تۇرپان --غۇلجا - كورلا ساياھەت خاتىرسى

kutuk

	تۇرپان --غۇلجا - كورلا ساياھەت خاتىرسى      كىچكىمىزدىن تۇغۇلۇپ چوڭ بولغان يۇرتىمىز دا بۇ يىل ئالامەت ئىسسىق بولدى.ھەر شەنبە - يەكشەنبە بولسىلا نەدە سالقىن يەر باركىن دەپ سالقىن جايلارنى ئىزدەيمىز.بۇ يىل 6-ئايدا ئەل ئاغىنىلەر بىلەن ئۈرۈمچى نەنسەن ، بۇغدا كۈلى، قۇمۇل ئاقتاش قاتارلىق مەنزىرە رايونلىرىغا ئالا قويماي بېرىپ كەلدۇق.7-ئاي كىرىپ جاھان ئالامەت ئىسسىپ كەتتى.گەرچە ھەركۈنلۈك تېمپىراتورا مەلوماتىدا 46گىرادوس ئىسسىق بۇلىدۇ دىيىلگەن بولسىمۇ ئەمىليەتتە پۈتۈن يۇرت گۇياكى تۇنۇرنىڭ ئۆزى.ئايالىم بىلەن مەسلىھەتلىشىپ ئاپامنى، بالىنى ئىلىپ غۇلجا نارات تەرەپلەرگە ساياھەت قىلىپ كەلمەكچى بولدۇق.شۇنىڭ بىلەن ئايالىممۇ ، مەنمۇ تەڭلا يىللىق دەم ئىلىشىمزنى ئالدۇق.يېزىدىكى ئاپامغا خەۋەر قىلىپ تەييارلىقنى پۈتتۈرۈپ بولدۇق.7 -ئاينىڭ 16-كۈنى سەھەردە پىچاندىكى ئۈيىمىزدىن ناشتا قىلىپ، ماشىنامغا لىقلاپ ماي،گاز قۇيدۇم.تۈۋەندىكىلرى يولبۇيى گاز قاچىلاش پۇنكىتلىرىنىڭ ئورنى ۋە دىققەت قىلىدىغان ئىشلار .مۇشۇ لىنيە بۇيىچە ئۈزى ماشنا ھەيدەپ ساياھەت قىلغۇچىلارغا پايدىسى تىگىپ قالسا ئەجەپ ئەمەس. پىچان----ئۈرۈمچى   تەخمىنەن 280كىلومىتىر.ئادەتتە 80لىك گاز تۇڭى بار 1.6دىن تۈۋەن ماشىنىلار بولساپىچاندىن تۇشقۇزۇپ گاز قۇيۋالسا ئۈرۈمچىگە بېرىشقا كەڭتاشا يېتىدۇ.مىنىڭ ماشىنامنىڭ گاز تۇڭى 60لىك تۇڭ بولغاچقا داۋانچىڭدىن ئۈتكەندە گاز تۈگەپ قىلىپ ئۈرۈمچىگىچە يولنى ماي كۆيدۈرۈپ ماڭدىم.داۋانچىڭدىمۇ بىر گاز قاچىلاش پۇنكىتى قۇرۇلۇپتىكەن(داۋانچڭ قاتناش ساقچى ئەترىتى خىزمەت بىناسدىن ئۈرۈمچى يۈنىلىشىدە 200مېتىر ئۈتۈپ،  ئوڭغا بۇرۇلۇپ شېغىل يولنى بويلاپ تەخمىنەن 1كىلومىتىر ماڭسىز ) لىكىن تېخى ئىشقا كىرىشتۈرمەپتۇ.ئۈرۈمچىدە ئۈچتاش پۇنكىتدا  ئۈچرەتتىكى ماشىنلارنىڭ جىقلىقىنى دىمەيلا قۇياي، بىسىمنىڭمۇ تايىنى يوق.مەن ئالدىراپ سەيماچاڭ تەرپتىكى پۇنكىتقا بېرىپتىمەن، سۇ ئۈستى باغچىسى يىنىدكى يولنى رىمۇنت قىلۋاتقاچقا ماشىنا تۇسۇلۇپ قىلىپ 50 مىنۇتتا ئاران سەيماچاڭدىكى گاز قاچىلاش پۇنىكىتىغا  بارالىدىم.بۇ يەردە ئۈچرەت ساقلاشقا يەنە بىر سائەت كەتتى. گازنى  قۇيۋىلىپ باغچا يىنىدىكى ئارامگاھ قا ئۇخشاپ قالىدىغان ئاشخانىدا تاماق يەۋالدۇق.بۇ يەردىن مىڭىپ جەنوبى شىنخۇا يۇلى بىلەن تۇمارس مېھمانخانىسنىڭ ئالدىدىن سولغا بۇرۇلۇپ تاشقى ئايلانما يۇلى بىلەن ئايرۇدىروم تىز سۈرئەتلىك يۇلى بىلەن  دىۋوپۇ غا بارغاندا ئۈرۈمچى --كۈيتۈن  يۇقىرى سۈرئەتلىك تاشيولىغا چىقتىم.ئەمىليەتتە تاشقا ئايلانما يولنىڭ تۇنىلدىن چىققىپ ئۇزۇنغا بارمىغانلا يېرىدە ئۈچرەتمۇ يوق بىر گاز قۇيۇش ئۇرنى باركەنتۇق.پىچاندىن ئۈرۈمچىگە يول ھەققى 50يۈەنگە بارمايدۇ.ئۈرۈمچى ---كۈيتۈن يۇقىرى سۈرئەتلىك تاشيولى ئەتراپى سانجى، قۇتۇبى تەۋەلىكىدىكى دېھقانلارنىڭ بۇغداي، ياڭيۇ، ئاپتاپپەرەس ئېتىزلىق مەنزىرلىرى ئادەمنى ھەقىقەتەن جەلىپ قىلىدىكەن.ئادەمگە بىر خىل ئارەمبەخىش تۇيغۇ بېرىدىكەن. ئۈرۈمچىدىن - كۈيتۈنگە 256كىلومىتىر كىلىدكەن.ئۈرۈمچى تەۋەلىكىدىكى دىۋوپۇ(10يۈەن) ھەق ئىلىش پۇنكىتىنى قۇشقاندا تۇدۇڭخابا(20يۇەن)،ماناس(15يۈەن)،كۈيتۈن(25يۈەن) قاتارلىق جەمئىي 4 ھەق ئىلىش پۇنكىتىدىن ئۈتىدىكەنمىز.شىخەنزىدىن ئۈتكەندە قارىسام گاز بىر چىكىت قاپتۇ .شىخەنزىنىڭ 38-رايونىدا يەنى كونا 312دۈلەت يولى بۇيىدا بىر گاز قۇيۇش پۇنكىتى باركەن، گاز باھاسى 2يۈەن 5پۇڭغۇ دەيمەن.ئۈچرەت بار،لىكىن كۈپ ئەمەس، 10-20 مىنۇتتا كىلىدكەن، گاز تۇڭىنىڭ كىنىشكىسىنى تەكشۈرەيدىكەن. مەن سايرام كۈلىدىن كەچتە ئۈتۈپ گۈزەل مەنزىرىنى كۈرەلمەي قىلىشتىن ئەنسىرەپ ، مايتاغدا تاماق يەپ، جىڭ ناھىيسىدە قۇنۇشنى مۇۋاپىق كۈردۈم.مايتاغ بىلەن كۈيتۈن ، شىخۇ بىر ئۈچ بۇرجەك ھاسىل قىلغان بۇلۇپ، ئۆز ئارا ئارلىقى 15-10كىلومىتىر كىلىدىكەن.بۇلۇپمۇ مايتاغ تۇلىمۇ پاكىز ، مەدەنىي شەھەركەن.بۇلۇپمۇ تەنتەربىيە سارىيى باكمۇ ھەيۋەتلىك ئىكەن.مايتاغدا تاماق يەپ بۇلۇپ جىڭ ناھىيسىگە قاراپ يولغا چىقتۇق.يول يامان ئەمەس ئىكەن، بىراق سۈرئەت ئۈلچىمى بەزى يەرلەردە 100، بەزى مەھەللە بويلىرىدا 60 ئىكەن.قاراڭغۇ چۈشكەندە ئاران جىڭ ناھىيسىگە كىلىپ چۈشتۇق.تاماقنى مايتاغدا يەۋلغاچقا تاماق يىمەيلا ئادەتتىكى بىر ياتاقنى تېپىپپ يېتۋالدۇق(ساياھەت مەزگىلى بولغاچقا ياتاق قىس ئىكەن).ئەتىسى سەھەردە ناشتىنى قىلىپلا يولغا چىقىتىم.جىڭ ناھىيە بازىرىدىن غەرىپكە تەخمىنەن 10كىلومىتىر جايدا 312-نۇمۇرلۇق دۈلەت تاشيولى بۇيىدا بىر گاز قاچىلاش پۇنكىتى باركەن.گاز باھاسى 3.36ئىكەن.ئۈچرەت باركەن. تو تو دەيدىغان بىر ھەق ئىلىش پۇنكىتىدىن ئۈتتۈق. سايرامغا ئالھەزەل ئۈرۈمچى ۋاقتى سائەت 9لاردا يېتىپ باردىم. سايرام بۇيىغا كەلگەندە بۆرتللا ئوبلاستىنىڭ ‹‹سايرام مەنزىرلىك رايونى ›› دەپ بىلەت سېتىپ كىرگۈزىدىغان بىر دەرۋازىسى باركەن. لىكىن مەن بۇ يەردىن كىرمەي ئۇدۇل مېڭىپ ،بۇرۇنقى يولدىن ئۈتكەن  ماشىنلار تۇختاپ سۈرەتكە چۈشىدىغان جايدا بىر سائەتتەك  تۇختاپ سۈرەتكە چۈشتۇق.سايرام كۈلىنىڭ گۈزەل مەنزىرسىدىن ھۇزۇرلاندۇق.ئاندىن كەڭ ساينىڭ داۋىنىدا سىلىنۋاتقان ھەيۋەتلىك ئاسما كۆرۈكنى كۈرۈپ ھۇزۇرلاندۇق.سۈرەتكە چۈشتۇق. شۇ ماڭغانچە چڭسخۇزا بازىرىغا چۈشىدىغان (كەڭ سايدىن چىقىپ ئىككى ئۈتۈشمە كۈرۈك ئۇچرايدۇ، ئىككىنچى كۆرۈكتىن ئوڭغا بۇرۇلۇپ چۈشىمىز )كۆرۈكتىن چۈشتۈم. (دىققەت كۈرۈكتىن ئوڭغا بۇرۇلۇپ چۈشكەندكى يول سۈئەت ئۈلچىمى 40،قاتناش ساقچىلىرى سۈرئەت ئۈلچىگۈچ قۇيۋالىدىكەن.)كۈۆرۈكتىن چۈشۈپ 500مىتىر ئالدىمىزغا ماڭغاندا سول تەرەپتە بىر گاز قاچىلش پۇنكىتى باركەن.ئۈچرەت يوق دىيەرلىك. گاز قۇيۇپ بولغاندىن كىيىن كەينىمىزگە يېنىىپ كەلگەن يۇقىرى سۈرئەتلىك يولنى بويلاپ 48كىلومىتىر ماڭساق غۇلجىنىڭ بايانداي بازىرىغا بارىدىكەنمىز .غۇلجا شەھىرى مەنزىرسى گۈزەل، ئادەملىرى چاخچاقچى يۇرت ئىكەن.بىز غۇلجا شەھىرىدىكى ساۋاقداشلارنىڭ ئۈيىدە، تۇغقانلارنىڭ ئۈيىدە بۇلۇپ جەمىي 3كۈن تۇردۇق. ئىلى دەريا بۇيىغا، خەلق باغچىسىغا، خەنزۇ بازىرغا، ئوت ئارشاڭغا باردۇق. 4-كۈنى ناراتقا قاراپ يولغا چىقتۇق.غۇلجىدىن ناراتقا 180كىلومىتىر ئىكەن.غۇلجا شەرىدە شەھەر شىمالى ئايلانما يۇلى بۇيىدا، ۋەئىلى دەريا كۈرۈكدىن چاپچال ناھىيە تەرەپكە بىر كىلومىتىر ماڭغان يەردە گاز قاچىلاش پۇنكىتى باركەن. بىسىم تۈۋەن، ئۇنىڭ ئۈستىگە گاز باھاسى 4.46يۈەن ئىكەن.غۇلجىدىن نارات تەرەپكە 218-نۇمۇرلۇق دۈلەت تاشيۇلىنى بويلاپ دۈڭمازا يېزىسغا كەلگەندە يول بۇيىدا يەنە بىر گاز قاچىلاش پۇنكىتى باركەن.ئۇ يەردىن چىىقىپ 218-نۇمۇرلۇق دۈلەت يۇلىدا تاكى كورلىغا كەلگۈچە ھىچ يەردە گاز يوقكەن.بىز نارتقا چۈشتە باردۇق. قازاق ئۈيىدىن بىرنى 300يۈەنگە ئىلىپ ياتتۇق.تۇرالغۇ ئىنتايىن قىس ئىكەن، سەل كىچىككەن بولساق شۇمۇ يوق بۇلاركەن.ئەتىسى چۈشتە ناراتتىن يولغا چىقىپ كەچكىچە كورلىغا چۈشتۇق.كۈنەس دەرياسىنىڭ سۈيى، ناراتنىڭ قارىغايلىق ، يىشىلىققا پۈركەنگەن تاغلىرى،سالقىن ھاۋاسى ئادەمگە بەك ياقىدىكەن.كۈنەس جىلغا بېشىدىكى داۋاندىن ئارتىلىپ ‹‹ئوت كەتكەن كۆرۈك ›› دەيدىغان يەرگە بارغاندا بالغۇنتاينىڭ قاتناش ساقچىلىرى ماشىنا نۇمۇرى بىلەن ۋاقىتنى خاتىرلەپ، تەخمىنەن 150كىلومىتىر يولنى 3سائەت 20 مىنۇتتا مىڭىشقا بۇيرۇپ ، بىر باغاقچە بېرىدىكەن.بالغۇنتاي بازىرىغا بارغاندا قاتناش ساقچىلىرى يەنە باغاقچىدكى ۋاقىت بىلەن تەكشۈرۈپ ئۈتكۈزىدكەن، بالدۇر كىلۋالسىڭىز جەرىمانە ئالىدىكەن.بالغۇنتايدىن كورلىغا كەلگۈچە ئىككى ھەق ئىلش پۇنكىتىدىن ئۈتىدىكەنمىز . ئىسىملىرى يادىمدا قالماپتۇ. بىرىدە 15يۈەن، بىرىدە 6يۈەن ئالىدكەن.كورلىدا ناشتيىنى قىلىپلا يەنە يولغا چىقىپ 314-نۇمۇرلۇق دۈلەت يۇلىنى بويلاپ شەرىققە مىڭىپ (تەخمىنەن150كىلومىتىر) خۇشۇت ناھىيسىنىڭ ئۇششاقتال بازىرىدىن ئالتۇن قۇم ساھىلىغا باردۇق. بۇ يەردە بىر ئاخشام قۇندۇق. بىلىق گۈشى يىدۇق.سۇغا چۈمۈلدۇق.ئەتىسى ناشتىنى قىلىپ بۇلۇپلا ئوت يۇرتى تۇرپانغا قاراپ يولغا چىقتۇق.كۈمۈش ھەق ئىلش پۇنكىتى ئەڭ قىممەت ئالىدكەن.كىچىك ماشىنلارغا 40يۈەن ئالىدكەن.ئۇنىڭ ئۈستىگە تۇقسۇننىڭ قاتناش ساقچىلىرى بەك چىڭ تەكشۈرەيدىكەن.تاغ ئىچىدە سۈرئەت ئۈلچىمى كىچىك ماشىنلارنىڭ بىردەك 60ئىكەن،سەللا بىخەستىلىك قىلسىڭىز ساقچىنىڭ قۇلىغا چۈشۈپ قلىدىكەنسىز. قارىسام بەزىلەر ماشىنىسنىڭ نۇمۇر تاختىينى لاتا بىلەن تۇسۇپ قۇيۇپتۇ، بەزىلەر چىقىرۋىتىپ تەكشۈرۈش پۇنكىتىغا ئاز قالغاندا ئۇرنىتۋالىدكەن، مىنىڭچە يەنىلا ئۈلچەم بۇيىچە ماڭغان ياخشى.جان ھەممە ئادەمەە تاتلىقتە. يەنە شۇ تۇنۇردەك يۇرتىمىزغا كايتىپ كەلدۇق.بۇ قىتىمقى ساياھەت تۇلىمۇ كۈڭۈللۈك بولدى. ماشىنا دىگەنمۇ چىڭ نەرسىكەن، شۇنچىۋالا يولنى ھاردىم دىمەي ماڭدى.كۈپچىلىكنىڭ يۇقارقى لىنيە بۇيىچە ئۆزى ماشىنا ھەيدەپ ساياھەت قىلسا پايدلىنىپ قالار دىگەن ئۈمۈتتە بۇ خاتىرنى يازدىم.ئېسڭىزدە بولسۇن نەگىلا بارماڭ ھەميىنىڭىز بىلەن كىملىكىڭىز،پىراۋىڭىزنى  ئۇنتۇپ قالماڭ. 2011-يىلى 7-ئاينىڭ 24-كۈنى

dilsiri

	شۇ يوللاردىكى مەنزىرلەرنى سۈرەتكە تارتىپ بىرگە يوللىغان بولسىڭىز تىخىمۇ ئېسىل چىقاتتىكەن

tohtamux

	ئاجايىپ ساياھەت خاتىرسىكەن بۇ،مەن تىخى مەنزىرە،داڭلىق جايلارنىڭ تونۇشتۇرلىشىمىكىن دەپتىمەن. ھەممىسى ھەميان ساياھەت،گاز ساياھەت خاتىرسىكەنغۇ... سىرىتقا چىققان ئادەم ھەميان،كىملىك ئالماي نىمە ئىلىۋاتتىكىن تاڭ!

OZTURK02

	ساياھەت قىلغانغا چۇشلۇق ھىچ يەرنىڭ سۈرتىنى يوللىماپسىز . مەن 2010-يىلى ناراتقا بارغاندا تارتقان رەسىملەر ئىدى ، قىنى ناراتنىڭ مەنزىرسىدىن ھۇزۇرلانغايسىلەر . بۇ ئادىرستىن كۆرۈڭلار /read.php?tid-32429.shtml

adil2052103

	مۇشۇ گازدىگەن كورلىدىلا ئەرزان ھە كىيىچە ماشىن ئالغاندا پايدىلنامىزھە

zaga

	راس ساياھەتكە ماڭغاندا فۇتۇ ئاپىراتنى ئۇنتۇپ قاپتىكەنسىز ھە

sahrayi-tarim

	بۇ يىل تىجارەت ۋاش-ۋاش بولاپ كىتىپ يېنا بارالمىدىمدە شۇ غۇلجا نارات تەرەپلەرگە ئانامغا قىلىپ قويغان ۋەدەممۇ يوق بولدى...

toxkanjan

	ساقلاپ قويۇپ كىين پايدىلنارمەن.

ABRAL.XAMILI

	غۇلجىلىقلار جەنۇبى شىنجاڭنى كۆرۇشكە تەلپۇنىدۇ،،،جەنۇپلىق قىرىنداشلار غۇلجىنى كۇرۇشكە تەلپىنىدۇ،،،غۇلجىنىڭ شەھەر قۇرلوش تەرەقىياتى جەنۇپتىكى شەھەرلەرگە قارىغاندا تەرەقىيات قەدىمى ئاستا بۇلوپ قالدى،،،لىكىن غۇلجىنىڭ تەبئى مەنزىرىسى يەنىلا جەنۇپلۇق قىرىنداشلارنى ئۇزىگە جەلىپ قىلىدۇ ۋە ھاردۇقىنى چىقىرىدۇ،،،ياز كىلىشى بىلەنلا قەشقەر .خۇتەن ئاقسۇ ،كۇرلا تەرەپتىن كەلگەن قىرىندشلارنىڭ غۇلجا كۇچىلىرىدا ،ئىلى دەريا بۇيىدا تۇپ تۇپ ئايلىنىپ يۇرگەنلىكىنى كۇرگىلى بۇلىدۇ،،غۇلجىنىڭ خەنزۇ بازىرى تەرەپلىردىكى ئۇيغۇرلار ئاچقان ئەرزان باھالىق ياتاقلار تۇشۇپ كىتىدۇ،،،،جەنۇپلۇق قىرىنداشلار بۇلوپمۇ جەنۇپنىڭ يىزىلىردىن كەلگەن قىرىنداشلار قىممەت ياتاقلارنى ئالالماي ئەرزان ياتاقلارنى تاپالماي بەك قىينىلىدۇ،،،ۋە خەنزۇ بازرى ئەتراپىدىكى ئۇيغۇرلارنىڭ شەخسى ئۇيلىرىدە يىتىشقا مەجبۇر بۇلۋاتىدۇ،،،،بۇنىڭدىن كۇرۋىلىشقا بۇلىدۇ،،جەنۇپ شىمالدىكى قىرىنداشلارنىڭ ئۇزئارا تەلپۇنۇشى ،،قىرىنداشلىق مىھرى ،،يۇرىتمىزغا بۇلغان چۇڭقۇر مىھرى مۇھەببىتىنى كۇرۋلىشقا بۇلىدۇ،،،

818sabda

	ئاخىرى يۇرتۇم كورلىغا قايتىدىغان بولدۇم،بالىلىقم ئوتكەن ،كىندىك قېنىم تۈكۈلگەن شەھەر مىنى يەنە قوينۇڭغا ئالغايسەن

KURAX.JAN

	غۇلجىدا  سۇيۇقلاندۇرۇلغان  گاز باركەن . لىكىن قىممەتكەن . جىڭ -مايتاغ  - كۇيتۇن  -  ئۇرۇمچى تەرەپلەردە  سۇيۇقلاندۇرۇغان گاز  يوقكەن ،  جېق چىقىم  تارتىۋالدىم دىسە.

KURAX.JAN

	مۇشۇ  شىنجاڭ  تەۋەسىدە    [  چاۋسۇ  ]  غا  چۇشكەن چۇشمىگەنلىكنى قانداق  سۇرۇشتە  قىلىمىز ؟  بىلىدىغانلار  ياردەم  قىلساڭلار.

kutuk

	بۇقىتىمقى ساياھىتىمدە تارتقان سۈرەتلىرىمدە ھەممىسدە ئۈيدىكىلەرنىڭ كۈرۈنۈشلىرى بولغاچقا يوللىمىدىم. يول ئەھۋالى بىلەن گاز قاچىلاش پۇنكىتى ماشىنا ھەيدەپ سەپەرگە چىققۇچىلارغا تۇلىمۇ كېرەكلىك بولغاچقا نۇقتىلىق تۇختالدىم.كەڭ دوستلارنىڭ سەپەرگە چىققاندا قىينىلىپ قالماسلىقىنى تىلەيمەن.ماشىنىڭىزنىڭ قائىدىگە خىلاپلىق قىلىش ئەھۋالىنى تۈۋۋەندىكى ئادىرىستىن كىرىپ تەكشۈرۈڭ. http://www.xjauto.net/tools/weizhang.aspx

apchil

	غۇلجىنىڭ ھەممە يېرى بولىدۇ لىكىن .دىققەت قىلغانسىز خەلق مەيدانى .دەريا بويى.ئاشخانىلار بولامدۇ ھەممىسىدە دىگۈدەك ئىچىملىك(كاۋاس) سېتىلىدۇ.خەلىق مەيدانىغا بارسىڭىز  بۇ يۇرتتىن قانداق بولۇپ تارىخ تىكى ئەزمەتلەر چىققانلىقىغا ئىشەنمەي قالىسىز.ئەتراپتىكى ئورۇندۇقلاردە ئىككى ئادەم ئولتۇرغان بولسا بىر پوتۇلكا پىۋا تىكلەكلىك.......

شەربەتى

	كورلىنىڭ تەپسىلى ئەمەسقۇ ، كورلىدا تۇرماپسىزدە ....