فېدېل كاستېرو

ilim-pen

	كۇبا كوممۇنىستىك پارتىيىسىنىڭ 6-قېتىملىق مەملىكەتلىك خەلق قۇرۇلتىيى بۇ يىل 16-ئاپرېل ھاۋانادا ئېچىلغاندىن كېيىن، 85 ياشلىق كاستېرو پېنسىيەگە چىقىپ، ئىنىسى رائۇل كاستېرو ئۇنىڭ ئورنىغا چىقتى. فېدىل كاستېرو 1926-يىلى 13-ئاۋغۇست تۇغۇلغان بولۇپ، كىچىكىدىنلا ھەققانىيەت تۇيغۇسى كۈچلۈك ئىدى. ئۇ 13 يېشىدا دادىسىنىڭ ياللانما دېھقاننى خورلىغانلىقىغا قارشى چىقىپ، ئىشلەمچىلەرنى ئىش تاشلاشقا دەۋەت قىلغانلىقى ئۈچۈن، دادىسىدىن قاتتىق تاياق يېگەن. ئۇ مەكتەپتە ئوقۇۋاتقاندىمۇ ئوقۇغۇچىلارنى تاماق شارائىتىنى ياخشىلاشنى تەلەپ قىلىشقا ئۈندىگەن. ئىنىسى رائۇل كاستېرو ئۇنى سۈپەتلەپ: «ئاكامنىڭ ئاچچىقى ناھايىتى يامان ئىدى. ئۇ كۈچلۈكلەرنى ياقتۇرىدۇ، بۈگۈنى تاياق يېسە، ئەتىسى يەنە ئېلىشىدۇ، ھەرگىزمۇ بولدى قىلمايدۇ» دېگەن. كاستېرونى تىلغا ئالغاندا، ئۇنىڭ بۈدۈر ساقىلى، ھەربىي فورمىسى ۋە ئۇنىڭغا 44 يىل ھەمراھ بولغان سىگارتىنى تىلغا ئالماي بولمايدۇ. چۈنكى، بۇلار كاستېرونىڭ مۇھىم بەلگىلىرى ھېسابلىنىدۇ. ساقال كاستېروغا سالاپەت ۋە سۈر ئاتا قىلغان. ئەمەلىيەتتە ئۇنىڭ ساقال قويۇشى باشقا مەقسەتتىن ئەمەس. ئۇ بۇنى چۈشەندۈرۈپ: «ساقال ئېلىشقا يىلدا 90 سائەتچە ۋاقىت كېتىدۇ. بۇ ۋاقىتقا سەل قارىغىلى بولمايدۇ. بۇ مەن ئۈچۈن ئىنتايىن قىممەتلىك» دېگەن. كاستېرو مەيلى ئىشخانا ياكى دوستىنىڭ ئۆيىگە مېھمانغا بارسۇن، ھەر ۋاقىت ھەربىي فورما كىيىشنى ئۇنتىمايدۇ، ئۇ: «ھەربىي فورما كىيسەم، ئۆزۈمنى ئىنتايىن ئەركىن ھېس قىلىمەن. گالىستۈك تاقاش ھاجەتسىز» دېگەن. كۇبانىڭ سىگارتى دۇنياغا داڭلىق بولۇپ، كاستىرو بۇنىڭ ئەڭ ياخشى ئوبراز ۋەكىلى. ئۇ 15 يېشىدا سىگارت چېكىشنى باشلىغان. ئۇ ئىلگىرى كۈندە ئون تال سىگارت چېكەتتى، بىراق يېشىنىڭ چوڭىيىشىغا ئەگىشىپ، سىگارت چېكىشنى ئازايتىپ، 1985-يىلى تاشلىۋەتتى. كاستېرو كىتاب ئوقۇشنى ھەممىدىن بەك ياخشى كۆرىدۇ. ئۇ ئادەتتە سىياسەت، تارىخ، جۇغراپىيەگە ئائىت كىتابلارنى كۆپرەك ئوقۇيدۇ. ئۇ كۆپ يىللاردىن بۇيان ئىنتايىن ئالدىراش ئۆتكەن بولسىمۇ، كىتاب ئوقۇشنى ئۇنتۇپ قالمىدى. ئۇ بىر تالانتلىق ناتىق. ئىنىسى 75 ياشلىق رائۇل كاستېرو ئۇنىڭ كۆڭلىدىكىدەك ئىز باسارى. كاستېرو مۇنداق دەيدۇ: «ئەگەر بىرەرسى مەندىن كۈنلەرنىڭ بىرىدە تۇيۇقسىز ئالەمدىن ئۆتسىڭىز، كىم ئورنىڭىزدا ئولتۇرۇشقا مۇۋاپىق كېلىدۇ؟ دەپ سورىسا، مەن ئىككىلەنمەيلا ئىنىم رائۇل كاستېرو ئەڭ ياخشى نامزات دەيمەن، ئۇنىڭ ھەقىقەتەن رەھبەرلىك تەجىربىسى مول». مەنبە:http://www.uycnr.com/zl/rw/201106/t20110613_120179.html

Xaparang

	80 ياشتىن ئېشىپمۇ ھوقوقتىن چۈشمەي ، ئاخىرى خەلقارا جەمىيەتنىڭ بېسىمى بىلەن ئاران دىگەندە ئۆز ئىنىسىغا ھوقوقنى ئۈتۈنگەن بۇ خەلىقپەرۋەر داھىنىڭ تارىخىنىمۇ ئاز -تولا بىلىپ قالدۇق . تېما ئىگىسىگە رەھمەت .

شاتمەن

	تېما ئىگىسىگە رەھمەت . مەن ئازراق قوشۇپ قوياي .   دۇنيا سىياسى سەھنىسىدە نۇرغۇن رەھبەرلەر يوشۇرۇن ئۆلتۈرۈشكە ئۇچرىغان. بىراق بەزىلىرى قېچىپ قۇتۇلغان، بەزىلىرى ئۆز قولى بىلەن قاتىلنى ئۆلتۈرگەن ، شۇڭا ئۇلار« ئۆلتۈرۈش تەس ئادەملەر» دەپ ئاتالغان. گۇبانىڭ رەھبىرى فىدىر كاستىرو بەلكىم بۇ دۇنيادىكى ئەڭ جېنى چىڭ ئادەم بولسا كىرەك، ئۇ دۇنيادا يوشۇرۇن قەستكە ئەڭ كۆپ ئۇچرىغان ئادەم. ئۇنىڭ قوغدىغۇچىسى مۆلچەرلەپ مۇنداق دەيدۇ: ئۇ ئامېرىكا ئاخبارات ئورگىنى تەرىپىدىن 638 قېتىم يوشۇرۇن قەستكە ئۇچرىغان.ئاشكارىلانغان ماتېرىيالغا قارىغاندا، ئامېرىكا مەركىزىي ئاخبارات ئىدارىسى 2000 - يىلىغىچە ئۇنىڭغا قەست قىلغان، قەسىت قىلىش ئۇسۇللىرىمۇ ھەرخىل بومبا، سۇيۇلدۇرۇلغان باكتىرىيە، جاسوس قويۇش قاتارلىق. ئۇلار يەنە كاستىرونىڭ بۇرۇنقى قىز دوستىدىنمۇ پايدىلانغان. كاستىرو مۇنداق دەيدۇ: ئەگەر ئولىمپىك تەنھەرىكەت يىغىنىدا يوشۇرۇن قەستتىن يوشۇرۇنۇش تۈرى بولغان بولسا ، چوقۇم بۇ مۇكاپاتنى مەن ئالاتتىم». كاستىرونىڭ ياش ۋاقلىرىدىكى بىرقىسىم سۈرەتلىرى

saypidin081230

	مۇستەبت ئۈز خەلقىگە يان تېلفۇن كومپىيوتىر ئىشلىتىش ھۇقۇقى بەرمىگەن ئادەم بۇ ،مەن پەقەت ياقتۇرمايمەن بۇ ئەبلەخنى.كۇبادا دىمگىراتىيە يوق، باشلىقنى تەيىنلەيدۇ،سايلىمايدۇ،

haris

	مەن قايسى بىر گىزىتتىن بۇ ئادەمنى دۇنيادىكى ئەڭ كۆپ مائاش ئالىدىغان دۆلەت رەھبىرى دىگەن گەپنى ئۇقۇغاندەك قىلغان

tarimjan102

	ئاپتور جاۋابىنى بويلاپ 5قەۋەت  saypidin081230 كە 2011-07-25 09:57 AMئەۋەتىلدى  : مۇستەبت ئۈز خەلقىگە يان تېلفۇن كومپىيوتىر ئىشلىتىش ھۇقۇقى بەرمىگەن ئادەم بۇ ،مەن پەقەت ياقتۇرمايمەن بۇ ئەبلەخنى.كۇبادا دىمگىراتىيە يوق، باشلىقنى تەيىنلەيدۇ،سايلىمايدۇ، ئۇنداق ئەمەستۇ ،ئاڭلىمىغانلا بىر گەپقۇ بۇ ؟

YAR~YARI

	چاۋىس كىمجۇڭئل كاستىرۇ ھەممىسى ئوخشاشلا  قۇرۇق گەپ سستدىغان كۇسپۇرۇچلار...... ھەممىسى ئاغزىدا ھەقىقەتنى جارسالغنى بىلەن يەنىلا ئويلايدىغىنى ھەم قىلدىغىنى ئوزنىڭ ئالىمەنپەتى  ..............    بۇلمىسا قاراپ باقايلىقىنى ئۇلار خەلقىگە قىلىپبىرمەن دىگەن قايسىنى قىلىپ بىرىپتۇ ......

111222

	ما ۋۇ ئۇلۇغ ۋەتىنىمىزنىڭ  باشلىقلىرىنىمۇ نىمىشقا  ئاشۇلاردەك داڭقىنى ئاڭلىمايدىغانمىز ........................

kurkum

	ئاپتور جاۋابىنى بويلاپ 8قەۋەت  YAR~YARI كە 2011-07-25 03:51 PMئەۋەتىلدى  : چاۋىس كىمجۇڭئل كاستىرۇ ھەممىسى ئوخشاشلا  قۇرۇق گەپ سستدىغان كۇسپۇرۇچلار...... ھەممىسى ئاغزىدا ھەقىقەتنى جارسالغنى بىلەن يەنىلا ئويلايدىغىنى ھەم قىلدىغىنى ئوزنىڭ ئالىمەنپەتى  ..............   بۇلمىسا قاراپ باقايلىقىنى ئۇلار خەلقىگە قىلىپبىرمەن دىگەن قايسىنى قىلىپ بىرىپتۇ ......   قارغاندا سىز كۇندە خەلىق مەنپەتىنى ئويلايدىكەنسىز ھە