايدىلىنالمايدۇ.