تۇنجۇققان ئارزۇ

pis~hika

	بۇنىڭدا يىزىلغانلىرى ھىكايە ياكى توقىلما ئەمەس بەلكى ھەقىقى بىر ئاشىقنىڭ بىشىدىن ئۆتكەنلىرى چىن ۋاپا بىغىدا ئۆستۈرگەن گۈلۈم، كۆپ ئۆتمەي يەنچىلدى سىنىڭ قولۇڭدا. قان يىغلاپ قالدىغۇ ئاشىق ئۆمەرجان ، ئارمانلار تۇنجۇقتى ئالقانلىرىڭدا. مەن تولۇقسىزنى پۈتتۈرۈپ ، ئۆيدە بىكار ئولتۇرغىچە بىر خەت بىسىپ كۆپەيتىش ئورنىدا ۋاقتىنچە ئىشلەپ تۇردۇم. گەرچە ئۇ چاغدا يىشىم 18 بولسىمۇ تىخىچە بىرەر قىز بىلەن مۇھەببەتلىشىپ باقمىغاچقا مۇھەببەتنىڭ نېمىلىكىنىمۇ بىلمەيتتىم. كۈنلەر ئۆتۈپ ئايلار ئۆتۈپ مەن تۇرغان دۇكاننىڭ يىنىدىكى بىر كۈندىلىك بويۇملار دۇكىنىدىكى بىر قىزنى پات- پات كۆرگۈم كىلىدىغان بولۇپ قالدى. ئۇ قىز كۆزۈمگە شۈنچىلىك ئىللىق كۆرىنەتتى. كىچىكلىكىمدىنمىكىن تاڭ بىراق ئۇنىڭ قىشىغا بىرىپ گەپ قىلغۇدەكمۇ جۈرىتىم يوق ئىدى. دۇكاندا ئۇستام يوق چاغلاردا دۇكاننىڭ ئالدىغا چىقىپ ئۇ قىزنى مارايتتىم. بىرلا كۆرۋالسام خۇشاللىقىم ئىچ- ئىچىمگە پاتماي قالاتتى. كېيىن بىر دوستۇمدىن ئۇ قىزنىڭ قەشقەردىكى سەنئەت ئىنىستىتوتىنىڭ ئوقوغۇچىسى ئىكەنلىكىنى بىلدىم. ئۇ قىزنىڭ ئىسمىنى ئۆز ئىغىزىدىن ئاڭلاش نېيىتىم بەكلا كۈچلۈك بولسىمۇ بىراق ئۇ قىز ماڭغان يولدا ئۇدۇل كەپ قالساممۇ ھۇدۇققىنىمدىن يولنىڭ قارشى تەرىپىگە ئۆتۈپ كەينىدىن ئۇزاق قاراپ تۇراتتىم. كۈنلەر شۇ تەرىقىدە ئۆتىۋەردى. ھەر قىتىم ئۇنى كۆز ئالدىمغا ئەكەلسەم يۈرەكلىرىم ئىختىيارسىز جىددى سوقاتتى. شۇنداق بولسىمۇ مەن بىر كۈنى قاتتىق ئىرادىگە كىلىپ ئۇ قىز يالغۇز قالغاندا ئۇنىڭ دۇكىنىغا نەرسە سىتىۋالغىلى كىرگەن بولۇپ ئۇنىڭدىن سورىدىم. سىزنىڭ يىگىتىڭىز بارمۇ؟ بۇنى بىلمەيمەن. بىلگىممۇ يوق، پەقەت مىنىڭ بىلىدىغىنىم سىزنى كۆرمىسەم كۆرگۈم كىلىدۇ. سىز بىلەن پاراڭلاشىقىم كىلىدۇ. نىمىشقىكىن تاڭ سىزسىز ھايات ماڭا تۇسزىز تاماق بىلىنىدۇ، شۇنىڭدىن قارىغاندا مەن سىزنى ياخشى كۆرەپ قاپتىمەن ، دېدىم ئۇ قىزغا قاراپ . ئۇ بىر ھازا يەرگە بىشىنى تۆۋەن قىلىپ قارىۋالغاندىن كېيىن ماڭا جاۋابەن، مەن بۇنى ئاللىبۇرۇن ھىس قىلغان ، بىراق ، بىراق دەپ تىلىنى چاينىدى. مەن چوقۇم بۇ قىزنىڭ يۈرگىنى باركەن دەپ ئويلىدىم. قىز يەنە خاتا چۈشۈنۈپ قالماڭ، مەن بولسام بىر تاجىك دېدى. مەن جاۋابەن ئۇنىڭغا ، تاجىك بولسىڭىز نېمە بوپتۇ؟ مۇھەببەتنىڭ دۆلەت مىللەت چەكلىمىسى بولامدۇ؟ دېدىم. قىز سىز بۇنداق دىگىنىڭىز بىلەن ئاتا- ئانىڭىز نىمە دەيدۇ؟ دېدى. مەن بۇنىڭ بىلەن ئىشىم يوق، ئۇلار نىمە دىسە دە دېدىم قىزغا جاۋابەن . قىز ئۇنداق دېسىڭىز مەنمۇ سىزنى ئاللىبۇرۇن ياخشى كۆرۇپ قالغان ئىدىم دېدى. مەن ھاياجانلاندىم بىراق نېمە دېيىشىمنى بىلمەي قالدىم. قىز مەن مۇشۇ ئاينىڭ 22 سى مەكتەپكە كىتىمەن. مەن سىز بىلەن ئالاقىلىشىپ تۇرۇشنى خالايمەن دىدى ۋە ماڭا ياتىقىنىڭ تىلفۇن نۇمۇرىنى يىزىپ بەردى. شۇ ئەسنادا قىزنىڭ ئانىسى كىرىپ قالدى . مەن دەرھال گازىر ئالغان بولۇپ چىقىپ كەتتىم.  خىياللىرىم ھەر خىل ئويلار بىلەن مەس ئىدى. مەن قىزنىڭ جاۋابىنى ، ماڭا دېگەن سۆزلىرىنى قايتا- قايتا ئويلايتىم. ئىچ-ئىچىمدىن ھاياجانلىناتتىم. توۋا مۇھەببەت دېگەن شۇنداق بولامدۇ؟ ھەي بولدىلا باشقىنى ئويلىماي دەپ ئۆز- ئۆزۈمگە سۆزلەتتىم. 3 كۈندىن كىيىن قىز مەن تۇرغان دۇكاننىڭ ئالدىدا تۇراتتى. مەن چىقتىم، قىز ماڭا بىللە ئايلىنىپ كىلەيلى دېدى. مەن بىللە ئايلىنىپ ماڭغاچ قىزغا تورتخانىغا كىرىش تەكلىپى بەردىم . قىز تورتخانىدا ئولتۇرۇپ ئۆزىنىڭ ۋە ئائىلىسىدىكىلەرنىڭ پارىڭىنى سىلىپ بەردى ۋە مەندىن، مەن مەكتەپكە كەتكەندىن كىيىن مىنى ئىزدەپ بارامسىز؟ دەپ سورىدى. ئەلۋەتتە بارىمەن، بىراق بىرىشنىڭ ئالدىدا سىزگە دەپ قويمايمەن دېدىم چاقچاق قىلىپ، قىز مەيلى بارغاندىن كىيىن بەرىبىر مەن بىلەن كۆرىشىسىز دەپ مىيغىدە كۈلۈپ قويدى. ئۇنىڭ كۈلۈشلىرى شۇ قەرەر تاتلىقتىكى ھەي ھەي. شۇنداق قىلىپ بىز 3 سائەتلەرچە ئولتۇردۇق. قىز مەن قايتاي ئەتە ماڭىمەن ئۆيگە بىرىپ نەرسە- كىرەكلىرىمنى يۇغۇشتۇرمىسام بولمايدۇ دەپ تۇردى. مەن بىكەتكە چىقايمۇ ؟ دېدىم. قىز ياق ئۆيدىكىلەر چىقىدۇ، سىزنى كۆرۈپ قالسا بولمايدۇ دەپ ماڭدى . بىز شۇ تورتخاننىڭ ئالدىدا خوشلاشتۇق. ئۇ كەينىگە قاراپمۇ قويماي كىتىپ قالدى. كاللامنى ھەر خىل خىياللار چىرمىۋالغان ئىدى. نېمە ئامال ئۆيگە قاتتىم، كىچىچە ئۇيقۇممۇ كەلمىدى. ئۇيان ئۆرۈلدۈم بۇيان ئۆرۈلدۈم پەقەتلا ئۇخلىيالمىدىم. تاڭ ئاتتى، بىكەتكە چىققىم كەلدى بىراق يەنىلا چىقالمىدىم. چۈنكى قىزنىڭ ئۆيىدىكىلەر چىققان بولسا ياخشى بولمايتتى. شۇنداق قىلىپ ئۇ كۈنمۇ مەنىسىز ئۆتۈپ كەتتى. ماڭا دۇكانغا بىرىشقا خوشمۇ ياقماس، بىرەر نەرسەم كامدىكىدەك ، روھىم چىقىپ كەتكەندەك بولۇپ قالدىم. ئىچىم شۇ قەدەر سىقىلدىكى ئۆمرۈمدە تۇنجى قىتىم شۇنداق بولۇشى ئىدى. ئارلىقتا 10 كۈن ئۆتۈپ كەتتى.  بۇ كۈنلەرنىڭ قانداق ئۆتكىننىمۇ بىلمىدىم. ۋە ئىسىمگە كىلىپ ھىلىقى تىلفۇندا تىلفۇن قىلدىم. قىز ياتىقىدا يوق ئىدى. ياتاقداشلىرى ئۇنى يۆخۈيگە چىقىپ كەتتى دېدى. مەن شۇ قەدەر دۆت ئىدىمكى يۆخۈينىڭ نېمە ئىكەنلىكىنىمۇ بىلمەيتتىم. يەنىلا شۇ قىزنى سىغىندىم ۋە مۇھەببەتنى ئەسكە ئالدىم . مۇھەببەت دېگەن مۇشۇنداق بولامدىغاندۇ؟ بىرى كەتسە ،بىرى ھەسرەتتە كۈتسە. مۇھەببەتنىڭ شەرتى كۈتۈشمۇ، بۇلبۇل زەينەپ كەبى ئۆتۈشمۇ. ياكى مەن بىر ئىگىسىز قۇشمۇ،   قاچانغىچە كۈتىمەن سىنى. كۈندە قىلغان تىلفۇنۇمدىن بىرەر قىتىممۇ ئۇنىڭ ئاۋازىنى ئاڭلىيالمىدىم. ئىچىم بەكلا سىقىلدى. تىت- تىت بولدۇم. ئاخىرى چىدىماي ئاپامغا دېدىم. ئاپا مەن بىر قەشقەرگە بىرىپ كىلەي دېگەن ماڭا پۇل بەرگەن بولسىڭىز؟ ئاپام   نېمە قىلىسەن قەشقەردە دەپ سورىدى مەندىن. مەن شۇ بىر قىز بار ئىدى كۆرۈشۈپ كىلەي دېگەن، دېدىم تۈز كۆڭلۈم بىلەن. ئاپام قىز نېمە قىز ئۇ، كىمنىڭ قىزى قەشقەردە نىمە ئىش قىلىدۇ؟دەپ سورىدى مەندى. قەشقەردە ئوقۇيدۇ، ئۆزى تاجىك ، دېدىم. ئاپام جىددى ۋاقىرغان ئاۋازدا سەن تىخى كىچىك، ئۇنىڭ ئۈستىگە ئۇ تاجىككەن بىشىمنى ئاغرىتماي ئىشىڭنى قىل ، ھە راس سەن دۇكانغا بارمىغىلى خىلى كۈنلەر بولۇپ قالدى ھەممىسى شۇ تاجىكنىڭ كاساپىتىكەندە ، خەپ داداڭ كەلسۇن بىر دېمەيدىغان بولسام دەپ چىقىپ كەتتى. قانداق قىلىش كىرەك ، ئىچىمنى بىر نەرسە غاجىلاۋاتقاندەك بولدۇم، ئۇيان ئويلاپ بۇيان ئويلاپ ئاخىرى ئاپام ناماز ئوقۇۋاتقان پۇرسەتتىن پايدىلىنىپ سومكىسىنى ئوغۇرلىدىم- دە، سىرتقا قاچتىم. قارىسام سومكىدا 2000 يۈەندىن كۆپ پۇل بار ئىكەن. بۇ پۇل مېنىڭ قەشقەرگە بىرىشىمغا يىتەتتى. شۇڭا باشقا ھىچنىمىنى ئويلىمىدىم. كاللامدا پەقەت شۇ قىز بىلەن بىر كۆرۈشۈشلا بار ئىدى. بىكەتكە چىقىپ قارىسام ماشىنا ماڭغىلى تەمشىلىپتۇ. چىقىپ ئولتۇردۇم. ئۇ قىز بىلەن كۆرۈشىدىغىنىمنى ئويلاپ قانداق بىرىپ قالغىنىمنى بىلمەيلا قالدىم، كېيىن قەشقەرگە كەپتىمەن. ماشىنىدىن چۈشتۈم، قاياققا بىرىشنى بىلمەيتتىم. ياندىكى تىلفۇنخانىدىن قىزنىڭ ياتىقىغا تىلفۇن قىلدىم. بىراق قىز يەنىلا يوق ئىدى. جاۋاپ بۇرۇنقىدەكلا، يۆخۈيگە چىكەتتى. بۇ نېمە گەپ بولدىلا . تاماقمۇ يىمەي بىر تاكسىنى توستۇم ۋە مەكتەپ ئىسمىنى دىدىم، شوپۇر بىردەمدىلا ئاپىرىپ قويدى. مەكتەپ ئالدىدا ماشىنىدىن چۈشتۈم، ئەتراپتا باللار بەكلا كۆپ ئىكەن. ئۇ ئۇچىرسا نېمە قىلىشىمنى ئويلىدىم. يۈرۈگۈم ئۆزىچىلا ئەنسىز بولۇپ قالدى، نېمە بولغاندىمەن؟ بۇ مەندىكى جىددىلىك ئوخشايدۇ دەپ ئويلىدى. مەيلى دېدىم. بىر ۋاقلا بولۇپ قاراڭغۇ چۈشكەن چاغدا مەن ياتاققا تىلفۇن قىلدىم. جاۋاپ يەنىلا ئوخشاش ئىدى. كىتەي دەپ ئويلىدىم، ئەتە كىلەرمەن، دەپ نەگە بىرىشنىمۇ بىلمەي پىيادە ماڭدىم. ماڭا- ماڭمايلا ئالدىمدا بىر ماشىنا توختىدى . قارىسام ھىلىقى قىز ماشىنىدىن چۈشۈپ مىنى كۆرمەي ماشىنىدىكى يەنە بىر ئوغۇل بالىغا خوش جېنىم ، ئەتە دەرىستىن چۈشكەندە تىلفۇن قىلاي سۆيۈملۈكۈم دېدى. بۇ گەپلەرنى ئاڭلاپ ئۆز قۇلىغىمغا ئىشەنمەيلا قالدىم. كۆز ئالدىم ۋال-ۋۇل قىلغاندەكلا بولۇپ خىيالىمدىن نۇرغۇن ئىشلار ئۆتتى. بۇ يالغان ، بۇ راس ئەمەس ، بۇ چۈش دەيتتىم ئۆز ئۆزەمگە، بىراق بۇ راس ھەقىقەت ئىدى. ھەتتا ئۆزۈمنى چىمداپمۇ باقتىم، مەن ئويغاق ئىدىم. ماشىنا قايتىشىغا قىز كەينىگە بۇرۇلۇپ مېنى كۆردى ۋە تۇرۇپلا قالدى. ئۇنىڭ چىرايىدا ئالىقانداق چوڭ ئۆزگۈرۈشلەرمۇ كۆرۈنمەيتتى. مەن ئۇنىڭ مېنى ئالدىغىنىنى بىلسەممۇ ئۇنىڭ باشقا يالغان گەپلەر بىلەن مىنى ئالداپ ، مىنى بەسلىشىنى ئۈمۈت قىلاتتىم. بىراق ئىش ئۇنداق بولمىدى. ئۇ قاپىقىنى تۈرگەن ھالەتتە ، ھە كېلىمەن دەپ قويماي كەلگەندىكىن خوپ بولدى نېمىگە ئىرىشتىڭىز؟ كۆرۈپ قاندىڭىزمۇ؟ سىز ناھىيەدە تۇرسىڭىز مەن بۇ يەردە ئىچىم سىقىلىپ ئۆتەمتىم . باشقا گەپ بولمىسا خوش دەپلا مەكتەپكە كىرىپ كەتتى. مەن يىغلىشىمنى ياكى كۈلۈشۈمنى بىلمەي تۇرۇپ قالدىم. بۇ نېمە ئىش ئەمدى. ئىچ- ئىچىمدىن ۋاقىراپ يىغلىغىم كەلدى. بىراق ئۇنداق ئۈللۈك ئاۋازدا يىغلىغىلى بولمايتتى. مەيلى ئۈنسىز يىلىماقتىمەن. شۇ ئەسنادا زىمىنمۇ ماڭا ھازا تۇتقاندەك بىردىنلا يامغۇر يىغىپ كەتتى. مەن نىمە قىلىپ قويدۇم ، شۇ قىزنى ياخشى كۆرۈپ مېنى ياخشى كۆرىدىغان ئاتا-ئانامنى تاشلاپ، دىلىغا ئازار بىرىپ نىمىگە ئىرىشتىم. ئۆز - ئۆزۈمدىن نەپرەتلەندىم. ھەتتا ئۆلۋالغۇممۇ كەلدى. بىراق يەنىلا ئۆزەمنى بەسلىدىم. مىڭ لەنەت يىگىتلەر كۆيگەن يۈرەككە، قىزلارغا كۆيگىچە كۆيگىن ئىشەككە. ئەقىدە قىلىپ سەن بەرسەڭ كۆڭلۈڭنى، تىغ ئۇرار ئاخىرى كۆيگەن يۈرەككە. ياشىسۇن بويتاقلىق يوقالسۇن قىزلار، كىسىلسۇن قىزلارغا ئىگىلگەن تىزلار. مىڭىڭلار يىگىتلەر مەن بىلەن بىرگە، كۆمۈلۈپ قالمىسۇن بويتاقلىق ئىزلار. دەپ شىئىر يىزىپ ئۆزەمنى بەسلىدىم، مېنىڭ ھاياتلىقتا تۇنجى سۆيگەن ئادىمىم، ئۇنىڭ ئۈچۈن سۈرگەن خىياللىرىم ھەممىسى شۇنىڭ قولىدا نابۇت بولدى. خەيىر، بۇ كۈنلەرمۇ ئۆتۈپ كەتتى. يەنىلا بويتاقلىق ياخشى . قىزلارغا كۆڭۈل بەرگىچە ئاتا- ئانامغا كۆيۈنەي، ئۇلار پۇلغا ئاچچىقلىغان بولسىمۇ ، يەنىلا ئاتا- ئانىنىڭ بالىغا ئازارى بولسىمۇ بىزارى يوق دەپ مىنى ئۆز قوينىغا ئالدى.       ئەسكەرتىش. يۇقارقىلار ھەرگىزمۇ ھىكايە ياكى توقۇلما ئەمەس، بۇ مېنىڭ بىشىمدىن ئۆتكەن ئىش ، شۇڭا بۇنى مەندىن سورىماي باشقا تور بەتكە يوللىمىساڭلار. ماسلاشقىنىڭلارغا رەھمەت. ئوقۇرمەنلەر.

ئارقۇ

	قىزغا گەپ قىلالمايتىم،ئۇنى كۆرگەندە ھودۇقاتتىم.....دەپسىز،لېكىن دۇككانغا كىرىپلا ئاجايىپ گەپلەرنى قىلىۋېتىپسىز،ئاجايىپ جۈرئىتىڭىز باكەن جۇمۇ،باتۇركەنسىز.

wisalay

	ياشلىق قىلىپ قىلغان ئىشىڭىزنى قاراڭ،ئەمدى دىققەت قىلاسىز،بۇ يولغا ئالدىراپلا كىرىپ بۇرنىڭىزغا يەپسىز.سىزدىكى شارائېت تولۇق يىتىلگەندە ھەممە ئىش ئۆزلىگىدىن بولىدۇ.مۇھەببەت ئىشىغا ئالدىرماڭ.

musilina

	‹‹كۆڭۈلنىڭ كەينىگە كىرمەڭ،كۆڭۈل ھەر جايغا باشلايدۇ،سەمەرقەندنىڭ ئالمىسىدەك ،ئاپىرىپ چۆللەرگە تاشلايدۇ››     كۆڭۈل دېگەن ساراڭ،ئۇ ئىنساننى ھەر كويغا سالىدۇ،تۇرمۇش  ئەمىليەتچانىلىقى ياخشى ئىپادىلىنىپتۇ تېمىڭىزدا ....     ‹‹خىياللىرىمدا ھەر خىل ئويلار بار ئىدى››بۇ جۈملىدە لوگىكىىلق خاتالىق بار،‹‹ ئوي ››بىئەن ‹‹خىيال›› دېگەن سۆزنىڭ مەنىسى بىر.... تىنىش بەلگىلىرىگە دىققەت قىلغايسىز،  بىرقانچە جايدا ئىملا خاتالىقى بار ئىكەن.....